ءتاڭىرتاۋ تورابى
ءتاڭىرتاۋ تورابى   ›   ۇيرەنۋ   ›   نازاريا

ارداگەر دارىندىلاردىڭ باسىن قوسىپ، گۇلدەنۋ ارمانىنا قانات قاقتى

    − پارتيا 18 - قۇرىلتايىنان بەرى دارىندىلار قىزمەتىنىڭ جاڭالانۋى، دامۋى تۋرالى

    پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرىنىڭ جالپى جاعدايىنىڭ بيىك تۇرعىسىنان، ەلىمىزدىڭ دارىندىلار ىستەرى مەن دارىندىلار قىزمەتىن ارقاۋ ەتىپ، ءبىرقاتار ماڭىزدى نۇسقاۋ بەرىپ، ءبىرسىپىرا شەشۋشى تاقىرىپتاردى ورتاعا قويدى. بۇل تۇجىرىمدامالاردا ۇلتتىڭ گۇلدەنۋ ارمانى نازارعا الىنىپ، جاڭالىق اشۋدى تۇرتكى ەتكەن دامۋعا كۇش شوعىرلاندىرىلىپ، رەفورما ارقىلى ومىرشەڭدىك كۇشكە دەم بەرۋ تياناق ەتىلىپ، ەلىمىزدىڭ دارىندىلار قىزمەتىنىڭ جاڭالانىپ دامۋىنا باعىت - باعدار سىلتەنىپ، ارنا ازىرلەندى.

    جاڭا تاريحي ساتتە، دارىندىلار تۋرالى دۇرىس يدەيا مەن قىزمەت شارالارىنىڭ تۇرتكى بولۋىمەن، ەلىمىزدىڭ دارىندىلار قىزمەتى قارىشتاپ دامىپ، رەفورمانى جاپپاي تەرەڭدەتۋگە، دارىندىلار ىسىندەگى قۇدىرەتتى مەملەكەت قۇرۋدى جەدەلدەتۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا تاسقىنداعان ومىرشەڭدىك پەن پارمەندى قوزعاۋشى كۇش ۇستەدى.

    جوبا - جوسپار دايىنداپ، جالپى جاعدايدى يگەردى

    − ۇلتتى كوركەيتۋ ارمانىن كوزدە ۇستاپ، شي جينپيڭ جولداستى ۇيتقى ەتكەن پارتيا ورتالىق كوميتەتى دارىندىلار قىزمەتىنىڭ جاڭالانىپ دامۋىنا باعىت - باعدار كورسەتتى

    پارتيا مەن مەملەكەت دارىندىلار قوسىنىنىڭ قۇرىلىسىنا ەجەلدەن باسا ءمان بەرەدى. «بىلىمگە، دارىندىلارعا قۇرمەت ەتۋدەن» «دارىندىلار بايلىعى − ءبىرىنشى بايلىق» دەپ بىلۋگە، مەملەكەتتى دارىندىلار ارقىلى قۇدىرەتتەندىرۋ ستراتەگياسىن بار كۇشپەن اتقارۋدان دارىندىلاردى پارتيا باسقارۋ پرينسيبىنىڭ ورتاعا قويىلۋىنا دەيىن، ءداۋىردىڭ دامۋىنا ىلەسە، دارىندىلاردىڭ ماڭىزدىلىعى مەملەكەتتىك ستراتەگيا دەڭگەيىندە كۇننەن - كۇنگە كورنەكتىلەنە ءتۇستى.

    «جۇڭگو» اتتى الىپ كەمە جۇڭحۋا ۇلتىنىڭ ۇلى گۇلدەنۋى نىساناسىن بەتكە الىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىس كەزەڭىندە تىڭ ساپارعا باعىت تۇزەدى، دارىندىلاردىڭ پارتيا ىسىندەگى، ۇلت پەن مەملەكەت ومىرىندەگى ماڭىزدى ءمانى ءتىپتى تەرەڭ ماعىناعا يە بولا ءتۇستى.

    2016 - جىلى 15 - مامىردا جىجياڭدا تەكسەرۋ - زەرتتەۋدە جۇرگەن باس شۋجي شي جينپيڭ حاڭجوۋداعى حايكاڭ ۋيشي ساندى تەحنولوگيالار شەكتى جارنا سەرىكتەستىگىنە ات باسىن بۇرىپ، ونىمدەر كورمەسى مەن زەرتتەۋ ورتالىعىن كوردى.

    تەكسەرۋ اياقتالار ساتتە، ول ءوزىن قاۋمالاعان جاس عىلىم قىزمەتكەرلەرىنە: دارىندىلار − ەڭ باعالى بايلىق، دارىندىلاردى ويداعىداي پايدالانىپ، جاڭالىق اشۋدىڭ ارتىقشىلىعىن تولىق ساۋلەلەندىرە بىلسەك، ەلىمىزدىڭ دامۋ ىستەرىنە زور ءۇمىت ارتۋعا بولادى، جۇڭحۋا ۇلتىنىڭ ۇلى گۇلدەنۋىنە دە ءبىر قادام جاقىنداي تۇسەمىز، - دەدى.

    «ءبىز جۇڭحۋا ۇلتىنىڭ ۇلى گۇلدەنۋى سىندى ايبىندى نىساناعا تاريحتاعى ءارقانداي مەزگىلدەگىدەن دە جاقىن تۇرمىز، ءبىز دارىندىلارعا دا تاريحتاعى ءارقانداي مەزگىلدەگىدەن دە مۇقتاج بولىپ وتىرمىز...»

    2013 - جىلى قازاندا باتىستان ورالعان مەكتەپتەستەر قاۋىمداستىعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ ءداۋىردىڭ جالپى اۋقىمىن عىلمي تۇردە تۇجىرىمداپ، دارىندىلار قىزمەتى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدىڭ ىشكى بايلانىسىن ايقىن اتاپ كورسەتتى.

    2014 - جىلى قىركۇيەكتە بەيجيڭ پەداگوگيكالىق ۋنيۆەرسيتەتىنىڭ وقىتۋشى - وقۋشى ۋاكىلدەرىمەن سۇحباتتاسقاندا، باس شۋجي شي جينپيڭ مىنالاردى قايتالاي باسا دارىپتەدى: قازىرگى دۇنيەدەگى جالپىلىق مەملەكەت قۋاتىنىڭ باسەكەسى، تۇپتەپ كەلگەندە، دارىندىلار باسەكەسى بولىپ وتىر، دارىندىلار بارعان سايىن ەكونوميكا مەن قوعامنىڭ دامۋىن ىلگەرىلەتۋشى ستراتەگيالىق بايلىققا اينالىپ كەلەدى، وقۋ - اعارتۋدىڭ نەگىزدىك، باستاۋشىلىق، جالپىلىق مارتەبەسى مەن رولى ونان سايىن كورنەكتىلەنە ءتۇستى. «قوس 100 جىلدىق» كۇرەس نىساناسىن ورىنداۋ مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدا، ءتۇبىن قۋعاندا، دارىندىلارعا، وقۋ - اعارتۋعا سۇيەنەمىز.

    پارتيا 18 - قۇرىلتايىنان بەرى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدى تياناق ەتىپ، باس شۋجي شي جينپيڭ دارىندىلار ىسىنە باسا نازار اۋدارىپ، ءجىتى قامقورلىق جاساپ، جۇڭگونىڭ مەملەكەتتى دارىندىلار ارقىلى قۇدىرەتتەندىرۋ ستراتەگياسىنا العا باسۋ بەتالىسىن كورسەتىپ، يدەيالىق دايەك ازىرلەدى.

    بۇل تامىرى جالعاس دارىندىلار ستراتەگياسىنىڭ جاڭا داۋىردەگى دامۋى مەن كوتەرىلۋى ەدى −

    2014 - جىلى ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ باس قوسۋىنان كەيىن، باس شۋجي شي جينپيڭ شاڭحايدا شەتەلدىك ماماندارمەن اڭگىمە ءماجىلىستى باسقارىپ اشتى. ول مىنالاردى اتاپ كورسەتتى: ءبىز دارىندىلاردى قابىلداۋعا كەڭ جول اشىپ، ءار تاراپتىڭ ارداگەر دارىندىلارىن جۇمىلدىرۋعا تاريحتاعى ءارقانداي مەزگىلدەگىدەن دە ءزارۋ بولىپ وتىرمىز. ءتىپتى، اشىق دارىندىلار ساياساتىن اتقارىپ، دارىندىلاردى جەرىنە قاراماي قابىلداپ، دارىندىلاردى يەلىگىنە قاراماي دامىتىپ، دارىندىلاردى شەكتەمەگە ۇشىراماي پايدالانۋىمىز كەرەك.

    بۇل بەل - بەلەستى ارتقا تاستاپ، جاڭالىق اشۋدى تۇرتكى ەتكەن دامۋ ستراتەگياسىن اتقارۋدىڭ ىشكى قاجەتى ەدى −

    ورتالىقتىڭ قازىنا - ەكونوميكاعا باسشىلىق ەتۋ گرۋپپاسىنىڭ 7 - رەتكى ماجىلىسىندە باس شۋجي شي جينپيڭ: «جاڭالىق اشۋدى تۇرتكى ەتكەن دامۋ، شىن مانىندە، دارىندىلاردى تۇرتكى ەتەدى»، - دەپ ايقىن اتاپ كورسەتىپ، جاڭالىق اشۋدى تۇرتكى ەتكەن دامۋ ستراتەگياسىنىڭ تەتىگىن ءبىر اۋىز سوزبەن تۇيىندەدى.

    2015 - جىلعى مەملەكەتتىك ەكى ءماجىلىس كەزىندە، شاڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، باس شۋجي شي جينپيڭ: «دارىندىلار − جاڭالىق اشۋدىڭ تاعانى، جاڭالىق اشۋدى تۇرتكى ەتۋ، ءىس جۇزىندە، دارىندىلاردى تۇرتكى ەتۋ دەگەن ءسوز، كىم الدىڭعى قاتارلى جاڭالىقشىل دارىندىلاردى يگەرسە، عىلىم - تەحنيكادا جاڭالىق اشۋدىڭ ارتىقشىلىعى مەن جەتەكشىلىك ۇقىعىن دا سول يگەرەدى»، - دەپ تاعى ءبىر مارتە اتاپ كورسەتتى.

    جاڭا حالىقارالىق جانە ىشكى جاعدايعا سايكەس، شي جينپيڭ جولداستى ۇيتقى ەتكەن پارتيا ورتالىق كوميتەتى ورايدى مىقتى يگەرىپ، ايبىندى ستراتەگيا جاساپ، دارىندىلار قىزمەتىنە ءتىپتى زور ءۇمىت ارتىپ، ءتىپتى جوعارى تالاپتار قويىپ وتىر.

    − «ءبىر جىلدىڭ ەسەبى ەگىن سالۋدان اسپاس، ون جىلدىڭ ەسەبى اعاش ەگۋدەن اسپاس، ومىرلىك ەسەپ ادام تاربيەلەۋدەن اسپاس» دەگەن ءسوز بار. ءبىز دارىندىلار بايلىعىن يگەرۋدى عىلىم - تەحنيكادا جاڭالىق اشۋدا ەڭ باسىم ورىنعا قويىپ، دارىندىلاردى تاربيەلەۋ، ەنگىزۋ، پايدالانۋ، ت.ب مەحانيزمدەرىن رەفورمالاپ، الەمدىك دەڭگەيدەگى عالىم، عىلىم - تەحنيكا كوشباسشىلارى، ينجەنەرلەر جانە جوعارى دەڭگەيلى جاڭالىق اشۋ قوسىنىن دايىنداپ، ءبىرىنشى شەپتەگى جاڭالىقشىل دارىندىلار مەن جاس عىلىم - تەحنيكا دارىندىلارىن تاربيەلەۋگە نازار اۋدارۋىمىز كەرەك.

    − دارىندىلاردى تاني بىلەتىن كورەگەندىك، دارىندىلاردى ارداقتاي بىلەتىن ىزگى نيەت، دارىندىلاردى ىستەتە بىلەتىن جۇرەكتىلىك، دارىندىلارعا كەشىرىممەن قاراي بىلەتىن كەڭ پەيىل، دارىندىلاردى شوعىرلاندىرا بىلەتىن تاماشا ءادىس - امالدار ارقىلى ءار جاقتاعى زيالىلاردى توپتاپ، توڭىرەكتىڭ ءتورت بۇرىشىنداعى دارىندىلاردى جيناپ ىستەتۋ كەرەك.

    − جۇڭگوشا سوتسياليستىك زاڭمەن جونگە سالۋ جولىنا تاباندى بولىپ، ماركستىك زاڭ يدەياسى جانە جۇڭگوشا سوتسياليستىك زاڭمەن جونگە سالۋ نازارياسى ارقىلى جەتەكشىلىك ەتۋگە تاباندى بولىپ، ءمورال ارقىلى ادام تاربيەلەپ، ءمورال مەن زاڭدى بىردەي ۇيرەنىپ، زاڭمەن جونگە سالۋ جاعىندا زور توپتاعى جوعارى ساپالى دارىندىلاردى تاربيەلەۋ كەرەك.

    − ساياسيدا ىسىلعان، ستيلى تاڭداۋلى، كاسىپكە جەتىك فينانس دارىندىلارىن كۇش سالا تاربيەلەۋ، تاڭداپ ءوسىرۋ، ىستەتۋ، اسىرەسە، فينانس جاعىنداعى جوعارى دەڭگەيلى دارىندىلاردى تاربيەلەۋگە كوڭىل ءبولىپ، فينانس دارىندىلارىنىڭ ءمورالدى دا قابىلەتتى، جوعارى ساپالى ءىرى قوسىنىن قۇرۋعا قۇلشىنۋ كەرەك.

    ...

    پارتيا ورتالىق كوميتەتىنىڭ دارىندىلار ستراتەگياسىنىڭ جەبەۋىندە، سوڭعى جىلدارى ەلىمىزدىڭ عىلىم - تەحنيكاسى ۇشقان قۇستاي دامىپ، كەي سالالاردا بىرتىندەپ دۇنيە عىلىم - تەحنيكاسىنا «ىلەسىپ جۇگىرۋشىدەن» «قاتارلاسىپ جۇگىرۋشىگە»، «باستاپ جۇگىرۋشىگە» اينالدى. جۇڭحۋا ۇلتىنىڭ ۇلى گۇلدەنۋىنىڭ تاريحي بورىشىن ۇستىنە الىپ وتىرعان قالىڭ دارىندىلاردىڭ قولىنان ءىرى ىستەر كەلەدى.

    سان مىڭ بۇلاق تەڭىزگە قۇيىلدى

    − دارىندىلاردى تارتۋعا، دارىندىلاردى تاربيەلەۋگە جانە دارىندىلاردى كورسەتۋگە قاتار ءمان بەرىپ، جەر جۇزىندەگى دارىندىلاردىڭ جۇڭگودا باسەكەلەسە جاڭالىق اشۋىنا، يگىلىك قۇرۋىنا شۇرايلى ورتا ازىرلەدى

    تالاي جىلدان بەرى، ەلىمىزدىڭ دارىندىلار قوسىنى قۇرىلىسى كولەمدى بولعانىمەن، قۋاتتى بولمادى، كوشباسشى دارىندىلار، ۇزدىك دارىندىلار قاتارى تاپشى بولدى.

    رەفورما جاسالىپ، ەسىك اشىلعاننان بەرگى امالياتقا قاراساق، ساۋداگەر شاقىرىپ، قارجى ەنگىزۋ، جابدىق ساتىپ الۋ، بازاردا تەحنيكا اۋىستىرۋ سياقتى تاسىلدەر ارقىلى ادەتتەگى تەحنيكالاردى عانا ەنگىزدى. ال شەتەلدەردەن جوعارى دەڭگەيلى دارىندىلاردى ەنگىزۋدە، دارىندىلار اراسىنداعى ءوزارا توعىسۋ جانە ءوزارا تاجىريبە قابىلداۋ جولىمەن جاڭالىق اشۋ ويىنىڭ جانە جاڭاشا مادەنيەتتىڭ قالىپتاسۋىن ىلگەرىلەتىپ، ونى حالىقاراداعى وزىق تەحنيكانى يگەرۋدىڭ ماڭىزدى تاسىلىنە اينالدىردى.

    پارتيا 18 - قۇرىلتايىنان بەرى، ەلىمىز دارىندىلار قىزمەتىندە ەل ىشىندەگى، حالىقاراداعى بايلىقتى ءبىر تۇتاس جوسپارلاۋعا باسا ءمان بەرىپ، دارىندىلاردى تارتۋعا، دارىندىلاردى تاربيەلەۋگە جانە دارىندىلاردى كورسەتۋگە قاتار ءمان بەرىپ، كوشباسشى ينجەنەريالاردىڭ ۇلگى كورسەتۋ، جەتەكتەۋ رولىن ساۋلەلەندىرۋگە باسا ءمان بەردى.

    «جوعارى، ىسىلعان، ۇزدىك دارىندىلاردىڭ تاپشى بولۋى» باعىتىن كورنەكتىلەندىرە وتىرىپ، مەملەكەت «مىڭ ادام جوسپارى»، «ون مىڭ ادام جوسپارى» بويىنشا ەل ءىشى - سىرتىنان جالپى 9500دەن استام جوعارى دەڭگەيلى دارىندىنى ەنگىزدى، تاربيەلەدى جانە ولارعا قولداۋ كورسەتتى. شەتەلدەن وقيتىنداردىڭ شەتەلگە شىعۋ جانە ەلگە ورالۋ جىلدىق سالىستىرماسى 2006 - جىلعى 1: 15.3نان 2016 - جىلى 1: 26.1نا ءتۇسىپ، شەتەلدەن وقىعان وقۋشىلاردىڭ %80كە جۋىعى وقۋىن تاۋىسقان سوڭ ەلگە ورالۋدى تاڭدادى، سونداي - اق شاپشاڭ قايتىپ كەلۋ جاعدايى جارىققا شىقتى.

    دارىندىلارعا قاتىستى ءار ءتۇرلى كەلەلى ينجەنەريا اتقارىلىپ، ءونىمدى تۇردە ىلگەرىلەتىلدى: جوعارى ساپالى ءبىلىم بەرۋ دارىندىلارىن تاربيەلەۋ ينجەنەرياسى اتقارىلىپ، 5 ميلليون 100 مىڭنان استام وقىتۋشى تاربيەلەندى؛ مادەنيەت جاعىنداعى اتاقتى ادامدار جانە «4 ءبىر توپ» دارىندىلار ينجەنەرياسى اتقارىلىپ، ۇگىت، يدەيا، مادەنيەت جاعىنداعى جوعارى دەڭگەيلى دارىندىلار ءتۇيىندى تۇردە سۇيەمەلدەندى، قارجىلاي كومەك بەرىلدى؛ ارناۋلى تەحنيكالىق دارىندىلاردىڭ ءبىلىمىن جاڭالاۋ ينجەنەرياسى اتقارىلىپ، شۇعىل قاجەتتى، تاپشى ارناۋلى تەحنيكالىق دارىندىلاردان ءبىر ميلليون 200 مىڭى (رەت) تاربيەلەندى؛ تاڭداۋلى دارىندىلاردى حالىقارالىق ۇيىمداردا مىندەتكە وتەۋگە بەلسەنە تاربيەلەپ، كورسەتىپ، حالىقارالىق ۇيىمدارداعى زاپاس دارىندىلاردى تاربيەلەۋدى بارىنشا كۇشەيتتى ...

   سوڭعى جىلدارى، شەتەلدەردەن دارىندى ەنگىزۋدىڭ ناتيجەسى دە بارعان سايىن ايشىقتالا ءتۇستى: چيڭحۋا ۋنيۆەرسيتەتىنەن شى يگۇڭ كلەتكانىڭ ءولۋ مەحانيزمى جاعىندا ءۇرتىس كەلەلى جەتىستىكتەرگە قول جەتكىزدى؛ جۇڭگو عىلىم - تەحنيكا ۋنيۆەرسيتەتىنەن پان جيانۋي دۇنيە جۇزىندە توپولوگيالىق كۆانتتىك تۇزەتۋ زەرتتەۋىن تۇڭعىش رەت ىسكە اسىردى ءارى «حالىقارالىق كۆانتتىق حابار - بايلانىس سيلىعىن» الدى؛ جىجياڭ ۋنيۆەرسيتەتىنەن چىن ليۋيىن پلازمالىق دەنە فيزيكا نازارياسى جاعىنداعى جاسامپاز ۇلەسى ءۇشىن ا ق ش فيزيكا قوعامى جاعىنان «ماكسۋەل سيلىعىن» الدى ...

    شەتەلدەردەن 10 مىڭ شاماسىنداعى جوعارى دەڭگەيلى دارىندىنى ەلگە ورالىپ جاڭالىق اشىپ، شارۋاشىلىق قۇرۋعا تارتتى، ەل ىشىندە شۇعىل قاجەتتى، تاپشى 10 مىڭ شاماسىنداعى جوعارى دەڭگەيلى دارىندىنى ىرىكتەپ، ولارعا قولداۋ كورسەتتى، ءار جىلى جوعارى دەڭگەيلى، شۇعىل قاجەتتى، تاپشى جانە تىرەكتى ماماندانعان تەحنيكالىق دارىندىلاردان ءبىر ميلليوندى تاربيەلەدى ... «13 - بەسجىلدىق» جوبا پروگرامماسىندا كەلەلى دارىندىلار ينجەنەرياسىن اتقارىپ، ستراتەگيالىق دارىندىلار، عىلىم - تەحنيكاداعى كوشباسشى دارىندىلار، قوعامدىق عىلىم دارىندىلارى، كاسىپورىنشى دارىندىلار جانە جوعارى تەحنيكالىق دارىندىلار قوسىنىن بايقاۋ، تاربيەلەۋ، شوعىرلاندىرۋ ماقساتىندا «جوعارى، ىسىلعان، ۇزدىك دارىندىلاردىڭ تاپشى بولۋى» باعىتىن كورنەكتىلەندىرۋ كەرەكتىگى العا قويىلدى.

    «جۇڭگوعا بارايىق»، «وتانعا قايتايىق» جاڭا سالتقا اينالدى، جۇڭگو جەر جۇزىندەگى دارىندىلاردىڭ باسەكەلەسە جاڭالىق اشىپ، شارۋاشىلىق قۇراتىن شۇرايلى ورتاسىنا اينالىپ كەلەدى.

    رەفورمانى تەرەڭدەتىپ، ومىرشەڭ كۇشكە شابىت بەردى − دارىندىلاردى دامىتۋدىڭ شوقتىقتى جوباسى مەن ءتۇزىلىس، مەحانيزم رەفورماسىن ۇزدىكسىز تەرەڭ ىلگەرىلەتتى

    دارىندىلاردى دامىتۋدىڭ ءتۇزىلىس، مەحانيزم رەفورماسى − رەفورمانى جاپپاي تەرەڭدەتۋدىڭ ماڭىزدى قۇرامداس ءبولىمى.

    پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە دارىندىلار ءتۇزىلىس، مەحانيزم رەفورماسىن جاپپاي تەرەڭدەتۋ جونىندە ماڭىزدى ورنالاستىرۋ جاسالىپ، تۇزىلىستىك قامالدى تالقانداپ، سالاۋات كەدەرگىسىن الاستاپ، بارلىق ادامنىڭ دارىندى بولىپ جەتىلۋ، قارا ءۇزۋ جولىن ازىرلەپ، ءتۇرلى دارىندىلاردىڭ دارىن - قابىلەتىن ايگىلەۋىنە كەڭ ءورىس ازىرلەۋ كەرەكتىگى باسا دارىپتەلدى.

    وسىنداي نىسانانى جۇزەگە اسىرۋ ءۇشىن، جەر - جەر، تاراۋلار دارىندىلار قىزمەتى سالاسىنداعى رەفورمادا جاڭالىق اشۋ سەرپىنىن سانالى تۇردە ارتتىرىپ، ساياساتتاعى تىڭ جەتىستىكتەر ارقىلى ءتۇزىلىس، مەحانيزمدە جاڭالىق اشۋعا جەتەكشىلىك ەتىپ، دارىندىلاردىڭ دامۋ ورتاسىن ۇزدىكسىز ساپالىلاندىردى.

    دارىندىلاردىڭ جاڭالىق اشۋىنا، شارۋاشىلىق قۇرۋىنا شابىت بەرىلدى. 2015 - جىلى تامىزدا عىلىم - تەحنيكالىق جەتىستىكتەردىڭ يگىلىككە جاراتىلۋىن جەبەۋ زاڭىنىڭ وزگەرىس ەنگىزىلگەن نۇسقاسى جاريالاندى، بۇل اراعا 19 جىل سالىپ وسى زاڭعا تۇڭعىش رەت ەنگىزىلگەن وزگەرىس. قالىڭ عىلىم - تەحنيكا قىزمەتكەرلەرىنىڭ جاڭالىق اشۋ، جاسامپازدىق بەلسەندىلىگىن ءوسىرۋ ءۇشىن، جاڭا زاڭدا قاتىستى شارت - جاعدايدا عىلىم - تەحنيكالىق زەرتتەۋشىلەردىڭ عىلىم - تەحنيكالىق جەتىستىكتەردى يگىلىككە جاراتۋ بارىسىنداعى سيلىعى مەن اقىسىنىڭ ولشەمى اۋەلدەگى %20تەن %50كە جوعارىلاتىلدى. بەيجيڭ، شاڭحاي، تيانجين سياقتى جەرلەر نوپوس، شەتەلدىك دارىندىلاردىڭ قونىستانۋى، عىلىم - تەحنيكا قىزمەتكەرلەرىنىڭ قوسىمشا مىندەت وتەۋى، سونداي - اق ولارعا بەرىلەتىن اقى سياقتى جاقتاردا ساياساتقا جاڭالىق ەنگىزۋدى قاراستىردى؛ انحۇي، حۋبەي، سىچۋان سياقتى جەرلەر عىلمي زەرتتەۋ قاراجاتىن باسقارۋدى رەفورمالاپ، دارىندىلاردىڭ جاڭالىق اشۋدان الاتىن پايداسىنىڭ ۇلەس سالىستىرماسىن جوعارىلاتۋدى قاراستىردى.

    دارىندى تاربيەلەۋگە قولداۋ كورسەتۋ تەبىنىن ارتتىردى. پارتيا 18 - قۇرىلتايىنان بەرى، عىلىم - تەحنيكا مينيسترلىگى جاسامپاز دارىندىلاردى جەبەۋ جوسپارىن ءۇرتىس اتقاردى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى ءبىلىم جاڭالاۋ ينجەنەرياسىن ىشكەرىلەي ىلگەرىلەتتى، وقۋ - اعارتۋ مينيسترلىگى ءوندىرۋ - ۇيرەنۋ - زەرتتەۋ تىعىز ۇشتاستىرىلعان دارىندى تاربيەلەۋ مەحانيزمىن بەلسەندىلىكپەن قۇردى؛ جۇڭگو عىلىمدار اكادەمياسى ماڭىزدى ءونىمدى جەتەكشى ەتكەن بايلىق سەپتەستىرۋ جۇيەسىن قۇرىپ، قاراجات قامتاماسىزدىعى قابىلەتىن جوعارىلاتتى؛ كوپتەگەن ولكە، رايوندار كاسىپورىنداردى عىلىم - تەحنيكادا جاڭالىق اشۋ تۇعىرىن جانە عىلىم - تەحنيكادا جاڭالىق اشۋ قوسىنىن قۇرۋعا شابىتتاندىرىپ، كاسىپورىنداردىڭ دارىندى ەنگىزۋىنە جانە تاربيەلەۋىنە اناعۇرلىم زور تەبىنمەن قولداۋ كورسەتتى.

    دارىندىلاردى باعالاۋدىڭ عىلميلانۋ ورەسىن جوعارىلاتتى. 2015 - جىلى قىركۇيەكتە جاپپاي باستالعان ورتا، باستاۋىش مەكتەپ وقىتۋشىلارىنىڭ كاسىپتىك اتاق ءتۇزىمى رەفورماسىندا، جاڭادان جوعارى دارەجەلى كاسىپتىك اتاقتى بەلگىلەپ، باعالاۋ وبيەكتىلەرىن پروفەسسور، زەرتتەرمەندەرمەن بىردەي كاسىپتىك دامۋ كەڭىستىگىنە يە ەتتى. 2017 - جىلدىڭ باسىندا شىعارىلعان «كاسىپتىك اتاق ءتۇزىمى رەفورماسىن تەرەڭدەتۋ جونىندەگى پىكىر» كاسىپتىك اتاقتاعى شەتەل ءتىلى مەن كومپيۋتەر قولدانۋ قابىلەتىنىڭ شەكتەمەسىن كۇشىنەن قالدىرىپ، كاسىپتىك اتاق باعالاۋ شارتىن ىشكەرىلەي كەمەلدەندىرىپ، كاسىپتىك اتاق باعالاۋ فورماسىن بايىتتى.

    دارىندىلاردىڭ ەركىن اينالىس جاساۋىن جەبەدى. پارتيا 18 - قۇرىلتايىنان بەرى، جەر - جەر، تاراۋلار پارتيا، ۇكىمەت ورگاندارىنداعى، كاسىپورىن، ءىسورىندارداعى، قوعامنىڭ ءار سالاسىنداعى دارىندى اينالىس ارناسىن ىركىلىسسىزدەندىرۋ جاعىندا بەلسەندىلىكپەن ىزدەنىس جاساپ، دارىندىلاردىڭ لايىقتى ورىنعا بارۋىن جەبەدى. «جاڭا جاعدايداعى جۇمىسقا ورنالاسۋ، شارۋاشىلىق قۇرۋ قىزمەتىن ىشكەرىلەي تىڭىعىلىقتى جۇرگىزۋ جونىندەگى پىكىردى» تاراتىپ، جوعارى مەكتەپتەر، عىلمي زەرتتەۋ ورىندارى سياقتى ءىسورىندارداعى كاسىپتىك، تەحنيكالىق قىزمەتكەرلەردى قىزمەت ىستەي ءجۇرىپ شارۋاشىلىق قۇرۋعا، قىزمەت ورنىنان كەتىپ شارۋاشىلىق قۇرۋعا شابىتتاندىرۋعا قاتىستى ساياساتتاردى ايقىن ورتاعا قويدى.

    شەتەل دارىندىلارىن ەنگىزۋ ءتۇزىلىسى مەحانيزمىن ۇزدىكسىز كەمەلدەندىردى. 2015 - جىلى قىركۇيەكتە مەملەكەتتىك شەتەل ماماندارى مەكەمەسى سىرتقى ىستەر مينيسترلىگىمەن، قوعام حاۋىپسىزدىگى مينيسترلىگىمەن، ادام كۇشى بايلىعى جانە قوعامدىق قامتاماسىزداندىرۋ مينيسترلىگىمەن بىرگە «شەتەل ماماندارىنىڭ قىسقا مەرزىم بويىنشا جۇڭگوعا كەلۋىنە قاتىستى ءىس ءبىتىرۋ ءتارتىبىن ىشكەرىلەي كەمەلدەندىرۋ جونىندەگى ۇقىترۋدى» شىعارىپ جانە اتقارىپ، جۇڭگوعا كەلىپ 90 كۇننەن تومەن تۇراتىن شەتەل ماماندارىنىڭ رۇقسات الۋ ءتۇزىمىنىڭ كۇشىن جويىپ، شەتەل دارىندىلارىنىڭ جۇڭگوعا كەلىپ قىزمەت ىستەۋىنە قولايلىلىق تۋدىردى. 2017 - جىلى ساۋىردەن باستاپ، شەتەلدىكتەردىڭ ماڭگىلىك قونىستانۋ كۋالىگىن ءبىتىرۋىن وڭايلاستىرۋ رەفورماسىن باستاپ، دۇنيە جۇزىنە جۇڭگونىڭ دارىندىلاردى، پاراسات يەلەرىن، ساڭلاقتاردى شاقىرعان بەلسەندى سيگنالىن تاراتتى.

    ءبىر قىدىرۋ جاندى امالياتتار جۇڭحۋانىڭ بايتاق دالاسىندا ۇزدىكسىز تۋىلدى: شاڭحاي جوعارى مەكتەپتەردىڭ، عىلمي زەرتتەۋ ورىندارىنىڭ عىلمي زەرتتەۋ قىزمەتكەرلەرىن كاسىپورىندارعا بارىپ قوسىمشا جۇمىس ىستەۋگە شابىتتاندىرىپ، جوعارى مەكتەپتەردە %3تىك شتات نورماسىن ساقتاپ قالۋدى بەلگىلەپ، وقىتۋشىلاردىڭ اينالىس جاساۋىنا ارناۋلى قولداۋ كورسەتتى؛ نانجيڭ «شارۋاشىلىق قۇراتىن نانجيڭ» اتىنداعى دارىندىلارعا ساياتىن 26 تارماق جاڭا ساياسات شىعارىپ، دارىندىلاردىڭ پارىقتىلىق، دارالىق قاجەتىنە ساي، دارىندىلاردىڭ جاڭالىق اشۋ، شارۋاشىلىق قۇرۋىنىڭ تۇتاس بارىسىن قامتىعان ساياساتتىق قولداۋ جۇيەسىن قۇردى؛ جيلين، حيلۇڭجياڭ، نيڭشيا سياقتى جەرلەر دارىندى ءتۇزىلىس مەحانيزمى رەفورماسىنا قاتىستى پىكىردى ىلگەرىندى - كەيىندى شىعارىپ، قىزمەتتەن اجىراپ شارۋاشىلىق قۇراتىن عىلمي زەرتتەۋ قىزمەتكەرلەرىنىڭ ستاجىن، سالاۋاتىن جانە كاسىپتىك اتاعىن ۇشتاستىرۋ سياقتىلار جونىنەن ايقىن بەلگىلەمەلەردى ورتاعا قويدى.

    2016 - جىلى ناۋرىزدا ۇزاق ۋاقىت دايىندىق جاسالعان «دارىندىلاردى جەتىلدىرۋ ءتۇزىلىس، مەحانيزمى رەفورماسىن تەرەڭدەتۋ جونىندەگى پىكىر» ج ك پ ورتالىق كوميتەتى اتىنان رەسمي باسىپ تاراتىلدى. پىكىر دارىندىلاردى جەتىلدىرۋ ءتۇزىلىس مەحانيزمى رەفورماسىنىڭ جەتەكشى يدەياسىن، نەگىزگى پرينسيپتەرىن جانە باستى نىساناسىن ايقىنداپ، باسقارۋ ءتۇزىلىسى، قىزمەت مەحانيزمى جانە ۇيىمداستىرۋ، باسشىلىق ەتۋ سياقتى جاقتارداعى رەفورما شارالارىن العا قويىپ، كەزەكتەگى جانە مۇنان كەيىنگى ءبىر مەزگىلدەگى مەملەكەتتىك دارىندى قىزمەتىنىڭ باعىتىن ايقىن كورسەتتى.

    ساياسي جاقتان جەتەكشىلىك ەتىپ، كۇش - قۋات توپتاۋ

    − پارتيانىڭ دارىندىلاردى باسقارۋ پرينسيبىن كەمەلدەندىرۋدە تاباندى بولىپ، دارىندىلاردى تانۋ، دارىندىلاردى ايالاۋ، دارىندىلارعا قۇرمەت ەتۋ، دارىندىلاردى ىستەتۋ ۇستانىمى تۇتاس قوعامدا سالتقا اينالدى

    دارىندى − ءبىرىنشى بايلىق، تاڭداۋلى مامان دارىندىلار − «وزەكتى» بايلىق.

    دارىندىلاردى تانۋ، دارىندىلاردى ايالاۋ، دارىندىلارعا قۇرمەت ەتۋ، دارىندىلاردى ىستەتۋ پارتيامىزدىڭ تاڭداۋلى ءداستۇرى بولىپ كەلەدى. پارتيا 18 - قۇرىلتايىنان بەرى، مامان - وقىمىستىلارعا، ءار سالانىڭ دارىندىلارىنا قامقورلىق جاسايتىن جانە قۇرمەت ەتەتىن، ولاردى تۇسىنەتىن جانە قولداپ - قۋاتتايتىن، سەنىم ارتاتىن جانە ولارعا تاياناتىن جاعداي ەشقاشان وزگەرگەن جوق، ۋاقىت وتكەن سايىن جاڭالانىپ وتىر.

    باس شۋجي شي جينپيڭ ءار جىلى جىلدىڭ باسىندا ج ك پ ورتالىق كوميتەتى مەن مەملەكەتتىك كەڭەستىڭ سالتاناتپەن وتكىزگەن مەملەكەتتىك عىلىم - تەحنيكا جەتىستىكتەرىن سيلاۋ جينالىسىنا تەگىس قاتىناسادى، ول تاڭداۋلى عىلىم - تەحنيكا قىزمەتكەرلەرىنىڭ قولىنا مەملەكەتتىك عىلىم - تەحنيكا سيلىعىن تابىس ەتىپ، سيلانعانداردى قىزۋ قۇتتىقتايدى.

    باس شۋجي شي جينپيڭ مەرەكە - مەيرام سايىن ورتالىقتاعى باسشى جولداستاردى بەدەلدى، ىقپالدى عىلىم - تەحنيكا ماماندارىنان حال سۇراپ، ولاردىڭ تۇرمىسىنا كوڭىل ءبولۋدى، ولاردىڭ پىكىرىن تىڭداپ، ولاردىڭ قوسقان ۇلەستەرىن تۇراقتاندىرۋدى تاپسىرادى.

    ءار جىلى جازدا پارتيا ورتالىق كوميتەتى جانە مەملەكەتتىك كەڭەس مامان - وقىمىستىلاردى بەيدايحىعا بارىپ دەمالىپ قايتۋعا ۇسىنىس ەتەدى. باس شۋجي شي جينپيڭ وسى مەزگىلدەن پايدالانىپ ورتالىقتاعى باسشىلاردى جىبەرىپ، ولاردان شىن ىقىلاستى حال سۇراپ جانە ىزگى تىلەك بىلدىرەدى.

    جۇڭگونىڭ ءىسىن ويداعىداي ىستەۋدىڭ تەتىگى پارتيادا، ادامدا، دارىندىلاردا.

    پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق كۇشتى دارىندى تانىمىن ورناتىپ، پارتيانىڭ دارىندىلاردى باسقارۋ قىزمەتىنىڭ ءتۇبىرلى پرينسيبىن ۇزدىكسىز بەكەمدەپ، كەمەلدەندىرىپ، پارتيانىڭ دارىندىلاردى باسقارۋ ۇلگىسى مەن ءادىسىن ۇزدىكسىز بايىتتى جانە جاڭالادى.

    5 جىلدان بەرى، ورتالىق پارتيا مەكتەبىندە، پۋدۇڭ كادرلار ينستيتۋتىندا، جيڭگاڭشان كادرلار ينستيتۋتىندا، يان - ان كادرلار ينستيتۋتىندا «مىڭ ادامدىق جوسپار» بويىنشا ماماندار مەن شەتەلدەن وقۋ تاۋىسىپ وتانعا ورالعان دارىندىلاردىڭ ءبىلىم اسىرۋ كۋرسىن اشىپ، شەتەلدەن وقىپ كەلگەن دارىندىلاردىڭ «ءتورت سەنىمىن» شىن مانىندە كۇشەيتىپ، شەتەلدەن كەلگەن دارىندىلاردى ونان ارى ىنتىماقتاستىرىپ، ۇيىستىردى.

    ورتالىق مامانداردىڭ رولىن ساۋلەلەندىرۋگە بارىنشا ءمان بەرىپ، ءار سالا، ءار كاسىپتەگى تاڭداۋلى دارىندىلار مەن شەتەل ماماندارىن ەكونوميكالىق، قوعامدىق دامۋ جونىندە سىندارلى ۇسىنىس - پىكىر بەرۋگە جەتەكشىلىك ەتتى. «كەڭەسپەن پىشكەن تون كەلتە بولمايدى» دەگەن ءسوز بار. ورتالىقتىڭ جالپى ءماجىلىسىنىڭ حۇجاتىن شىعارۋدان ۇكىمەت قىزمەتىنەن باياندامانى جازۋعا دەيىن، ماڭىزدى ساياساتتاردى العا قويۋ سياقتى كەلەلى ىستەردىڭ بارىندە، ءار سالاداعى مامان - وقىمىستىلاردىڭ ۇسىنىس - پىكىرلەرى پارتيا مەن ۇكىمەتتىڭ شەشىم جاساۋىنداعى ماڭىزدى پايدالانۋ ماتەريالى بولدى.

    جەر - جەر پارتيانىڭ دارىندىلاردى باسقارۋ قىزمەتى جونىندەگى اتقارۋ پىكىرىن شىعاردى، كوپتەگەن ولكەدە ولكەلىك پارتكومنىڭ شۋجيلەرى دارىندى قىزمەتىنە باسشىلىق ەتۋ گرۋپپاسىنىڭ باستىعى مىندەتىن ۇستىنە الىپ، «ءبىرىنشى باسشى ءبىرىنشى بايلىقتى يگەرۋ» سىندى وسكەلەڭ سانالىلىق قالىپتاستىردى. ءبىر ءبولىم ولكە، اۆتونوميالى رايون، قالالار دارىندى قىزمەتىنىڭ نىساناسى جونىندەگى جاۋاپكەرلىك ءتۇزىمىن ورناتىپ، دارىندى قىزمەتى جونىندە ارناۋلى بايانداما جاسادى. پارتكوم ءبىر تۇتاس باسشىلىق ەتەتىن، ۇيىمداستىرۋ ءبولىمى باس بولىپ جەتەكشىلىك ەتەتىن، قاتىستى تاراۋلار ءوز قىزمەتتەرىن جاۋاپكەرلىكپەن وتەيتىن، قوعامداعى ءار سالا جاپپاي ات سالىساتىن دارىندىلار قىزمەتى جۇيەسى بىرتىندەپ كەمەلدەنە باستادى.

    دارىندىلاردى شىن جۇرەكتەن ايالايتىن، دارىندىلاردى كوڭىل قويىپ توڭىرەگىنە توپتايتىن ساياسي پارتيا − داۋىرمەن بىرگە العا باساتىن، ءورىس اشا العا ىلگەرىلەيتىن ساياسي پارتيا؛ دارىندىلاردىڭ تالانتىن بايقاپ، ولاردى شىن ىقىلاسپەن ىستەتە بىلەتىن مەملەكەت − ۇمىتكە تولى، ومىرشەڭدىك كۇشكە باي ەل بولماق.

    شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، كۇننەن - كۇنگە ۇلعايىپ كەلە جاتقان دارىندىلار قوسىنى جۇڭگو الىپ كەمەسىن، ءسوز جوق، جۇڭحۋا ۇلتىنىڭ ۇلى گۇلدەنۋى سىندى شۇعىلالى ارماندى ىسكە اسىرۋ جولىندا ۇدەرە العا تارتۋعا جەبەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى