ءتاڭىرتاۋ تورابى
ءتاڭىرتاۋ تورابى   ›   ۇيرەنۋ   ›   بايانداما

پارتيانى جاپپاي قاتاڭ باسقارۋدان اۋىتقىماي، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتۋ

  − شي جينپيڭ جولداستىڭ ج ك پ 18 - كەزەكتى ورتالىق كوميتەتى اتىنان قۇرىلتايعا جاساعان بايانداماسىنان ۇزىندىلەر

  شينحۋا اگەنتتىگىنىڭ 18 − قازاندا بەيجيڭنەن بەرگەن حابارى. شي جينپيڭ جولداس 19 − قۇرىلتايدىڭ بايانداماسىندا مىنالاردى باسا دارىپتەدى: پارتيانى جاپپاي قاتاڭ باسقارۋدان اۋىتقىماي، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتۋ كەرەك.

  شي جينپيڭ مىنالاردى اتاپ كورسەتتى: جۇڭگوشا سوتسياليزم جاڭا داۋىرگە ءوتتى، پارتيامىز، ءسوزسىز، جاڭا بەينەمەن تىڭ جۇمىستار تىندىرۋى قاجەت. «تەمىر سوقساڭ قۇرىش بول» دەگەن. پارتيامىز حالىقتى ىنتىماقتاستىرىپ جانە باستاپ، ۇلى كۇرەستەر جۇرگىزۋ، ۇلى ىستەر تىندىرۋ، ۇلى ارماندى ورىنداۋ ءۇشىن پارتيانىڭ باسشىلىعىنا تاباندى بولۋدان جانە ونى جاقسارتۋدان، پارتيانى اناعۇرلىم قۇدىرەتتى دە قۋاتتى ەتىپ قۇرىپ شىعۋدان تيتتەي دە اۋىتقىماي تاباندى بولۋى قاجەت.

  شي جينپيڭ مىنالاردى باسا دارىپتەدى: پارتيانى جاپپاي قاتاڭ باسقارۋ ماڭگى جۇرگىزىلەدى. بۇكىل پارتيا پارتيامىز ءدوپ كەلىپ وتىرعان بيلىك جۇرگىزۋ ورتاسىنىڭ كۇردەلى ەكەنىن، پارتيانىڭ العاباسارلىعىنا ىقپال جاسايتىن، پارتيانىڭ كىرشىكسىزدىگىنە داق تۇسىرەتىن فاكتورلاردىڭ دا كۇردەلى ەكەنىن، پارتيا ىشىندە ورىن تەۋىپ وتىرعان يدەيا، ۇيىم، ستيل جاقتارىندا كىرشىكسىز بولماۋ سياقتى كورنەكتى ماسەلەلەردىڭ ءالى تۇبەگەيلى شەشىلمەگەنىن سەرگەكتىكپەن كورە ءبىلۋى ءتيىس. پارتيامىز ءدوپ كەلىپ وتىرعان بيلىك جۇرگىزۋ سىنىنىڭ، رەفورما جاساپ، ەسىك اشۋ سىنىنىڭ، بازار شارۋاشىلىعى سىنىنىڭ، سىرتقى ورتا سىنىنىڭ ۇزاق ۋاقىتتىلىعى مەن كۇردەلىلىگىن، پارتيامىز ءدوپ كەلىپ وتىرعان رۋحاني بويكۇيەزدىك، قابىلەت تايازدىعى، بۇقارادان قول ءۇزۋ، كەرەناۋلىق، ازعىنداۋ قاتەرىنىڭ وتە اۋىر ءارى كۇردەلى ەكەنىن جىعا تانىپ، ماسەلەنى شەشۋدى باعىت ەتۋدەن جازباي، ستراتەگيالىق ۇستامدىلىقتى ساقتاپ، پارتيانى جاپپاي قاتاڭ باسقارۋدىڭ ىشكەرىلەي دامۋىن جەبەۋى كەرەك.

  شي جينپيڭ مىنالاردى اتاپ كورسەتتى: جاڭا داۋىردەگى پارتيا قۇرىلىسىنىڭ باستى تالابى: پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، پارتيانى پارتيا باسقارۋعا، پارتيانى جاپپاي قاتاڭ باسقارۋعا تاباندى بولۋ، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىعى مەن پاكتىك قۇرىلىسىن كۇشەيتۋدى نەگىزگى جەلى، پارتيانىڭ ساياسي قۇرىلىسىن نۇسقاۋشى، مىزعىماس مۇراتىن، سەنىمىن، ماقساتىن ءتۇبىرلى ارقاۋ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدى ءتۇيىن ەتىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن وسىلاردىڭ جالپى بارىسىنا ءسىڭىرۋ، شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، پارتيا قۇرىلىسىنىڭ ساپاسىن تىنباي جوعارىلاتۋ، پارتيانى ءارقاشاندا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، ءوزىن تۇلەتۋگە باتىل، ءتۇرلى داۋىلدار مەن تولقىنداردىڭ سىنىنان وتە الاتىن، كۇش − قايراتى تاسقىنداعان ماركىستىك بيلىك باسىنداعى پارتيا ەتىپ قۇرىپ شىعۋ كەرەك.

  1) پارتيانىڭ ساياسي قۇرىلىسىن ماڭداي الدى ورىنعا قويۋ. پارتيانىڭ ساياسي قۇرىلىسى − پارتيانىڭ ءتۇبىرلى قۇرىلىسى، پارتيا قۇرىلىسىنىڭ بەتالىسى مەن تابىسىن بەلگىلەيدى. بۇكىل پارتيانىڭ ورتالىققا بويسۇنۋىنا كەپىلدىك ەتۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ − پارتيانىڭ ساياسي قۇرىلىسىنداعى ماڭداي الدى مىندەت. بۇكىل پارتيا پارتيانىڭ ساياسي لۋشيانىن بۇلجىتپاي اتقارىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ساياسي تۇرعى، ساياسي بەتالىس، ساياسي پرينسيپ، ساياسي جول جاقتارىندا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋى كەرەك. پارتيا ۋستاۆىنا قۇرمەت ەتىپ، جاڭا جاعدايداعى پارتيانىڭ ىشكى ساياسي تۇرمىسى جونىندەگى ءبىرقانشا ولشەمدى قاتاڭ اتقارىپ، پارتيانىڭ ىشكى ساياسي تۇرمىسىنىڭ ساياسي، داۋىرلىك، پرينسيپتىك، جاۋىنگەرلىك سيپاتىن كۇشەيتىپ، تاۋار ايىرباسى پرينسيبىنىڭ پارتيانىڭ ىشكى تۇرمىسىن بۇلدىرۋىنە سانالى تۇردە تيىم سالىپ، تازا دا جايلى ساياسي ەكولوگيا قالىپتاستىرۋ كەرەك. دەموكراتيالىق ورتالىقتاندىرۋعا قاتىستى تۇزىمدەردى كەمەلدەندىرىپ جانە تياناقتاندىرىپ، دەموكراتيا نەگىزىندەگى ورتالىقتاندىرۋ مەن ورتالىقتاندىرۋ جەتەكشىلىگىندەگى دەموكراتيانى ءوزارا ۇشتاستىرۋعا تاباندى بولۋ، دەموكراتيانى تولىق ساۋلەلەندىرۋمەن بىرگە، ورتالىقتاندىرىپ ءبىر تۇتاس باسقارۋعا شەبەر بولۋ ءتيىس. ادال دا ۇقىپتى، ءادىل دە تۋراشىل بولۋ، شىندىقتى ءىس جۇزىنەن ىزدەۋ، شىنشىل دا كىرشىكسىز بولۋ سىندى قۇن كوزقاراسىن ساۋلەلەندىرىپ، جەكەشىلدىكتەن، بىتىراندىلىقتان، ەركىنسۋشىلدىكتەن، ورىنشىلدىقتان، جاقسى اتتانۋشىلدىقتان، جىكشىلدىكتەن، شەڭبەرلىك مادەنيەتتەن، توبىرلىق مادەنيەتتەن باتىل ساقتانۋ جانە وعان قارسى تۇرۋ، ەكىبەتكەيلىككە، ەكىجۇزدىلىك ىستەۋگە باتىل قارسى تۇرۋ كەرەك. بۇكىل پارتياداعى جولداستار، اسىرەسە، جوعارى دارەجەلى كادرلار پارتيالىق جاقتان شىنىعىپ − شىڭدالۋدى كۇشەيتىپ، ساياسي سانا مەن ساياسي قابىلەتتى ۇزدىكسىز جوعارىلاتىپ، پارتياعا ادال بولۋدى، پارتيانىڭ قامىن ويلاۋدى، پارتيا ءۇشىن مىندەتىن سارقا وتەۋدى، حالىققا باقىت باعىشتاۋدى ءتۇبىرلى ساياسي مىندەت ەتىپ، كوممۋنيستەردىڭ ساياسي قاسيەتىن ماڭگى ساقتاۋ.

  2) بۇكىل پارتيانى جاڭا داۋىردەگى جۇڭگوشا سوتسياليزم يدەياسىمەن قارۋلاندىرۋ. كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتى − جۇڭگو كوممۋنيستەرىنىڭ رۋحاني تىرەگى جانە ساياسي جان جۇيەسى، سونداي − اق پارتيانىڭ بەرەكە − بىرلىگىن ساقتاۋدىڭ يدەيالىق نەگىزى. مۇرات − سەنىمدى بەكەمدەۋدى پارتيانىڭ يدەيا قۇرىلىسىندا ماڭداي الدى مىندەت ەتىپ، بۇكىل پارتيانى پارتيانىڭ ءتۇبىرلى ماقساتىن ەستە بەرىك ساقتاپ، كوممۋنيستەرگە ءتان رۋحاني تىرەكتى تىكتەپ، دۇنيەگە، ومىرگە، قۇنعا كوزقاراس سىندى «باس تەتىك» ماسەلەسىن ويداعىداي شەشىپ، سانالى تۇردە كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنا كامىل سەنۋشى جانە ونى ادالدىقپەن امالياتتا ايگىلەۋشى بولۋعا تاربيەلەۋ، جەتەلەۋ كەرەك. ماركستىك ۇيرەنۋ ستيلىن اسقاقتاتىپ، «ەكىنى ۇيرەنۋ، بىردە تولىمدى بولۋ» ۇيرەنۋ − تاربيەسىن قالىپقا ءتۇسىرۋ، تۇزىمدەندىرۋ، اۋدان − باسقارما دارەجەلىدەن جوعارى باسشى كادرلاردى ءتۇيىن ەتىپ، بۇكىل پارتيادا «العاشقى ماقساتتى ۇمىتپاي، بورىشتى ەستە بەرىك ساقتاۋ» تاقىرىبىندا تاربيە قيمىلىن ورىستەتىپ، پارتيانىڭ جاسامپازدىق نازارياسىمەن وي − سانانى قارۋلاندىرىپ، بۇكىل پارتيانىڭ پارتيانىڭ جاڭا داۋىردەگى تاريحي بورىشىن اناعۇرلىم سانالى ورىنداۋ جولىندا قاجىماي − تالماي كۇرەس جۇرگىزۋىن جەبەۋ.

  3) ماماندانعان جوعارى ساپالى كادرلار قوسىنىن قۇرۋ. كادرلاردى پارتيا باسقارۋ پرينسيبىنە تاباندى بولىپ، ءمورالدى دا قابىلەتتى بولۋدان، ءمورالدى الدىڭعى ورىنعا قويۋدان، كادرلاردى جەر − جەردەن سارالاۋدان، قابىلەتتىلەردى مىندەتكە تاعايىنداۋدان، پارتيا ىستەرىن باستى ورىنعا قويۋدان، ءادىل دە تۋراشىل بولۋدان جازباي، جاقسى كادر بولۋ ولشەمىن ناقتاپ تياناقتاندىرۋ كەرەك. كادرلاردى تاڭداپ، مىندەتكە قويۋدىڭ دۇرىس بەتالىسىنان جازباي، كادرلاردى تاڭداۋ، مىندەتكە قويۋ ستيلىن دۇرىستاپ، ساياسي ولشەمدى كورنەكتىلەندىرىپ، «4 تانىم» مەن «4 سەنىمدى» بەرىك ورناتقان، پارتيا ورتالىق كوميتەتىنىڭ بەدەلىن باتىل قورعايتىن، پارتيانىڭ نازارياسى مەن لۋشيان، باعىت − ساياساتتارىن جاپپاي دايەكتى اتقاراتىن، ادال، پاك، مىندەتتى باتىل ارقالايتىن كادرلاردى ءوسىرىپ، ماڭىزدى مىندەتتەرگە قويىپ، ءار دارەجەلى باسشىلىق القالارىن ويداعىداي سۇرىپتاۋ جانە كۇشەيتۋ. كاسىپتىك قابىلەتتى، كاسىپتىك رۋحتى جەتىلدىرۋگە ءمان بەرىپ، كادرلار قوسىنىنىڭ جاڭا داۋىردەگى جۇڭگوشا سوتسياليزمنىڭ دامۋ تالابىنا ۇيلەسۋ قابىلەتىن ءوسىرۋ ءتيىس. جاس كادرلاردى كۇش سالا سارالاۋ، دايىنداۋ، نەگىزگى ساتىلاردىڭ الدىڭعى شەبى مەن كەدەي، جاپالى جەرلەردە جاس كادرلاردى باۋلۋعا، شىنىقتىرۋعا كوڭىل ءبولىپ، اماليات بارىسىندا سىننان وتكەن تاڭداۋلى جاس كادرلاردى ۇزبەي تاڭداپ ءوسىرىپ، مىندەتكە قويۋ. ايەل كادرلاردى، از ۇلت كادرلارىن جانە پارتيا سىرتىنداعى كادرلاردى باۋلۋ، تاڭداپ ءوسىرۋ قىزمەتىن ءبىر تۇتاس جوسپارلاۋ جانە ويداعىداي ورىستەتۋ. دەمالىسقا، زەينەتكە شىققان كادرلار قىزمەتىن مۇقيات جاقسى ىستەۋ. قاتاڭ باسقارۋ مەن مەيىر − شاپاعات جەتكىزۋدى ۇشتاستىرۋعا، شابىتتاندىرۋ مەن تەجەۋگە بىردەي ءمان بەرىپ، كادرلاردى سىننان وتكىزۋ − باعالاۋ مەحانيزمىن كەمەلدەندىرۋ، شابىتتاندىرۋ مەحانيزمىن جانە قاتەلىگىنە كەڭشىلدىكپەن قاراۋ، قاتەلىكتى تۇزەتۋ مەحانيزمىن ورناتۋ، مىندەتتى باتىل ارقالايتىن، جۇمىسقا شوگەل، باس پايداعا سالىنبايتىن كادرلاردى تۋى ايقىن تۇردە جىگەرلەندىرىپ، دەمەپ وتىرۋ، ءار دارەجەلى پارتيا ۇيىمدارى نەگىزگى ساتى كادرلارىنا كوڭىل ءبولۋى، ولاردى ايالاۋى، ولاردى ىرىقتى تۇردە ۋايىمنان ارىلتىپ، قيىنشىلىعىن شەشۋ.

  دارىندىلاردى پارتيا باسقارۋ پرينسيبىنە تاباندى بولىپ، جەر جۇزىندەگى دارىندىلاردى باۋراۋعا، ولاردان پايدالانۋعا ءمان بەرىپ، مەملەكەتتى دارىندىلار ارقىلى قۇدىرەتتەندىرۋ اياق الىسىن جەدەلدەتۋ. اناعۇرلىم بەلسەندى، اشىق، ۇتىمدى دارىندىلار ساياساتىن اتقارىپ، دارىندىلاردى تاني بىلەتىن كورەگەندىكپەن، ايالاي بىلەتىن ىنتا − پەيىلمەن، پايدالانا بىلەتىن باتىلدىقپەن، قادىرىنە جەتەتىن دارقاندىقپەن، شوعىرلاندىرا الاتىن ۇتىمدى ادىسپەن پارتيا ءىشى − سىرتىنداعى، ەل ءىشى − سىرتىنداعى بارلىق تاڭداۋلى دارىندىلاردى پارتيا مەن حالىقتىڭ ۇلى كۇرەسىنە ۇيىستىرۋ، دارىندىلاردى شەت − شالعاي، كەدەي رايوندارعا، شەكاراداعى ۇلتتىق رايوندارعا، بايىرعى توڭكەرىستىك رايوندار مەن نەگىزگى ساتىلاردىڭ الدىڭعى شەبىنە بارىپ جۇمىس جۇرگىزۋگە جىگەرلەندىرىپ جانە باستاپ، بارلىق ادام بىلىكتى بولۋدى كوكسەيتىن، بارلىق ادام تالانتتى بولۋعا تالپىناتىن، بارلىق ادامنىڭ مامان بولۋىنا مۇمكىندىك جاسالاتىن، بارلىق ادام ءوز قابىلەتىن تولىق ايگىلەي الاتىن تاماشا جاعداي ازىرلەۋگە قۇلشىنىپ، بارشا دارىندىلاردىڭ جاسامپازدىق جىگەرىن تاسقىنداتىپ، اقىل − پاراساتىن تولىق ساۋلەلەندىرۋ كەرەك.

  4) نەگىزگى ساتى ۇيىمدارىنىڭ قۇرىلىسىن كۇشەيتۋ. ۇيىمداستىرۋ قۋاتىن جوعارىلاتۋدى ءتۇيىن ەتىپ، ساياسي فۋنكتسيانى كورنەكتىلەندىرۋ. پارتيا ياچەيكاسى پارتيا مۇشەلەرىن تىكە باۋلۋ، باسقارۋ، باقىلاۋ جانە بۇقارانى ۇيىمداستىرۋ، ۇگىتتەۋ، ۇيىستىرۋ، بۇقاراعا قىزمەت كورسەتۋ مىندەت جاۋپكەرشىلىگىن ويداعىداي ارقالاۋ كەرەك. «3 جيىن، ءبىر ساباق» تۇزىمىنە تاباندى بولىپ، پارتيانىڭ نەگىزگى ساتى ۇيىمدارىنىڭ قۇرىلىمى مەن قيمىل جۇرگىزۋ فورماسىن جاڭالاپ، نەگىزگى ساتى پارتيا ۇيىمدارى جەتەكشىلەرىنىڭ قوسىن قۇرىلىسىن كۇشەيتىپ، نەگىزگى ساتى پارتيا ۇيىمدارىنىڭ قامتىمىن كەڭەيتىپ، كەيبىر نەگىزگى ساتى پارتيا ۇيىمدارىنىڭ السىرەۋى، قۇر فورماعا اينالۋى، وقشاۋ قالۋى ماسەلەسىن كۇش سالا شەشۋ. پارتيا ىشىندەگى نەگىزگى ساتىلاردىڭ دەموكراتياسىن كەڭەيتىپ، پارتيا قىزمەتىن جاريا ۇستاۋدى ىلگەرىلەتۋ، پارتيا مۇشەلەرىنىڭ پارتيانىڭ ىشكى جۇمىستارىنا ارالاسۋ، پارتيا ۇيىمدارى مەن كادرلارىن باقىلاۋ، جوعارى دارەجەلى پارتيا ۇيىمىنا پىكىر ايتىپ، ۇسىنىس بەرۋ جولدارىن ىركىلىسسىزدەندىرۋ. ونەركاسىپ جۇمىسشىلارى، جاس ديقاندار، جوعارى ءبىلىمدى قاۋىم اراسىنان، سونداي − اق جالپىلىق مەنشىككە جاتپايتىن شارۋاشىلىق ۇيىمدارى مەن قوعامدىق ۇيىمداردان پارتياعا مۇشە قابىلداۋعا ءمان بەرۋ، پارتيا ىشىندە شابىتتاندىرۋ، قامقورلىق جاساۋ، سۇيەمەلدەۋ قىزمەتىن كۇشەيتۋ، پارتيا مۇشەلەرىن باۋلۋ، باسقارۋ قىزمەتىنىڭ باعىتتامالىلىعى مەن ونىمدىلىگىن ارتتىرىپ، تولىمسىز پارتيا مۇشەلەرى مەن پارتيا ۇيىمدارىن ءبىر جايلى ەتۋ قىزمەتىن ۇيلەسىمدى، ءتارتىپتى جۇرگىزۋ كەرەك.

  5) ستيلدى دۇرىستاپ، ءتارتىپتى قاتايتۋ قيمىلىن باياندى جۇرگىزۋ. بۇقارانىڭ اڭىسى كۇشتى بولىپ وتىرعان ماسەلەلەرگە تۇگەلدەي قاتاڭ، مۇقيات مامىلە جاساۋ، بۇقارانىڭ مۇددەسىنە زيان جەتكىزەتىن ءىس − ارەكەت اتاۋلىنى باتىل تۇزەتۋ. جوعارىنى تومەنگە ۇلگى ەتۋگە تاباندى بولۋ، ورتالىقتىڭ «8 تارماقتى بەلگىلەمەسىنىڭ» رۋحىن تياناقتاندىرۋ جەتىستىكتەرىن بەكەمدەۋ جانە ۇلعايتۋ، «4 ءتۇرلى بۇرىس ستيل» ماسەلەسىن ۇزدىكسىز وڭاۋ، ەرەكشە ۇقىق يدەياسى مەن ەرەكشە ۇقىق قۇبىلىسىنا باتىل قارسى تۇرۋ. ساياسي ءتارتىپ پەن ۇيىمدىق ءتارتىپتى باسا كۇشەيتۋ، پاكتىك ءتارتىبىن، بۇقارالىق ءتارتىپتى، قىزمەت ءتارتىبىن، تۇرمىس ءتارتىبىن قاتايتا ءتۇسۋ. سىن جانە ءوز − وزىنە سىندى ورىستەتۋگە، وتكەندەگىدەن ساباق الىپ، كەيىنگىگە عيبىرات ەتۋگە، اۋرۋدى ەمدەپ، ادامدى قۇتقارۋعا تاباندى بولۋ، ءتارتىپتىڭ اتقارىلۋىن باقىلايتىن «4 ءتۇرلى فورمادان» پايدالانىپ، ءارقانداي ءىستى تۋ باسىنان، بايقالعان كەزىنەن باستاپ مىقتى مەڭگەرۋ، اسقىنباي تۇرعان كەزىندە تىزگىندەۋ. كادرلاردى باسقارۋ ۇقىق شەگى بار پارتيا ۇيىمدارىنا سايكەستى ءتارتىپ جازاسى ۇقىعىن بەرۋ، ءتارتىپتىڭ اتقارىلۋىن باقىلاۋ، جاۋاپكەرشىلىكتى قۋزاستىرۋدى كۇشەيتۋ. ءتارتىپ تاربيەسىن، ءتارتىپتىڭ اتقارىلۋىن كۇشەيتىپ، پارتيا مۇشەلەرىنىڭ، كادرلاردىڭ يمەنۋدى بىلۋىنە، ساق جۇرۋىنە، تومەنگى شەكتى بۇزباۋىنا مۇمكىندىك جاساۋ، ولاردى باقىلاۋ مەن تەجەمدى قابىلدايتىن ورتادا قىزمەت ىستەپ، تۇرمىس كەشۋگە داعدىلاندىرۋ كەرەك.

  6) شىرىكتەسۋگە قارسى كۇرەستىڭ تۇبەگەيلى جەڭىسىنە جەتۋ. قازىر شىرىكتەسۋگە قارسى كۇرەستىڭ جاعدايى ءالى دە اۋىر، ءالى دە كۇردەلى، وسى كۇرەستە باسىمدىقتاردى بەكەمدەپ، تۇبەگەيلى جەڭىسكە جەتەتىن بولاتتاي بەرىك بەكىم بولۋ قاجەت. شەكتەلگەن رايون بولماۋعا، تەگىس قامتۋعا، استە راقىم ەتپەۋگە تاباندى بولىپ، شىرىكتەسكەندەردى قاتاڭ تيۋعا، ولارعا قاتتى قىسىم تۇسىرۋگە، توقتاۋسىز ۇرەي تۋدىرۋعا تاباندى بولىپ، پارا الۋ − بەرۋدى بىرگە تەكسەرىپ، پارتيا ىشىندە مۇددەلەس توپتاردىڭ قالىپتاسۋىنان باتىل ساقتانۋ كەرەك. قالالىق، اۋداندىق پارتكومداردا ارالاپ تەكسەرۋ ءتۇزىمىن ورناتىپ، بۇقارانىڭ اينالاسىنداعى شىرىكتەسۋ ماسەلەلەرىن جويۋ تەبىنىن ارتتىرۋ ءتيىس. شىرىكتەسكەندەر قايدا قاشىپ بارسا دا قۋعىنداپ ۇستاپ، زاڭ بويىنشا جازالاۋ كەرەك. شىرىكتەسۋگە قارسى تۇرۋ جونىنەن مەملەكەتتىڭ زاڭ شىعارۋىن كۇشەيتىپ، ءتارتىپ تەكسەرۋ، باقىلاۋ − تەكسەرۋ جۇيەسىن قامتىعان اشكەرەلەۋ، مالىمدەۋ تۇعىرىن ورناتۋ. شىرىكتەسۋگە بارعىزباۋ سەسىن كۇشەيتىپ، شىرىكتەسۋگە كەلتىرمەۋ قاپاسىن بەرىكتەپ، شىرىكتەسۋدى ويلاتپاۋ سانالىلىعىن ارتتىرىپ، قاجىماي − تالماي قۇلشىنۋ ارقىلى بەيبىت زامانعا، تىنىش ومىرگە قول جەتكىزۋ كەرەك.

  7) پارتيا مەن مەملەكەتتىڭ باقىلاۋ جۇيەسىن اقاۋسىزداندىرۋ. پارتيانىڭ ءوزىن − ءوزى كىرشىكسىزدەندىرۋ قۋاتىن جوعارىلاتۋدا، نەگىزىنەن پارتيانىڭ ءوزىن − ءوزى باقىلاۋىن جانە بۇقارالىق باقىلاۋدى كۇشەيتۋگە سۇيەنەدى. جوعارىدان تومەنگە قاراي ۇيىمدىق باقىلاۋدى نىعايتىپ، تومەننەن جوعارىعا قاراي دەموكراتيالىق باقىلاۋدى جاقسارتىپ، دارەجەلەس ورىنداردىڭ ءبىرىن − ءبىرى باقىلاۋ رولىن ساۋلەلەندىرىپ، پارتيالى باسشى كادرلاردى كۇندەلىكتى باقىلاۋ − باسقارۋدى كۇشەيتۋ كەرەك. ساياسي ارالاپ تەكسەرۋدى تەرەڭدەتىپ، ماسەلەلەردى بايقاۋدان، سەس كورسەتۋدەن جازباي، ارالاپ كورۋدە جانە تەكسەرۋدە جوعارى مەن تومەن سايكەسۋ سىندى باقىلاۋ جەلىسىن قۇرۋ قاجەت. مەملەكەتتىڭ باقىلاۋ − تەكسەرۋ ءتۇزىلىسى رەفورماسىن ىشكەرىلەتىپ، تۇيىندەردە سىناق ەتۋ قىزمەتىن بۇكىل ەل كولەمىندە ورىستەتىپ، مەملەكەتتىك، ولكەلىك، قالالىق، اۋداندىق باقىلاۋ − تەكسەرۋ كوميتەتتەرىن قۇرىپ، ولاردى پارتيانىڭ ءتارتىپ تەكسەرۋ ورگاندارىمەن بىرگە جۇمىس جۇرگىزەتىن ەتىپ، مەملەكەت ۇقىعىن جۇرگىزەتىن بارلىق ۇكىمەت قىزمەتكەرلەرىن باقىلاۋ − تەكسەرۋ كەرەك. مەملەكەتتىڭ باقىلاۋ - تەكسەرۋ زاڭىن جاساپ، باقىلاۋ - تەكسەرۋ كوميتەتتەرىنە مىندەت جاۋاپكەرشىلىگىن، ۇقىق شەگىن جانە تەكسەرۋ ءتاسىلىن زاڭ بويىنشا جۇكتەپ، «بەلگىلەنگەن ۋاقىتتا، بەلگىلەنگەن ورىندا تەكسەرۋ» شاراسىنىڭ ورنىنا «تۇرعان جەرىندە تەكسەرۋ» شاراسىن قولدانۋ. قازىنالىق باقىلاۋدى باسقارۋ تۇزىلىسىنە رەفورما جاساپ، ساناق ءتۇزىلىسىن كەمەلدەندىرۋ. پارتيا ءبىر تۇتاس قولباسشىلىق ەتەتىن، جاپپاي جالپىلاسقان، قۇزىرلى، اسا ۇتىمدى باقىلاۋ جۇيەسىن ورناتىپ، پارتيا ىشىندە باقىلاۋدى مەملەكەت ورگانداردىڭ باقىلاۋىمەن، دەموكراتيالىق باقىلاۋمەن، ءادىليالىق باقىلاۋمەن، بۇقارالىق باقىلاۋمەن، قوعامدىق پىكىر باقىلاۋىمەن توعىستىرىپ، باقىلاۋدىڭ بىرىككەن كۇشىن نىعايتۋ كەرەك.

  8) بيلىك جۇرگىزۋ قابىلەتىن جاپپاي كۇشەيتۋ. ءبىر ميلليارد 300 ميلليوننان استام حالقى بار سوتسياليستىك ءىرى ەلگە باسشىلىق ەتۋدە، پارتيامىز ءارى ساياسيعا بارىنشا توسەلگەن بولۋى، ءارى بيلىك جۇرگىزۋ قابىلەتى جوعارى دا ۇستەم بولۋى كەرەك. ونەر ۇيرەنۋدى كۇشەيتىپ، پارتيا بويىنشا ۇيرەنۋگە شەبەر، امالياتتا ايگىلەۋگە باتىل ەرەكشە اۋقىم قالىپتاستىرىپ، ۇيرەنۋگە قۇلىقتى ماركستىك ساياسي پارتيا قۇرىپ، ۇيرەنۋگە قۇلىقتى ءىرى ەل بولۋدى جەبەۋ. ساياسي باسشىلىق قابىلەتىن كۇشەيتىپ، ستراتەگيالىق، جاڭالىق اشۋ، ديالەكتيكالىق، زاڭمەن باسقارۋ، شەكتەن اتتاماۋ بويىنشا وي جۇگىرتۋگە تاباندى بولۋ. رەفورمادا جاڭالىق اشۋ قابىلەتىن جوعارىلاتىپ، قايراتتانا العا ۇمتىلۋ سىندى رۋحاني بەت − بەينەنى ساقتاۋ. عىلمي دامۋ قابىلەتىن جوعارىلاتىپ، جاڭا دامۋ تانىمىن دايەكتىلەندىرۋگە شەبەر بولىپ، جاڭا دامۋ جاعدايىن ۇزدىكسىز جاراتۋ، زاڭ بويىنشا بيلىك جۇرگىزۋ قابىلەتىن جوعارىلاتىپ، پارتيا باسشىلىعىن جانە پارتيا قۇرىلىسىنىڭ بارلىق جاعىن قامتيتىن پارتيانىڭ ىشكى زاڭ، ەرەجە − ءتۇزىم جۇيەسىن جەدەل قالىپتاستىرۋ كەرەك. بۇقارالىق قىزمەت قابىلەتىن جوعارىلاتىپ، بۇقارالىق قىزمەت تۇزىلىسىندە، مەحانيزمىندە جانە ءادىس − امالداردا جاڭالىق اشىپ، جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىم − توپتاردىڭ ساياسي، العاباسارلىق، بۇقارالىق سيپاتىن كۇشەيتۋ. تياناقتاندىرۋدى مىقتى يگەرۋ قابىلەتىن كۇشەيتىپ، شىن سويلەۋگە، ناقتى جۇمىس تىندىرۋعا، ۇتىمدى ءادىس − امال تابۋعا، سۇبەلى ناتيجەگە جەتۋگە تاباندى بولىپ، تەز قيمىلداۋ مەن ۇزاق ۋاقىت ەڭبەكتەنۋدى ورگانيكالى ۇشتاستىرىپ، باتىلدىقپەن قيىن قامالداردى الىپ، قىزمەتتەردى شەگە قاعۋ رۋحىمەن ناقتى، ەگجەي − تەگجەيلى، ويداعىداي ىستەۋ. حاۋىپ − قاتەردى مەڭگەرە ءبىلۋ قابىلەتىن كۇشەيتىپ، ءتۇرلى حاۋىپ − قاتەردەن ساقتانۋ، ونى تىزگىندەۋ مەحانيزمىن كەمەلدەندىرىپ، ءتۇرلى كۇردەلى قايشىلىقتاردى شەبەرلىكپەن ءبىر جايلى ەتىپ، العا باسۋ جولىنداعى تار جول، تايعاق كەشۋلەردەن تايسالماي ءوتىپ، قىزمەتتىڭ تىزگىنىن مىقتى يگەرۋ كەرەك.

  شي جينپيڭ مىنالاردى باسا دارىپتەدى: ۇلى ىستەرگە قۇدىرەتتى پارتيا باسشىلىق ەتۋى كەرەك. پارتيامىز جاقسى دامىپ، جاقسى گۇلدەنەتىن بولسا، حالىقپەن ويلاعان ويى، ىستەگەن ءىسى باستان − اياق ءبىر بولاتىن بولسا، جۇڭگو حالقىنىڭ ۇلى ارمانى تيەلگەن الىپ كەمە تولقىن جارا العا تارتىپ، شۇعىلالى جاعاعا جەڭىسپەن جول الارى حاق!

  شي جينپيڭ مىنالاردى اتاپ كورسەتتى: ايبىندى ءداۋىر كوشىندە تاريح تەگەرشىگى العا تارتىپ بارادى. تاريح تاباندىلارمەن، العاباسارلارمەن، كۇرەسكەرلەرمەن عانا ساناسادى، تابانسىزداردى، بويكۇيەزدەردى، تايساقتاۋشىلاردى كۇتىپ تۇرمايدى. بۇكىل پارتيا قاجىرلىلىقپەن كۇرەس جۇرگىزۋ، داندايسىماۋ، ۇشقالاقتىققا سالىنباۋ ستيلىن ساقتاپ، ۋاقىت قىمبات، ۋاقىتتى قاپى جىبەرمە دەيتىن رۋحپەن، جاڭا ءداۋىردىڭ ۇزاق جورىق جولىمەن ۇدەرە العا تارتۋعا كۇش سالۋ قاجەت. بۇكىل پارتيا پارتيانىڭ ىنتىماعىن، بىرلىگىن سانالى قورعاپ، پارتيانىڭ حالىق بۇقاراسىمەن ەتەنە بايلانىسىن ساقتاپ، ەلىمىزدەگى ءار ۇلت حالقىنىڭ ۇلى ىنتىماعىن بەكەمدەپ، ەل ءىشى − سىرتىنداعى جۇڭحۋا ۇلاندارىنىڭ ۇلى ىنتىماعىن نىعايتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، ءبىر جاعادان باس، ءبىر جەڭنەن قول شىعارا وتىرىپ، جۇڭحۋا ۇلتىنىڭ ۇلى گۇلدەنۋى سىندى نۇرلى بولاشاققا بەت الۋى قاجەت.

  شي جينپيڭ بىلاي دەدى: جاستار كوركەيسە، ەل كوركەيەدى، جاستار قۇدىرەتتەنسە، ەل قۇدىرەتتەنەدى. جاس بۋىن مۇراتتى بولسا، قابىلەتتى بولسا، بورىش ارقالاسا، مەملەكەتتە جارقىن كەلەشەك، ۇلتتا ءۇمىت بولادى. جۇڭگو ارمانى − تاريحي، رەال ءارى بولاشاقتىق ارمان؛ بۇل ءبىزدىڭ ارمانىمىز، ونان دا ماڭىزدىسى، جاس بۋىننىڭ ارمانى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، سايىپ كەلگەندە، نەشە بۋىن جاستاردىڭ ءىزىمىزدى باسا وتىرىپ كۇرەس جۇرگىزۋى بارىسىندا جۇزەگە اسادى. پارتيا جاستارعا كوڭىل ءبولىپ جانە ولاردى ايالاپ، ولار ءۇشىن كىسىلىك ءومىردىڭ قۇنىن جۇزەگە اسىراتىن تۇعىر ازىرلەپ بەرۋى كەرەك. قالىڭ جاستار مۇراتتى، سەنىمدى بەكەمدەپ، اسقاق ارمان ارقالاپ، تىڭعىلىقتى ىستەپ، زامانا تولقىنىنىڭ الدىڭعى لەگىندە جۇرۋگە باتىل بولىپ، جۇڭگو ارمانىن جۇزەگە اسىرۋدىڭ جاندى امالياتىندا جاستىق ارمانىنا قانات ءبىتىرىپ، حالىقتىڭ مۇددەسى ءۇشىن تىنباي كۇرەسۋ جولىندا ايبىندى ءومىر داستانىن جازۋى كەرەك.

  شي جينپيڭ سوڭىندا بىلاي دەدى: ەل بيلەۋدىڭ ەڭ بيىك ولشەمى − حالىقتى باقىتقا كەنەلتۋ. جۇڭگونىڭ 9 ميلليون 600 مىڭ شارشى كيلومەتردەن اساتىن ۇلان − بايتاق دالاسىندا تۇرىپ، جۇڭحۋا ۇلتىنىڭ 5000 جىلدان استامعى ۇزاق كۇرەسى بارىسىندا جيناقتالعان مادەنيەتىنەن ءنار الساق، ءبىر ميلليارد 300 ميلليوننان استام جۇڭگو حالقىنىڭ جۇدىرىقتاي جۇمىلعان كۇش − قۋاتىنىڭ ارقاسىندا، ءبىز جۇڭگوشا سوتسياليزم جولىمەن جۇرسەك، شەكسىز دە شەتسىز داۋىرلىك ءورىسىمىز، تەڭدەسسىز مىعىم تاريحي نەگىزىمىز، ولشەۋسىز قۇدىرەتتى العا باساتىن قۋاتىمىز بولادى. بۇكىل پارتيا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، قايسارلىقپەن العا ۇمتىلىپ، ايانباي جۇمىس تىندىرىپ، وسىزامانداندىرۋ قۇرىلىسىن ىلگەرىلەتۋ، وتاندى بىرلىككە كەلتىرۋ، دۇنيە ءجۇزىنىڭ بەيبىتشىلىگىن قورعاۋ جانە قاتار دامۋدى جەبەۋ سىندى 3 ۇلكەن تاريحي مىندەتتى ورىنداۋ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تىلەگىن ورىنداۋ جولىندا كۇرەس جۇرگىزۋ كەرەك.

   (جۇڭگو ۇلتتار ءتىل - اۋدارما مەكەمەسى اۋداردى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ورتا تازالىق جۇمىسشىلارى شىت - جاڭا ۆەلوسيپەدكە يە بولدى
  • چۇڭچيڭ-گۇيياڭ تەمىر جولى بىرلەسپە سىناق جۇرگىزۋ مەزگىلىنە ءوتتى
  • ماسساي قىستاعى
  • «ىلە ايدىنى» جۋرنالى ادەبيەت سيلىعىن تاراتتى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى