ءتاڭىرتاۋ تورابى
ءتاڭىرتاۋ تورابى   ›   جاڭالىقتار   ›   شۋجي ەستەلىگى

چىن چۋانگو قۇربان اتايدىڭ تۋىستارىمەن امانداسقاندا پارتيانى، وتاندى، سوتسياليزمدى سۇيەتىن، ۇلتتار ىنتىماعىن قاستەرلەيتىن داڭقتى ءداستۇردى ۇرپاقتان - ۇرپاققا جالعاستىرۋدى باسا دارىپتەدى

  13 - قازاندا اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە ءتوراعا ماۋ زىدۇڭنىڭ 2 رەت قابىلداۋىنا يە بولعان قۇربان تۇلىمنىڭ تۋىسىنا امانداستى، سونداي - اق اۆتونوميالى رايوندىق پارتكوم مەن حالىق ۇكىمەتى اتىنان قۇربان اتايدىڭ تۋىس - تۋعاندارىنان حال سۇرادى، قۇربان اتايدى ساعىنىشپەن ەسكە الدى جانە وعان وسكەلەڭ قۇرمەت ءبىلدىردى اۆتونوميالى رايوندىق پارتكومنىڭ شۋجيى چىن چۋانگو 13 - قازان كۇنى تۇستە ۇرىمجىدە كەزىندە ءتوراعا ماۋ زىدۇڭنىڭ 2 مارتە قابىلداۋىندا بولعان قۇربان تۇلىمنىڭ تۋىس - تۋعاندارىمەن امانداستى

  50 نەشە جىلدىڭ الدىندا، قۇربان اتايدىڭ ءتوراعا ماۋ زىدۇڭمەن ءديدارلاسۋ ءۇشىن بەيجيڭگە اتتانعانى تۋرالى حيكايا جالپاق جۇرتقا بەلگىلى بولىپ ەدى. 50 نەشە جىلدان بەرى قۇربان اتايدىڭ اسەرىمەن، ونىڭ بالا - شاعا، نەمەرە - شوبەرەلەرى قاشاندا پارتيانى، ۇلى وتاندى قىزۋ ءسۇيىپ، ۇلتتاردىڭ ىنتىماعىن، قوعامنىڭ ورنىقتىلىعىن، وتاننىڭ بىرلىگىن قورعاۋعا ۇلەس قوسىپ كەلدى. جۋىقتا چىن چۋانگو قۇربان تۇلىمنىڭ ۇلكەن قىزى، 87 جاستاعى توحتىحان قۇرباننىڭ قارۋلى ساقشى شينجياڭ باس اترەتىنىڭ شيپاحاناسىندا وتىنە بايلانعان تاستى اقىسىز الدىرىپ، قۇلان تازا ايىعىپ، اۋرۋحانادان شىعۋ الدىندا تۇرعانىنان قۇلاعدار بولادى دا، قۇربان اتايدىڭ تۋىس - تۋعاندارىمەن ءديدارلاسىپ، سىرلاسىپ، قۇربان اتايدىڭ يگى ىستەرىن ەسكە الىپ، وتانشىلدىق پەن ىنتىماق تۋرالى ورتاق اڭگىمە ساباقتاماق بولادى.

  «دەنساۋلىعىڭىز قالاي؟ وپەراتسيادان كەيىن جاعدايىڭىز تاۋىرلەنىپ قالدى ما؟». چىن چۋانگو جۇزدەسكەن بويدا قادامىن ءجىتى باسىپ، توحتىحاننىڭ قولىن الىپ، دەنساۋلىق جاعدايىن تاپتىشتەي سۇرادى.

  توحتىحان مەرەكەلىك ۇلگىمەن كيىنىپتى، كوك اتلاس كويلەگى سىپايى دا سالتاناتتى، اق جاۋلىققا قىستىرعان حوتاننىڭ وزگەشە تەلپەگى شوق گۇلدەي جايناپ، كوز تارتادى. ول چىن چۋانگوعا دەنساۋلىعىنىڭ قالپىنا كەلگەنىن، اۋرۋحانانىڭ وزىنە جان - جاقتى قاراعانىن اسەرلەنە ايتتى.

  چىن چۋانگو اۆتونوميالى رايوندىق پارتكوم مەن ۇكىمەت اتىنان قۇربان اتايدىڭ تۋىس - تۋعاندارىنان حال سۇراپ، قۇربان اتايدى ساعىنا ەسكە الىپ، وعان ايرىقشا قۇرمەت ءبىلدىردى. چىن چۋانگو تەرەڭ سەزىممەن بىلاي دەدى: قۇربان اتايدىڭ بەيجيڭگە بارۋى جارتى عاسىردان بەرى اسەرلى اڭگىمە رەتىندە اۋىزدان - اۋىزعا كوشىپ كەلەدى. شينجياڭ بەيبىت جولمەن ازات بولعاننان كەيىن، ەزگىدەن قۇتىلىپ، ەڭسەسىن كوتەرگەن قۇربان اتاي جۇڭگو كوممۋنيستىك پارتياسىنا شەكسىز العىس ءبىلدىرىپ، ۇلى وتاندى شەكسىز قىزۋ ءسۇيىپ، ۇلتتار ىنتىماعىن شەكسىز قاستەرلەدى. سوتسياليستىك قۇرىلىستا، قۇربان اتاي پارتياعا دەگەن تەرەڭ سۇيىسپەنشىلىكتى بۇلجىماستان پارتيانى تىڭداۋدىڭ، پارتياعا ىلەسۋدىڭ قۋاتتى قوزعاۋشى كۇشىنە اينالدىرىپ، ەڭبەك وزاتى، ۇلتتار ىنتىماعىنىڭ وزاتى بولۋعا ۇمتىلدى. قۇربان اتاي − شينجياڭداعى ءار ۇلت حالقىنىڭ ۇزدىك ۋاكىلى، شينجياڭداعى ءار ۇلت حالقىنىڭ ونەگە - ۇلگىسى.

  چىن چۋانگو بىلاي دەدى: باس شۋجي شي جينپيڭ شينجياڭنىڭ ۇلتتار ىنتىماعى قىزمەتىنە ەرەكشە ءمان بەرىپ، قۇربان اتايدىڭ داڭقتى ىزگى ىستەرىنە جوعارى باعا بەردى. شينجياڭداعى ءار ۇلت كادرلارى مەن جۇرتشىلىق باس شۋجي شي جينپيڭنىڭ كوڭىل ءبولۋى مەن قامقورلىعىن قوزعاۋشى كۇش ەتىپ، ۇلى وتانشىلدىق رۋحتى بارىنشا ساۋلەلەندىرىپ، پارتيانى، وتاندى، سوتسياليزمدى سۇيەتىن، ۇلتتار ىنتىماعىن قاستەرلەيتىن داڭقتى ءداستۇردى ۇرپاقتان - ۇرپاققا جالعاستىرۋ، بارىنشا ساۋلەلەندىرۋ كەرەك. قۇربان اتاي سياقتى ماڭگى پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ كەرەك. كوممۋنيستىك پارتيا بولماسا، جاڭا جۇڭگو دا بولماق ەمەس، سوتسياليستىك شينجياڭ مەن شينجياڭداعى ءار ۇلت حالقىنىڭ باقىتتى تۇرمىسى دا بولماق ەمەس. شينجياڭداعى ءار ۇلت حالقى پارتياعا العىس ايتۋى، پارتياعا ادال بولۋى، يدەيادا، ساياسيدا، ارەكەتتە شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن، پارتيانىڭ ۇلت ساياساتىن ويداعىداي دايەكتى تياناقتاندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن بىرگە جازۋى كەرەك. قۇربان اتاي سياقتى ۇلى وتاندى ماڭگى قىزۋ ءسۇيۋ كەرەك. مەملەكەت جاقسى بولعاندا عانا، ۇلت جاقسى بولادى، وتان گۇلدەنىپ، قۇدىرەتتەنگەندە عانا، ءاربىر وتباسى، ءاربىر ادام باقىتقا ونان ارى كەنەلەدى، مارتەبەسى ونان ارى ارتا تۇسەدى. ءبىز ۇلى وتانىمىزدى شىن جۇرەكتەن قىزۋ ءسۇيۋىمىز، ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى ورتاق تانىمدى ۇزدىكسىز كۇشەيتۋىمىز كەرەك. قۇربان اتاي سياقتى ۇلتتار ىنتىماعىن ماڭگى قورعاۋىمىز كەرەك. جۇڭگو − بىرلىككە كەلگەن كوپ ۇلتتى مەملەكەت، ءاربىر ۇلت جۇڭحۋا ۇلتى ۇلى شاڭىراعىنىڭ تەرەزەسى تەڭ ءبىر مۇشەسى، بىرگە ءوسىپ، بىتە قايناسقان، ءبىر - بىرىنەن بولىنبەيتىن جۇڭحۋا ۇلتى ورتاق تاعدىر تۇلعاسىن بىرگە قالىپتاستىرعان. ءبىز بىرگە تۋعان اعا - ءىنى، اپەكە - سىڭلىلەردەي بەرەكەلى ءوتىپ، ۇلتتار ىنتىماعىن كوز قاراشىعىمىزداي ايالاۋىمىز، ۇلتتار ىنتىماعىن ءوز ومىرىمىزدەي قادىرلەۋىمىز، ءوزارا قارايلاسىمدى بولىپ، ۇلتتاردىڭ ىنتىماعىن، وتاننىڭ تۇتاستىعىن بىرگە قورعاۋىمىز كەرەك. قۇربان اتاي سياقتى قاجىرلى ەڭبەگىمىزگە سۇيەنىپ، باقىتتى تۇرمىسقا كەنەلۋىمىز قاجەت. كوز الداعى تاپتىرمايتىن ورايدى، تاماشا ساياساتتى مىقتى يگەرىپ، قاجىرلى ەڭبەگىمىز، اقىل - پاراساتىمىز ارقىلى كىرىسىمىزدى ارتتىرىپ، اۋقاتتانۋىمىز كەرەك. تۇرمىسىمىزدى بارعان سايىن جاقسارتىپ، ىنتىماقتى، جاراسىمدى، گۇلدەنىپ - گۇلدەنگەن، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا بەلسەنە ۇلەس قوسۋىمىز كەرەك. چىن چۋانگو قۇربان اتايدىڭ تۋىس - تۋعاندارىنان اقساقالدىڭ دارقان پەيىلى مەن داڭقتى ءداستۇرىن اسىل مۇرا ساناپ، ۇرپاقتان - ۇرپاققا جالعاستىرىپ، وتباسى تاماشا سالتىن قاشاندا ساقتاپ، سول ارقىلى قوعامدىق، ۇلتتىق سالت - ساناعا جەتەكشىلىك ەتۋدى ءۇمىت ەتتى.

  اكەسىنىڭ ازاتتىقتان ىلگەرگى جاپالى تۇرمىسى مەن جاڭا جۇڭگو قۇرىلعاننان كەيىنگى باقىتتى تۇرمىسىن چىن چۋانگو شۋجيمەن بىرگە ەسكە العان توحتىحاننىڭ جانارىنا جاس تولدى. ول: كوممۋنيستىك پارتيا بولماسا، بۇگىنگىدەي جاڭا تۇرمىسىمىز دا بولماس ەدى، ءبىر ءۇيلى جان كومپارتياعا شىن جۇرەكتەن العىس ايتامىز، - دەدى. قۇربان اتايدىڭ شوبەرە قىزى، كەزىندە «لياۋنيڭ اسكەري كەمەسىندە» اسكەري مىندەت وتەگەن رۋقيام ماتسايدي: اتامنىڭ جۇرگەن جولىمەن ءجۇرىپ، پارتيانى، وتاندى، ۇلتتار ىنتىماعىن قىزۋ ءسۇيۋدىڭ ۇلگىسى بولامىن، - دەدى.

  كەزدەسۋدەن كەيىن، توحتىحان چىن چۋانگوعا ۇيعۇر ۇلتىنىڭ دوپپاسىن ۇسىنىپ، العىسىن ءبىلدىردى. چىن چۋانگو قۇربان اتايدىڭ تۋىس - تۋعاندارىمەن بىرگە ەستەلىك سۋرەتكە ءتۇستى.

  قۇربان اتايدىڭ تۋىس - تۋعاندارىنىڭ ۋاكىلى، اۆتونوميالى رايوندىق پارتكومنىڭ تۇراقتى مۇشەسى شاۋكەت يمىن، قارۋلى ساقشى شينجياڭ باس اترەتىنىڭ قولباسشىسى گۋان يانمي، قارۋلى ساقشى شينجياڭ باس اترەتىنىڭ ساياسي كوميسسارى ۋاڭ ايگو، قارۋلى ساقشى شينجياڭ باس اترەتى شيپاحاناسىنىڭ جاۋاپتى جولداسى، حوتان ايماعىنداعى، كەريا اۋدانىنداعى، كەريا اۋدانى سەمبى بازار قالاشىعىنداعى قاتىستى جولداستار كەزدەسۋدە بىرگە بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى