پارتيا 19 - قۇرىلتايىنىڭ بايانداماسىنداعى جاڭا يدەيالار، جاڭا تۇجىرىمدار، جاڭا ايتىلىمدار، جاڭا شارالار-ءتاڭىرتاۋ تورابى-ts
ءتاڭىرتاۋ تورابى   ›   ۇيرەنۋ   ›   نازاريا

پارتيا 19 - قۇرىلتايىنىڭ بايانداماسىنداعى جاڭا يدەيالار، جاڭا تۇجىرىمدار، جاڭا ايتىلىمدار، جاڭا شارالار

  جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى مەزگىلدە جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى 18 - قازاندا بەيجيڭدە سالتاناتپەن اشىلدى.

  شي جينپيڭنىڭ 19 - قۇرىلتايعا جاساعان بايانداماسىنىڭ قامتىمى كەڭ، مازمۇنى باي، 30 مىڭ ارىپتەن اساتىن بايانداما تاريحقا جالپىلاي كوز جىبەرىپ، بولاشاققا نازار سالىپ، جۇڭگو كوممۋنيستىك پارتياسىنىڭ 5 جىلدان بەرگى ەل باسقارۋ تاجىريبەسىن جانە ويىن شوعىرلى جيناقتادى، قازىردەن 2020 - جىلعا دەيىنگى، اۋەلى، وسى عاسىردىڭ ورتاسىنا دەيىنگى ايبىندى جوبانى جاسادى. بايانداماداعى ءبىرسىپىرا جاڭا يدەيالار، جاڭا تۇجىرىمدار، جاڭا ايتىلىمدار، جاڭا شارالار جۇرتتىڭ نازارىن بارىنشا اۋدارىپ، كۇشتى اڭىس قوزعادى.

  جاڭا تاريحي باعدار: جۇڭگوشا سوتسياليزم جاڭا داۋىرگە ءوتتى

  باياندامادا جۇڭگونىڭ دامۋداعى جاڭا تاريحي باعدارى − جۇڭگوشا سوتسياليزمنىڭ جاڭا داۋىرگە وتكەندىگى العا قويىلدى. بۇل كەلەلى تۇجىرىم.

  جاڭا داۋىرگە ءوتۋ − پارتيا مەن مەملەكەت ىستەرى دامۋىنىڭ جالپى جاعدايلىق كوز اياسى، رەفورما جاساپ، ەسىك اشقان 40 جىلعا تاياۋ بارىستا جانە 18 - قۇرىلتايدان بەرگى 5 جىلدا قول جەتكەن تاريحي تابىستار مەن تاريحي بۇرىلىس باعدارىندا تۇرىپ شىعارىلعان عىلمي تۇجىرىم.

  بۇل جاڭا ءداۋىر − الدىڭعىلارعا مۇراگەر، كەيىنگىلەرگە بۇيداگەر بولىپ، بولاشاققا جول اشاتىن، جاڭا تاريحي شارت - جاعدايدا جۇڭگوشا سوتسياليزمنىڭ ۇلى جەڭىسىنە ۇزدىكسىز قول جەتكىزەتىن ءداۋىر. باياندامادا پارتيا 18 - قۇرىلتايىنان بەرگى جاڭا اماليات، جاڭا ناتيجەلەر تياناق ەتىلىپ، وسى عاسىردىڭ ورتاسىنا دەيىنگى كۇرەس نىساناسى جوسپارلاندى.

  باعدار جالپى جوبانى بەلگىلەيدى. جاڭا تاريحي شارت - جاعدايدا، اۋەلگى ماقساتتى ۇمىتپاۋ، بورىشتى ەستە بەرىك ساقتاۋ كەرەك. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشى ءارى تاياۋ زاماننان بەرگى جۇڭحۋا ۇلتىنىڭ ەڭ ۇلى ارمانى. باياندامادا جاڭا داۋىرگە وتۋدە، ۇلى ارماندى جۇزەگە اسىرۋدا، ءسوزسىز، ۇلى كۇرەس جاساۋ، ۇلى ينجەنەريا جۇرگىزۋ، ۇلى ءىستى ىلگەرىلەتۋ كەرەكتىگى العا قويىلدى.

  نازاريالىق جاسامپازدىقتىڭ تىڭ جەتىستىگى: جاڭا داۋىردەگى جۇڭگوشا سوتسياليزم يدەياسى

  پارتيا 19 - قۇرىلتايىنىڭ بايانداماسىندا نازاريالىق جاسامپازدىقتىڭ كەلەلى جەتىستىكتەرى العا قويىلدى، باياندامادا بىلاي دەپ اتاپ كورسەتىلدى: جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، «ۇشكە ۋاكىلدىك ەتۋ» ماڭىزدى يدەياسىنا، عىلمي دامۋ كوزقاراسىنا مۇراگەرلىك ەتۋ جانە ونى دامىتۋ، ماركسيزمدى جۇڭگوشالاندىرۋدىڭ ەڭ جاڭا جەتىستىگى.

  جاڭا داۋىردەگى جۇڭگوشا سوتسياليزم يدەياسى − پارتيا 18 - قۇرىلتايىنان بەرى شي جينپيڭ جولداستىڭ ەل باسقارۋداعى جاڭا ۇستانىمدارىنىڭ، جاڭا يدەيالارىنىڭ، جاڭا ستراتەگيالارىنىڭ جوعارى دەڭگەيدە تۇجىرىمدالۋى، پارتيا مەن حالىقتىڭ امالياتتىق تاجىريبەسىنىڭ جانە كوللەكتيۆ اقىل - پاراساتىنىڭ جاۋھارى. باياندامادا العا قويىلعان جاڭا داۋىردەگى جۇڭگوشا سوتسياليزم يدەياسىنىڭ «8 ايقىن بولۋدان» جانە «14 تاباندى بولۋدان» جاڭا داۋىردەگى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسى قالىپتاستى، ءوزارا بىرلىككە كەلگەن بۇل ەكەۋى جۇڭگوشا سوتسياليزمنىڭ يدەيالىق جۇلگەسىن بىرگە تۇلعالادى.

  جاڭا داۋىردەگى جۇڭگوشا سوتسياليزم يدەياسى − بۇكىل پارتيانىڭ، بۇكىل ەل حالقىنىڭ قيمىل قىبلاناماسى جانە يدەيالىق قارۋى. باياندامادا جۇرتتى سۇيىندىرە وتىرىپ، بىلاي دەپ اتاپ كورسەتىلدى: 21 - عاسىرداعى جۇڭگونىڭ ماركسيزمى، ءسوزسىز، اقيقاتتىڭ اناعۇرلىم قۋاتتى، اناعۇرلىم يلانىمدى كۇش - قۋاتىن ايگىلەيدى!

  قوعامدىق باستى قايشىلىقتاعى تاريحي جاڭا وزگەرىس: «قوعامداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا» وزگەردى

  وتكەندە ءبىرشاما ۇزاق ۋاقىتقا، جۇڭگو قوعامىنداعى باستى قايشىلىق «حالىقتىڭ كۇن سايىن ارتىپ وتىرعان زاتتىق مادەنيەت قاجەتى مەن مەشەۋ قوعامدىق ءوندىرىس اراسىنداعى قايشىلىق» دەپ بايىمدالىپ كەلدى. 19 - قۇرىلتايدىڭ بايانداماسىندا: ەلىمىز قوعامىنداعى باستى قايشىلىق − «حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا» وزگەردى دەپ العا قويىلدى.

  كەزەكتە، حالىقتىڭ تاماشا تۇرمىس قاجەتى زاتتىق مادەنيەت تۇرمىسقا اناعۇرلىم جوعارى تالاپ قويىپ قالماستان، ونىڭ ۇستىنە دەموكراتيا، زاڭمەن جونگە سالۋ، ادىلدىك، ادىلەتتىلىك، حاۋىپسىزدىك، قورشاعان ورتا سياقتى جاقتارداعى كۇن سايىن ارتىپ وتىرعان تالابىنان كورىنىس بەرەدى؛ ەلىمىزدىڭ قوعامدىق وندىرگىش كۇش دەڭگەيى جالپى جاقتان كورنەكتى جوعارىلادى، اناعۇرلىم كورنەكتى قايشىلىق − قالا، اۋىل، ءوڭىر، تابىس ءبولىسى سياقتىلاردا ورىن تەپكەن بىركەلكى، تولىق بولماۋ سياقتى ماسەلەلەر حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدىڭ نەگىزگى تەجەم فاكتورىنا اينالدى.
 قوعامدىق باستى قايشىلىقتاعى جالپى جاعدايعا ساياتىن، ىقپالى تەرەڭ مۇنداي وزگەرىس پارتيا مەن مەملەكەت قىزمەتىنە كوپتەگەن جاڭا تالاپتار قويدى. باياندامادا مىنالار ەرەكشە اتاپ كورسەتىلدى: قوعامداعى باستى قايشىلىق وزگەرگەنىمەن، ەلىمىزدىڭ سوتسياليزمنىڭ قانداي تاريحي ساتىسىندا تۇرعانى جونىندەگى تۇجىرىمىمىز وزگەرگەن جوق، ەلىمىزدىڭ ءالى دە سوتسياليزمنىڭ العاشقى ساتىسىندا تۇرعاندىعى ءارى ۇزاق ۋاقىت تۇراتىندىعى سىندى نەگىزگى جاعدايى وزگەرگەن جوق.

  جاڭا كۇرەس نىساناسى: جاپپاي دوڭگەلەك داۋلەتتى قوعام قۇرىپ شىعۋدان سوتسياليستىك وسىزاماندانعان قۇدىرەتتى ەل بولۋ

  پارتيانىڭ 19 - قۇرىلتايىنان پارتيانىڭ 20 - قۇرىلتايىنا دەيىنگى كەزەڭ «قوس 100 جىلدىق» كۇرەس نىساناسىنىڭ تاريحي توعىسۋ كەزەڭى. باياندامادا: «جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرۋ ءارى وسى قولايلى ساتتەن پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىن ورىنداۋعا جورىق جاساۋ كەرەك» دەپ العا قويىلدى.

  جاڭا كۇرەس نىساناسىنىڭ ارالىعى «قازىردەن تارتىپ، وسى عاسىردىڭ ورتاسىنا دەيىن» بولىپ، 3 نىساناعا، 2 كەزەڭگە، 2 ساتىعا ءبولىندى، «تاياۋ مەزگىل، ورتا مەزگىل، ۇزاق مەزگىل» نىساناسى ۇتىمدى ۇشتاستىرىلدى.

  بايانداماداعى ايتىلىمدار بويىنشا، «3 نىسانا» جەكە - جەكە: 2020 - جىلعا بارعاندا جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرۋ؛ 2035 - جىلعا دەيىن سوتسياليستىك وسىزاماندىرۋدى نەگىزىنەن جۇزەگە اسىرۋ؛ وسى عاسىردىڭ ورتاسىنا دەيىن باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل قۇرۋ. «2 كەزەڭ» جانە «2 ساتى» − 2020 - جىلدان وسى عاسىردىڭ ورتاسىنا دەيىن ەكى 15 جىلدىق كۇرەس نىساناسى بويىنشا ورنالاستىرىلدى.

  نازار اۋدارۋعا تاتيتىنى، باياندامادا ورتاعا قويىلعان «2035 - جىلعا دەيىنگى نىسانا» ەلىمىزدىڭ ءىس جۇزىندىك دامۋ جاعدايىنا نەگىزدەلىپ، بۇرىندارى ايتىلعان وسى عاسىردىڭ ورتاسىنا دەيىن ورىندالاتىن ەكىنشى 100 جىلدىق كۇرەس نىساناسى مەن جەتەتىن دامۋ ورەسىن 2035 - جىلعا دەيىن ورىنداۋ العا قويىلىپ، جۇزەگە اسىرۋ بارىسى 15 جىل قىسقارتىلدى.

  دامۋ ستراتەگياسى نىساناسى: وسىزاماندانعان ەكونوميكالىق جۇيە قۇرۋ

  دامۋ − پارتيانىڭ بيلىك جۇرگىزىپ، ەلدى كوركەيتۋىندەگى ماڭداي الدى مىندەتى. پارتيا 19 - قۇرىلتايىنىڭ بايانداماسىندا مىنالار اتاپ كورسەتىلدى: ەلىمىز ەكونوميكاسى جوعارى قارقىنمەن ارتۋ كەزەڭىنەن جوعارى ساپالى دامۋ كەزەڭىنە قادام باستى، ءدال قازىر دامۋ تاسىلىندە بۇرىلىس جاساۋدىڭ، ەكونوميكالىق قۇرىلىمدى ساپالىلاندىرۋدىڭ، ارتۋدىڭ قوزعاۋشى كۇشىن جاڭالاۋدىڭ قامال الۋ كەزەڭىندە تۇر، وسىزاماندانعان شارۋاشىلىق جۇيەسىن ورناتۋ − وتكەلدەن ءوتۋدىڭ كوكەي تەستى تالابى جانە ەلىمىز دامۋىنىڭ ستراتەگيالىق نىساناسى. مىناعان نازار اۋدارعان ءجون: باياندامادا ورتاعا قويىلعان دامۋ نىساناسىندا تۇتاس تۇلعاعا، جالپى ورنالاستىرۋعا باسا ءمان بەرىلگەن، بۇل ەكونوميكالىق ساندى كورسەتكىش سىندى جاي عانا ۇعىم ەمەس، قايتا مۇنى ەلىمىزدىڭ جاڭا داۋىرگە وتۋدەگى ەرەكشەلىگى بەلگىلەگەن.

  باياندامادا مىنالار ورتاعا قويىلدى: ساپانى ءبىرىنشى ورىنعا قويۋعا، ونىمدىلىككە الدىمەن ءمان بەرۋگە تاباندى بولىپ، قامداۋ جاعىنداعى قۇرىلىمدىق رەفورمانى باستى جەلى ەتىپ، شارۋاشىلىقتى دامىتۋدا ساپا، ونىمدىلىك، قوزعاۋشى كۇش جاقتارىندا بۇرىلىس جاساۋدى تەزدەتىپ، ەلىمىز ەكونوميكاسىنىڭ جاڭالىق اشۋ قابىلەتىن جانە باسەكەلىك قۋاتىن كۇشەيتۋ كەرەك.

  پارتيا قۇرىلىسىنىڭ جاڭا جالپى تالابى: پارتيانىڭ ساياسي قۇرىلىسىن ماڭداي الدى ورىنعا قويۋ

  جاڭا داۋىرگە قادام قويعاندا، پارتيا قۇرىلىسىنىڭ جاڭا ۇلى ينجەنەرياسى ءبىر تۇتاس باسشىلىق ەتۋ جانە شەشۋشى رولىن اتقارادى. پارتيا 19 - قۇرىلتايىنىڭ بايانداماسىندا مىنالار اتاپ كورسەتىلدى: ۇلى كۇرەس جۇرگىزۋدە، ۇلى ىستەردى ىلگەرىلەتۋدە، ۇلى ارماندى ىسكە اسىرۋدا پارتيانىڭ باسشىلىعىنا، ءسوز جوق، بۇلجىماي تاباندى بولۋ جانە كەمەلدەندىرۋ كەرەك. بايانداماعا زەر سالساق، جاڭا داۋىردەگى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن قالىپتاستىراتىن «14 تاباندى بولۋدىڭ» 1 - تارماعى مەن 14 - تارماعى جەكە - جەكە «بارلىق قىزمەتتە پارتيانىڭ باسشىلىعىنا تاباندى بولۋ»، «پارتيانى جاپپاي قاتاڭ جونگە سالۋ». باياندامانىڭ ەڭ سوڭعى بولەگىندە «پارتيانى جاپپاي قاتاڭ باسقارۋعا تاباندى بولىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتۋ» ءتۇيىندى تۇردە باسا دارىپتەلىپ، جاڭا داۋىردەگى پارتيا قۇرىلىسىنىڭ جالپى تالابى ايقىندالدى.

  باياندامادا «جۇڭگوشا سوتسياليزم جاڭا داۋىرگە ءوتتى، پارتيامىز، ءسوز جوق، جاڭا بەينەمەن، تىڭ ىستەر تىندىرۋى كەرەك» دەپ العا قويىلدى. «ارالاپ كورۋدە جانە تەكسەرۋدە جوعارى مەن تومەن سايكەسەتىن باقىلاۋ تورىن قۇرۋ»، «مەملەكەتتىك، ولكەلىك، قالالىق، اۋداندىق تەكسەرۋ كوميتەتتەرىن قۇرۋ» سياقتى جاڭا شارالار بايانداماعا ەنگىزىلىپ، پارتيا مەن مەملەكەتتىڭ كەمەلدى، قاتاڭ باقىلاۋ جۇيەسىن تۇلعالادى.

  جاڭا ءداۋىردىڭ تالابىنا ۇيلەسەتىن جاڭا شارا: جوبانىڭ تۇبەگەيلى تياناقتانۋىنا شىنايى كەپىلدىك ەتۋ

  باياندامادا ساياسي، ەكونوميكا، مادەنيەت، قوعام سياقتى جاقتارعا باعىتتاپ 100 نەشە جاڭا شارا ورتاعا قويىلدى. بۇل جاڭا دامۋدى ىلگەرىلەتۋدە، جاڭا نىسانانى ىسكە اسىرۋدا كەلەلى جەبەۋ رولىن اتقارادى. حالىق تۇرمىسىن جاقسارتۋ شارالارىنا «بالالار تاربيە الا الاتىن بولۋ»، «السىزدەردىڭ سۇيەنىشى بولۋ» سياقتى مازمۇندار قوسىلىپ، بالالار ماپەلەنىپ، ولارعا قامقورلىق جاسالاتىن، مۇگەدەكتەر، اۋرۋلار، السىزدەر، تومەن كىرىستىلەر سياقتى قاۋىم سۇيەمەلدەنەتىن بولدى. « اۋىل - قىستاقتى كوركەيتۋ ستراتەگياسى» اتقارىلىپ، اۋىل شارۋاشىلىعى، اۋىل - قىستاق، شارۋالار قىزمەتى كۇشەيتىلەدى... باياندامادا ورتاعا قويىلعان جان - جاقتىلى، كوپ ساتىلى ءبىرسىپىرا كەلەلى شارالار پارتيا مەن مەملەكەت ىستەرىنىڭ دامۋىن، ءسوز جوق، ىلگەرىلەتەتىن بولادى.
 باياندامادا بولاشاقتاعى العا باسۋ جولىندا، «بەستى ءبىر تۇلعالاندىرۋ» جالپى تۇلعالىق ورنالاستىرۋى، «ءتورتتى جاپپاي ورىنداۋ» ستراتەگيالىق ورنالاستىرۋى باسا دارىپتەلدى، سونىمەن بىرگە جاڭا ءداۋىردىڭ تالابىنا ساي كوپتەگەن جاڭا شارالار ورتاعا قويىلىپ، جوبانىڭ تۇبەگەيلى تياناقتانۋىنا كەپىلدىك ەتىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ورتا تازالىق جۇمىسشىلارىنا جىلۋلىق جەتكىزدى
  • التاي ايماقتىق قار - مۇز ساياحاتى جانە 12 - كەزەكتى ادامزاتتىڭ بايىرعى قارشاڭعى مەكەنىن ەسكە الۋ قيمىلى شىمىلدىعىن اشتى
  • التاي قالاسىنىڭ 12 - كەزەكتى ادامزاتتىڭ بايىرعى قارشاڭعى مەكەنىن ەسكە الۋ ارناۋلى ادەبيەت-كوركەمونەر ساۋىق كەشى قويىلدى
  • التاي ايماعى ءدامدى تاعامدار باسەكەسىن وتكىزدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى