ءتاڭىرتاۋ تورابى   ›   جاڭالىقتار   ›   ماڭىزدى حابارلار

شي جينپيڭ قاتارلى باسشى جولداستار پارتيانىڭ 19 - قۇرىلتايىنا قاتىناسقان ۋاكىلدەرمەن، ۇسىنىس ەتىلگەن ۋاكىلدەرمەن جانە سىرتتاي قاتىناسقاندارمەن ىستىق ىقىلاسپەن كەزدەستى

  25 - قازان كۇنى تۇستەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى باسشى جولداستار بەيجيڭدەگى حالىق سارايىندا پارتيا 19 - قۇرىلتايىنا قاتىناسقان ۋاكىلدەرمەن، ۇسىنىس ەتىلگەن ۋاكىلدەرمەن جانە سىرتتاي قاتىناسقاندارمەن ىقىلاستى بەينەدە كەزدەستى. سۋرەتتى شينحۋا اگەنتتىگىنىڭ ءتىلشىسى لان حۇڭگۋاڭ تۇسىرگەن

  شينحۋا اگەنتتىگىنىڭ 25 - قازاندا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 25 - قازان كۇنى تۇستەن كەيىن حالىق سارايىندا پارتيانىڭ 19 - قۇرىلتايىنا قاتىناسقان ۋاكىلدەرمەن، ۇسىنىس ەتىلگەن ۋاكىلدەرمەن جانە سىرتتاي قاتىناسقاندارمەن ىستىق ىقىلاسپەن كەزدەستى ءارى ولارمەن ەستەلىك سۋرەتكە ءتۇستى.

  لي كىچياڭ، جاڭ دىجياڭ، يۇي جىڭشىڭ، جاڭ گاۋلي، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ديڭ شۋەشياڭ، ما كاي، ۋاڭ چىن، ليۋ حى، ليۋ ياندۇڭ، شۇي چيلياڭ، سۇن چۇنلان، لي شي، لي چياڭ، لي جيانگو، لي حۇڭجۇڭ، لي يۋانچاۋ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، فان چاڭلۇڭ، حۋ چۇنحۋا، گو شىڭكۇن، حۋاڭ كۇنميڭ، ساي چي، جياڭ زىمين، حۋ جينتاۋ، لي پىڭ، جۋ رۇڭجي، لي رۇيحۋان، ۋ باڭگو، ۋىن جياباۋ، جيا چيڭلين، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، ۋاڭ چيشان، يوۋ چۋان، ياڭ جيڭ، دۋ چيڭلين، ليۋ چيباۋ، جاڭ چۇنشيان، مىڭ جيانجۋ، گو جينلۇڭ، جاۋ حۇڭجۋ كەزدەسۋدە بىرگە بولدى.

  حالىق سارايىنىڭ قوناقاسى زالىندا ءار الۋان شىراقتار سامسيدى، القاقوتان باس قوسىپ، قىزۋ دۋمانعا بولەنگەن شاتتىقتىڭ لەبى ەسىپ تۇر. 2700دەن استام ۋاكىل، ۇسىنىس ەتىلگەن ۋاكىل جانە سىرتتاي قاتىناسقاندار وسى ارادا باس قوسىپ، رەتتى كيىنىپ، تاسقىنداعان رۋحپەن، ەرەكشە تەبىرەنگەن كوڭىل كۇيمەن باسشى جولداستاردىڭ كەلۋىن اسىعا كۇتۋدە.

  تۇستەن كەيىن ساعات 4تە شي جينپيڭ قاتارلى باسشىلار قوناقاسى زالىنا كىرگەندە زالداعىلار كوپكە دەيىن شاتىرلاتا شاپالاق سوقتى. شي جينپيڭ قاتارلى باسشى جولداستار كوپشىلىككە قول بۇلعاپ، قۇرمەت ءبىلدىردى، ۋاكىلدەردىڭ الدىنا كەلىپ، الدىڭعى بىرنەشە قاتارداعى جولداستارمەن ىقىلاسپەن قول الىسىپ، سويلەسىپ، ولاردان اماندىق سۇرادى. ۋاكىلدەر شي جينپيڭ قاتارلى باسشى جولداستارعا قۇرمەت ءبىلدىرىپ، ىستىق ىقىلاستى سالەمدەرىن جەتكىزدى. زال ءىشى شىنايى سۇيىسپەنشىلىك پەن قىزۋ مەرەيگە شومدى، شاپالاق ءۇنى، شاتتىق ءۇنى كوپكە دەيىن تولاستامادى.
 مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ، مەملەكەتتىك ساياسي كەڭەستىڭ، ورتالىق اسكەري ىستەر كوميتەتىنىڭ باسشى جولداستارى مەن باسشىلىق قىزمەتتەن بوساعان ساقا جولداستار دا كەزدەسۋدە بىرگە بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى