ءتاڭىرتاۋ تورابى
ءتاڭىرتاۋ تورابى   ›   جاڭالىقتار   ›   ەل ءىشى حابارى

19 - قۇرىلتايدىڭ اقپارات مالىمدەمەشىسى اقپار جاريالاۋ ءماجىلىسىن وتكىزدى

  شينحۋا اگەنتتىگىنىڭ 17 - قازاندا بەيجيڭنەن بەرگەن حابارى. پارتيا 19 - قۇرىلتايىنىڭ اقپارات مالىمدەمەشىسى تو جىن 17 - قازان تۇستەن كەيىن حالىق سارايىندا اقپار جاريالاۋ ءماجىلىسىن وتكىزىپ، جۇڭگولىق، شەتەلدىك تىلشىلەرگە 19 - قۇرىلتايدىڭ كۇن تارتىپتەرىن جانە قاتىستى جاعدايلاردى تانىستىردى. ول بىلاي دەدى: جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى 18 - قازان تۇستەن بۇرىن ساعات 9دا بەيجيڭدەگى حالىق سارايىندا اشىلادى. ءماجىلىس 18 - قازاننان 24 - قازانعا دەيىن جيىنى 7 كۇن جالعاسادى. 17 - قازان تۇستەن كەيىن اشىلعان دايىندىق جيىنىندا قۇرىلتايدىڭ كۇن ءتارتىبى تۇراقتاندىرىلدى، قۇرىلتايدىڭ ءتوراعالار القاسىنداعىلار ماقۇلداندى. قۇرىلتاي ءتوراعالار القاسىنىڭ باسشىلىعىندا وتكىزىلەدى.

  تو جىن: قازىر پارتيا 19 - قۇرىلتايىنىڭ دايىندىق قىزمەتتەرى تولىق اياقتادى، - دەدى. ول وسى جولعى قۇرىلتايعا تىلشىلىك بابىمەن كەلگەن جۇڭگولىق، شەتەلدىك تىلشىلەردى قىزۋ قارسى الاتىندىعىن ءبىلدىردى.

  قۇرىلتايدىڭ تاپسىرۋىمەن، تو جىن جۇڭگولىق، شەتەلدىك تىلشىلەرگە 19 - قۇرىلتايدىڭ قاتىستى جاعدايلارىن تانىستىردى. ول بىلاي دەدى: جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە وتكەن كەزەڭدە، جۇڭگوشا سوتسياليزمنىڭ دامۋىنىڭ شەشۋشى مەزگىلىندە اشىلعان اسا ماڭىزدى قۇرىلتاي. قۇرىلتاي جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن پارتيا ورتالىق كوميتەتىنىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن دايەكتىلەندىرىپ، وتكەن 5 جىلدىق قىزمەتتى مۇقيات قورىتىندىلاپ، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمگە تاباندى بولعان جانە ونى دامىتقان تاريحي اياق الىسىنا جانە قىمباتتى تاجىريبەلەرىنە قايىرىلا قاراپ، قورىتىندىلاپ، قازىرگى حالىقارالىق، ەل ءىشى جاعدايىنا ىشكەرىلەي تالداۋ جاساپ، پارتيا مەن مەملەكەت ىستەرىنىڭ دامۋىنداعى تىڭ تالاپتار مەن حالىق جۇرتشىلىعىنىڭ تىڭ ۇمىتتەرىن جاپپاي يگەرىپ، ءداۋىردىڭ تالابىنا ۇيلەسەتىن ارەكەت باعدارناماسى مەن كەلەلى باعىت - ساياساتتاردى جاساپ، پارتيا مەن مەملەكەت ىستەرىن ستراتەگيالىق جالپى جاعداي تۇرعىسىنان جوبالايدى جانە ورنالاستىرادى.
 تو جىن بىلاي دەدى: بىلتىر قازان ايىندا پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى «پارتيانىڭ مەملەكەتتىك 19 - قۇرىلتايىن اشۋ جونىندەگى قاۋلىنى» شىعارعاننان كەيىن، پارتيا ورتالىق كوميتەتى 19 - قۇرىلتايدىڭ بايانداماسىن جازۋ گرۋپپاسىن قۇردى، باس شۋجي شي جينپيڭ گرۋپپا باستىعى بولدى. ورتالىقتاعى قاتىستى تاراۋلار مەن جەرگىلىكتى ورىندارداعى جاۋاپتى جولداستار، مامان - وقىمىستىلار بۇعان قاتىناستى، قىزمەت ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ تىكەلەي باسشىلىعىندا ورىستەتىلدى. باياندامانى جازۋ قىزمەتى تەكسەرۋ - زەرتتەۋ قىزمەتىمەن باستان - اياق تىعىز ۇشتاستىرىلدى. ج ك پ ورتالىق كوميتەتى 59 ورىندى 21 ءتۇيىندى تاقىرىپ بويىنشا ارناۋلى تاقىرىپتىق تەكسەرۋ - زەرتتەۋ جۇرگىزۋگە ۇيىمداستىرىپ، 80 تەكسەرۋ - زەرتتەۋ بايانداماسىن جازدى. باياندامانى جازۋ گرۋپپاسى 9 تەكسەرۋ - زەرتتەۋ گرۋپپاسىنان قۇرالعان، ولار 16 ولكە، اۆتونوميالى رايون، قالاعا بارىپ ناقتى تەكسەرۋ - زەرتتەۋ جۇرگىزدى، سونىمەن بىرگە، كەيبىر ماسەلەلەر جونىندە قاتىستى تاراۋلاردى، مەملەكەتتىك جوعارى دەڭگەيلى اقىل قويماسىنىڭ سىناق ءتۇيىنى ەتىلگەن 25 ورىندى ارناۋلى تاقىرىپتىق زەرتتەۋ بايانداماسىن تاپسىرۋعا ۇسىنىس ەتتى. وسى تەكسەرۋ - زەرتتەۋ تابىستارى باياندامانى جازۋ قىزمەتىنە بەرىك نەگىز قالادى. 26 - شىلدەدە باس شۋجي شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقىلاۋ كۋرسىندا ماڭىزدى ءسوز سويلەپ، پارتيا 19 - قۇرىلتايىنىڭ بايانداماسىنا قاتىستى بىرنەشە كەلەلى ماسەلە جونىندە ىشكەرىلەي تۇسىنىك جاساپ: «جالپىلىق، ستراتەگيالىق، كورەگەندىك سيپاتقا يە ارەكەت باعدارناماسىن العا قويا الۋ - العا قويا الماۋ پارتيا مەن مەملەكەت ىستەرىندە بۇرىنعىعا مۇراگەرلىك ەتىپ، بولاشاققا جول اشۋعا قاتىستى، جۇڭگوشا سوتسياليزمنىڭ بولاشاق تاعدىرىنا قاتىستى، ەڭ كەڭ حالىقتىڭ ءتۇبىرلى مۇددەسىنە قاتىستى»، - دەپ باسا دارىپتەدى. باياندامانى جازۋ قىزمەتىنە دەموكراتيا رۋحى باستان - اياق ءسىڭىرىلدى. باياندامانىڭ نۇسقاسى دايىندالعاننان كەيىن، ءارقايسى جاقتاردان كەڭ كولەمدى پىكىر الىندى، مۇندا جيىنى 4700دەن استام ادامنان پىكىر الىندى. باس شۋجي شي جينپيڭ 6 رەت اڭگىمە ءماجىلىسىتى ءوزى باسقارىپ اشىپ، ءارقايسى جاقتىڭ پىكىرلەرى مەن ۇسىنىستارىن تىڭدادى. باياندامانى جازۋ گرۋپپاسى ءبىر ءبولىم ساقا جولداستاردىڭ پىكىرىن دە تىڭدادى. ج ك پ ورتالىق كوميتەتى دەموكراتيالىق پارتيا - توپتار ورتالىق كوميتەتىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ باسشىلارىنان جانە پارتيادا، توپتا جوق قايراتكەرلەردەن دە ارنايى پىكىر الدى، كوپتەگەن پىكىرلەر قابىلداندى. 11 - قازاننان 14 - قازانعا دەيىن اشىلعان پارتيا 18 - كەزەكتى ورتالىق كوميتەتىنىڭ جەتىنشى جالپى ءماجىلىسى پارتيا 19 - قۇرىلتايىنىڭ بايانداما نۇسقاسىن، 18 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداما نۇسقاسىن تالقىلاپ ءارى ماقۇلداپ، پارتيا 19 - قۇرىلتايىنىڭ قاراۋىنا رەسمي ۇسىنۋدى ۇيعاردى.

  تو جىن بىلاي دەدى: پارتيا 19 - قۇرىلتايىنىڭ تاعى ءبىر ماڭىزدى مىندەتى − پارتيانىڭ ۋستاۆىنا وزگەرىس ەنگىزۋ. پارتيا 13 - قۇرىلتايىنان بەرى، پارتيانىڭ ءار جولعى مەملەكەتتىك قۇرىلتايى پارتيانىڭ ۋستاۆىنا تۇرلىشە دارەجەدە وزگەرىس ەنگىزىپ وتىردى. اماليات مىنانى دالەلدەدى: جاڭا جاعدايعا، جاڭا مىندەتكە ساي، پارتيا ۋستاۆىنا لايىقتى وزگەرىس ەنگىزۋ − بۇكىل پارتيانىڭ پارتيا ۋستاۆىن ءتىپتى دە جاقسى ۇيرەنۋىنە، پارتيا ۋستاۆىنا بويسۇنۋىن، پارتيا ۋستاۆىن دايەكتىلەندىرۋىنە، پارتيا ۋستاۆىن قورعاۋىنا ءتيىمدى، پارتيا ۋستاۆىنىڭ پارتيانىڭ قىزمەتى مەن پارتيانىڭ قۇرىلىسىنا جەتەكشىلىك ەتۋ، ارناعا ءتۇسىرۋ رولىن ءتىپتى دە جاقسى ساۋلەلەندىرۋىنە ءتيىمدى. بيىل قاڭتاردا، ج ك پ ورتالىق كوميتەتى پارتيا 19 - قۇرىلتايىنىڭ تالقى تاقىرىپتارى جونىندە پىكىر الۋ بارىسىندا جەر - جەر، تاراۋلار پارتيا 19 - قۇرىلتايىنىڭ پارتيانىڭ نازاريالىق جاسامپازدىعى مەن امالياتتىق دامۋىنا، جاعدايدىڭ، مىندەتتىڭ دامۋىنا، وزگەرىسىنە ساي پارتيانىڭ ۋستاۆىنا لايىقتى وزگەرىس ەنگىزۋدى جاپپاي ۇسىنىس ەتتى. بيىل ماۋسىمدا ورتالىق حابارلاندىرۋ شىعارىپ، پارتيا ۋستاۆىنا وزگەرىس ەنگىزۋ قىزمەتى جونىندە جەر - جەردەن، تاراۋلاردان پىكىر الدى. ءارقايسى جاقتىڭ پىكىرىن جيناقتاۋ نەگىزىندە، ورتالىق كوميتەت ساياسي بيۋروسىنىڭ ءماجىلىسى زەرتتەۋ جۇرگىزىپ، پارتيا ۋستاۆىنا لايىقتى وزگەرىس ەنگىزۋدى ۇيعارىپ، بۇل جولى پارتيا ۋستاۆىنا وزگەرىس ەنگىزۋ قىزمەتىندە پارتيا 19 - قۇرىلتايىنىڭ بايانداماسىندا تۇراقتاندىرىلعان كەلەلى نازاريالىق كوزقاراس پەن كەلەلى ستراتەگيالىق يدەيانى پارتيا ۋستاۆىنا ەنگىزۋ، پارتيا ۋستاۆىنىڭ ماركسيزمنىڭ جۇڭگوشالانۋىنىڭ ەڭ جاڭا تابىستارىن تولىق ايگىلەۋىنە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى العا قويعان ەل باسقارۋداعى جاڭا ۇستانىمداردىڭ، جاڭا يدەيالاردىڭ، جاڭا ستراتەگيالاردىڭ تولىق ايگىلەنۋىنە، پارتيانىڭ باسشىلىعىنا تاباندى بولۋ مەن ونى كۇشەيتۋدىڭ، پارتيانى جاپپاي قاتاڭ جونگە سالۋداعى جاڭا تاجىريبەلەردىڭ تولىق ايگىلەنۋىنە مۇمكىندىك جاساپ، سول ارقىلى جاڭا جاعدايدىڭ، جاڭا مىندەتتىڭ پارتيانىڭ ىستەرى مەن پارتيانىڭ قۇرىلىسىنا قويعان تىڭ تالاپتارىنا سايكەسۋ كەرەك، - دەپ باسا دارىپتەدى. بۇكىل پارتيانىڭ اقىل - پاراساتىن شوعىرلاندىرۋ نەگىزىندە، پارتيا 18 - كەزەكتى ورتالىق كوميتەتىنىڭ جەتىنشى جالپى ماجىلىسىندە تالقىلاۋ ءارى ماقۇلداۋ ارقىلى پارتيا 19 - قۇرىلتايىنىڭ قاراۋىنا ۇسىنىلاتىن پارتيانىڭ ۋستاۆىنا وزگەرىس ەنگىزۋ نۇسقاسى دايىندالدى.

  تو جىن بىلاي دەدى: پارتيا ورتالىق كوميتەتى پارتيا 19 - قۇرىلتايىنىڭ ۋاكىلدەرىن سايلاۋ قىزمەتىنە باسا ءمان بەردى، باس شۋجي شي جينپيڭ قىزمەت مالىمەتتەرىن كوپ رەت تىڭدادى، سونداي - اق ماڭىزدى نۇسقاۋلار بەردى، ورتالىق كوميتەت ساياسي بيۋروسىنىڭ تۇراقتى كوميتەتى مەن ورتالىق كوميتەت ساياسي بيۋروسىنىڭ ءماجىلىسى ارنايى زەرتتەۋ جۇرگىزدى. ورتالىق كوميتەت «پارتيا 19 - قۇرىلتايىنىڭ ۋاكىلدەرىن سايلاۋ قىزمەتى جونىندەگى حابارلاندىرۋدى» باسىپ تاراتىپ، سايلاۋ ورىندارىنىڭ ءبولىنۋى، ۋاكىلدەردىڭ سانىن ۇلەستىرۋ، ۋاكىلدەردىڭ ازىرلەيتىن شارتى جانە قۇرامى، ۋاكىلدەردى سايلاۋ ءتارتىبى سياقتى ساياساتتىق بەلگىلەمەلەردى ايقىندادى. پارتيا ورتالىق كوميتەتىنىڭ ورنالاستىرۋى مەن تالابى بويىنشا، سايلاۋ ورىندارى پارتيا ۋستاۆىنا قاتاڭ بويسۇنىپ، پارتيانىڭ سيپاتىنان جازباي، پارتيانىڭ باسشىلىعىن كۇشەيتىپ، ساياسي ولشەم مەن العاباسارلىقتى كورنەكتىلەندىرىپ، ۋاكىلدەر قۇرىلىمىن جاقسارتۋعا باسا ءمان بەرىپ، ۋاكىلدەردى سايلاۋ ءتارتىبىن ارناعا ءتۇسىرىپ، پارتيا ىشىندە دەموكراتيانى تولىق ساۋلەلەندىرىپ، تەكسەرۋ وتكەلىن قاتاڭ يگەرىپ، سايلاۋ ءتارتىبىن قاتايتىپ، پارتيا 19 - قۇرىلتايىنىڭ ۋاكىلدەرىن سايلاۋ قىزمەتىن ءساتتى ورىندادى. ساناققا قاراعاندا، نەگىزگى ساتى پارتيا ۇيىمدارى سايلاۋ قىزمەتىنە نەگىزىنەن تولىق قاتىناسقان، پارتيا مۇشەلەرىنىڭ قاتىناسۋ مولشەرى %99.2كە جەتكەن. بۇكىل ەلىمىزدەگى 40 سايلاۋ ورنى جەكە - جەكە پارتيا قۇرىلتايى نەمەسە پارتيا ۋاكىلدەرى ءماجىلىسىن اشىپ، پارتيا 19 - قۇرىلتايىنا قاتىناساتىن ۋاكىلدەردى سايلاپ شىققان. 19 - قۇرىلتاي ۋاكىلدەرىنىڭ تولىمدىلىعىن تەكسەرۋ كوميسسياسىنىڭ تەكسەرۋى ارقىلى 2280 ۋاكىلدىڭ تولىمدىلىعى تۇراقتاندىرىلعان. ولار 4 ميلليون 500 مىڭنان استام نەگىزگى ساتى پارتيا ۇيىمى جانە 89 ميلليوننان استام پارتيا مۇشەلەرى اتىنان پارتيا 19 - قۇرىلتايىنا قاتىناسادى. سايلانعان ۋاكىلدەر ورتالىقتىڭ بەلگىلەگەن شارتتارىنا ۇيلەسەدى، ۋاكىلدەر توڭىرەكتىڭ ءتورت بۇرىشىنان كەلگەن، قۇرىلىمى مەن قامتۋى ءبىرشاما ۇيلەسىمدى، كەڭ كولەمدى ۋاكىلدىك سيپاتقا يە. داعدى بويىنشا، ورتالىق باسشىلىق ورنىنان شەگىنگەن ءبىر ءبولىم ساقا پارتيا مۇشەلەرىنىڭ ۇسىنىس ەتىلگەن ۋاكىلدەر قاتارىندا ماجىلىسكە قاتىناسۋىن تۇراقتاندىردى.

  تو جىن بىلاي دەدى: پارتيا ۋستاۆىنىڭ بەلگىلەمەسىنە ساي، پارتيا 19 - قۇرىلتايىندا جاڭا كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتى سايلانادى. سايلاۋ قىزمەتىن ويداعىداي ىستەۋ ءۇشىن، پارتيا ورتالىق كوميتەتى ارناۋلى قىزمەت القاسىن قۇردى، باس شۋجي شي جينپيڭ باسشىلىق گرۋپپانىڭ باستىعى مىندەتىن ءوز ۇستىنە الدى. ورتالىق كوميتەت ساياسي بيۋروسىنىڭ تۇراقتى كوميتەتىنىڭ باسشىلىعىندا، جاڭا كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىنىڭ مۇشە كانديداتتارىن كورسەتۋ، تەكسەرۋ، ۇسىنۋ قىزمەتىنە جاۋاپتى بولادى. وسى نەگىزدە، ورتالىق كوميتەت ساياسي بيۋروسىنىڭ تۇراقتى كوميتەتى مەن ورتالىق كوميتەت ساياسي بيۋروسى ءماجىلىسىنىڭ تالقىلاۋى ارقىلى جاڭا كەزەكتى ورتالىق كوميتەتتىڭ جانە ورتالىق ءتارتىپ تەكسەرۋ كوميتەتىنىڭ مۇشە كانديداتتىعىنا كورسەتۋگە دايىندالاتىنداردىڭ ۇسىنىس ەسىمدىگىن العا قويىپ، پارتيا 19 - قۇرىلتايى ءتوراعالار القاسىنىڭ قاراۋىنا ۇسىنادى.

  تو جىن بىلاي دەدى: پارتيا 19 - قۇرىلتايى جابىلعاننان كەيىن، پارتيا 19 - كەزەكتى ورتالىق كوميتەتىنىڭ ءبىرىنشى جالپى ءماجىلىسى جانە 19 - كەزەكتى ورتالىق ءتارتىپ تەكسەرۋ كوميتەتىنىڭ ءبىرىنشى جالپى ءماجىلىسى اشىلادى، جاڭا كەزەكتى ورتالىق كوميتەتتىڭ باسشىلىق قۇرىلىمى جانە ورتالىق ءتارتىپ تەكسەرۋ كوميتەتىنىڭ باسشىلىق قۇرىلىمى سايلانادى. پارتيا 19 - كەزەكتى ورتالىق كوميتەتىنىڭ ءبىرىنشى جالپى ءماجىلىسى اياقتاعاننان كەيىن، جاڭا كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسەدى.

  تو جىن بىلاي دەدى: پارتيا 19 - قۇرىلتايى اقپارات ورتالىعىن قۇرىپ، تىلشىلەردى قابىلداۋ ءماجىلىسىن، اقپار جاريالاۋ ءماجىلىسىن جانە كوللەكتيۆ تىلشىلىك ىستەۋ قيمىلىن ءبىرقانشا رەت وتكىزەدى. رەسمي سايت جانە ۋيچات الەۋمەتتىك تۇعىرىن اشىپ، كوپشىلىكتىڭ تىلشىلىك ىستەپ، حابارلاۋىنا كەپىلدىك ەتەدى.

  تو جىن جۇڭگولىق، شەتەلدىك تىلشىلەردىڭ سۇراۋىنا دا جاۋاپ بەردى.
 وسى رەتكى اقپار جاريالاۋ ءماجىلىسىن قۇرىلتاي اقپارات ورتالىعىنىڭ مەڭگەرۋشىسى حۋ شياۋحان باسقاردى. 700دەي جۇڭگولىق، شەتەلدىك ءتىلشى اقپارات جاريالاۋ ماجىلىسىنە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى