ءتاڭىرتاۋ تورابى
ءتاڭىرتاۋ تورابى   ›   بىلگەنگە مارجان   ›   پايدالى كەڭەس

ەرەن پارىقتاۋ ونەرى تۋا بىتەتىن عاجايىپ قابىلەت پە

  ادامنىڭ ءوڭ - ءتۇسىن ءبىر كورىپ ەسىنە ساقتاۋ دەگەن قانداي ءىس

  كينو قۇمارلار اسىعا كۇتكەن «ESPYLACOPA:NEM-X» اتتى كينو دا اقىرى جۇرتپەن جۇزدەستى. وسىناۋ جەلىلەس كينوداعى كەيىپكەرلەردىڭ بارىندە ەرەن قابىلەت بار. ماسەلەن، بوران شاقىرۋ، ەرەكشە سەزۋ قابىلەتى، تارتىلىس كۇشىن مەڭگەرۋ سياقتى.

  كۇندەلىكتى رەال تۇرمىستا دا ەرەكشە قابىلەتى بار ادامدار كەزدەسەدى، ولاردىڭ ەرەكشە قابىلەتى كينوداعىداي كوز تارتارلىق بولماعانىمەن، عالىمداردى قايران قالدىرىپ وتىر. ولاردا نە ءۇشىن مۇنداي ەرەكشە قابىلەت بار؟ بۇل ءالى شەشىلمەگەن جۇمباق.

  ءبىر كورگەندە بىرەۋدىڭ ءوڭ - ءتۇسى وڭاي ەسىڭدە قالا ما؟ كوپ ساندى ادامنىڭ ەستە ساقتاي المايتىنى انىق. ال كۇندەلىكتى تۇرمىستا ءبىر كورگەن ادامىنىڭ بەت - الپەتىن مۇلدە ۇمىتپايتىن ادامدار بولادى. كوپ ادامنىڭ اراسىنان ءمالىم ءبىر بەت - الپەتتى تاڭداپ شىق دەسە، ولار ەر بولسىن، ايەل بولسىن، تانىسىن - تانىماسىن، بىردەن تاۋىپ شىعادى. ولاردىڭ ءوڭ - ءتۇس اجىراتۋ قابىلەتى ەلەكتروندى ميشىقتان دا ارتىق.

  2014 - جىلى 28- تامىزدا ۇلى بريتانيانىڭ استاناسى لوندوندا ءاليز گرۋس ەسىمدى 14 جاستاعى قىز بالا جوعالىپ كەتەدى، لوندون ساقشى جاعى قىرۋار ساقشى شىعارىپ ىزدەۋ سالادى، ساقشىلار تار كوشە، ەسكى عيماراتقا دەيىن ءتىنتىپ، تازى جۇگىرتىپ باقشا - باقشانى اقتارىپ، وزەن - كولدى قالدىرماي تۇگەندەگەنىمەن، ناتيجە شىقپاي قۇر ارامتەر بولدى. اقىرى ماماندار قۇرعان «ەرەكشە ەستە ۇستاۋ قابىلەتىندەگىلەردەن» ۇيىمداسقان قوسىن ارقىلى دەلو شەشىلەدى.

  ەرەكشە ەستە ۇستاۋ قابىلەتى قوسىنىنداعىلار باقىتسىزدىققا ۇشىراعان ءاليزدىڭ مۇردەسى مەن وعان قاستاندىق جاساعان قىلمىسكەر 14 جاستاعى لاتوۆيا ارنوستى انىقتاپ شىعادى. بۇل بارىستى قوسىنداعىلار تەك كوزى مەن ميى ارقىلى عانا ورىنداپ شىققان، اۋەلى، كەڭسەدەن دە ۇزاماعان، بۇل قالاي؟

  ويتكەنى ەرەكشە ەستە ۇستاۋ قابىلەتىندەگىلەر كوزى كورگەن ءاربىر ادامنىڭ ءوڭ - ءتۇسىن ميىنان بىردەن - بىردەن وتكىزىپ سالىستىرا الادى. لوندون سەكىلدى ۇلكەن قالانىڭ تۇس - تۇسىنا ۆيدەوكامەرا ورناتىلعان، بۇل ولاردىڭ جاقسى قولعاناتى.

  ءاليزدى ىزدەپ تابۋ ءۇشىن، ەرەكشە ەستە ۇستاۋ قابىلەتىندەگىلەر ونىڭ ەڭ سوڭعى رەت كوزگە تۇسكەن ءساتىن تەكسەردى −− لوندونداعى كىشى ۆەنەتسيا ماڭىنان 5.6 شارشى كيلومەتر اينالاسىنداعى 300 ۆيدەوكامەراداعى بەينە - كەسكىندى تۇگەل كورىپ شىعادى، تۇپ - تۋرا نەشە مىڭداعان ساعاتتىق، ساپاسى تومەن، بۇلىڭعىر بەينە - كەسكىن ماتەريالىن كوزدەن وتكىزەدى.

  بىرنەشە كۇننەن كەيىن ولار قىلمىس جاساۋ ۋاقىت جەلىسىن سىزىپ شىعادى جانە قىلمىس كۇماندىسىنىڭ ورنىن انىقتايدى، ەڭ سوڭىندا وسى ارقىلى ساقشىلار وزەن جاعاسىنان قىزدىڭ مۇردەسىن، ودان كەيىن قىلمىسكەردى تاۋىپ الادى.

  ەرەكشە ەستە ۇستاۋ قابىلەتىندەگىلەردىڭ ونەرى، ءسىرا، قانشالىق

  ادەتتە جاي ادامداردىڭ بۇرىن كورگەن ادامىن تاني الۋ ىقتيمالدىعى %20، ال ەرەكشە ەستە ۇستاۋ قابىلەتىندەگىلەردە بۇل ىقتيمالدىق %59كە جەتەدى. زەرتتەۋشىلەر 10 نەشە جىل بۇرىنعى كونە سۋرەتتى اكەلىپ سىناعاندا دا، ولار بۇرىن كورگەن ادامدارىن جازباي تانىعان. تاعى ءبىر زەرتتەۋدە بايقالۋىنشا، ولار ايگىلى ادامداردىڭ %50 ىنىڭ بالا كەزدەگى سۋرەتىنە قاراپ تاني الادى ەكەن. ال بۇل سان جاي ادامداردان 10 ەسە جوعارى. بۇل ەڭ وزىق ەسەپتەۋ ماشيناسىنىڭ وزىنە قيىندىق تۋدىراتىن اۋىر مىندەت، قايتكەن كۇندە دە بالا كەزدەگى سۋرەت پەن ەرەسەك كەزدەگى سۋرەت نەداۋىر پارىقتى بولادى عوي. بۇدان سىرت، ەگەر ادام سۋرەتكە بەت - اۋزىن تىرجيتىپ تۇسكەن بولسا، ءوڭ - الپەت ايىرۋ جۇمساق بولشەگى ساتسىزدىككە ۇشىرايدى.

  قازىرگە دەيىن ۇلى بريتانيا ساقشى مەكەمەسىنىڭ ەرەكشە ەستە ۇستاۋ قابىلەتىندەگىلەر ءدوپ كەلگەن ەڭ ۇلكەن سىناق 2011 - جىلى جازدا لوندوندا تۋىلعان بىلىقپالىق كەزى بولسا كەرەك. سول جىلى 6 - تامىزدا لوندون قالاسىنىڭ سولتۇستىگىندە جۇرىلگەن ەرەۋىلدىڭ سوڭى زورلىقتى كۇش ۋاقيعاسىنا اينالىپ، بەت - اۋزىن تۇمشالاپ العان نەشە جۇزدەگەن ەرەۋىلشى ساقشى مەكەمەسى ماڭىنا جينالىپ، ساقشى مەكەمەسى عيماراتىنا كەرپىش، اراق قۇمىراسى، جۇمىرتقا تەكتەستەردى لاقتىرعان، سونداي - اق كەشتە ساقشى كولىكتەرىنە، اۆتوبۋزدار مەن كوشە جاعالاۋىنداعى قۇرىلىستارعا ءورت قويىپ، قاتىناستى توسىپ، جوعارى قارقىندى تاس جولدى يەلەپ، نەشە ونداعان دۇكەندى بۇلاپ - تالايدى. وسى دەلونى شەشۋ بارىسىندا ساقشى جاق ءوڭ - الپەت ايىرۋ جۇمساق بولشەگىن پايدالانادى، بۇل اسپاپ 4000 سۋرەت ىشىنەن تەك ءبىر عانا بۇلىكشىنى تۇراقتاندىرا الادى. ال ەرەكشە ەستە ۇستاۋ قابىلەتىندەگىلەر 190 مىڭ بۇلىكشىنى تۇراقتاندىرىپ شىققان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى