جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت قىبلاناماسى-ءتاڭىرتاۋ تورابى-ts
ءتاڭىرتاۋ تورابى   ›   ۇيرەنۋ   ›   نازاريا

جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت قىبلاناماسى

  − پارتيا 19 - قۇرىلتايىنان شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنا نازار

  نازاريا داۋىرمەن بىرگە العا باسقاندا عانا، جالىندى ومىرشەڭدىگىن ماڭگى ساقتاي الادى.

  يدەيا داۋىرگە جەتەكشىلىك ەتكەندە عانا، جويقىن كۇشىن ايگىلەي الادى.

  «جاڭا داۋىردەگى جۇڭگوشا سوتسياليزم يدەياسى» ج ك پ 19 - قۇرىلتايىنىڭ بايانداماسىندا ايتىلعان كەزدەن باستاپ، دۇنيە جۇزىندەگى ەڭ ۇلكەن دامۋ ۇستىندەگى ەل جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە قول جەتكىزۋدىڭ، جاپپاي جۇڭگوشا سوتسياليستىك وسىزاماندانعان ەل قۇرىپ شىعۋدىڭ تىڭ داۋىرىنە قادام قويدى.

  89 ميلليون 440 مىڭ پارتيا مۇشەسى بار دۇنيە جۇزىندەگى ءبىرىنشى ۇلكەن پارتيا امالياتتا ايگىلەۋ نەگىزىندە نازاريادا جاڭالىق اشۋدى ۇزدىكسىز ىلگەرىلەتكەندە، ماركسيزم شۇعىلالى اقيقاتىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن نۇرلاندىرا تۇسەتىندىگى ءسوزسىز.

  جۇڭگوشا سوتسياليزمنىڭ جاڭا داۋىرگە قادام قويۋىنا بايلانىستى كەلەلى تاقىرىپقا جاۋاپ قايتاردى

  − يدەيانى ازات ەتىپ، داۋىرمەن بىرگە ىلگەرىلەپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى جونىندە ىزدەنىس جاسادى جانە ونى قالىپتاستىردى

  قازان ايى مول ءونىم شاتتىعىنا بولەنگەن، ۇمىتكە تولى مەزگىل.

  پارتيا 19 - قۇرىلتايىنىڭ بايانداماسى دۇنيە جۇزىنە مىنانى جاريالادى: 5 جىلدان بەرى، پارتيامىز اسقان ساياسي ەرلىكپەن، كۇشتى جاۋاپكەرلىك بورىشپەن ءبىرسىپىرا جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، ءبىرسىپىرا ماڭىزدى باعىت - ساياسات شىعارىپ، ءبىرسىپىرا ماڭىزدى شارا اتقارىپ، ءبىرسىپىرا ماڭىزدى قىزمەتتى ىلگەرىلەتىپ، ۇزاق ۋاقىتتان بەرى شەشۋدى ويلاسا دا شەشە الماعان ءبىر تالاي قيىن ماسەلەلەردى شەشىپ، ىلگەرى ىستەۋدى ويلاسا دا ىستەي الماعان ءبىر تالاي ىستەردى ىستەپ، پارتيا مەن مەملەكەت ءىسىن ىلگەرىلەتۋدە تاريحي سيپاتتى وزگەرىس بولدى.

  «تاريحي سيپاتتى وزگەرىس تۋىلۋدىڭ نەگىزى پارتيامىزدىڭ عىلمي نازاريا ارقىلى جەتەكشىلىك ەتۋىندە». پارتيا 19 - قۇرىلتايىنىڭ ۋاكىلى، ورتالىق كوميتەتتىڭ ساياسات زەرتتەۋ كەڭسەسىنىڭ مەڭگەرۋشىسى لىڭ رۇڭ بىلاي دەدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا ءداۋىر شارتتارىمەن جانە امالياتتا ايگىلەۋ تالابىمەن تىعىز ۇشتاستىرىپ، نازاريا جونىندە قاجىرلىلىقپەن ىزدەنىس جاساپ، نازاريادا جاڭالىق اشۋدا ەلەۋلى ناتيجەگە قول جەتكىزىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن قالىپتاستىردى.

  يدەيا − ءداۋىردىڭ جارشىسى. پارتيا 19 - قۇرىلتايىنىڭ ۋاكىلى، ورتالىق كوميتەت پارتيا تاريحىن زەرتتەۋ كەڭسەسىنىڭ مەڭگەرۋشىسى چۇي چيڭشان بىلاي دەدى: «جۇڭگو كوممۋنيستىك پارتياسىنىڭ جۇڭگونىڭ توڭكەرىس، قۇرىلىس، رەفورما ىستەرىنە باسشىلىق ەتۋ تاريحى − ماركسيزم - لەنينيزمنىڭ نەگىزگى قاعيداسىن جۇڭگونىڭ امالياتىمەن ۇشتاستىرىپ، ماركسيزمنىڭ جۇڭگوشالانۋىن، نازاريادا جاڭالىق اشۋدى ۇزدىكسىز ىلگەرىلەتۋ تاريحى».

  جۇڭگو كوممۋنيستىك پارتياسىنىڭ 100جىلعا جۋىق تاريحىندا، ماركسيزم مەن جۇڭگو امالياتىنىڭ ۇشتاسۋىنداعى تاريحي سيپاتتى سەكىرۋ ماۋ زىدۇڭ يدەياسىن جانە دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن قامتىعان جۇڭگوشا سوتسياليزم نازاريالىق جۇيەسىن قالىپتاستىرىپ، جۇڭگو نە ءۇشىن توڭكەرىس جۇرگىزەدى، كىم ءۇشىن توڭكەرىس جۇرگىزەدى، كىمگە سۇيەنىپ توككەرىس جۇرگىزەدى دەگەن سياقتى ماڭىزدى ماسەلەلەرگە؛ سوتسياليزم دەگەن نە، سوتسياليزمدى قالاي قۇرۋ كەرەك، قانداي پارتيا قۇرۋ، پارتيانى قالاي قۇرۋ، قانداي دامۋدى جۇزەگە اسىرۋ، قالاي دامۋ كەرەك دەگەن سياقتى ماسەلەلەرگە جاۋاپ بەردى.

  «پارتيانىڭ 18 - قۇرىلتايىنان بەرى، ەل ءىشى - سىرتى جاعدايىنداعى وزگەرىستەر مەن سان سالالى ىستەردىڭ دامۋى جۇڭگو كوممۋنيستىك پارتياسىنا قانداي جۇڭگوشا سوتسياليزمگە تاباندى بولۋ جانە دامىتۋ، سونداي - اق جۇڭگوشا سوتسياليزمگە قالاي تاباندى بولۋ جانە ونى دامىتۋ كەرەك دەگەن ماڭىزدى تاقىرىپتى قويدى»، - دەدى پارتيا 19 - قۇرىلتايىنىڭ ۋاكىلى، جۇڭگو قوعامدىق عىلىم اكادەمياسىنىڭ باستىعى ۋاڭ ۋيگۋاڭ.

  30 نەشە جىل رەفورما جاساۋ، ەسىك اشۋ ارقىلى ميللياردتان استام ادامنىڭ ىشەر اس، كيەر كيىم ماسەلەسى شەشىلدى، دەموكراتيا، زاڭمەن جونگە سالۋ، ادىلدىك، تۋراشىلدىق، حاۋىپسىزدىك، قورشاعان ورتا سياقتى جاقتارداعى قاجەت كۇننەن - كۇنگە ارتتى؛ قوعامدىق وندىرگىش كۇش ورەسى كورنەكتى جوعارىلاپ، مەملەكەتتىڭ جالپىلىق قۋاتى كورنەكتى ارتتى، دامۋدىڭ بىركەلكى، تولىق بولماۋ ماسەلەسى اناعۇرلىم كورنەكتىلەنە ءتۇستى؛ حالىقارالىق جاعداي اۋمالى - توكپەلى كۇيدە، «ورتاشا كىرىس تۇزاعى» مەن «فۋكيديد تۇزاعى» سىندى ءىش پەن سىرتتىڭ اۋرەشىلىگى قاباتتاسۋدا...

  وسىنداي كۇردەلى، شەشۋى قيىن تەڭدەۋ الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ساياسي تۇراقتىلىقتى كۇشەيتىپ، نازاريالىق سەنىمدى بەكەمدەپ، بولاشاقتىق تاريحي تۇرعىمەن، كەڭ كوزايامەن ەل باسقارۋدىڭ ءبىرسىپىرا جاڭا ۇستانىمدارىن، جاڭا يدەيالارىن، جاڭا ستراتەگيالارىن العا قويىپ، جاڭا داۋىردەگى جۇڭگوشا سوتسياليزم يدەياسىنىڭ شىت جاڭا داستانىن جازدى.

  − شي جينپيڭنىڭ جاڭا داۋىردەگى جۇڭگوشا سوتسياليزم يدەياسى «8دى ايقىنداۋمەن» انىق ءتۇسىندىرىلدى.

  جۇڭگو حالىق ۋنيۆەرسيتەتى ماركسيزم ينستيتۋتىنىڭ پروفەسسورى چي پىڭفي بىلاي دەپ قارادى: جاڭا داۋىردەگى جۇڭگوشا سوتسياليزم يدەياسى دۇنيەگە كوزقاراس پەن ءادىسناما تۇرعىسىنان، جۇڭگوشا سوتسياليزم جاڭا داۋىرگە وتكەننەن كەيىن، جۇڭگو كوممۋنيستىك پارتياسى قانداي تۋ ۇستايدى، قانداي جولمەن جۇرەدى، قانداي رۋحاني كۇيدە بولادى، قانداي تاريحي جاۋاپكەرشىلىك ارقالايدى، قانداي كۇرەس نىساناسىن جۇزەگە اسىرادى دەگەن سياقتى ءبىرسىپىرا ءتۇبىرلى سيپاتتى ماسەلەلەرگە جاۋاپ بەردى. جۇڭگو كوممۋنيستىك پارتياسىنىڭ عاسىرعا جۋىق دامۋ تاريحى الدە سوڭعى جارتى عاسىردان بەرگى جۇڭگوشا سوتسياليزمنىڭ دامۋ تاريحى جونىنەن بولسىن، بارلىعى دا ماڭىزدى ءارى بولاشاقتىق تاريحي ءمان جانە رەال ءمان الادى.
 − شي جينپيڭنىڭ جاڭا داۋىردەگى جۇڭگوشا سوتسياليزم يدەياسى 14 نەگىزگى جالپى جوبامەن ناقتىلاندى.

  ورتالىق پارتيا مەكتەبىنىڭ پروفەسسورى، ماركسيزم نازارياسىن زەرتتەۋ جانە گۇلدەندىرۋ ينجەنەرياسى تاقىرىبى گرۋپپاسىنىڭ باس مامانى يان شۋحان بىلاي دەدى: جاڭا داۋىردەگى جۇڭگوشا سوتسياليزم يدەياسىنىڭ «8 دى ايقىنداۋ» مەن 14 نەگىزگى جالپى جوباسى شي جينپيڭ جولداستىڭ جەلىلەس ماڭىزدى ءسوزىنىڭ رۋحى مەن ەل باسقارۋداعى جاڭا ۇستانىمدارىنىڭ، جاڭا يدەيالارىنىڭ، جاڭا ستراتەگيالارىنىڭ جيىنتىعى، تاجىريبە سيپاتتى تابىستاردىڭ شوعىرلى ايگىلەنۋى.

  − شي جينپيڭنىڭ جاڭا داۋىردەگى جۇڭگوشا سوتسياليزم يدەياسى جۇڭگو ارقىلى بولاشاق باعداردى ىزدەگەن دۇنيە ءجۇزىنىڭ نازارىن وزىنە اۋداردى.

  پارتيانىڭ 19 - قۇرىلتايى اشىلۋ قارساڭىندا، «شي جينپيڭ ەل باسقارۋ جونىندە» اتتى كىتاپ دۇنيە جۇزىندەگى 160 نەشە مەملەكەت پەن رايوندا 6 ميلليوننان استام تيراجبەن تاراتىلىپ، زەر سالا وقۋ ورلەۋىن تاعى ءبىر رەت قوزعادى.

  ۇزاق ۋاقىتتان بەرى جۇڭگونى زەرتتەۋگە دەن قويىپ كەلگەن ا ق ش - تىق مامان روبەرت كۋن بىلاي دەدى: «بۇل كىتاپتا العا قويىلعان ەل باسقارۋ ساياسي سالامەن عانا شەكتەلىپ قالماعان، ول مەملەكەتتىڭ تۇرمىس جانە الەۋمەت، قوعام سياقتىلارىن تەگىس قامتىعان جان - جاقتى بيلىك جۇرگىزۋ جالپى جوباسى، وندا بۇكىل دۇنيە جۇزىنە ايقىن ساياساتتىق مالىمدەۋ جاسالعان».

  − شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ ەڭ جاڭا جەتىستىگىنە ۋاكىلدىك ەتەدى.

  پارتيانىڭ 18 - قۇرىلتايىنان بەرى، پارتيامىز جىلدام وزگەرگەن ءداۋىر مەن تىڭ دا ۇلى كۇرەس بارىسىندا ماركسيزمنىڭ نەگىزگى قاعيداسىنان پايدالانىپ، نازاريادا جاڭالىق اشۋدى تىنباي العا ىلگەرىلەتتى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ تىڭ ءورىسىن اشتى. ايتالىق، جاڭا دامۋ ۇستانىمىنا تاباندى بولۋ ماركسيزمدىك ساياسي - ەكونوميكانىڭ نازاريالىق نۇر - شۇعىلاسىن ايگىلەدى؛ ادام مەن تابيعاتتىڭ جاراسىمدى ءومىر سۇرۋىنە تاباندى بولۋ ماركسيزمدىك ەكولوگيا كوزقاراسىن ونان ارى بايىتتى جانە دامىتتى؛ پارتيانى جاپپاي قاتاڭ جونگە سالۋعا تاباندى بولۋ ماركسيزمدىك ساياسي پارتيانىڭ قۇرىلىس نازارياسىن ونان ارى بايىتتى جانە دامىتتى.

  پارتيا 19 - قۇرىلتايىنىڭ ۋاكىلى، گۋاڭدۇڭ ولكەلىك پارتكوم پارتيا مەكتەبىنىڭ ۇنەمىلىك ىستەرگە جاۋاپتى ورىنباسار باستىعى ياڭ حانچيڭ: پارتيا 19 - قۇرىلتايى بايانداماسىنىڭ ەڭ ۇلكەن جارقىن ءتۇيىنى − شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن العا قويدى، بۇل پارتيامىزدىڭ حالىققا باسشىلىق ەتىپ، جۇڭگوشا سوتسياليزم ىستەرىنە جاڭالىق اشۋدىڭ ماڭىزدى بەلگىسى، ول ماركسيزمنىڭ جۇڭگونىڭ ءىس جۇزىندىگىمەن ۇشتاسۋىنداعى تاريحي سيپاتتى سەكىرىس، - دەدى.

  قاينارى مول سۋ سارقىلمايدى

  − شي جينپيڭنىڭ جاڭا داۋىردەگى جۇڭگوشا سوتسياليزم يدەياسى رەفورما جاساۋ، ەسىك اشۋدىڭ ۇلى امالياتى مەن حالىق جۇرتشىلىعىنىڭ ۇلى جاسامپازدىعىنان اقىل - پاراسات توپتاپ، ەل باسقارۋدى جەبەپ، تىنباي تىڭ ىلگەرىلەۋشىلىكتەرگە قول جەتكىزدى

  «دۇنيە جۇزىندە ساعات، مينۋت سايىن وزگەرىس تۋىلۋدا، جۇڭگودا دا ساعات، مينۋت سايىن وزگەرىس تۋىلۋدا، ءبىز نازاريالىق جاقتا داۋىرگە ىلەسىپ، زاڭدىلىقتاردى توقتاۋسىز تانىپ، نازاريا، اماليات، ءتۇزىم، مادەنيەت جانە باسقا دا جاقتاردا جاڭالىق اشۋدى تىنباي ىلگەرىلەتۋىمىز قاجەت».

  پارتيا 19 - قۇرىلتايىنىڭ بايانداماسىندا باياندالعان تۇيىندەر وتكەن 5 جىلدا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە جۇڭگونىڭ بايتاق دالاسىندا تۋىلعان وراسان زور وزگەرىستەر بولىپ تابىلادى.

  ايگىلى جۇڭگو تانۋشى مامان مارتين جاك: جۇڭگو كوممۋنيستىك پارتياسىنىڭ ومىرشەڭدىك كۇشكە يە بولۋى مەن تابىسقا جەتۋىنىڭ سەبەبى، ماركسيزمدى ءساتتى تۇردە جەرگىلىكتەندىرىپ جانە جۇڭگوشالاندىرىپ، ماركسيزمدى جۇڭگونىڭ مەملەكەت جاعدايىنا ۇيلەستىردى، ونىڭ ۇستىنە بۇل بارىس ءالى دە جالعاسىپ كەلەدى، - دەدى.

  جۇڭگوشا سوتسياليزم جاڭا داۋىرگە قادام تاستاعاندا، ماركسيزمنەن قايتكەندە اناعۇرلىم جاقسى پايدالانىپ داۋىرگە زەر سالۋعا، داۋىرگە تۇسىنىك جاساۋعا، داۋىرگە جەتەكشىلىك ەتۋگە بولادى؟

  شي جينپيڭ جولداستى ۇيتقى ەتكەن پارتيا ورتالىق كوميتەتى يدەيانى ازات ەتۋدەن، شىندىقتى ءىس جۇزىنەن ىزدەۋدەن جازباي، داۋىرمەن بىرگە العا باسىپ، شىندىققا جۇگىنىپ، ناقتى ءىس ىستەپ، ماركسيزمنىڭ نەگىزگى قاعيدالارىن ءىس جۇزىندىك جاعدايمەن بايلانىستىرىپ، ۇزدىكسىز جاڭالانىپ وتىرعان نازاريا ارقىلى امالياتقا جەتەكشىلىك ەتىپ، حالىقتى رازى ەتكەن، دۇنيە ءجۇزىن تاڭ قالدىرعان ەل باسقارۋ ناتيجەسىن تاپسىردى.

  − «قامداۋ جاعىنداعى قۇرىلىمدىق رەفورما» ەكونوميكانىڭ «جاڭا قالىبىنداعى» ەلەۋلى شاراعا اينالىپ، جەر شارىنداعى ەكىنشى ۇلكەن ەكونوميكالىق تۇلعا دۇنيە ءجۇزى ەكونوميكاسىندا «تەمىرقازىق» رولىن اتقاردى.

  − «رەفورما توقتامايدى، تەك قانا جالعاسا بەرەدى»، 1500 دەن استام رەفورما شاراسى تەرەڭ قويناۋعا قادام تاستاپ، قيىن تۇيىندەرگە اۋىز سالدى.

  «<جولبارىس> پەن <شىبىندى> بىرگە سوعۋ» جەمقورلىققا قارسى بۇرىن بولماعان سۇراپىل داۋىل كوتەرىپ، «تاسقا ءىز، تەمىرگە تاڭبا سالعانداي» «تەگەۋرىندى كۇيدى» قالىپتاستىردى.

  − «دوڭگەلەك داۋلەتتىلىككە جەتۋ جولىندا بىرەۋىن دە قاتاردان قالدىرۋعا بولمايدى» دۇنيە جۇزىندەگى ەڭ كوپ حالىقتىڭ كەدەيلىكتەن قۇتىلۋدان قامال الۋىن جەبەپ، ءار ساعاتتا 1500 ادامدى كەدەيلىكتەن قۇتىلدىرۋداي ادامزات رەكوردىن جاسادى.

  − «تۇنىق سۋ، جاسىل تاۋدىڭ ءوزى بايلىق»، كورىكتى جۇڭگونىڭ ايبىندى كارتيناسىن بىرتىندەپ سالىپ، «ەكى تەگەرشىك بىرگە اينالىپ» جاڭالىق اشۋ ارقىلى دەم بەرۋدىڭ جاڭا قوزعالتقىشىن ەڭ جوعارى جىلدامدىقپەن قوزعالتتى.
 − «ناقتى ىستەۋ ەلدى گۇلدەندىرەدى، بوس ءسوز ەل ىسىنە نۇقسان جەتكىزەدى» ءبىر ميلليارد 300 ميلليون ادامنىڭ ورتاق سەنىمىن شوعىرلاندىرىپ، سوتسياليستىك وزەكتى قۇن كوزقاراسى «ەڭ ۇزاق جالعاساتىن، ەڭ تەرەڭ قاتپارلى كۇشكە اينالدى» ....

  دۇنيە ءجۇزىن تاڭداي قاقتىرعان باستامالىق سيپات، جالپى جاعداي سيپاتى، ۇزاق بولاشاقتىق سيپات الاتىن ءبىر قىدىرۋ نازاريا امالياتپەن قاپىسىز ۇشتاستى.

  2017 - جىلى جيڭگاڭشان قالاسى، لانكاۋ اۋدانى الدىمەن كەدەيلىكتەن قۇتىلىپ، جۇڭگوداعى كەدەي اۋداندار سانى تۇڭعىش رەت ازايدى.

  «اۋماقتى يگەرۋدى» «ادامعا ءدال جەتكىزۋگە» وزگەرتۋگە، «سۋدى كولكىتىپ سۋارۋدى» «ءدال تامشىلاتىپ سۋارۋعا» وزگەرتۋگە، «تۇراقتى يگىلىككە كەنەلۋدى» «ءدال تۇراقتاندىرۋعا - ءدال شەگىنۋگە» وزگەرتۋگە دەيىن، جۇڭگو كوممۋنيستىك پارتياسى جاسامپازدىقپەن العا قويعان كەدەيلەردى دالمە - ءدال سۇيەمەلدەۋ ساياساتى ءار جىلى 13 ميلليوننان استام ادامدى كەدەيلىكتەن قۇتىلدىرۋ ناتيجەسىمەن ادامزاتتىڭ كەدەيلىككە قارسى كۇرەس تاريحىنداعى «ەڭ ۇلى حيكايانى» جازدى.

  پارتيا 19 - قۇرىلتايىنىڭ ۋاكىلى، جيڭگاڭشان قالالىق پارتكومنىڭ شۋجيى ليۋ حۇڭ بىلاي دەدى: پارتيامىزدىڭ جاسامپاز نازارياسىنىڭ جەتەكشىلىگى، قالىڭ حالىق بۇقاراسىنىڭ قايسار كۇرەسى بولماسا، جيڭگاڭشاننىڭ «كەدەيلىك قالپاعىن الىپ تاستاۋداي» ۇلى جەڭىسى بولماس ەدى. مۇنىڭ ءوزى عىلمي نازاريانىڭ امالياتپەن ۇشتاسقاندا، حالىق جاعىنان يگەرىلگەندە عانا، اقيقات نۇرىن شاشىپ، شەكسىز كۇش قالىپتاستىراتىندىعىن تولىق دالەلدەدى.

  جۇڭگو ادامزات تاريحىنداعى ەڭ ايبىندى ءارى وزگەشە نازاريا مەن اماليات جاسامپازدىعىن جۇرگىزۋدە، وسى بارىستا يگىلىككە كەنەلۋشى ادامدار بارعان سايىن كوبەيۋدە. دۇنيە جۇزىندەگى ايگىلى حالىق رايىن تەكسەرۋ ورتالىعى سانالاتىن پيۋ زەرتتەۋ ورتالىعىنىڭ تەكسەرۋ ناتيجەسى جۇڭگو حالقىنىڭ جۇڭگو كوممۋنيستىك پارتياسى مەن جۇڭگو ۇكىمەتىنە رازىلىق دەڭگەيىنىڭ دۇنيە جۇزىندەگى باسقا بيلىك قۇرىلىمى استىنداعى باسىم كوپ مەملەكەتتەردەن جوعارى ەكەندىگىن كورسەتتى.

  چيڭحۋا ۋنيۆەرسيتەتى ماركسيزم ينستيتۋتىنىڭ پروفەسسورى داي مۋساي بىلاي دەدى: «حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز» دەگەننەن «باستان - اياق حالىقتى كوڭىلدىڭ ەڭ بيىك تورىنە قويۋعا» دەيىن، «حالىقتى وزەك ەتكەن دامۋ يدەياسىندا تاباندى بولۋدان» «حالىق تىلەگى ەڭ زور ساياسي» دەگەنگە دەيىن، شي جينپيڭ جولداستى ۇيتقى ەتكەن پارتيا ورتالىق كوميتەتى حالىق ءۇشىن ىستەۋ مۇراتىن پارتيانىڭ لۋشيان، باعىت - ساياساتىنا اينالدىرىپ، بيلىك جۇرگىزۋ نىساناسى، بيىلىك جۇرگىزۋ نەگىزگى جوباسى، بيلىك جۇرگىزۋ فورماسى سياقتى ەل باسقارۋدىڭ فاكتورلارىنا كىرىستىردى.

  5 جىلدىڭ الدىندا، شي جينپيڭ مىندەتكە وتىرعانىنىڭ العاشى كەزىندە: «حالىق بۇقاراسى ءبىزدىڭ كۇشىمىزدىڭ قاينار بۇلاعى» دەگەن بولاتىن.

  پارتيانىڭ 18 - قۇرىلتايىنان بەرى، ول ەلىمىزدەگى شوعىرلى، وڭىرلىك ەرەكشە كەدەي وڭىرلەردى تەگىس ارالاپ، كەدەيلىكتەن قۇتىلدىرۋدان قامال الۋعا ناقتى تەكسەرۋ - زەرتتەۋ جۇرگىزدى؛ زاۆود - كەندەرگە، كاسىپورىندارعا، عىلمي زەرتتەۋ بازالارىنا بارىپ، رەفورمانىڭ قيىندىقتارىن ەگجەي - تەگجەيلى ۇعىستى؛ شارۋالار وتباسىلارىنا، الەۋمەتتىك اۋماقتارعا، قارتتار كۇتىمحاناسىنا بارىپ، حالىق تۇرمىسىنداعى كوكەي تەستى تىلەكتەردى ىجداعاتپەن سۇراستىردى؛ شەكارا، وتكەل قاراۋىلدارىنا، اسكەرلەر تۇراقتارىنا، اسكەري مانەۆردىڭ الدىڭعى شەپتەرىنە بارىپ، ارميانى قۇدىرەتتەندىرۋ، ارميانى گۇلدەندىرۋ بۇيرىقتارىن بەردى...

  حالىق بۇقاراسىنىڭ جالىندى امالياتىنان ەل باسقارۋدىڭ اقىل - پاراساتى مەن تاجىريبەلەرىن قابىلداپ، قاراپايىم دا ناقتى سوزدەرمەن كوزقاراستارى مەن ۇستانىمدارىن ءتۇسىندىرىپ، جالپى حالىق ءبىر نيەتپەن ۇمتىلعان تاماشا ۇمىتتەن كەلەشەكتى اشۋدىڭ بەكىمى مەن سەنىمىن ۇيىستىردى.

  گۋاڭجوۋدىڭ پاجوۋ ينتەرنەتتە جاڭالىق اشۋ شوعىرلى رايونىندا، بازار قۇنى 3 تريلليون يۋاننان اساتىن ينتەرنەتتەگى ولشەمدىك كاسىپورىندار ىركەس - تىركەس ىرگە تەۋىپ، دۇنيە جۇزىندەگى ينتەرنەت كاسىبىندە جاڭالىق اشۋ، شارۋاشىلىق قۇرۋداعى الدىمەن تاڭدالاتىن ورىندى بىرگە تۇلعالادى.

  يۇننانداعى رۇيلي مەملەكەتتىك وركەندەتۋ، اشۋ سىناق رايونىندا تاس جول، تەمىر جول مەن «اۋە كاريدورى» قۇرىلىسى شاپشاڭداي ءتۇستى، «وڭتۇستىك ازياعا، شىعىس وڭتۇستىك ازياعا باعىتتالعان بۇل ارنا ءتۇيىنى» «ءبىر بەلدەۋ، ءبىر جول» قۇرىلىسىندا جۇڭگونىڭ باتىس بولەكتى اشۋىنىڭ الدىڭعى شەپ وڭىرىنە اينالدى...

  ورتالىق پارتيا مەكتەبى پارتكومىنىڭ مۇشەسى، وقۋ - اعارتۋ باسقارماسىنىڭ ورىنباسار باستىعى حان چيڭشياڭ بىلاي دەدى: «شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ءداۋىردىڭ تالابىن ارقاۋ ەتكەن، نازاردى كەزەكتەگى امالياتقا شوعىرلاندىرعان نازاريا جۇيەسىن قالىپتاستىردى، بۇل − رەفورما جاساپ، ەسىك اشقاننان بەرگى جۇڭگوشا سوتسياليزمنىڭ ۇلى امالياتى جۇيەسىنە دەگەن قورىتىندى، پارتيا مەن حالىقتىڭ امالياتتىق تاجىريبەسى مەن كوللەكتيۆ پاراساتىنىڭ شۇعىلالى جەمىسى، 21 - عاسىردا ماركسيزمدى دامىتۋعا تۋىندى سيپاتتى ۇلەس قوستى».

  جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت قىبلاناماسى

  − پارتيانىڭ نەگىزگى نازارياسىن، نەگىزگى لۋشيانىن، نەگىزگى جوباسىن جاپپاي دايەكتىلەندىرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ
 ج ك پ 19 - قۇرىلتايىنىڭ بايانداماسىن سالىستىرۋعا، ارلەۋگە تۇڭعىش توپتا ۇسىنىس ەتىلگەن شەتەلدىك مامان، 60 جاستاعى اراب ءتىلى مامانى يە حايياعا «جاڭا ءداۋىر» دەگەن ايتىلىم تەرەڭ اسەر ەتتى: «بۇل − جۇڭگونىڭ جاڭا تاريحي ورنىن بەلگىلەدى، جۇڭگونىڭ جاپپاي وسىزامانداندىرۋدى اناعۇرلىم تەز جۇزەگە اسىرۋىن جەبەيدى، سونىمەن بىرگە دۇنيە جۇزىندە باسقا دا تەز دامۋدى كوكسەيتىن ەلدەرگە جۇڭگو اقىل - پاراساتىن سيلايدى».

  جاڭا تاريحي بەلەس، جاڭا تاريحي سىناق.

  پارتيانىڭ 19 - قۇرىلتايىنىڭ بايانداماسىندا ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى دەپ تەرەڭدەي اتاپ كورسەتىلدى.

  «وزگەرگەنى <باستى قايشىلىق>، وزگەرمەگەنى سوتسياليزمنىڭ العاشقى ساتىسى ءالى دە ءبىزدىڭ <ەڭ ءىرى ءىس جۇزىندىگىمىز> جانە <ەڭ ءىرى مەملەكەت جاعدايىمىز>». چيڭحۋا ۋنيۆەرسيتەتى مەملەكەت جاعدايىن زەرتتەۋ ينستيتۋتىنىڭ باستىعى حۋ انگاڭ بىلاي دەپ اتاپ كورسەتتى: جۇڭگوشا سوتسياليزم جاڭا داۋىرگە قادام باسقاننان كەيىن، بۇل «وزگەرگەن» مەن «وزگەرمەگەندەر» پارتيانىڭ بيلىك جۇرگىزۋ قابىلەتى مەن ەل باسقارۋ ورەسىن ونان ارى سىنايتىن سىناق.

  ەكونوميكانىڭ جالپى مولشەرى سىندى «بالكۇلشە» ۇلكەيدى، جان سانى كوەففيتسەنتى زور، جان باسىندىق بايلىقتىڭ ۇلەس مولشەرى از بولۋداي قايشىلىق ءالى دە كورنەكتى؛ جاسىل دامۋ ۇنەمىلىككە قادام باستى، ەكولوگيا نەگىزى ءالسىز، قورشاعان ورتا ساپاسىنىڭ شەكتەمەسىندەگى ولقىلىقتار ءالى دە كورنەكتى؛ وڭىرلىك دامۋ پارقى، قالا - اۋىل كىرىس پارقى ءۇرتىس ازايعاننان كەيىن، كەدەيلەر مەن ەڭ تومەنگى تۇرمىسى قامتاماسىز ەتىلەتىن ادامدارعا الەۋمەتتىك قىزمەت كورسەتۋ ءالى دە جەتەرسىز... جۇڭگو كوممۋنيستىك پارتياسى جول باستاعان «جۇڭگو» اتتى پاروحودتىڭ الدىندا اشىق سۋ الابى دا، اساۋ اعىن، حاۋىپتى قايران دا بار؛ تەڭىزگە قۇيعان داريا دا، قيىن وتكەل دە بار.

  شي جينپيڭنىڭ جاڭا داۋىردەگى جۇڭگوشا سوتسياليزم يدەياسى پارتيا مەن حالىقتىڭ جاڭا تاريحي كەزەڭىنە پارمەندى يدەيالىق قارۋ جانە ارەكەت قىبلاناماسىن ازىرلەدى.

  «تەك جاسامپاز نازاريا بولعاندا عانا، پارتيانىڭ جاسامپازدىق كۇشىن ساۋلەلەندىرۋگە، قاساڭ قاعيداعا جابىسىپ الىپ، العا باسپاي قالۋدان ساقتانۋعا دا، باعىتتان كوز جازىپ، تەرىس جولعا تۇسۋدەن ساقتانۋعا دا بولادى»، - دەدى جۇڭگو حالىق ۋنيۆەرسيتەتىنىڭ پروفەسسورى چىن شياندا.

  جاڭا تاريحي بەلەس، جاڭا كۇرەس نىساناسى.

  وسى زامانعى شارۋاشىلىق جۇيەسىن قۇرۋ، حالىقتىڭ قوجا بولۋىنىڭ تۇزىمدىك جۇيەسىن كەمەلدەندىرۋ، سوتسياليستىك مادەنيەتتىڭ گۇلدەنىپ - كوركەيۋىن ىلگەرىلەتۋ، حالىق تۇرمىسىن قامتاماسىزداندىرۋ جانە جاقسارتۋ ورەسىن جوعارىلاتۋ، كورىكتى جۇڭگونى گۇلدەندىرۋ، دۇنيە جۇزىندەگى ماڭداي الدى ارميا قۇرۋ... پارتيانىڭ 19 - قۇرىلتايىنىڭ بايانداماسى كەستەلەگەن سوتسياليستىك وسىزاماندانعان قۇدىرەتتى ەل قۇرىلىسىنىڭ جولىندا، «باي، قۇدىرەتتى، دەموكراتيالى، وركەنيەتتى، جاراسىمدى» جانە «كورىكتى» دەگەن سوزدەر ايرىقشا كوز تارتادى.

  «ءبىرىنشى 100 جىلدىق نىسانانىڭ جۇزەگە اسقان كۇنى ەكىنشى 100 جىلدىق نىسانانىڭ باستالاتىن كەزى»، - دەدى مەملەكەت قورعانىسى ۋنيۆەرسيتەتى ماركسيزمدى زەرتتەۋ ورنىنىڭ اعا زەرتتەۋشىسى يان شياۋفىڭ، بۇل تاريحي كەزەڭ، ءبىرىنشى 100 جىلدىق نىساناعا اتويلاۋ كەزەڭى مەن ەكىنشى 100 جىلدىق نىسانانى باستاۋ كەزەڭى ۇشتاساتىن وتپەلى مەزگىل، ءبىرىنشى 100 جىلدىق نىسانانى جاقسى اياقتاتۋ مەن ەكىنشى 100 جىلدىق نىسانانى جاقسى باستاۋدىڭ قوس مىندەتتى مەزگىلى، ءتۇزىم اناعۇرلىم كەمەلدەنىپ تۇلعالاناتىن، دامۋ اناعۇرلىم ساپالىلاناتىن، جونگە سالۋ اناعۇرلىم ورە تانىتاتىن، حالىقتا اناعۇرلىم مول تابىس سەزىمى بولاتىن جوعارىلاۋدىڭ سەكىرىس مەزگىلى.

  جاڭا تاريحي بەلەس، جاڭا ستراتەگيالىق ورنالاستىرۋ.

  جوبا ەكى باسقىشقا ءبولىپ، سوتسياليستىك وسىزاماندانعان قۇدىرەتتى ەل قۇرۋدىڭ ۋاقىت كەستەسىن ايقىندادى: ءبىرىنشى باسقىش، 2020 - جىلدان 2035 - جىلعا دەيىن، سوتسياليستىك وسىزامانداندىرۋدى نەگىزىنەن ىسكە اسىرۋ؛ ەكىنشى باسقىش، 2035 - جىلدان وسى عاسىردىڭ ورتاسىنا دەيىن، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ.

  دىڭ شياۋپيڭ پارتيانىڭ 13 - قۇرىلتايىندا العا قويعان وسىزامانداندىرۋدى جۇزەگە اسىرۋداعى «3 باسقىشقا ءبولىپ ءجۇرۋ» ستراتەگياسىن ورتاعا قويعانىنادا ءدال 30 جىل بولدى.

  ءبىرىنىڭ ءىزىن ءبىرى باسقان جۇڭگو كوممۋنيستەرى بۇرىنعىعا مۇراگەر، كەيىنگىگە بۇيداگەر بولىپ، جۇڭگونى وسىزامانداندىرۋ ءۇشىن بىرىنە - ءبىرى قول جالعاپ كۇرەس جۇرگىزدى.

  پارتيا 19 - قۇرىلتايىنىڭ ۋاكىلى، نانجيڭ ۋنيۆەرسيتەتى پارتكومىنىڭ شۋجيى جاڭ يبين بىلاي دەدى: «30 نەشە جىل رەفورما جاساپ، جاڭالىق اشۋ ارقىلى پارتيامىز نەگىزىنەن وسىزامانداندىرۋ نىساناسىن 15 جىل بۇرىن ورىنداۋعا تولىق نەگىز قالادى ءارى 2050 - جىلعى جاڭا نىسانانى نىق سەنىممەن ورتاعا قويدى. بۇل پارتيامىزدىڭ يدەياسى، نازارياسى، ستراتەگياسى ءداۋىر سىناعىنان وتە الاتىنىن، جۇڭگوشا سوتسياليستىك قۇرىلىستىڭ زاڭدىلىعىنا ۇيلەسەتىنىن، مەملەكەت پەن حالىققا بارىنشا جاۋاپتى بولاتىنىن تولىق ءتۇسىندىردى.

  جاڭا تاريحي بەلەس، جاڭا داۋىرلىك بورىش.

  پارتيا 12 - قۇرىلتايىندا «جۇڭگوشا سوتسياليزم قۇرۋدىڭ» ورتاعا قويىلۋىنان 13 - قۇرىلتايدا «3 باسقىشقا ءبولىپ ءجۇرۋ» ستراتەگياسىنىڭ ورتاعا قويىلۋىنا، پارتيا 15 - قۇرىلتايىندا «قوس 100 جىلدىق» نىسانانىڭ ورتاعا قويىلۋىنان پارتيا 16 - ، 17 - ، 18 - قۇرىلتايلارىندا جاپپاي دوڭگەلەك داۋلەتتى قوعام قۇرۋ نىساناسى جونىندە ۇزدىكسىز جاڭا جوبا جاسالىپ، جاڭا تالاپ قويىلعانعا دەيىن، ماركسيزم سوتسياليستىك جۇڭگونىڭ بايتاق توپىراعىندا ۇزدىكسىز ۇلى حيكىمەتتەر جاراتىپ كەلەدى.

  بۇگىنگى تاڭدا، «قوس 100 جىلدىقتىڭ» تاريحي توعىسىندا تۇرعانىمىزدا، پارتيا 19 - قۇرىلتايى بايانداماسى جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشىن بايىمدادى: ۇلى كۇرەس جاساپ، ۇلى ينجەنەريا جۇرگىزىپ، ۇلى ءىستى ىلگەرىلەتىپ، جۇڭحۋا ۇلتىنىڭ گۇلدەنۋى سىندى ۇلى ارماندى جۇزەگە اسىرۋ.

  سوتسياليزم قوزعالىسىنىڭ وركەندەۋ - قۇلدىراۋ، كوتەرىلۋ - باسىلۋ بارىسىنا قايىرىلا قاراپ، جۇڭگونىڭ رەفورما جاساپ، ەسىك اشۋىنداعى تاجىريبەلەرىن، تابىستارى مەن ولقىلىقتارىن قورىتىندىلاعان شي جينپيڭ جولداس: «پارتيانىڭ جاھاندىق جاعداي تەرەڭ وزگەرىسكە تۇسكەن تاريحي ۇردىستە قاشاندا ءداۋىردىڭ الدىڭعى لەگىندە جۇرۋىنە، ەل ءىشى - سىرتىنداعى ءتۇرلى حاۋىپ - قاتەرلەر مەن سىناقتارعا توتەپ بەرۋدىڭ تاريحي ۇردىسىندە قاشاندا بۇكىل مەملەكەت حالقىنىڭ تىرەگى بولۋىنا، جۇڭگوشا سوتسياليزمگە تاباندى بولۋ جانە ونى دامىتۋدىڭ تاريحي ۇردىسىندە قاشاندا قۇدىرەتتى باسشىلىق ۇيتقى بولۋىنا كەپىلدىك ەتۋ كەرەك»، - دەپ ايقىن ورتاعا قويدى.

  پارتيا 19 - قۇرىلتايىنىڭ ۋاكىلى، چۇنجياڭ توبى پارتكومىنىڭ شۋجيى پەي چۇنلياڭ بىلاي دەدى: «جۇڭحۋا ۇلتىنىڭ ۇلى گۇلدەنۋى استە جەڭىل - جەلپى، وڭاي - وسپاق ىسكە اسا قويمايدى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، پارتيامىزدىڭ كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمى ونان ارى تەرەڭدەۋدە، ۇلتتىڭ ۇلى گۇلدەنۋىن جۇزەگە اسىرۋدىڭ مىندەتناماسى، جول كارتاسى ونان ارى ايقىندالا ءتۇستى. ءبىز، ءسوز جوق، سەنىمدى بەكەمدەپ، قايراتتانا ۇمتىلىپ، جۇڭگوشا سوتسياليزمنىڭ ءتىپتى قۇدىرەتتى ومىرشەڭ كۇش كورسەتۋىنە مۇمكىندىك جاساۋىمىز كەرەك».

  اقيقات ۇستەمدىك قۇرعاندا، اسپان استىنا ادىلدىك ورنايدى.

  «كوممۋنيستىك پارتيا جارناماسى» جاريالانعان 160 جىلعا جۋىق اماليات ماركسيزم تەك سول مەملەكەتتىڭ مەملەكەت جاعدايىمەن بىرلەستىرىلىپ، ءداۋىردىڭ دامۋىمەن قاتار العا باسىپ، حالىق بۇقاراسىمەن تاعدىرلاس بولعاندا عانا، قۇدىرەتتى ومىرشەڭدىك كۇشكە، جاسامپازدىق كۇشكە، باۋراۋ كۇشىنە يە بولاتىنىن دالەلدەدى.
 «جاڭالىق اشۋشىلار عانا العا باسادى، جاڭالىق اشۋشىلار عانا قۇدىرەتتەنەدى، جاڭالىق اشۋشىلار عانا جەڭىسكە جەتەدى». پارتيا 19 - قۇرىلتايىنىڭ ۋاكىلى، مەملەكەتتىك سۋپەركومپيۋتەر تيانجين ورتالىعى پارتيا ياچەيكاسىنىڭ شۋجيى مىڭ شياڭفي بىلاي دەدى: «96 جىلدان بەرى، پارتيامىزدىڭ حالىققا باسشىلىق ەتىپ جەڭىستەن - جەڭىسكە جەتۋىنىڭ تەتىگى قاشاندا نازاريانى امالياتپەن ۇشتاستىرىپ، نازاريا ارقىلى امالياتقا جەتەكشىلىك ەتۋىندە. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ دۇرىس جەتەكشىلىگىندە، مەملەكەتىمىزدىڭ جاڭا سامعاۋدى قارسى الىپ، جاڭا سەكىرۋدى جۇزەگە اسىراتىندىعىندا داۋ جوق».

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ورتا تازالىق جۇمىسشىلارىنا جىلۋلىق جەتكىزدى
  • التاي ايماقتىق قار - مۇز ساياحاتى جانە 12 - كەزەكتى ادامزاتتىڭ بايىرعى قارشاڭعى مەكەنىن ەسكە الۋ قيمىلى شىمىلدىعىن اشتى
  • التاي قالاسىنىڭ 12 - كەزەكتى ادامزاتتىڭ بايىرعى قارشاڭعى مەكەنىن ەسكە الۋ ارناۋلى ادەبيەت-كوركەمونەر ساۋىق كەشى قويىلدى
  • التاي ايماعى ءدامدى تاعامدار باسەكەسىن وتكىزدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى