ءتاڭىرتاۋ تورابى
ءتاڭىرتاۋ تورابى   ›   بىلگەنگە مارجان   ›   پايدالى كەڭەس

سودا سۋى دەنساۋلىقتى كۇتىپ، راكتىڭ الدىن الادى دەۋ دۇرىس پا

    سۇن لىچي

    سوڭعى جىلدارى، كۇتىنۋگە ءمان بەرەتىن ادامدار سودا سۋىنان ەكى ەلى ايرىلمايتىن بولدى. ولاردىڭ ايتۋىنشا، سودا سۋى دەنەدەگى قىشقىلدى بەيتاراپتاۋمەن بىرگە، راكتىڭ الدىن الادى ەكەن، مۇنىڭ قانداي نەگىزى بار؟

    سودا سۋى قۇرامىندا قىشقىل كومىر قىشقىلى ناتري بار ءالسىز نەگىزدىك قاسيەتكە يە سۋ. ول تابيعي سودا سۋى جانە مانەرلەنگەن سودا سۋى دەپ ەكىگە بولىنەدى. تابيعي سودا سۋىنىڭ قۇرامىندا قىشقىل كومىر قىشقىلى ناتري بولۋدان سىرت، كالي، ماگني، ليتي، كالتسي جانە سترونتسي قاتارلى مينەرال زاتتار بولادى. ال مانەرلەنگەن سودا سۋىن تازالانعان سۋعا قىشقىل كومىر قىشقىلى ناتري جانە باسقا قوسپالاردى قوسىپ جاسايدى.

    مامانداردىڭ تانىستىرۋىنشا، اس سۋ قاتارلى سىرتقى سەبەپتەر ادام دەنەسىنىڭ PH ءمانىن وزگەرتە المايدى. وپەراتسيا جاساتۋ، راديواكتيۆتىك ەمدەلۋ، حيميالىق ەمدەلۋ قاتارلىلاردىڭ اسەرىنەن كەيبىر ناۋقاستاردا دەنەسىندەگى قىشقىلدىق نەگىزدىك تەپە - تەڭدىك بۇزىلىپ، دەنەسىنىڭ ءمالىم بولەگىندە PH ءمانى 7دەن تومەن بولۋىن ەسەپكە الماعاندا، قالىپتى ادامداردىڭ قانىنىڭ PH ءمانى 7.35 تە 7.45 ارالىعىندا بولادى دا، ايتىلمىس قىشقىلدىق دەنە نەمەسە نەگىزدىك دەنە دەگەن ۇعىم ءومىر سۇرمەيدى. تاعى ءبىر سوزبەن ايتقاندا، قىشقىلدىق دەنە اۋرۋ تۋدىرمايدى، قايتا ءىشىنارا اۋرۋ ادام دەنەسىندەگى قىشقىلدىق نەگىزدىك تەپە - تەڭدىكتىڭ بۇزىلۋىن كەلتىرىپ شىعارادى.

    ماماندار «قورەكتىك قۇنى جاعىنان العاندا، 2 ءتۇرلى سودا سۋىندا پالەندەي ماندىك پارىق جوق، الايدا سودا سۋىنىڭ قۇرامىندا ناتري بولعاندىقتان، ۇنەمى سودا سۋىن ءىشۋ، كوپ مولشەردە ءىشۋ جوعارى قان قىسىمى ناۋقاسىنا شالدىعۋ مۇمكىندىگىن ارتتىرادى، ونىڭ ۇستىنە كەيبىر سودا سۋىن مانەرلەۋ بارىسىندا اق شەكەر، جەمىس شىرىندى قانت قويمالجىڭى قوسىلاتىندىقتان، سودا سۋىن ۇزاق ۋاقىت، كوپ مولشەردە ءىشۋ سەمىزدىك، قانتتى نەسەپ اۋرۋى جانە جەل - قۇز اۋرۋىنا شالدىعۋ ىقتيمالدىعىن كوبەيتەدى. سوندىقتان دەنى ساۋ ادامداردىڭ ۇزاق ۋاقىت، كوپ مولشەردە سودا سۋىن ءىشۋىنىڭ قاجەتى جوق» دەپ قارايدى.

    اۋدارعان: ساعىنبەك رابات ۇلى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى