ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

شىن نيەت، شىنايى سۇيىسپەنشىلىكپەن بۇقارانىڭ قيىنشىلىعىن شەشتى

  جۋىق كۇندەردەن بەرى، اۆتونوميالى رايوندىق پارتكوم ۇگىت ءبولىمىنىڭ پارتيا مۇشەلەرى، كادرلارى گۇما اۋدانى چودا اۋىلىنىڭ 4 قىستاعىنداعى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرىمەن، نەگىزگى ساتىداعى كادرلارمەن بىرگە قىستاقتارعا بارىپ قىزمەت ورىستەتىپ، ءىس جۇزىندىك ماسەلەلەردى قۇلشىنا شەشىپ، بۇقاراعا ۇگىت - تاربيە جۇرگىزىپ، قۋزاۋ - تەكسەرۋدى كۇشەيتۋگە كۇش سالىپ، پارتيانىڭ قامقورلىعى مەن مەيىرىن وتباسىلارىنا جەتكىزدى.

  30 - قىركۇيەكتەن باستاپ اۆتونوميالى رايوندىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى جاڭ كىراڭ اۆتونوميالى رايوندىق پارتكوم ۇگىت ءبولىمىنىڭ پارتيا مۇشەلەرىن، كادرلارىن باستاپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرعان قىزمەت اترەتتەرىنىڭ مۇشەلەرىمەن، نەگىزگى ساتىداعى پارتيالى كادرلارمەن بىرگە قىستاقتارعا بارىپ، وتباسىلارىن ارالاۋ، جۇپ قۇراپ، تۋىس بولۋ، قيىنشىلىعى بارلارعا كومەكتەسۋ، قيىنشىلىعىن شەشۋ سياقتى بۇقارالىق قىزمەتتەردى بىرگە ىستەدى.

  ولار گۇما اۋدانى چودا اۋىلىنىڭ لاڭگار قىستاعىنا، باشلاقبينام قىستاعىنا، اياققى چودا قىستاعىنا، گولا قىستاعىنا بارىپ، قىستاق تۇرعىندارىمەن بىرگە پارتيا 19 - قۇرىلتايى اشىلۋ ءراسىمىنىڭ ناقتى جاعدايىن كوردى، ۇگىت كادرلارى سىندى باسىمدىقتارىن ساۋلەلەندىرىپ، ۇعىنىقتى تىلمەن تۇرعىندارعا پارتيا 19 - قۇرىلتايىنىڭ رۋحىن جەتكىزدى. دامۋدى، جەتىستىكتەردى اڭگىمەلەپ، پارتيانىڭ حالىققا ءتيىمدى ساياساتتارىن ۇگىتتەدى؛ ەگىس اتىزدارىنا بارىپ، ەگىس جۇمىسىن ىستەپ، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، تۇرمىستى جاقسى وتكىزىپ، تاماشا تۇرمىسپەن، كوڭىلدى كۇيمەن، تاماشا ناتيجەمەن جاڭا داۋىرگە قادام باسۋعا، جاڭا ساپار باستاۋعا تاربيەلەدى، جەتەكتەدى؛ قيىنشىلىعى بار، ەڭبەك كۇشى جەتەرسىز، جالعىزىلىك، كارى - قۇرتاڭ، دەنساۋلىعى ءالسىز، مۇگەدەك بۇقارانىڭ وتباسىلارىنا بارىپ، ولاردىڭ جۇگەرى جيناۋىنا، ماقتا تەرۋىنە، دۇمبە ءبيداي ەگۋىنە كومەكتەسىپ، قىستاق تۇرعىندارىنىڭ شىلان، جاڭعاق سياقتى اۋىل شارۋاشىلىق ونىمدەرىن ساتۋىنا قولعابىس ەتىپ، شىن نيەت، شىنايى سۇيىسپەنشىلىكپەن بۇقارانىڭ ءوندىرىس، تۇرمىسىنداعى قيىنشىلىقتارىن شەشتى.

  اۆتونوميالى رايوندىق پارتكوم ۇگىت ءبولىمىنىڭ پارتيا مۇشەلەرى، كادرلارى قىستاقتا تۇرعان قىزمەت اترەتتەرىنىڭ قىستاقتا تۇرۋ قىزمەتىندەگى مىندەتتەرىن قايتالاي رەتتەۋىنە، قايتالاي اشالاۋىنا، قايتالاي جىنتىكتەۋىنە كومەكتەستى ءارى نەگىزگى ساتىعا بارىپ ماسەلەلەردى تەكسەرىپ، ولقىلىقتاردى تاۋىپ، ساڭلاۋلاردى بەكىتىپ، حاۋىپ - قاتەرلەردى الاستاپ، جەتەرسىزدىكتەردى تولىقتاپ، وزگەرتۋدى جەبەدى. لاڭگار قىستاعىنداعى جالعىزىلىك قاريا ميراحىمەت ارعۇنعا ىجداعاتپەن يدەيالىق قىزمەت ىستەپ، ونىڭ اۋىلداعى قارتتار ۇيىنە بارىپ تۇرمىس كەشىرۋ سەنىمىن بەكەمدەدى؛ وقۋدان شەگىنۋگە ءوتىنىش بەرگەن وقۋشى ابۇلپەيىستىڭ وقۋ اقىسى مەن تۇرمىس قاراجاتىن شەشۋىنە كومەكتەسىپ، ونىڭ مەكتەپكە ورالىپ، وقۋىن الاڭسىز وقۋىنا مۇمكىندىك جاسادى. باشلاقبينام قىستاعىندا ولار «ۇلتتار ىنتىماعىنىڭ بەرەكەلى شاڭىراعى» قيمىلىنىڭ مازمۇنىن بايىتۋدان باستاپ كىرىسىپ، شىنايى ىقىلاسپەن وتباسىلارىن ارالاپ جاعداي ۇعىسىپ، بۇقاراعا شىن كوڭىلمەن قىزمەت ەتتى. قىستاقتاعى اعاش ماتەريالدارىن مانەرلەۋ زاۆودىمەن بايلانىس جاساپ، گولا قىستاعىنىڭ تۇرعىنى عوجاحىمەت ابۇلانىڭ ۇيىنە وتىندىق اعاش جەتكىزىپ، ونىڭ قىستان قىسىلماي وتۋىنە كومەكتەستى.
 21 - قازان ءتىلشى لاڭگار قىستاق تۇرعىندار كوميتەتىنىڭ اۋلاسىنا جاڭعاق تاۋداي بولىپ ۇيىلگەنىن بايقادى، بۇل جاڭعاق قىستاق تۇرعىندارىنىڭ جاڭعاعى ەكەن. قىستاقتا تۇرعان قىزمەت اترەتى قىستاق تۇرعىندارىنىڭ جاڭعاق ساتۋى قيىن ەكەنىن بىلگەننەن كەيىن، كوپ بولىپ شارا قاراستىرىپ، كوپتىڭ كۇشىن جۇمىلدىرىپ، قيىنشىلىقتى شەشۋ امالىن بەلسەندىلىكپەن ويلاستىردى. ولار 50 مىڭ يۋان اقشا قۇراپ، 4 قىستاقتىڭ 1.5 توننا جاڭعاعىن ساتىپ الىپ، مەديالار جانە جەكە كاسىپورىنشىلار سياقتى قوعامنىڭ ءار سالاسىنىڭ كومەگىندە قىستاق تۇرعىندارىنىڭ جاڭعاعىن ساتۋعا جول تاپتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى