جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت قىبلاناماسى-ءتاڭىرتاۋ تورابى-ts
ءتاڭىرتاۋ تورابى   ›   ۇيرەنۋ   ›   نازاريا

جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت قىبلاناماسى

  − 19 - قۇرىلتاي ۋاكىلدەرى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن تىلگە تيەك ەتتى

  شينحۋا اگەنتتىگىنىڭ ءتىلشىسى

امالياتتىڭ شەگى جوق، نازاريادا جاڭالىق اشۋدىڭ شەگى جوق.

  جاڭا داۋىردە جۇڭگوشا سوتسياليزمگە تاباندى قانداي بولۋ جانە دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ سىندى كەلەلى داۋىرلىك تاقىرىپ الدىندا، پارتيا 19 - قۇرىلتايىنىڭ بايانداماسىندا شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ايقىن العا قويىلىپ، جۇڭگو كوممۋنيستىك پارتياسىنىڭ ىزدەنىسى مەن جاۋابىن ادامداردىڭ الدىنا ايقىن جايىپ سالدى.

  بىرنەشە كۇننەن بەرى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ۋاكىلدەردىڭ قىزۋ تالقى تۇيىنىنە اينالدى. كوپشىلىك مىنالاردى ءبىلدىردى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى، ماركسيزم اقيقاتىنىڭ نۇرىن شاشىپ تۇر، وتكەن 5 جىلدا پارتيا مەن مەملەكەت ىستەرىندە جاڭالىق اشۋدا ماڭىزدى جەتەكشىلىك رولىن ساۋلەلەندىردى، الداعى جەردە جۇڭحۋا ۇلتىن ءتىپتى شۇعىلالى بولاشاققا باستايتىندىعىندا داۋ جوق.


يدەيا تۋىن بيىك كوتەرىپ، داۋىرلىك تاقىرىپقا جاۋاپ قاتتى 

  19 - قۇرىلتاي بايانداماسى «سەگىزدى ايقىنداپ بەرۋ» ارقىلى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن پايىمدادى.

  ۋاكىلدەر بىلاي دەپ ەسەپتەدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ جاڭا ءورىسىن اشىپ، ايقىن مۇراگەرلىك سيپاتىن، جاسامپازدىق سيپاتىن، داۋىرلىك سيپاتىن، جەتەكشىلىك سيپاتىن ايگىلەدى، ول − پارتيامىزدىڭ جۇڭگوشا سوتسياليزم جولىمەن بۇلجىماي جۇرۋىندەگى عىلمي قىبلاناما.

  «قانشا شەشۋشى ءسات بولعان سايىن، ايقىن بەتالىستى سونشا قاجەت ەتەدى». ىشكى موڭعۇل ۋنيۆەرسيتەتى پارتكومىنىڭ شۋجيى، ۋاكىل جۋ بيڭۋىن بىلاي دەدى: پارتيامىزدىڭ باسشىلىعىنداعى جۇڭگوشا سوتسياليزم ۇلى ءىسى جاڭا داۋىرگە قادام تاستاعاندا، بىزگە ەڭ قاجەتى − نازاريادا ۇزدىكسىز جاڭا ءورىس اشىپ، جاڭا تۇجىرىم جاساۋ.

  ۋاكىل جۋ بيڭۋىن بىلاي دەپ قارادى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ىشكى - سىرتقى جاعدايدا جارىققا شىققان وزگەرىستەردە جانە ەلىمىزدىڭ ءتۇرلى ىستەرى دامىعاننان كەيىن، جۇڭگو كوممۋنيستىك پارتياسىنىڭ قانداي تۋدى كوتەرۋ، قانداي جولمەن ءجۇرۋ، قانداي رۋحاني كۇيمەن قانداي تاريحي بورىشتى ارقالاۋ، قانداي كۇرەس نىساناسىن جۇزەگە اسىرۋ سياقتى ءبىر قىدىرۋ كەلەلى ماسەلەلەرگە تەرەڭ جاۋاپ بەردى.

  ۇلى ءداۋىر ۇلى نازاريانى قاجەت ەتەدى.

  19 - قۇرىلتاي ۋاكىلى، گۋاڭدۇڭ ولكەلىك پارتكوم پارتيا مەكتەبىنىڭ ۇنەمىلىك ىستەرگە جاۋاپتى ورىنباسار باستىعى ياڭ حانچيڭ بىلاي دەپ قارادى: 19 - قۇرىلتاي بايانداماسىنداعى ەڭ ۇلكەن جارقىن ءتۇيىن − شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ العا قويىلۋى، بۇل − پارتيامىزدىڭ حالىققا باسشىلىق ەتىپ جۇڭگوشا سوتسياليزم ىستەرىن اشۋداعى ماڭىزدى بەلەس، ول ماركسيزمدى جۇڭگونىڭ امالياتىمەن ۇشتاستىرۋداعى تاريحي سەكىرۋدى كورسەتەدى.

  19 - قۇرىلتاي ۋاكىلى، جيڭگاڭشان قالالىق پارتكومنىڭ شۋجيى ليۋ حۇڭ بىلاي دەدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگى بولماسا، قالىڭ حالىق بۇقاراسىنىڭ قايسار كۇرەسى بولماسا، جيڭگاڭشاننىڭ «كەدەيلىك قالپاعىن الىپ تاستاۋداعى» ۇلى جەڭىسى دە بولماس ەدى. «مۇنىڭ ءوزى عىلمي نازاريانىڭ امالياتپەن ۇشتاسقاندا، حالىق جاعىنان يگەرىلگەندە عانا، اقيقات نۇرىن شاشىپ، شەكسىز كۇش قالىپتاستىراتىندىعىن تولىق دالەلدەدى».
 شي جينپيڭ جولداس جاساعان باياندامانى تىڭداعاننان كەيىن، حىنان ولكەسى حۇيشيان قالاسى جاڭسۇن اۋىلى پەيجاي قىستاعى پارتيا باس ياچەيكاسىنىڭ شۋجيى، ۋاكىل پەي چۇنلياڭ ەرەكشە تەبىرەندى. ول بىلاي دەدى: جۇڭحۋا ۇلتىنىڭ ۇلى گۇلدەنۋى استە جەڭىل - جەلپى، داڭعىر - دۇڭعىرمەن ىسكە اسا سالمايدى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، پارتيامىزدىڭ كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمى ونان ارى تەرەڭدەۋدە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ مىندەتناماسى، جول كارتاسى ونان ارى ايقىندالا ءتۇستى. ءبىز، ءسوز جوق، سەنىمدى بەكەمدەپ، قايراتتانا ۇمتىلىپ، جۇڭگوشا سوتسياليزمنىڭ ءتىپتى قۇدىرەتتى ومىرشەڭ كۇش كورسەتۋىنە مۇمكىندىك جاساۋىمىز كەرەك.

نەگىزگى جالپى جوبانى ايقىنداپ، ارەكەت قىبلاناماسىن ازىرلەدى 

  بارلىق قىزمەتتە پارتيانىڭ باسشىلىعىنا تاباندى بولۋ، حالىقتى وزەك ەتۋگە تاباندى بولۋ، رەفورمانى جاپپاي تەرەڭدەتۋگە تاباندى بولۋ، جاڭا دامۋ ۇستانىمىنا تاباندى بولۋ سىندى 14 مازمۇن جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدىڭ نەگىزگى جالپى جوباسىن تۇلعالادى. 19 - قۇرىلتاي بايانداماسىندا، بۇكىل پارتياداعى جولداستاردىڭ پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن، ءسوز جوق، جاپپاي دايەكتىلەندىرىپ، پارتيا مەن حالىق ىستەرىنىڭ دامۋىنا ءتىپتى جاقسى باسشىلىق ەتۋى كەرەكتىگى باسا دارىپتەلدى.

  ۋاكىلدەر مىنالاردى ءبىلدىردى: پارتيانىڭ 18 - قۇرىلتايدان بەرى باسىپ وتكەن شۇعىلالى 5 جىلدا پارتيا مەن مەملەكەت ىستەرىندە قول جەتكەن تاريحي جەتىستىكتەر، جارىققا شىققان تاريحي وزگەرىستەر تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى.

  حۋاڭبي شىزۋ اۋىلى ۋيشان تاۋىنىڭ سولتۇستىك ەتەگىندە. جۇزدەگەن جىلدان بەرى، شىزۋ ۇلتىنىڭ ۇلاندارى وسى ارادا ءوسىپ - ءوربىدى. «وتكەن 5 جىلدا، ەكولوگيالىق وركەنيەت قۇرىلىسىن بارىنشا كۇشەيتۋدىڭ ناتيجەسىندە، شىزۋ حالقىنىڭ ۇرپاقتار بويى تىرشىلىك ەتىپ كەلە جاتقان اتا مەكەنى ءتىپتى كورىكتەنە ءتۇستى». 19 - قۇرىلتاي ۋاكىلى، جياڭشي ولكەسى شاڭراۋ قالاسى چيانشان اۋدانى حۋاڭبي شىزۋ اۋىلدىق پارتكومىنىڭ شۋجيى لەي حاييان بىلاي دەدى: بولاشاققا بەت تۇزەي وتىرىپ، ءبىز «تۇنىق سۋ، جاسىل تاۋدىڭ ءوزى باعالى بايلىق» دەگەن ۇستانىمدى مىقتاپ ورناتىپ جانە امالياتتا ايگىلەپ، بايلىقتى ۇنەمدەپ، قورشاعان ورتانى قورعاپ، ەكولوگيالىق ورتانى ومىرىمىزدەي قادىرلەپ، ۇرپاقتارىمىز ءۇشىن كورىكتى اتا مەكەنىمىزدى قورعاۋىمىز كەرەك.

  «جاڭالىق اشۋشىلار عانا العا باسادى، جاڭالىق اشۋشىلار عانا قۇدىرەتتەنەدى، جاڭالىق اشۋشىلار عانا جەڭىسكە جەتەدى». 19 - قۇرىلتاي ۋاكىلى، مەملەكەتتىك سۋپەركومپيۋتەر تيانجين ورتالىعى پارتيا ياچەيكاسىنىڭ شۋجيى مىڭ شياڭفي بىلاي دەدى: 96 جىلدان بەرى پارتيامىزدىڭ حالىققا باسشىلىق ەتىپ جەڭىستەن - جەڭىسكە جەتۋىنىڭ تەتىگى قاشاندا نازاريانى امالياتپەن ۇشتاستىرىپ، نازاريا ارقىلى امالياتقا جەتەكشىلىك ەتۋىندە. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ دۇرىس جەتەكشىلىگىندە، مەملەكەتىمىزدىڭ جاڭا سامعاۋدى قارسى الىپ، جاڭا سەكىرۋدى جۇزەگە اسىراتىندىعىندا داۋ جوق.

  جياڭسۋ ولكەسى چاڭجوۋ قالاسىنىڭ ورىنباسار باستىعى، ۋجين رايوندىق پارتكومنىڭ شۋجيى، ۋاكىل شى جىجۇن جەرگىلىكتى ورىن دامۋىنىڭ امالياتىمەن ۇشتاستىرا وتىرىپ: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ماسەلەنى نىشان ەتۋگە تاباندى بولىپ، نازاريادا جاڭالىق اشۋمەن بىرگە، نازارياداعى جاسامپازدىقتى وبيەكتيۆ دامۋ زاڭدىلىعىنا ساي نەگىزگە قويىپ، امالياتقا عىلمي، پارمەندى جەتەكشىلىك ەتتى، - دەدى.

  ۋاكىل شى جىجۇن بىلاي دەدى: ءبىز ۋجيندە 5 ءىرى دامۋ ۇستانىمىن دايەكتىلەندىرىپ، تياناقتاندىرىپ، كاسىپ سالاسىندا جاڭالىق اشا دامۋ، ەكولوگيانى قورعاۋدى جەتەكشى ەتۋ، قالا مەن اۋىلدى تىڭعىلىقتى باسقارۋ، وقۋ - اعارتۋ، دەنساۋلىق ساقتاۋ ىستەرىن بىركەلكىلەندىرۋ، ەرەكشەلىككە يە قۋاتتى قالاشىق قۇرىلىسى سياقتى «بەس 3 جىلدىق ارەكەت جوسپارىن» زور كۇشپەن اتقاردىق، اتاپ ايتقاندا، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن تياناقتاندىرىپ، ەكونوميكالىق، قوعامدىق دامۋداعى «ولقىلىقتاردى» باعىتتامالى ءبىر جايلى ەتىپ، دامۋ زاڭدىلىعىنا ۇيلەسەتىن، اناعۇرلىم ساپالى، اناعۇرلىم باياندى دامۋ جولى جونىندە بەلسەندى ىزدەنىس جاسادىق.

  پارتيانىڭ قالاۋىنا، حالىق تىلەگىنە بەيىمدەلىپ، ەكپىندەي العا ىلگەرىلەۋ كۇش - قۋاتىن ۇيىستىردى 

  پارتيانىڭ 19 - قۇرىلتايى 89 ميلليوننان استام پارتيا مۇشەسىنە مىناداي ايقىن تالاپ قويدى: بۇكىل پارتيا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ رۋحاني ماڭىزى مەن باي ءمانىن تەرەڭ ءتۇسىنىپ، ءتۇرلى قىزمەتتە جاپپاي، دۇرىس دايەكتىلەندىرۋ، تياناقتاندىرۋ كەرەك.

  ۋاكىلدەر مىنالاردى ءبىلدىردى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى امالياتتىڭ سىنىنان وتكەن قۇدىرەتتى يدەيالىق قارۋ، پارتيانىڭ 19 - قۇرىلتايى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن پارتيامىز، ءسوز جوق، ۇزاق ۋاقىت تاباندى بولاتىن جەتەكشى يدەيا ەتىپ تۇراقتاندىرىپ، پارتيانىڭ جەتەكشى يدەياسىنىڭ تاعى ءبىر رەت داۋىرمەن بىرگە ىلگەرىلەۋىن جۇزەگە اسىردى، ول بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق ارمانى جانە ورتاق ەركى.

  بەيجيڭ بالالار شيپاحاناسى ۋلترا دىبىس ءبولىمىنىڭ قۇرمەتتى مەڭگەرۋشىسى، ۋاكىل جيا ليچۇن بىلاي دەدى: توڭكەرىستىك مۇرات بارىنەن جوعارى ورىندا تۇرادى، وي - سانانى پارتيانىڭ جاسامپاز نازارياسىمەن قارۋلاندىرۋ قاجەت، ءاربىر كومپارتيا مۇشەسى ءوزىنىڭ قىزمەت ورنىندا اۆانگارد، ونەگەلىلىك رولىن اناعۇرلىم سانالى تۇردە ساۋلەلەندىرىپ، كوپشىلىكتى ىنتىماقتاستىرىپ جانە باستاپ، جاڭا داۋىردە پارتيانىڭ تاريحي بورىشىن بىرگە جۇزەگە اسىرۋ ءۇشىن قاجىماي - تالماي كۇرەس جۇرگىزۋى كەرەك.

  عىلىم - تەحنيكا قىزمەتكەرى، 19 - قۇرىلتايدىڭ ۋاكىلى، جۇڭگو ىستىق بەلدەۋ اۋىل شارۋاشىلىعى عىلىم اكادەمياسى حوش ءيىستى زاتتاردى، سۋسىندى زەرتتەۋ ورنى عىلىم - تەحنيكا باسقارماسىنىڭ باستىعى حاۋ چاۋيۇن: ءبىز شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ىشكەرىلەي ۇيرەنۋىمىز، ءتۇسىنۋىمىز، ءون بويىنا ساباقتاستىرىلعان بەرىك سەنىمدى، نانىمدى، كۇشتى تاريحي جاۋاپكەرشىلىك ارقالاۋ جانە شىندىققا جۇگىنىپ، ناقتى ىستەر ىستەۋ ستيلىن ءتۇسىنۋىمىز، ءىس جۇزىندىك قىزمەت بارىسىندا باتىلدىقپەن ءورىس اشا جاڭالىق جاراتىپ، زەرتتەۋ قابىلەتىمىز بەن دەڭگەيىمىزدى تىنباي جوعارىلاتىپ، وزىندىك قۇندى ۇنەمدەپ، ونىمدىلىكتى ارتتىرىپ، كاسىپ سالاسىنىڭ دامۋىن جەبەۋىمىز كەرەك، - دەدى.

  19 - قۇرىلتاي ۋاكىلى، سىچۋان ولكەسى پىڭشي اۋدانى چاڭلى قالاشىعى گۇڭشىليان قىستاعى پارتكومىنىڭ شۋجيى جياڭ يجيا: وي - سانانى پارتيانىڭ جاسامپاز نازارياسىمەن قارۋلاندىرساق، نەگىزگى ساتىداعى ءبىز سياقتى پارتيالى كادرلاردىڭ ءىس تىندىرۋ ارىنى ەسەلەپ ارتىپ، سەنىمى نىعايا تۇسەدى، - دەدى.

  ۋاكىل جياڭ يجيا تىلشىگە: مەن 19 - قۇرىلتايدىڭ رۋحىن نەگىزگى ساتىعا جەتكىزىپ، ماڭايىمداعى كادر - جۇرتشىلىقتىڭ شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ۇيرەنۋىنە، تۇسىنۋىنە كومەكتەسىپ، كوپشىلىكتى باستاپ شوگەلدىكپەن، ناقتى ىستەر ىستەيمىن، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ورتا تازالىق جۇمىسشىلارىنا جىلۋلىق جەتكىزدى
  • التاي ايماقتىق قار - مۇز ساياحاتى جانە 12 - كەزەكتى ادامزاتتىڭ بايىرعى قارشاڭعى مەكەنىن ەسكە الۋ قيمىلى شىمىلدىعىن اشتى
  • التاي قالاسىنىڭ 12 - كەزەكتى ادامزاتتىڭ بايىرعى قارشاڭعى مەكەنىن ەسكە الۋ ارناۋلى ادەبيەت-كوركەمونەر ساۋىق كەشى قويىلدى
  • التاي ايماعى ءدامدى تاعامدار باسەكەسىن وتكىزدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى