ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

«ەكى انانىڭ مەيىرىنە بولەنگەن مەن، شىنىندا، باقىتتىمىن»

  شيا چيڭ

  20 - قازان. چارقىلىق اۋدانى چىڭشي جاڭا اۋماعىنداعى بالاباقشا تاربيەشىسى جۋ لييا قىزمەتتەن تۇسە سالا ەلەكترلى موتوتسيكلگە ءمىنىپ، 5 كيلومەتر شالعايداعى تىكەنلىك قالاشىعىنىڭ عولوستەڭ قىستاعىنا قاراي تارتتى.

  پارتيا 19 - قۇرىلتايىنىڭ بايانداماسىندا «جەردى 2 - كەزەكتى كوتەرمەگە العان ۋاقىت تولعاننان كەيىن، تاعى 30 جىلعا ۇزارتىلادى دەلىنگەن ەكەن، مەن وسى قۋانىشتى حاباردى تەزىرەك اناما جەتكىزۋىم كەرەك». جۋ لييانىڭ «انام» دەپ وتىرعانى عولوستەڭ قىستاعىنداعى اۋقاتتانۋدىڭ باستاماشىسى حاليدا يبىرايىم ەدى، حاليدا مەن جۋ لييانىڭ انا - بالالىق سۇيىسپەنشىلىگى 7 جىلدىڭ الدىندا قالىپتاسقان.

  2011 - جىلى حاليدا اۋداندىق ايەلدەر بىرلەستىگى ۇيىمداستىرعان ءبىر رەتكى قيمىلدا چارقىلىق اۋداندىق ورتا مەكتەپتىڭ وقۋشىسى جۋ لييامەن تانىسىپ قالادى. حاليدا جۋ لييانىڭ ءۇيىنىڭ اۋداننان 80 كيلومەتر شالعايداعى ۋاششەرى قالاشىعىندا ەكەندىگىنەن حابار تاپقاننان كەيىن، بۇدان بىلاي جۋ ليياعا قامقورلىق جاساۋدى ويلايدى.

  سونان باستاپ حاليدا ۇنەمى چارقىلىق اۋداندىق ورتا مەكتەپكە جۋ لييانى ىزدەپ بارىپ، وعان ءوز قولىمەن جاساعان ءدامدى تاعامداردى اپارىپ بەرەدى، اپتا سوڭىندا جۋ لييانى ۇيىنە الىپ قايتادى، حاليدا تاعى جۋ ليياعا «ءاليا» دەگەن ادەمى ەسىم قويادى، جۋ لييا دا حاليدانى «انا» دەپ شاقىرادى.

  جۋ لييا 2011 - جىلى قىركۇيەكتە بايىنعولين موڭعۇل اۆتونوميالى وبلىستىق پەداگوگيكا مەكتەبىنىڭ بالاباقشا تاربيەشىسى كاسىبىنە قابىلدانىپ، 400 كيلومەتردەن استام قاشىقتىقتاعى كورلا قالاسىنا بارىپ وقيدى. سول جىلى جەلتوقساندا كورلا قالاسىنا قالىڭ قار جاۋادى. حاليدا ارنايى چارقىلىق اۋدانىنان كورلا قالاسىنا بارىپ، جۋ ليياعا مامىقتان جاسالعان سۋ جاڭا قالىڭ شاپان اپارىپ بەرەدى. «انامنىڭ جاۋراعان ءجۇزى مەن توڭعان قولىن كورگەنىمدە، كوز جاسىمدى تيا الماي قالدىم»، - دەيدى جۋ لييا سول شاقتى ەسكە الىپ.

  2014 - جىلدىڭ سوڭىندا وقۋ تاۋىسقان جۋ لييا چارقىلىق اۋدانىنا قىزمەتكە ورنالاسادى. «وسى جەردە ىستەسەم ەكى اناما بىردەي قارايلاسا الامىن»، - دەيدى ول.

  2015 - جىلى قاڭتار. ۇرىمجىدە كۋرسقا قاتىناسىپ جاتقان جۋ لييا اناسى حاليدانىڭ سىرقاتتانىپ قالعاندىعىنان حابار تاپقاننان كەيىن، دەرەۋ رۇقسات سۇراپ، اناسىنا قارايلاسادى، حاليدا شيپاحانادان شىققاننان كەيىن دە جۋ لييا باسى - قاسىندا بولىپ، ابدەن ايىققانشا ونى كۇتەدى.
 حاليدا: مەنى جانىنا بالايتىن، كوڭىل ءبولىپ، قامقورلىق جاسايتىن وسىنداي قىزىمنىڭ بولۋى مەنىڭ ەڭ زور باعىم، - دەسە، جۋ لييا: ەكى انانىڭ مەيىرىنە بولەنگەن مەن، شىنىندا، باقىتتىمىن، - دەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى