دوستىق تونارى-ءتاڭىرتاۋ تورابى-ts
ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

دوستىق تونارى

حاليدا دالەلقان قىزى، گۇلميرا تولان قىزى

  شىلدەنىڭ شىلىڭگىر ىستىق كۇندەرىنىڭ ءبىرى ەدى، قىستاقتى ارالاپ كەلە جاتىپ، ءبىر ءۇيدىڭ الدىندا ءبىر حانزۋ اجەيدىڭ توناردىڭ اۋزىنا ەڭكەيىپ ءبىر نارسەلەر سالىپ جاتقانىن بايقادىم. مەن اجەيدىڭ قاسىنا بارىپ:

  − نە ىستەپ جاتىرسىز؟ - دەپ سۇرادىم. ول كىسى مەنىڭ تاڭدانىسىمدى سەزگەندەي:

  − مەن تومپاق قىزىما ءبىراز كوكونىس، ورىك اكەلگەم، ول ۇيدە جوق بولعان سوڭ تونارعا سالىپ قويامىن، - دەدى جۇزىنەن باقىت كۇلكىسى ەسىپ. ول تونار ىشىنەن بىرنەشە قاپشىق ءدارىنى الىپ كەتە باردى. مەن توناردىڭ ىشىندەگى كوكونىس، جەمىستەرگە قاراپ، بۇل توناردا، ءسوز جوق، ءبىر سىر بار - اۋ دەپ ويلادىم.

  قارت اجەي ايتقان تومپاق قىز ءاليدانى تاپتىم، بۇل قارت اجەيدىڭ دەنساۋلىعى ناشار، بالا - شاعاسى جوق، ۇكىمەت بەرەتىن ەڭ تومەنگى تۇرمىستى قامتاماسىزداندىرۋ كومەك قاراجاتىنان باسقا ەشقانداي كىرىسى جوق، وتباسىندا جولداسى ەكەۋى عانا ءبىر - بىرىنە ارقا سۇيەپ وتىرعانىن، تۇرمىستارىنىڭ ەرەكشە جۇپىنى ەكەنىن ءبىلدىم. ال ءاليدا اپايىمىز بولسا، وسى قارت اجەيگە اي سايىن ۋاعىندا ءدارى - دارمەك، تۇرمىستىق بۇيىمدار الىپ بەرىپ، ۇزاق ۋاقىتتان بەرى ولارعا كومەك قولىن سوزىپ كەلەدى ەكەن.

  ەكەۋ ارا ءوزارا قامقورلىق، شىنايى بارىس - كەلىس جاساپ، بارشا جۇرتتى ءتانتى ەتكەن ىزگى ءىس جايلى سوناۋ 5 جىلدىڭ الدىنان باستاۋعا تۋرا كەلەدى. قارت اجەيدىڭ اتى حان ايسۇن، شيحۋ قالاسى جياحىزى اۋىلى جياحىزى قىستاعىنىڭ تۇرعىنى، ال ءاليدا توقان قىزى شيحۋ قالاسى جياحىزى اۋىلدىق ۇكىمەت ورگانىنىڭ قاراپايىم كادرى. 5 جىلدىڭ الدىندا، 70 جاستاعى قارت اجەي حان ايسۇننىڭ كونە سىرقاتى قايتا - قايتا قوزعالىپ، قارتايعان ەرلى - زايىپتىلاردىڭ قاسىندا قارايلاساتىن بالالارى جوق، تەك 4 مۋ جەردىڭ ماردىمسىز كىرىسىنەن باسقا ەكونوميكالىق كىرىس قاينارى بولماعان سوڭ، ەڭ تومەنگى تۇرمىستى قامتاماسىزداندىرۋعا ءوتىنىش بەرۋ ءۇشىن اۋىلدىق ۇكىمەتكە كەلەدى. قارت اجەيدىڭ بىلۋىنشە، ەڭ تومەنگى تۇرمىستى قامتاماسىزداندىرۋ قىزمەتىنە ارنايى جاۋاپتى ءبىر از ۇلت اۋىل باستىعى بار ەدى، سول جولى اۋىلدىق ۇكىمەت قاقپاسىنان كىرىسىمەن، قاقپادا كەزەكشىلىك ىستەپ تۇرعان ءاليدانى اۋىل باستىعى ەكەن دەپ اعات تانىعان حان ايسۇن اجەي وعان جاعدايىن ايتا جونەلەدى، ءاليدا سابىرلىلىقپەن ءىستىڭ ءجونىن قانشا تۇسىندىرسە دە اجەي ءالسىن - ءالى اۋىل باستىعى دەۋدەن جازبايدى. ءاليدا ءىستىڭ ءمان - جايىن جان - جاقتىلى ۇعىسۋ ارقىلى حان ايسۇن اجەيدىڭ تۇرمىسىندا شىندىعىندا قيىنشىلىق بارلىعىن ءبىلىپ، ءوزىنىڭ مىندەتىندەگى قىزمەت بولماسا دا ەت جۇرەگى ەلجىرەپ، وسى قارت اجەيدىڭ ەڭ تومەنگى تۇرمىستى قامتاماسىزداندىرۋ قاراجاتىنان يگىلىكتەنۋ جۇمىستارىن ءبىتىرىپ، بۇدان كەيىن جاقىننان جاردەم بەرىپ قارايلاسىپ تۇرامىن دەگەن بەكىمگە كەلەدى. سونىمەن ءاليدانىڭ قارت اجەيگە ۇدايى 5 جىل كومەكتەسكەن ىزگى ىستەرى جۇرت كوڭىلىنەن تەرەڭ ورىن الادى.

  5 جىلدان بەرى، بۇل تونار حان ايسۇن اجەي مەن ءاليدا اراسىنداعى قۇپيالىققا تولدى. ۇزاق جىلداردان بەرى، تونار ىشىندە ۇنەمى كوكونىس، جەمىس - جيدەك نەمەسە ءدارى - دارمەك، تۇرمىستىق بۇيىمدار تۇرادى. اق كوڭىل دە مەيىرىمدى ءاليدا حان ايسۇن اجەيدىڭ بالالارىنىڭ جوق ەكەنىن بىلگەن سوڭ، ءار ماۋسىمدا كيەتىن جاڭا كيىمدەر مەن تۇرمىستىق بۇيىمدارىن دا وسى تونار ىشىنە قويىپ قويادى، ولار كەزدەسە الماعاندا، ءبىر - بىرىنە بولعان قامقورلىعىن وسىنداي ءتاسىل ارقىلى جەتكىزەدى، بۇل قاراپايىم تونار ءاليدا مەن حان ايسۇن اجەي اراسىنداعى وتتان دا ىستىق مەيىرىمدى ءوز بويىنا سيعىزىپ تۇرعانداي، وسى ءبىر قاراپايىم دا قاسيەتتى تونار باسىندا ەكەۋ ارا ۇلتتىق دوستىق پەن تەرەڭ سۇيىسپەنشىلىك تولاسسىز توعىسىپ جاتتى.

  ءاليدا قاراپايىم اۋىل كادرى، وتباسى تۇرمىسى مەن بالالارىنىڭ وقۋ قاراجاتى سياقتىلاردىڭ بارىندە ءوزىنىڭ ازعانتاي ەڭبەكاقىسىنا سۇيەنەدى، الايدا دوستىق، سۇيىسپەنشىلىك بارىنەن ماڭىزدى دەپ بىلەتىن ءاليدا اۋىلداستارىنىڭ كوڭىلىندە ماڭگى شەشەك اتىپ تۇراتىن ءبىر شوق گۇل ءتارىزدى ءارى بەرەكە - بىرلىكتىڭ ۇيتقىسى ىسپەتتى. «ءاليدانىڭ شەكسىز مەيىرىمى مەن ايداي جارقىن ءجۇزى بىزگە جارقىن ءومىر، باياندى باقىت سيلاعانداي سەزىلەدى»، - دەيدى اۋىلداستارى ءبىر اۋىزدان.

  ءاليدا وسىلايشا مەيلى تۇرمىستا بولسىن، الدە قىزمەتتە بولسىن، وزىندىك بەلسەندىلىگى مەن ۇقىپتىلىعى ارقىلى اۋىلداستارىنىڭ وسكەلەڭ قۇرمەتىنە بولەنىپ كەلەدى، اۋىلداعى حور ايتۋ، ءبي بيلەۋ قاتارلى مادەني - كوركەمونەر قيمىلدارىن ءاليدا ءماندى دە ءساندى ەتىپ ۇيىمداستىرىپ، جۇرت القاۋىنا بولەنىپ جۇرەدى. سونىڭ ءبىر دالەلى، وتكەن جىلى اۆتونوميالى رايوندىق كولەمدى ينتەرنەت مادەنيەتى قيمىلى − «تارباعاتاي تاۋ گۇلى شەشەك جاردى» قيمىلىندا ءاليدا تىكەلەي جەتەكشىلىك ەتكەن ونەر كورسەتۋ گرۋپپاسىنىڭ الاڭدا كورسەتكەن تاماشا نومىرلەرى جۇرتتىڭ جوعارى باعاسىنا يە بولدى.
 ءاليدانىڭ تۇلا بويىنان جۇڭحۋا ۇلتىنىڭ اسىل قاسيەتى مەن اسقاق مۇراتى مەن مۇندالايدى، ونىڭ حانزۋ اجەيدى ءوز اكە - شەشەسىندەي كورىپ، قارتتارعا قامقورلىق جاساۋى قاراپايىم قىزمەت ورنىنداعى قىزمەتتەستەرىن اسەرلەندىردى. بۇل ءبىز جاساپ وتىرعان قوعامداعى جاراسىمدى ۇلتتار ىنتىماعىنىڭ شاعىن عانا كورىنىسى. مىنە بۇل ءار ۇلت حالقىنىڭ قاشاندا اناردىڭ دانىندەي تىعىز ۇيىسىپ، ءبىر نيەت، ءبىر تىلەكتە بولعاندىعىنىڭ ايعاعى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى