ءتاڭىرتاۋ تورابى
ءتاڭىرتاۋ تورابى   ›   جاڭالىقتار   ›   شينجياڭ حابارلارى

ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى

   دۇنيە جۇزىنە شينجياڭنىڭ «شاتتىققا شومعان حالقى مەن گۇل جايناعان تۇرمىسىن» ايگىلەدى

  بۇگىنگى شينجياڭنىڭ بۇكىل ەل حالقىنا بەرگەن تىڭ اسەرىن جاستىق جىگەرگە تولى، زاماناۋي، جاندى دا جالىندى دەۋگە ابدەن بولادى. اۆتونوميالى رايوننىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنىڭ جەڭىسپەن اشىلۋىن قارسى الىپ، شينجياڭنىڭ جاراسىمدى دا ورنىقتى، تاماشا جاعدايىن ايگىلەۋ ماقساتىندا، جۋىقتا اۆتونوميالى رايوندىق پارتكوم ۇگىت ءبولىمى، سانجى حۇيزۋ اۆتونوميالى وبلىستىق پارتكوم ۇگىت ءبولىمى جانە ءۇرىمجى قالالىق پارتكوم ۇگىت ءبولىمى ۇيىمداستىرعان «شاتتىققا شومعان حالىق، گۇل جايناعان تۇرمىس» اتتى «فلاش» قيمىلى بوعدا كولى مەن ءۇرىمجى قالاسىنىڭ ۋاندا الاڭىندا وتكىزىلدى. قيمىلدىڭ جالپى بارىسى اسا دۋماندى بولىپ، حالىق بۇقاراسى قىزۋ ىنتامەن جارىسا قاتىناستى.

  بۇل جولعى «فلاش» قيمىلىنا بۇكىل ەلگە كەڭ تاراعان 6 كلاسسيك ءان تاڭدالدى، بۇل اندەر قايتادان وڭدەلىپ، ءار ۇلت حالقىنا سول كەزدەردەگى تاماشا ەستەمەلەردى قايتادان ەلەستەتتى. اندەردىڭ تارتىمدى بولعانى سونشالىق، كورەرمەندەر دە ەرىكسىزدەن ارتيستەردىڭ قاتارىنا قوسىلا كەتتى.

  سونىمەن بىرگە وسى جولعى قيمىلعا ىشكى ولكەلەردەگى جانە شينجياڭداعى ايگىلى انشىلەر مەن بيشىلەر، شينجياڭ كوركەمونەر ينستيتۋتى، G. R تيتتۋپ ءبي ۇيىرمەسى، DSP ءبي ۇيىرمەسى ۇسىنىس ەتىلدى.

  كوركى كوز تارتاتىن بوعدا كولىندە، ءانشى ۋاڭ حۋان مەن ورتالىق تەلەۆيزياسىنىڭ بيىلعى كوكتەم مەرەكەسى كونسەرتىنە شىققان شينجياڭدىق ارتيست مامەتجان قوسىلىپ ورىنداعان «ءبىزدىڭ شينجياڭ جاقسى جەر» ءانى شينجياڭدىقتاردىڭ قوناعۋار، مەيماندوس قاسيەتى مەن تيانشاننىڭ كوركەم تابيعاتىن اسقاقتاتتى. تاسقىن ورىنداعان «سۇيكىمدى روزا گۇلى»، اراپات پەن جيە جى بىرگە ورىنداعان «جەلەگىڭدى اش» اندەرى شينجياڭنىڭ كوركەم تاۋ - وزەندەرىن، اشىق - جارقىن حالقىن جاندى بەينەلەدى. ورتالىق قالا تۇرمىسىنىڭ جالىندى بەينەسىن ايگىلەپ جاتقان ۋاندا الاڭىندا، باي ءانسامبىلى مەن UK توبى ورىنداعان «بارابان سوعىپ، ءان سالايىق» ءانى ءار ۇلت حالقىنىڭ پارتيانى قاشاندا ەسىنەن شىعارمايتىندىعىن، شەكاراداعى حالىقتىڭ پارتيانىڭ نۇر شۇعىلاسىنا شومعاندىعىن جىرلادى؛ ابدۇللا مەن مو حايجيڭ وسپىرىمدەردىڭ تيتتۋپ ءبيى مەن جاستاردىڭ كوشە ءبيىنىڭ سۇيەمەلدەۋىندە «بيلە» دەگەن ءاندى شىرقاپ، الاڭنىڭ دۋمانىن اسىردى. جىبەك جولى ەكونوميكالىق بەلدەۋىنىڭ وزەكتى رايونى بولعان شينجياڭدى توڭىرەكتىڭ ءتورت بۇرىشىنان كەلگەن باۋىرلاستار شاتتىق ساحناسىنا اينالدىردى. اسەم ءان مەن ءتاتتى كۇي، مىڭ بۇرالعان بيلەر الاڭدى دۋمانعا بولەدى، ءان اۋەنى ىشىندە «جۇڭگونىڭ تاماشا ءبيى» اتتى ءبي بايقاۋىندا اعا جۇلدەگەرلىكتى جەڭىپ العان گۇلميرا جارىق ەتىپ شىعا كەلگەندە، الاڭعا جينالعان جۇرت دۋ قول شاپالاق سوقتى.

  بۇل جولعى «فلاشتى» نەگىزگى تاقىرىپ ەتكەن قيمىل شينجياڭداعى ءار ۇلت حالقىنىڭ پارتيا 19 - قۇرىلتايىنىڭ جەڭىسپەن اشىلۋىن قارسى العان قۋانىشتى كوڭىل كۇيىن تولىق بەينەلەدى، پارتيا 18 - قۇرىلتايىنان بەرى، وتە - موتە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوننىڭ نازاردى تاباندىلىقپەن باس نىساناعا شوعىرلاندىرعانىن، شينجياڭداعى ءار ۇلت حالقىنىڭ تۇرمىسىنداعى جاڭا وزگەرىستەر مەن ولاردىڭ يگىلىككە كەنەلۋ سەزىمىن تولىق بەينەلەدى، ەل ءىشى - سىرتىنان كەلگەن ساياحاتشىلارعا شينجياڭنىڭ كوركەم كورىنىسىن، ەگەيلەردىڭ ەسىمىمەن ايگىلى بولعان جەرلەرىن جانە وسىزاماندانعان قالا قۇرىلىسىنىڭ بەت - بەينەسىن تولىق كورسەتتى.

  بۇل جولعى قيمىلدىڭ بەينەجازباسى تىڭشۇن، يۋكۋ، سوۋحۋ بەينەجازبا سايتتارى ورتالىق تەلەۆيزياسى سايتى سياقتى ەلىمىزدەگى ايتۋلى بەينەجازبا سايتتارىندا، سونداي - اق «سوڭعى ءبىر شاقىرىم»، «شينجياڭ ۇعىسۋ، تيىمدىلىك جاساۋ، توعىستىرۋ» سياقتى وڭىرلىك ۋيچات، ميكروبلوگتارىندا تاراتىلادى. مۇنان تىس، شينجياڭ تەلەۆيزياسى، ايماقتاردىڭ (وبلىس)، اۋدانداردىڭ تەلەۆيزيالارى التىن ۋاقىتتا قايتالاپ بەرەدى، ءۇرىمجى قالاسىنىڭ دالالارىنا، عيماراتتارىنا، الاڭدارىنا ورناتىلعان ۇلكەن ەكراندارىندا، BRT بەكەتتەرىندە دە ۇزبەي بەرىلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى