ءتاڭىرتاۋ تورابى
ءتاڭىرتاۋ تورابى   ›   جاڭالىقتار   ›   شۋجي ەستەلىگى

چىن چۋانگو حوتان ايماعىنىڭ كەريا اۋدانىندا جۇپ قۇراپ، تۋىس بولعان توقتىحان قۇربان وتباسىنا احۋال ۇعىسا بارعاندا تۋىستار ارالاسقان سايىن ەتەنە، دوستار ارالاسقان سايىن جاقىن بولا تۇسەدى، ءار ۇلت كادرلارى مەن بۇقاراسىنىڭ كوڭىلى بارعان سايىن توعىسا ءتۇسۋى كەرەك دەپ باسا دارىپتەدى

  اۆتونوميالى رايوندىق پارتكومنىڭ شۋجيى چىن چۋانگو 5 - قاراشا تۇستەن بۇرىن جاي كيىنىپ، از ادام ەرتىپ، حوتان ايماعىنىڭ كەريا اۋدانى سەمبى بازار قالاشىعى تۇقىم الاڭى قىستاعىنا كەلىپ، ءوزى جۇپ قۇراپ، تۋىس بولعان توقتىحان قۇرباننىڭ وتباسىنا امانداستى

  الدىڭعى رەت ۇرىمجىدە كەزدەسكەنىنە ءبىر اي تولماي جاتىپ، چىن چۋانگو شۋجيدىڭ الىستان ات ارىتىپ، ءوزى مەن وتباسىنداعىلارعا امانداسا كەلەتىندىگى 87 جاستاعى توقتىحان قۇرباننىڭ قيالىنا دا كىرىپ شىقپاعان ەدى. ج ك پ اۆتونوميالى رايوندىق 9 - قۇرىلتايى اياقتالىسىمەن، 5 - قاراشا تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو جاي كيىنىپ، از ادام ەرتىپ، حوتان ايماعىنىڭ كەريا اۋدانى سەمبى بازار قالاشىعى تۇقىم الاڭى قىستاعىنا كەلىپ، ءوزى جۇپ قۇراپ، تۋىس بولعان توقتىحان قۇرباننىڭ وتباسىنا امانداستى.

  توقتىحان وتباسىنداعىلار ادەمى كيىمدەرىن كيىنىپ، قاقپا الدىندا چىن چۋانگونى قارسى الدى. «سالەمەتسىزدەر!» چىن چۋانگو قادامىن تەزدەتە باسىپ كەلدى دە، ولارمەن قول الىسىپ، امانداستى. «چىن اتاي سالەمەتسىز بە، ۇيىمىزگە قوناق بولا كەلگەنىڭىزدى قارسى الامىز»، توقتىحاننىڭ شوبەرەسى رايحانگۇل چىن چۋانگوعا جاتتىق حانزۋ تىلىندە امانداستى، چىن چۋانگو رايحانگۇلدى مەيىرلەنە قۇشاقتادى.

  تۋىستار ءبىرىن - ءبىرى كورىپ قاباعات قۋاندى، توقتىحان چىن چۋانگونىڭ قولىن ۇستاپ، اۋلاسىنا ەرتىپ كىردى. اۋلانىڭ قاقپاسى ءتوراعا ماۋ زىدۇڭنىڭ قۇربان اتايدى قابىلداعانداعى ۇلكەن سۋرەتى ەكەن. چىن چۋانگو «ءبارىمىز بىرگە ءۇي ىشىمىزبەن سۋرەتكە ءتۇسىپ الايىق» دەگەن ۇسىنىس بەرە كەلىپ بىلاي دەدى: مەن الگىندە قۇربان تۇلىمنىڭ ەسكەرتكىش سارايىن ەكسكۋرسيالادىم، قۇربان اتايدىڭ پارتياعا العىس ايتۋ، وتاندى ءسۇيۋ، ۇلتتار ىنتىماعىن قاستەرلەۋ ىزگى ىستەرى ادامدى قاتتى اسەرلەندىرەدى، داڭقتى تاڭداۋلى ءداستۇردى، ءسوزسىز، ۇرپاقتار بويى جالعاستىرۋ كەرەك.

  قوناق ءۇيدىڭ سۇپىسىنا ساڭزى، قۇرعاق جەمىس ءتىزىلىپتى، شايدىڭ حوش ءيىسى مۇرىندى جارادى. چىن چۋانگو ءتورت ۇرپاقتان قۇرالعان وتباسىمەن بىرگە مالداس قۇرىپ وتىرىپ، ىقىلاستى تۇردە اڭگىمە دۇكەنىن قۇردى. «دەنساۋلىعىڭىز تاۋىرلەنىپ قالدى ما؟». چىن چۋانگو توقتىحاننىڭ وپەراتسيادان كەيىنگى دەنساۋلىعىنىڭ قالپىنا كەلۋ جاعدايىن كوڭىلىنەن ءبىر ءسات شىعارىپ كورمەگەن - دى. توقتىحان اسەرلەنە بىلاي دەدى: «تاۋىرلەنىپ قالدىم. كوڭىل بولگەنىڭىزگە ەرەكشە العىس ايتامىن. سىزدەي ۇلكەن باسشىنىڭ اۋىلداعى مەندەي ءبىر كارىمەن تۋىس بولعانى ماعان بەينە ءبىر ءتۇس سياقتى سەزىلىپ تۇر. ءسىزدى ۇيگە كەلەدى دەپ ەستىپ، كەشە قۋانعانىمنان ءتۇن بويى كوز ىلمەي شىقتىم». چىن چۋانگو كۇلىمسىرەي: مەن سىزدەردەي داڭقتى ۇلكەن شاڭىراقپەن تۋىس بولعانىما ەرەكشە قۋانىشتىمىن. بۇدان كەيىن ءبىز ۇنەمى ارالاسىپ، اڭگىمەلەسىپ تۇرامىز، جۇمىس بولسا، اقىلداسامىز، قۇربان اتايدىڭ پارتيانى، وتاندى، سوتسياليزمدى ءسۇيۋ، ۇلتتار ىنتىماعىن قاستەرلەۋدەي داڭقتى داستۇرىنە ءبارىمىز بىرگە ويداعىداي مۇراگەرلىك ەتەمىز جانە ونى ويداعىداي ساۋلەلەندىرەمىز، - دەدى.

  چىن چۋانگو رايحانگۇلدەن «اجەڭنىڭ ءبىزدىڭ ۇيدە قوناق بولعانىن بىلەسىڭ بە؟» دەپ مەيىرلەنە سۇرادى. «بىلەمىن، تەلەۆيزوردان كوردىم، اجەم قايتىپ كەلگەننەن كەيىن ماعان تالاي رەت ايتىپ بەردى». چىن چۋانگو: «وندا سەن قىستىق دەمالىستا ءبىزدىڭ ۇيگە قىدىرىپ بار، جاراي ما؟» دەپ رايحانگۇلدى ىقىلاسپەن قوناققا شاقىردى. «جارايدى، ءسوزسىز، بارامىن». چىن چۋانگو رايحانگۇلدى جاقسى وقىپ، دارىندى بولۋعا قۇلشىنىپ، ەرجەتكەننەن كەيىن سوتسياليستىك شينجياڭ قۇرىلىسىنا كوبىرەك ۇلەس قوسۋعا شابىتتاندىردى. رايحانگۇلدىڭ بالالار ەرتەگىلەرىن ەرەكشە ۇناتىپ وقيتىندىعىنان حابار تاپقان چىن چۋانگو قايتىپ بارعاننان كەيىن بالالار ەرتەگىلەرىن ساتىپ الىپ، وعان جىبەرەتىندىگىن ايتتى.

  چىن چۋانگو رايحانگۇلدەن: «سەن حانزۋ ءتىلىن جاقسى سويلەيدى ەكەنسىڭ، اۋدارماشى بول، جاراي ما؟» ، - دەپ كۇلىمسىرەي سۇرادى. رايحانگۇل تارتىنشاقتاي باس يزەدى. ءبىر وتباسىنىڭ ادامدارى تۇرمىس، ءال - اۋقات، كۇندەلىكتى ۇساق - تۇيەك ىستەر جونىندە قىزۋ اڭگىمەگە كىرىستى، رايحانگۇل دە جاتتىق اۋدارىپ وتىردى. توقتىحان اسەرلەنگەنىنەن كوزىنە اۋىق - اۋىق جاس الىپ، چىن چۋانگونى ۇنەمى كەلىپ تۇرۋعا قايتا - قايتا ۇسىنىس ەتتى. چىن چۋانگو بىلاي دەدى: ءسوزسىز، ۇنەمى كەلىپ تۇرامىن، سىزدەر دە ۇنەمى تەلەفون شالىپ، حابارلاسىپ، ۇرىمجىگە بارىپ تۇرىڭىزدار، تۋىستار كوبىرەك ارالاسىپ تۇرسا، تۋىستىق سۇيىسپەنشىلىك كۇشەيەدى، ارالىق جاقىنداي تۇسەدى.

  بىردەمدە تۇسكى اس ۋاقىتى بولدى. توقتىحان ىقىلاسپەن چىن چۋانگوعا بىلاي دەدى: «ءسىزدىڭ وتكەندە ۇرىمجىدە ءبىزدى اسقا شاقىرعانىڭىزدى ءومىر بويى ۇمىتپايمىن، بۇگىن ءسىز ءوز ءۇيىمىزدىڭ تاماعىن تاتىپ كورىڭىز». ءيىسى بۇرقىراعان لاڭمان، پالاۋ، ەت ۇستەلگە قويىلدى، چىن چۋانگو قۋانىشتى تۇردە وتباسىنداعىلارمەن بىرگە تاماق ىشە وتىرىپ اڭگىمەلەستى. توقتىحان ءوز ىدىسىنداعى كوكونىستەن الىپ، چىن چۋانگوعا سالىپ بەرىپ، ءوزىنىڭ العىسى مەن اسەرلى كوڭىل كۇيىن ەڭ قاراپايىم تاسىلمەن ءبىلدىردى. چىن چۋانگو راقاتتانا وتىرىپ، تاماقتانىپ، وتباسىنداعىلارمەن بىرگە ارقا - جارقا اڭگىمەلەستى.

  تاماقتان كەيىن چىن چۋانگو توقتىحان وتباسىنا ءوز ەڭبەكاقىسىمەن ساتىپ العان تۇرمىستىق بۇيىمداردى جانە حال سۇراۋ قاراجاتىن بەرىپ، توقتىحاننىڭ دەنساۋلىعىنىڭ مىقتى بولىپ، ۇزاق عۇمىر كورۋىن، سوتسياليستىك شينجياڭنىڭ جارقىن ءومىرىنىڭ ءلاززاتىن تاتۋىن تىلەدى. توقتىحان ءبىر كۇن بۇرىن بازاردان ارنايى ساتىپ العان دوپپانى چىن چۋانگوعا كيگىزىپ، العىسىن ءبىلدىردى.

  قوشتاسار كەزدە رايحانگۇل «چىن اتاي، مەن ءسىزدى قۇشاقتايىن» دەپ چىن چۋانگوعا ءسابي كوڭىلمەن ءوتىنىش ايتتى. «جارايدى، اتايىڭ دا سەنى قۇشاقتاپ قويسىن». اتاسى مەن نەمەرەسى بەتتەرىن ءبىر - بىرىنە تيگىزدى، چىن چۋانگونىڭ ءبىر وتباسى ادامدارىمەن تىلەگى دە توعىسا ءتۇستى.

  توقتىحان وتباسىنداعىلار چىن چۋانگونى قورالاي قاقپادان شىعارىپ، كولىككە وتىرعىزدى، قيماستىقپەن قول بۇلعاپ قوشتاسىپ، تاعى دا كەزدەسۋگە كەلىستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى