ءتاڭىرتاۋ تورابى
ءتاڭىرتاۋ تورابى   ›   جاڭالىقتار   ›   عىلىم جالپىلاستىرۋ

الما باقشالارىن تىڭايتۋ ادىستەرى

  بەكمۇرات قىدىرقان ۇلى

  تومەندە الما باقشالارىن تىڭايتۋ ادىستەرى تۋرالى توقتالامىز. قالىپتى جاعدايدا ءار مۋ الما باقشاسىنا 1 − 2 توننا اينالاسىندا تولىق شىرىگەن ساپالى ورگانيكالىق (اۋلا) تىڭايتقىش بەرۋ جانە تازا ازوتتان 1 − 2 كيلوگرام، فوسفوردان 2 − 3 كيلوگرام، كاليدەن 3 − 4 كيلوگرام بەرۋ كەرەك. ادەتتە الما اعاشىنىڭ جاسى جانە توپىراق قۇرامىنداعى قورەكتىك زاتتاردىڭ ۇقساس بولماۋىنا ساي، الما اعاشىنا بەرىلەتىن ازوت، فوسفور، كالي تىڭايتقىشتارىنىڭ سالىستىرماسىندا پارىق بولادى.

  ءبىرىنشى، نەگىزگى تىڭايتقىشپەن تىڭايتۋ. ادەتتە قىركۇيەكتىڭ سوڭىنان قازان ايىنىڭ باسىنا دەيىن، ياعني جەمىسىن جيناپ العان سوڭ، الما باقشاسىن نەگىزدىك تىڭايتقىشپەن ءبىر رەت قاندىرا تىڭايتۋ دارىپتەلەدى. ويتكەنى، وسى كەزدە اعاش تامىر جۇيەسىنىڭ ءوسۋى تەزدەيدى، زاقىمدالعان تامىرلارى بولسا تەزدەن قالپىنا كەلەدى. بۇل كەز اۋا تەمپەراتۋراسى ءبىرشاما جوعارى بولعاندىقتان، بەرىلگەن تىڭايتقىش وڭاي ءشىرىپ ىدىرايدى. ەگەر كۇزدە تىڭايتقىش بەرىلمەي قالسا، كەلەر جىلى كوكتەمدە اعاش بۇرشىكتەۋدەن ىلگەرى سۋارۋعا بىرلەستىرىپ تىڭايتۋ كەرەك. الما باقشالارىن قورا قيى، جاسىل تىڭايتقىش (داقىل قالدىقتارى، ءشوپ - شالاڭ، ءتۇرلى اعاش جاپىراقتارى) سياقتىلارمەن تىڭايتۋ ءارى تەز ءونىم بەرەتىن حيميالىق تىڭايتقىشتاردى ىستەتۋ كەرەك.

  ەكىنشى، ۇستەمە تىڭايتقىش بەرۋ. ادەتتە الما باقشالارىنا ءار جىلى 2 − 4 رەتتەن ۇستەمەلەپ تىڭايتقىش بەرىلەدى. الما اعاشى بۇرشىكتەپ شەشەكتەۋ الدىندا تىڭايتىلادى. ادەتتە الما اعاشى بۇرشىكتەۋ جانە شەشەكتەۋ مەزگىلدەرىندە الۋان ءتۇرلى قورەكتىكتەرگە بولعان سۇرانىسى جوعارى بولادى. سوندىقتان، شەشەكتىڭ توگىلىپ كەتۋىن ازايتۋ، جاڭا وركەندەرىنىڭ ءوسىپ - جەتىلۋىن كۇشەيتۋ ءۇشىن شەشەكتەۋدەن 1 − 2 اپتا بۇرىن تەز ءونىم بەرەتىن ازوت، فوسفورلى تىڭايتقىشتارمەن ۇستەمەلەپ تىڭايتۋ كەرەك. ال شەشەگى توگىلىپ ءتۇيىن تاستاۋ مەزگىلىندە تەز ءونىم بەرەتىن ازوتتى تىڭايتقىشتى نەگىز ەتىپ، ۇيلەسىمدى شامادا فوسفورلى تىڭايتقىش قوسىپ تىڭايتقاندا، جەمىستەرىنىڭ توگىلۋىن بارىنشا ازايتۋعا، جاڭا بۇتاقتارىنىڭ ءوسۋىن، جەمىس كلەتكالارىنىڭ ءبولىنۋىن تەزدەتۋگە بولادى. شىلدە ايلارىندا فيزيولوگيالىق جەمىس توگىلۋدەن كەيىن ءبىر رەت تىڭايتىلادى. وسى ارقىلى تەز ءونىم بەرەتىن ازوت، فوسفور جانە كاليلى تىڭايتقىشتاردى بەرۋ ارقىلى جەمىس تۇيىندەرىن ويداعىداي جەتىلدىرۋگە بولادى.
 كۇزدە الما اعاشى بۇتاقتارى وسۋدەن توقتاعان سوڭ نەگىزگى تىڭايتقىشپەن تىڭايتۋعا ۇلگىرمەگەندە تەز ءونىمدى فوسفور، كالي تىڭايتقىشتارىن نەگىز ەتىپ، ازوتتى تىڭايتقىشتى ۇشتاستىرىپ تىڭايتقاندا اعاش دەنەسىندەگى قورەكتىكتەردىڭ توپتالۋىن تەزدەتىپ، سۋىققا توزىمدىلىگىن ارتتىرىپ، گۇل شەشەكتەرىن توعايتىپ كەلەر جىلعى ءونىم الۋعا مىقتى نەگىز قالاۋعا بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى