ءتاڭىرتاۋ تورابى
ءتاڭىرتاۋ تورابى   ›   ۇيرەنۋ   ›   نازاريا

جاڭالىق اشىپ، شارۋاشىلىق قۇرۋدىڭ جالىندى كۇشىن جەتىلدىردى

    − پارتيانىڭ 18 - قۇرىلتايىنان بەرگى جاڭالىق اشۋ، شارۋاشىلىق قۇرۋ تاربيەسى رەفورماسى تۋرالى

    شينحۋا اگەنتتىگىنىڭ تىلشىلەرى حۋ حاۋ، شۇي زۋحۋا

    جاستار − مەملەكەت پەن ۇلتتىڭ ءۇمىتى، جاڭالىق اشۋ − قوعامنىڭ العا باسۋىنىڭ جانى، شارۋاشىلىق قۇرۋ − ەكونوميكانىڭ، قوعامنىڭ دامۋىن ىلگەرىلەتۋدىڭ، حالىق تۇرمىسىن جاقسارتۋدىڭ ماڭىزدى جولى. جاستار، وقۋشىلار قيالعا، جاسامپازدىققا باي، ولار − جاڭالىق اشىپ، شارۋاشىلىق قۇرۋداعى جالىندى كۇش.

    پارتيانىڭ 18 - قۇرىلتايىنان بەرى، ەلىمىز جوعارى مەكتەپتەردىڭ جاڭالىق اشۋ، شارۋاشىلىق قۇرۋ تاربيەسى رەفورماسىن ۇزدىكسىز تەرەڭدەتىپ، دارىندىلاردى تاربيەلەۋ ولشەمىنە وزگەرىس ەنگىزىپ، وقىتۋ، ادام تاربيەلەۋ مەحانيزمىن رەفورمالاپ، وقىتۋشىلار قوسىنى قۇرىلىسىن كۇشەيتىپ، شارۋاشىلىق قۇرۋ بويىنشا پراكتيكالىق جاتتىعۋدى كۇشەيتىپ، شارۋاشىلىق قۇرۋ بويىنشا كومەكتەسۋ، سۇيەۋ جۇيەسىن قۇرىپ، جاڭالىق اشۋ، شارۋاشىلىق قۇرۋ تاربيەسىن دارىندىلاردى باۋلۋمەن توعىستىرىپ، جاڭاشىل مەملەكەت قۇرۋعا توقتاۋسىز تۇردە دارىندى، اقىل - پاراسات جاعىنان تىرەك ازىرلەدى.

    ستۋدەنتتەر جاڭالىق اشۋ، شارۋاشىلىق قۇرۋدىڭ جالىندى قوسىنىنا اينالدى

    «OFO» كىشكەنە سارى ۆەلوسيپەد − سوڭعى 2 جىلدان بەرى جۇرتتىڭ ءبارى ابدەن بىلەتىن ۆەلوسيپەدتەن بىرگە يگىلىكتەنۋ كاسىپورنى. بيىل ناۋرىزدا «OFO» قارجىسىنىڭ شامامەن 3 ميلليارد 100 ميلليون يۋان بولعانىن جاريالادى. ءدال وسى تۇستا وسى جاس سەرىكتەستىكتىڭ قۇرىلعانىنا ءۇش - اق جىل بولعان، سەرىكتەستىكتىڭ قۇرۋشىسى ءارى CEO دا قوسىمشا مىندەت اتقاراتىن دايۋي 90 - جىلداردىڭ ءتولى، ونىڭ بەيجيڭ ۋنيۆەرسيتەتىنەن وقۋ تاۋىسقانىنا ءبىر جىلدان ەندى عانا اسقان ەدى.

    «ءبىز دۇنيە جۇزىنە ىقپال ەتەتىن سەرىكتەستىككە اينالىپ، جەر جۇزىندەگى قاريدارلاردىڭ قىسقا ارالىقتا جولاۋشىلاۋىنا قولايلى قىزمەت كورسەتە بەرۋگە ۇمتىلامىز»، - دەيدى دايۋي سەنىمدى تۇردە.

    جاڭالىق اشۋعا، شارۋاشىلىق قۇرۋعا دەگەن ىنتا - ىقىلاسى كۇشتى دايۋي سياقتى جاستار ءجۇز مىڭداپ تابىلادى.

    ماكوس زەرتتەۋ ورنىنىڭ جۇڭگو قوعامدىق عىلىمدار اكادەمياسىمەن بىرلەسىپ جاريالاعان «جۇڭگولىق ستۋدەنتتەردىڭ جۇمىستانۋى تۋرالى بايانداماسىنداعى» قاتىستى ساندى مالىمەتتەردە كورسەتىلۋىنشە، سوڭعى 5 جىلدان بەرى، جۇڭگو ستۋدەنتتەرىنىڭ وقۋ تاۋىسا سالا شارۋاشىلىق قۇرۋ سالىستىرماسى 2011 - جىلى وقۋ تاۋىسقان وقۋشىلاردىكى %1.6 بولسا، 2017 - جىلى %3.0كە جەتىپ، ءبىر ەسەگە تاياۋ كوتەرىلگەن. 2017 - جىلى وقۋ تاۋىسقان 7 ميلليون 950 مىڭ وقۋشىنىڭ جالپى مولشەرى بويىنشا ەسەپتەگەندە، يگىلىك قۇرعان ستۋدەنتتەردىڭ جىلدىق سانى 200 مىڭنان اسقان.

    بۇگىندە وزدەرىنىڭ اسقاق جاستىق ارماندارىن ۇلى جۇڭگو ارمانىمەن توعىستىرىپ، جاڭالىق اشۋدىڭ، شارۋاشىلىق قۇرۋدىڭ جالىندى قوسىنىنا اينالعان جاستاردىڭ قاتارى بارعان سايىن مولايۋدا. ءۇرتىس 3 جىل وتكىزىلگەن جۇڭگو «ينتەرنەت +» ستۋدەنتتەردىڭ جاڭالىق اشۋ، شارۋاشىلىق قۇرۋ جارىسىنىڭ ءار كەزەگىندە تىركەلگەن تۇرلەردىڭ سانى الدىڭعى كەزەكتەگىدەن 3 ەسەنىڭ ۇستىندە ارتسا، قاتىناسقان ادام سانى دا الدىڭعى كەزەكتەگىدەن 2 ەسەنىڭ ۇستىندە مولايعان. 2017 - جىلعى 3 - كەزەكتى جارىسقا قاتىناسقان جوعارى مەكتەپ سانى 2241گە، توپتاردىڭ تىركەگەن تۇرلەرى 370 مىڭعا جەتىپ، قاتىناسقان وقۋشىلار سانى ءبىر ميلليون 500 مىڭنان استى.

    جاڭالىق اشۋ ساباقحانادان باستاپ وزگەردى

    جاڭالىق اشۋدىڭ، يگىلىك قۇرۋدىڭ ساپاسى مەن تەحنيكالىق شەبەرلىگىن مەكتەپتىڭ تاربيەلەۋى مەن جەتەكتەۋىنەن بولە قاراۋعا بولمايدى.

    «مەكتەپ تاربيەسى ارقىلى بارلىق وقۋشىنىڭ جاڭالىق اشۋ رۋحى مەن شارۋاشىلىق قۇرۋ تانىمىنا شابىت بەرۋ كەرەك». شي - ان ەلەكتروندىق عىلىم - تەحنيكا ۋنيۆەرسيتەتى پارتكومىنىڭ شۋجيى، مەكتەپ باستىعى، اكادەميك جىڭ شياۋجيڭنىڭ نازارىندا، جاڭالىق اشۋ، شارۋاشىلىق قۇرۋ تاربيەسىن، ءسوز جوق، جوعارى مەكتەپتەردىڭ دارىندى تاربيەلەۋىنىڭ جالپى بارىسىمەن ساباقتاستىرۋ كەرەك.  وقۋشىلاردىڭ جاڭالىق اشۋ تانىمىنىڭ، جاڭالىق اشۋ رۋحىنىڭ جانە شارۋاشىلىق قۇرۋ قابىلەتىنىڭ جەتىلۋىن كۇشەيتۋ ءۇشىن، شي - ان ەلەكتروندىق عىلىم - تەحنيكا ۋنيۆەرسيتەتى مەكتەپ، ينستيتۋت، كلاس − 3 دارەجەلى كوپ بولىپ جاڭالىق اشۋ كەڭىستىگىن اشىپ، «ەكىنشى ناتيجە قاعازى»، «وقۋ ءنومىرىن تۇراقتاندىرۋ جانە اينالدىرۋ ءادىسى»، «يكەمدى ۇيرەنۋ جىل شەگى ءتۇزىمى» سياقتى باسقارۋ مەحانيزمدەرىن ورناتتى.

    «ساباقحانا +پراكتيكا» سىندى جاڭالىق اشۋ، شارۋاشىلىق قۇرۋ ساباق جۇيەسى بۇكىل ەلدەگى كوپتەگەن جوعارى مەكتەپتەردە جالپىلاستى، «شارۋاشىلىق قۇرۋ نەگىزى»، «شارۋاشىلىق قۇرۋ جەتەكشىسى» سياقتى ساباقتار وقۋشىلاردىڭ قارسى الۋىنا يە بولدى، وزىندىك ەرەكشەلىگى بار جاڭالىق اشۋ، شارۋاشىلىق قۇرۋ تاربيەسى جۇيەسى قالىپتاسا باستادى. ساباقتاعى وزگەرىستەر وقىتۋشىلاردىڭ دا وزگەرىس جاساۋىنا تۇرتكى بولدى.

    وقىتۋشىلاردىڭ بەلسەندىلىگىن جۇمىلدىرۋ ءۇشىن، وقۋ - اعارتۋ مينيسترلىگى «جوعارى مەكتەپ وقىتۋشىلارىن تەكسەرۋ، باعالاۋ ءتۇزىمى رەفورماسىن تەرەڭدەتۋ جونىندەگى جەتەكشى پىكىردى» باسىپ تاراتتى، جوعارى مەكتەپتەر دە وقىتۋدى باسقارۋ جانە وقىتۋشىلاردى باعالاۋ حۇجاتتارىنا وزگەرىس ەنگىزۋ ارقىلى وقىتۋشىلاردى وقىتۋ مەن باعالاۋ ءتاسىلىن وزگەرتۋگە ىنتالاندىرىپ، كاسىبي وقىتۋشىلاردى تەحنيكالىق شەبەرلىككە باۋلۋدى كۇشەيتىپ، كاسىپ سالاسى بويىنشا وقىتۋشىلار كۇشىن ەنگىزىپ، وقىتۋشىلاردىڭ جۇمىس ورنىنان شەگىنىپ جەتىستىكتەردى يگىلىككە جاراتۋعا نەمەسە شارۋاشىلىق قۇرۋعا قاتىناسۋىن قولدادى.

    2016 - جىلدىڭ اياعىنداعى ساندى مالىمەتتە بۇكىل ەلدىڭ جەر - جەرىندەگى جوعارى مەكتەپتەردە جاڭالىق اشۋ، شارۋاشىلىق قۇرۋ تاربيەسى بويىنشا ارناۋلى ماماندىقتاعى وقىتۋشىلاردىڭ سانى 26 مىڭنان اسقانى، قوسىمشا شۇعىلداناتىن جەتەكشى ۇستازداردىڭ سانى 76 مىڭنان اسقانى كورسەتىلدى. ءاربىر ولكە دارەجەلى وقۋ - اعارتۋ تاراۋلارىنىڭ، جوعارى مەكتەپتەردىڭ كورسەتۋى نەگىزىندە، وقۋ - اعارتۋ مينيسترلىگى «بۇكىل ەلدە جاڭالىق اشۋ، شارۋاشىلىق قۇرۋ بويىنشا 10 مىڭ تاڭداۋلى جەتەكشى ۇستاز، دارىندىلار قامباسىن» العاشقى قادامدا قۇردى، 5000عا تاياۋ مامان وسى قامباعا كىرگىزىلدى.

    جاسامپازدىقتىڭ بيىككە سامعاۋى ءۇشىن ءوندىرىس، وقۋ، زەرتتەۋ توعىستىرىلعان تۇعىر قۇردى

    جاسامپاز ويدى شارۋاشىلىق قۇرۋ جەتىستىگىنە اينالدىرۋ ءۇشىن، «وقۋشى ۇيرەنىپ، وقىتۋشى ۇيرەتۋدەن» تىس، تاماشا جەتىلدىرۋ تۇعىرى بولۋ كەرەك.

    ستۋدەنتتەردىڭ شارۋاشىلىق قۇرۋدا «0» دەن «1»گە دەيىنگى بەتبۇرىستى جۇزەگە اسىرۋىنا كومەكتەسۋ ءۇشىن، ەلىمىز سوڭعى 2 جىلدا 19 جوعارى مەكتەپتىڭ جاڭالىق اشۋ، شارۋاشىلىق قۇرۋدان ۇلگى كورسەتۋدىڭ مەملەكەتتىك بازالارىن ەكى توپقا ءبولىپ قۇردى. چيڭحۋا ۋنيۆەرسيتەتىن مىسالعا الساق، 16 مىڭ 500 شارشى مەترلىك «چيڭحۋا iCenter» جەر شارىنداعى ەڭ ۇلكەن مەكتەپ جاسامپازدار كەڭىستىگىنە اينالىپ، جىل سايىن 3000 وقۋشىنىڭ جاڭالىق اشۋ، شارۋاشىلىق قۇرۋ قيمىلىن ورىستەتۋىنە قولداۋ كورسەتىپ وتىر.

    شارۋاشىلىق قۇرۋ قورى دا ءبىرتالاي جوعارى مەكتەپتىڭ بايلىقتى توپتاپ، ستۋدەنتتەردىڭ شارۋاشىلىق قۇرۋىنا قولداۋ كورسەتۋدەگى ماڭىزدى تاراپى. سىچۋان ۋنيۆەرسيتەتىندە وقۋشىلار «5 ميلليارد+» جاڭالىق اشۋ، شارۋاشىلىق قۇرۋ قورىن اشتى ءارى جۇڭگو ونەركاسىپ - ساۋدا بانكەسىنىڭ سىچۋان ولكەلىك بولىمشەسىمەن بىرلەسىپ 12 ميلليارد يۋاندىق «سىچۋان ۋنيۆەرسيتەتى وقۋشىلاردىڭ شارۋاشىلىق قۇرۋ قارىز اقشاسىنىڭ قاتەرى تولەم قورى» سياقتىلاردى تاعايىنداپ، وقىتۋشىلار مەن وقۋشىلاردىڭ جاڭالىق اشۋىنا، شارۋاشىلىق قۇرۋىنا قولداۋ كورسەتتى.

    عىلىم - تەحنيكا باقشاسى مەن جەرگىلىكتى ورىننىڭ شارۋاشىلىق قۇرۋ تۇعىرىنا سۇيەنە وتىرىپ، وقىتۋشىلار مەن وقۋشىلار جاڭالىق اشۋ، شارۋاشىلىق قۇرۋ ءىسىن ونان ارى ساتىمەن جۇرگىزىپ، ەكونوميكانىڭ دامۋى مەن قوعامنىڭ العا باسۋىنا اقىل - پاراسات پەن كۇش - قۋاتىن ارنادى.

    شاندۇڭ ۋنيۆەرسيتەتىنىڭ عىلىم - تەحنيكا باقشاسىنا جۇزگە جۋىق كاسىپورىن ىرگە تەۋىپ، ءبىر شوعىر عىلىم - تەحنيكا جەتىستىكتەرى عىلىم - تەحنيكا باقشاسىندا يگىلىككە جاراتىلدى، شاندۇڭ ۋنيۆەرسيتەتى لۋنىڭ، شاندۇڭ ۋنيۆەرسيتەتى اۋتاي، شاندۇڭ ۋنيۆەرسيتەتى حۋاتيان، شاندۇڭ ۋنيۆەرسيتەتى ديۋي سياقتى اتاقتى ماركالى جوعارى عىلىم - تەحنيكالىق كاسىپورىندار ىلگەرىندى - كەيىندى جارىققا شىعىپ، كاسىپورىننىڭ تەحنيكالىق العا باسۋىن جانە جەرگىلىكتى ورىن ەكونوميكاسىنىڭ دامۋىن جەبەدى. ۋحان ۋنيۆەرسيتەتى قۇرعان «1+8 قالا شەڭبەرى» تەحنيكا كوشىرۋ ورتالىعى حۋبەي ولكەسى مەن ورتا بولىكتەگى رايونداردىڭ كاسىپ ەرەكشەلىگىنە، سونداي - اق كەلەشەكتەگى كاسىپ دامۋىنىڭ اۋقىمىنا ۇشتاستىرىپ، قالا شەڭبەرى جوباسىنا كاسىپتىڭ دامۋ بەتالىسى بويىنشا ۇسىنىستار بەردى، سونداي - اق تەحنيكا زەرتتەۋ قاجەتىن قامتاماسىز ەتتى.

    وتانعا دەگەن سۇيىسپەنشىلىكپەن جاۋاپكەرشىلىكتى باتىل ارقالاعان جاڭا بۋىن جاڭالىق اشۋ، شارۋاشىلىق قۇرۋ جالىندى قوسىنى ءوسىپ كەلەدى.

    جىجياڭ ۋنيۆەرسيتەتىنىڭ 2014 - جىلعى تۇلەگى، «حۇيچى عىلىم - تەحنيكاسىنىڭ» قۇرۋشىسى ي حاۋشياڭ ايتقانداي، العاش باستاپ شارۋاشىلىق قۇرعان كەزدە بويىمىزداعى جاستىقتىڭ جالىندى بۋىمەن تەحنيكانى ونىمگە اينالدىرۋدى عانا ويلادىق. ءبىراق كوز ايانىڭ جانە جۇيەنىڭ كەڭەيۋىنە بايلانىستى، ءوز ءونىمىڭنىڭ قوعامدى ءتىپتى جارقىن كۇيگە ەنگىزىپ، ادامداردىڭ تۇرمىسىن ءتىپتى ارلەندىرە ءتۇسۋىن ءۇمىت ەتەدى ەكەنسىڭ، «بۇل − جاڭالىق اشۋ، شارۋاشىلىق قۇرۋ تاربيەسىنىڭ ءبىز جاستارعا اكەلگەن وزگەرىسى ءارى ءبىزدىڭ داۋىرىمىزگە اكەلگەن جاڭعىرىعى».

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى