ءتاڭىرتاۋ تورابى   ›   جاڭالىقتار   ›   عىلىم جالپىلاستىرۋ

توپىراقتى رەتسەپتى تىڭايتۋدىڭ ماڭىزى جانە كوڭىل بولەتىن ىستەر

  بەكمۇرات قىدىرقان ۇلى

  توپىراقتى رەتسەپتى تىڭايتۋ ءتۇرلى داقىلداردان ورنىقتى جانە ساپالى ءونىم الۋدىڭ عىلمي نەگىزى بولىپ تابىلادى. تومەندە توپىراقتى رەتسەپتى تىڭايتۋدىڭ ابزالدىلىعى جانە كوڭىل بولەتىن ىستەر تۋرالى قىسقاشا توقتالامىز.

  1. توپىراقتى رەتسەپتى تىڭايتۋدىڭ ابزالدىلىعى

  ءبىرىنشى، توپىراقتى رەتسەپتى تىڭايتۋ داقىلداردىڭ بىرلىك ءونىمىن ارتتىرۋعا، سونداي - اق كەزەكتەگى ءوندىرىس شارت - جاعدايىندا داقىلداردىڭ ءوندىرىس قۋاتىن زور دارەجەدە ارتتىرۋعا بولادى.

  ەكىنشى، توپىراقتى رەتسەپتى تىڭايتۋ داقىلدارعا قاجەتتى قورەكتىكتەردى تەپە - تەڭ كۇيدە ساقتاپ، ءونىمنىڭ ساپاسىن جوعارىلاتۋعا كومەكتەسەدى.

  ءۇشىنشى، توپىراقتى رەتسەپتى تىڭايتقاندا داقىلدارعا قاجەتتى توپىراقتاعى قورەكتىك زاتتار داقىلداردىڭ بويىنا تەگىس تارالىپ، تىڭايتقىشتان پايدالانۋ ءونىمى جوعارىلايدى.

  ءتورتىنشى، توپىراقتى رەتسەپتى تىڭايتۋ ارقىلى تىڭايتقىشتىڭ پارعا اينالۋى، شايىلىپ كەتۋى سياقتى سىراپشىلىقتاردى مۇمكىندىكتىڭ بارىنشا ازايتىپ، توپىراقتاعى ازوت قىشقىل تۇزىنىڭ توپتالۋى جانە ونىڭ سۋ قاينارلارىن لاستاۋىن ءونىمدى تۇردە تىزگىندەپ، اۋىل شارۋاشىلىعىنىڭ ەكولوگيالىق ورتاسىن قورعاۋعا پايدالى بولادى.

  2. كوڭىل بولەتىن ىستەر

  ءبىرىنشى، اۋلا (ورگانيكالىق) تىڭايتقىش جانە حيميالىق تىڭايتقىشتاردى ۇيلەسىمدى ىستەتىپ، توپىراق قۇرامىنداعى قورەكتىك زاتتاردىڭ تەپە - تەڭدىگىن ساقتاپ، بىرلىك ءونىمدى جىل سايىن جوعارىلاتۋمەن بىرگە، توپىراق ونىمدىلىگىن جالعاستى ساقتاۋ كەرەك.

  ەكىنشى، ءتۇرلى توپىراقتىڭ قورەكتىك قۇرامى ۇقساس بولمايدى. سوندىقتان، الدىمەن توپىراق قۇرامىنداعى قورەكتىك ەلەمەنتتەردىڭ شاماسى جانە سالىستىرماسىن مۇقيات سالىستىرىپ، سول نەگىزدە «اۋرۋعا قاراي ءدارى بەرۋ»، «قايسى ەلەمەنت تاپشى بولسا، سول ەلەمەنتتى تولىقتاۋ» ولشەمى بويىنشا ۇيلەسىمدى شامادا تىڭايتۋ كەرەك.
 ءۇشىنشى، داقىلداردىڭ قورەكتىك زاتتارعا بولعان قاجەتى ۇقساس بولمايدى، ءبيداي، جۇگەرى، ماقتا سياقتى داقىلداردىڭ ازوتتى تىڭايتقىشقا بولعان سۇرانىمى سالىستىرمالى تۇردە جوعارىراق بولادى. مۇنان تىس، ءتۇرلى داقىلداردىڭ ءارقايسى ءوسىپ - جەتىلۋ باسقىشتارىندا قاجەتتى بولاتىن قورەكتىك زاتتارى دا پارىقتى بولادى. مىسالى، ءبيدايدىڭ مايسا مەزگىلى، ماقتانىڭ شەشەكتەۋ، قاۋاشاقتاۋ مەزگىلدەرىندە ازوتتى تىڭايتقىشقا بولعان قاجەتى سالىستىرمالى تۇردە جوعارى بولادى. سول ءۇشىن، ءبيداي، ماقتا سياقتى داقىلداردى تىڭايتقاندا ازوتتى، فوسفورلى تىڭايتقىشتارى مەن اۋلا (ورگانيكالىق) تىڭايتقىشتاردى نەگىزگى تىڭايتقىش رەتىندە بەرۋمەن بىرگە، كەيىنگى مەزگىلدەردە ازوتتى تىڭايتقىشپەن ۇستەمەلەپ تىڭايتۋ كەرەك. قازىرگى زامان ەگىمشىلىك تەحنيكاسىنىڭ ۇشقان قۇستاي دامۋىنا ساي، ورگانيكالىق تىڭايتقىشتاردى نەگىز ەتىپ، ازوتتى، فوسفورلى، كاليلى تىڭايتقىشتاردىڭ سالىستىرماسىن ۇيلەسىمدى شامادا قولدانۋ كەرەك.

جاۋاپتى رەداكتور : 内置用户

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى