ءتاڭىرتاۋ تورابى
ءتاڭىرتاۋ تورابى   ›   زاڭ تارازى   ›   قوعام قويناۋىنان

ۇرلىق ءتۇبى قورلىق

  بۇلبۇل احىمەت قىزى

اردابەك اربالاپ اقشا تاپپاسا دا، دوربالاپ تۇرمىسىن قامداپ جۇرگەن قاتارداعى قاراپايىم ەگىنشى ازامات ەدى، ءبىراق قىس كىرگەلى ول قاراجات جاعىنان نەداۋىر تارىعىپ ءجۇردى، ويتەتىنى كۇز بويى جيعان - تەرگەنىن كوڭىل جەتەر اعايىندارىنىڭ توي - تومالاعىنا جۇمىساپ بولعان، ءبىراق ءوزى ونىسىن ورالىنىڭ بارىندا ويناپ - كۇلگەن ۇمىتىلماس شاعىنا بالايدى.

  كىرەسلوعا شالقالاي جاتقان ول «بىرەۋگە جالدانىپ جۇمىس ىستەپ اقشا تابايىن با؟...ءاي، وزگەگە جالدانىپ تيىن تاپقانىمشا ەشكىمگە سەزدىرمەي ءبىر - ەكى جول ۇرلىق ىستەپ، ءبىر قىستىق قاراجاتىمدى تاۋىپ العانىم ابزال ەمەس پە؟» دەپ ويلادى دا، ۇرلىق ءتۇيىنىن تۇراقتاندىرىپ، اعاسىن ىزدەپ بارىپ، ونى «جۇك اۆتوموبيلىڭدى جۇرگىزىپ مەنىمەن بىرگە ۇرلىق ىستەپ پايدا تاپ» دەپ كوندىردى. سول كۇننىڭ ەرتەڭىندە، اعالى - ءىنىلى ەكەۋى وزدەرى تۇرعان قىستاقتىڭ شەتىندەگى ەگىس اتىزىنا تۇندەلەتىپ بارىپ، ەگىستىككە سۋ تاراتۋ قۇرىلعىلارى ساقتالعان ءۇيدىڭ ىشىنەن زياندالۋشى لاۋمانىڭ 520 كيلوگرام تامشىلاتىپ سۋارۋ سۋلياۋ قۇبىرىن ماشيناعا باسىپ الىپ، كورشىلەس اۋىلداعى تامشىلاتىپ سۋارۋ قۇبىر زاۆودىنا ساتىپ بەرىپ، اقشاسىن ءبولىسىپ تىندى. سول رەتكى ۇرلىقتان كەيىن اردابەك تاعى ەكى دوسىن وزىمەن بىرگە ۇرلىق ىستەۋگە كوندىرىپ، تاعى سول لاۋمانىڭ 330 كيلوگرام تامشىلاتىپ سۋارۋ سۋلياۋ قۇبىرىن ۇرلاپ، ءمالىم ءبىر جاراقسىز زاتتاردى ساتىپ الۋ ورنىنا اپارىپ ساتىپ اقشاسىن ۇشەۋى ءبولىسىپ الادى.

  دەلو انىقتالعاننان كەيىن، جەرگىلىكتى حالىق سوتى مەكەمەسى جاۋاپكەر اردابەكتىڭ مەملەكەت زاڭىن كوزگە ىلمەي، باسقالاردىڭ مۇلكىن ۇرلاۋ ارەكەتىنەن قالىپتاستىرعان ۇرلىق قىلمىسى ءۇشىن «7 ايلىق مەرزىمدى قاماۋ جازاسى بەرىلسىن جانە 2000 يۋان اقشالاي ايىپ سالىنسىن» دەپ ۇكىم شىعارادى. ال قوسىمشا ۇرلىق قىلمىسىن وتكىزگەن اردابەكتىڭ اعاسىنا جانە اردابەكتىڭ ەكى دوسىنا قوعام حاۋىپسىزدىگى ورگانى جاعىنان اكىمشىلىك جازا بەرىلەدى. وسىلايشا، ۇرلىق ىستەپ ەشكىمگە بىلدىرمەي، پايدا تابامىز دەپ قيالداعان 4 ازامات زاڭنىڭ جازاسىنا تارتىلىپ وكىنىش ارقالادى.
 سوڭىندا جاس دوستارعا ايتارىم: ءارقاشان ارامدىقتان اۋلاق بولىپ، ادال ەڭبەگىمىزبەن عۇمىر كەشەيىك. ال بارشا ەگىنشى جولداستارعا ەسكەرتەرىم: مۇمكىن بار ەگىنشىلىككە قاجەتتى مۇلىكتەرىڭىزدى اتىز باسىنا ساقتاماي، حاۋىپسىز جەرگە قويىپ، سۋىق قولدى ۇرىلاردىڭ سان سوقتىرىپ كەتۋىنەن ساقتانساڭىزدار ەكەن.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كوكتەم مەرەكەسى قارساڭىندا الدىمەن قوعامدىق يگىلىك ورنىنداعى قارتتارعا كوكەم مەرەكەسىن وتكىزىپ بەردى
  • مادەنيەت وتاۋى بالالاردىڭ جان - جاقتىلى تاربيەلەنۋ ورتالىعىنا اينالدى
  • ءدوربىلجىن اۋدانىنىڭ 2018 - جىلعى «كوكتەم مەرەكەسىنە ارنالعان بۇقارالىق ساۋىق كەشى» دۋماندى وتكىزىلدى
  • تۇمشالامالى شام ءىلىپ، جاڭا جىلدى قارسى الدى
  • كوكتەم مەرەكەسىن قارسى الۋ ساۋىق كەشى وتكىزىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى