ءتاڭىرتاۋ تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

پارتيانىڭ شاپاعاتىن ەسىمدە بەرىك ساقتاپ، بۇكىل ىنتا - پەيىلىممەن پارتياعا ىلەسەمىن

اقشي اۋدانى قاراشي اۋىلى اقشي قىستاعىنداعى ساقا پارتيا مۇشەسى

  اسقار سۇلتان

  مەن 1946 - جىلى تۋدىم، 1976 - جىلى جۇڭگو كوممۋنيستىك پارتياسىنا قابىلداندىم، 41 جىلدىق پارتيا ستاجىنا يەمىن. كەزىندە قىستاق تۇرعىندار كوميتەتىنىڭ ورىنباسار مەڭگەرۋشىسى، مەڭگەرۋشىسى، سونداي - اق 15 جىل قىستاق پارتيا ياچەيكاسىنىڭ شۋجيى مىندەتىن اتقارعانمىن.

  پارتيانىڭ باسشىلىعىندا ءبىز ءبىر قىدىرۋ تاماشا ساياساتتاردان يگىلىكتەنىپ، باقىتتى تۇرمىسقا كەنەلدىك. پارتيانىڭ حالىققا تيىمدىلىك جاساۋ ساياساتى وقۋ - اعارتۋ، جۇمىسقا ورنالاستىرۋ، كەدەيلەردى سۇيەمەلدەۋ، ەمدەۋ - دەنساۋلىق ساقتاۋ سىندى سالالاردى قامتىدى، قازىر ادامدار رەتتى كيىنىپ، جاڭا دا جاسىل ازىق - تۇلىكتەرمەن ازىقتاناتىن بولدى، كەڭ دە جارىق ۇيگە كوشىپ كىردى. ءوز باسىمنان الىپ ايتار بولسام، پارتيا مەن ۇكىمەت كوپ بولەگىن كوتەرىپ، ءوز قاسىمنان ازىراق اقشا شىعارىپ، مالشىلاردى وتىرىقتاندىرىپ، مال شارۋاشىلىعىن كوركەيتۋ بويىنشا سالىنعان ۇيگە كوشىپ كىردىم، تۇرمىسىم بارعان سايىن جاقساردى. 2 - ۇلىم قارىز اقشامەن كۇرەۋىش ماشينا، توپىراق تاسيتىن اۆتوموبيل ساتىپ الىپ، جەرگىلىكتى ورننىڭ قۇرىلىس نىساندارىندا ىستەپ، اۋقاتتانۋ جولىنا قادام تاستادى.

  تاياۋ جىلدان بەرى، پارتيانىڭ حالىققا تيىمدىلىك جاساۋ ساياساتىنىڭ ارقاسىندا اقشي قىستاعىنداعى مالشىلار مال باعۋدان سىرت، سىرتقا شىعىپ جۇمىس ىستەدى. كوپتەگەن قىستاق تۇرعىندارى جايلاۋدان كوشىپ كەلىپ، وتىرىقتى تۇرمىس كەشىرە باستادى. سوڭعى جىلدارى قىستاقتىڭ «ەكى كوميتەت» القاسىنداعىلار قىستاق تۇرعىندارىن باستاپ كاسىپ سالاسى قۇرىلىمىن ۇزدىكسىز رەتكە سالدى، قىستاق تۇرعىندارىنىڭ ءتۇرلى شارۋاشىلىقتى دامىتۋىنا دەم بەردى، قىستاق تۇرعىندارىنىڭ شىرعاناق، ارپا، زىعىر قاتارلى ەگىس داقىلدارىن ەگۋىنە، پارنيكتە كوكونىس ەگۋ تەحنيكاسىن ۇيرەنۋىنە جەتەكشىلىك ىستەپ، كومەكتەستى. قازىر شىرعاناق ەگىس اتىزى كولەمدەنىپ، قىستاق تۇرعىندارىنىڭ كىرىستى ارتتىرۋداعى تاعى ءبىر قاينار كوزىنە اينالدى. قىستاقتاعى بۇرىنعى توپىراق جولدىڭ ورنىنا اسفالت جول جاتقىزىلدى، بۇرىنعى توپىراق توعاننىڭ ورنىنا سۋ سىڭبەيتىن سەمەنت توعان سالىندى، تاس جولداردىڭ بويىنا شىراق ورناتىلدى، ءبىز جاڭا ۇلگىدە مال قورا سالىپ الدىق، قۇبىر سۋىنان پايدالاندىق، راديو ەستىپ، تەلەۆيزور كورە الاتىن بولدىق، تۇرمىسىمىز كۇننەن - كۇنگە جاقساردى. مۇنىڭ بارلىعىن پارتيانىڭ ابزال ساياساتىنان، پارتيانىڭ ءار ۇلت بۇقاراسىنا كوڭىل بولۋىنەن بولە قاراۋعا بولمايدى. مالشىلاردىڭ تۇرمىسىنىڭ بارعان سايىن وسىزاماندانۋعا بەت العاندىعىن، اقشي قىستاعىندا وراسان زور وزگەرىستەردىڭ تۋىلعاندىعىن كورگەنىمدە، ساقا پارتيا مۇشەسى رەتىندە، مەنىڭ جۇرەگىمدى شاتتىق سەزىمى كەرنەپ، بۇكىل ىنتا - پەيىلىممەن پارتياعا ىلەسۋدەي سەنىمىم اناعۇرلىم بەكەمدەلە ءتۇستى.
 مەن 71 جاسقا كەلگەنىممەن، دەنساۋلىعىم جاقسى، ايەلىم ەكەۋىمىز باعاتىن 50گە جۋىق قويىمىز بار، قىستاقتاعى قيمىلدارعا دا بەلسەنە قاتىناسامىن. «اتا - انانىڭ قارىزىن وتەۋ» − پارىز. ءار جولى داستارقان باسىندا بالالارىمنىڭ اۋقاتتانۋدىڭ جولدارى جونىندە قىزۋ تالقىعا تۇسكەنىن كورگەنىمدە، مەن ءومىر بويى پارتيانىڭ باۋلىپ - تاربيەلەۋىندە بولعانىمدى، پارتيانىڭ باسشىلىعىندا جانە پارتيانىڭ تاماشا ساياساتىنىڭ ارقاسىندا عانا ۇرپاقتارىمنىڭ بۇگىنگىدەي باقىتتى تۇرمىسقا قول جەتكىزگەندىگىن تەرەڭ سەزىنەمىن. مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شاپاعاتىن قاشاندا ەسىمدە بەرىك ساقتاپ، پەرزەنتتەرىمدى قاجىرلى ەڭبەكتەرىنە سۇيەنىپ اۋقاتتانۋعا، قوعامعا جارامدى ادام بولۋعا تاربيەلەيمىن، ماڭىمداعى حالىق بۇقاراسىن پارتيانىڭ شاپاعاتىنا ماڭگى العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەيمىن، باستايمىن.

جاۋاپتى رەداكتور : نۇرجان مينۋار قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى