ءتاڭىرتاۋ تورابى
ءتاڭىرتاۋ تورابى   ›   ارناۋلى تاقىرىپ   ›   باس شۋجيدىڭ ءسوزى جۇرت جۇرەگىن جىلىتىپ، جانعا شابىت بەردى   ›   قىزۋ تالقى

باس شۋجيدىڭ ءۇمىتىن ەستە بەرىك ساقتايمىز

  − باس شۋجي شي جينپيڭ جاۋاپ حات قايتارعان بۇقاراعا قايتالاي تىلشىلىك ساپاردا بولعاندا

    اقپاراتتى قايتا جاڭعىرتۋ

    2017 - جىلى 11 - قاڭتاردا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇربان تۇلىمنىڭ ۇلكەن قىزى توحتىحان قۇربانعا جاۋاپ حات جازىپ، وعان جانە ونىڭ وتباسىنداعىلارعا، سونداي - اق اۋىلداستارعا سالەم جولدادى ءارى ءار ۇلت جۇرتشىلىعىنان اناردىڭ دانىندەي تىعىز ۇيىسىپ، پارتيانىڭ باسشىلىعىندا شينجياڭنىڭ اناعۇرلىم كوركەم بولاشاعىن بىرگە جاراتۋدى ءۇمىت ەتتى. باس شۋجي حاتىندا بىلاي دەدى: شوبەرەڭىز رۋحيامنىڭ حاتىنان جاسىڭىز 90عا تاياسادا دەنساۋلىعىڭىزدىڭ ءالى دە مىقتى ەكەنىنەن، اۋلەتىڭىزدەگى 100 نەشە ادامنىڭ باقىتتى تۇرمىس كەشىرىپ جاتقانىنان حابار تاۋىپ قاتتى قۋاندىم. باس شۋجي بىلاي دەپ اتاپ كورسەتتى: ءبىزدىڭ شينجياڭ جاقسى جەر، ۇلتتار ءبىر ءۇيلى جانداي ىنتىماقتى. قۇربان تۇلىم شينجياڭداعى ءار ۇلت حالقىنىڭ تاڭداۋلى ۋاكىلى، ونىڭ پارتيانى، وتاندى قىزۋ سۇيگەندىگى جونىندەگى حيكايالاردى بالا كەزىمدە ەستىگەم، سونشالىقتى اسەرلى ەدى. ءسىز تالاي جىلدان بەرى، اكەڭىزدىڭ پارتيانى، وتاندى ءسۇيۋ ىقىلاسىن ۇزبەي جالعاپ، ۇرپاقتار مەن اۋىلداستارعا ۇلگى - ونەگە بولدىڭىز. وتباسىڭىزداعىلاردىڭ قۇربان اتاي سەكىلدى اۋىلداستارمەن بىرگە قۇلشىنىپ، پارتيانى، وتاندى، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋىن ءۇمىت ەتەمىن.

    توحتىحان قۇربان وتباسىنداعىلار شينجياڭنىڭ بايتاق دالاسىنا ۇلتتار ىنتىماعىنىڭ تۇقىمىن سەبەمىز

چىن چىن

    11 - ناۋرىز تۇستەن بۇرىن ءتىلشى كەريا اۋدانى سەنبى بازار قالاشىعىنىڭ سورتتى تۇقىم الاڭىندا قۇربان تۇلىمنىڭ جاسى 90عا تاياعان ۇلكەن قىزىنا تاعى جولىقتى. ول: كەشە كەشتە ورتالىق تەلەۆيزياسىنىڭ «ورتالىقتىڭ ءۇنى» باعدارلاماسىنان مەنىڭ سالەمىمنىڭ باس شۋجيگە جەتكىزىلگەندىگى جونىندەگى حاباردى كورگەندە ەرەكشە تەبىرەندىم، سول كورىنىس ءالى كوز الدىمدا تۇر. باس شۋجيدىڭ قامقورلىعىنا العىس ايتامىن، اكەمىزدىڭ رۋحىنا جاقسى مۇراگەرلىك ەتىپ، شينجياڭنىڭ بايتاق دالاسىنا ۇلتتار ىنتىماعىنىڭ تۇقىمىن سەبەمىز، - دەدى.

    توحتىحان اجەيدىڭ 7 بالاسى بار، ولاردىڭ ەكەۋى كادر، بەسەۋى قىستاقتا ەگىنشىلىكپەن شۇعىلدانادى، 4 بالاسى كوممۋنيستىك پارتيا مۇشەسى. ءبىر ءۇيلى جان شات - شادىمان، باقىتتى تۇرمىس وتكىزۋدە.

    توحتىحاننىڭ ۇلكەن ۇلى مامەتتۇرسىن ايسا قىستاقتا تەمىرشىلىكپەن شۇعىلدانادى. ول: اتامنىڭ پارتيانى، وتاندى، جۇڭحۋا ۇلتى ۇلى شاڭىراعىن قىزۋ سۇيۋدەي داڭقتى ءداستۇرىن تاماشا ساۋلەلەندىرۋ − وتباسىمىزداعىلاردىڭ بۇلتارماس بورىشى. مەن تەمىرشىلىك جۇمىسىمدى جاقسى ىستەپ، قىستاق تۇرعىندارىنا تاماشا قىزمەت كورسەتەمىن، بۇل دا اتامنىڭ رۋحىنا مۇراگەرلىك ەتكەندىك سانالادى، - دەدى.

    ءىمىنجان ايسا توحتىحاننىڭ كەنجە ۇلى. ول كەريا اۋدانىنىڭ لاڭگار قالاشىعىندا بىرلىكساپ قىزمەتىن ىستەيدى. ءىمىنجان: قازىر تۇرمىسىمىز بارعان سايىن جاقساردى، ىشەر اس، كيەر كيىمنەن تارىقپايمىز، تۇرمىسىمىز بال تاتيدى، - دەي كەلىپ: بىرلىكساپ قىزمەتىن ىستەگەندىكتەن مىندەتىمنىڭ اۋىرلىعىن تەرەڭ سەزىنەمىن. تۋىس - تۋعاندارىمنىڭ باسىن قوسىپ، وي - پىكىر الماستىرىپ، سوڭىنان كوپشىلىكتى لەكسيا سويلەۋگە ۇيىستىرۋدى ويلاپ ءجۇرمىن، باس شۋجيدىڭ ءۇمىتىن كەريا اۋدانىنداعى ءاربىر قالاشىققا جەتكىزىپ، ۇلتتار ىنتىماعىنىڭ تۇقىمىن سەبە بەرسەك دەيمىن، - دەدى.

    2012 - جىلى قۇربان اتايدىڭ شوبەرەسى رۋحيام ماتسەيد شاڭىراقتارىنىڭ 4 ۇرپاققا جالعاسقان اسكەرگە قاتىناسۋ ارمانىن جۇزەگە اسىرىپ، ەلىمىزدىڭ «لياۋنيڭ» اتتى تۇڭعىش اۋياماتكاسىنداعى ءبىرىنشى ۇرپاق از ۇلت ايەل اسكەر بولدى. حانزۋ ءتىلىن تۇسىنبەيتىن، كاسىپتەن حابارسىز ول كوپشىلىكتىڭ قامقورلىعى مەن كوڭىل بولۋىندە تىنباي قۇلشىنىس جاساۋ ارقىلى اۋياماتكاداعى جەتىك بايلانىسشى جاۋىنگەرگە اينالدى. قازىر ول اتا مەكەنىنە قايتىپ، ۇگىت قىزمەتكەرىنە اينالدى. «<ۇشقارىلىقتى الاستاۋ> قىزمەتىن ىشكەرىلەي جۇرگىزۋ ءۇشىن، اۋدان بويىنشا <قۇربان تۇلىمنىڭ رۋحىن ۇلىقتاپ، بۇگىنگى باقىتتى تۇرمىستى قاستەرلەۋ> تاقىرىبىنداعى ۇگىت - لەكسيا قيمىلىن ورىستەتكەندە، مەن دە ۇگىتشىلەردىڭ ءبىرى بولدىم. اتامنىڭ رۋحىن جاقسى ساۋلەلەندىرۋ − مەنىڭ العا باسۋىمداعى قوزعاۋشى كۇش»، - دەدى ول.

 ساۋىر ماڭلىك

 اۋىلداستاردىڭ تۇرمىسىن كۇننەن - كۇنگە جاقسارتامىز

    11- ناۋرىز كۇنى تۇستەن بۇرىن لوپنۇر اۋدانى شيڭپيڭ اۋىلى داشي قىستاعى پارتيا ياچەيكاسىنىڭ شۋجيى ساۋىر ماڭلىك قىستاق كادرلارىن، پارتيا مۇشەلەرىن جانە ءبىر ءبولىم قىستاق تۇرعىندارىن باس شۋجي شي جينپيڭنىڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسقان شينجياڭ ۋاكىلدەر ۇيىرمەسىنىڭ تالقىسىنا قاتىناسقاندىعى جونىندەگى حاباردى كورۋگە ۇيىمداستىرىپ، باس شۋجيدىڭ ءسوزىنىڭ رۋحىن ۇيرەندى. 2014 - جىلى 9 - قىركۇيەكتە باس شۋجيدىڭ قايتارعان جاۋاپ حاتىن ساۋىر قىستاق كادرلارى، پارتيا مۇشەلەرى جانە ءار ۇلت تۇرعىندارىمەن بىرگە قايتادان وقىپ، باس شۋجيدىڭ داشيلىقتارعا دەگەن شىنايى قامقورلىعى مەن كۇتكەن تەرەڭ ءۇمىتىن تاعى ەسكە ءتۇسىردى.

    كوپشىلىك تۇگەل باس شۋجيدىڭ كۇتكەن تەرەڭ ءۇمىتىن جەردە قالدىرماي، پارتيانى، وتاندى ءسۇيىپ، ۇلتتار ىنتىماعىن نىعايتىپ، قوعام ورنىقتىلىعىن قورعاپ، كوركەم بولاشاق جاراتۋعا قۇلشىنا كۇرەس جۇرگىزەتىندىگىن ءبىلدىردى.

    ساۋىر: باس شۋجي قايتارعان جاۋاپ حاتىندا بىزگە كوپتەگەن ءۇمىت ارتقان. سوڭعى جىلدارى، باس شۋجيدىڭ ءۇمىتىن امالياتىمىزدا ايگىلەپ، ۇلتتار ىنتىماعىن كۇشەيتۋگە، مەكەنىمىزدى كوركەيتۋگە بار كۇشپەن قۇلشىندىق، - دەدى.

    كەزىندەگى كەدەي، مەشەۋ داشي قىستاعى بۇگىنگى تاڭدا «شينجياڭداعى ءبىرىنشى قىستاققا»، مەملەكەتكە ايگىلى دوڭگەلەك داۋلەتتى، وركەنيەتتى، ۇلتتار ىنتىماعى، العاباسارلىعىنداعى ۇلگىلى قىستاققا اينالدى.

    2014 - جىلى 9 - قىركۇيەكتە باس شۋجي داشي قىستاعىنا جازعان جاۋاپ حاتىندا، ساۋىر مەن قىستاق كادرلارىن اۋىلداستارعا جەتەكشىلىك ەتىپ، پارتيانىڭ جاقسى ساياساتتارىن ءاربىر وتباسىنا دەيىن تياناقتاندىرۋعا، ءار ۇلت اۋىلداستارىن ىنتىماقتاستىرىپ، تۇرمىستارىن كۇننەن - كۇنگە جاقسارتۋعا شابىتتاندىردى. جاۋاپ حاتتى تاپسىرىپ العاننان كەيىن، ساۋىر ىسكە بىلەك سىبانا كىرىسىپ، ءار ۇلت كادر، بۇقاراسىنىڭ جۇپ قۇراپ، ءوزارا كومەكتەسۋىن قىزمەتتىڭ ءتۇيىنى ەتىپ، قىستاقتاعى حانزۋ تۇرعىنمەن باستاماشىلدىقپەن جۇپ قۇراپ وعان كومەكتەستى، قىستاقتاعى 47 پارتيا مۇشەسى مەن كادر دا ىلگەرىندى - كەيىندى تۇرعىندارمەن جۇپ قۇراپ كومەكتەسۋ كەلىسىمىنە قول قويىپ، قيىنشىلىعى بار وتباسىلارىنا قارجى، تەحنيكا، تيجارات باسقارۋ قاتارلى جاقتاردان كومەكتەستى.

    بۇگىنگى كۇنى داشي قىستاعىندا قۋانارلىق وراسان زور وزگەرىستەر جارىققا شىقتى، شارۋالاردىڭ جىلدىق جان باسىندىق كىرىسى بۇرىنعى 10 مىڭ يۋان مولشەرىنەن قازىرگى 29 مىڭ 700 يۋانعا جەتتى.

    «باس شۋجي قايتارعان جاۋاپ حاتىندا ءار ۇلت جۇرتشىلىعىنىڭ ءشول جازيراداعى توراڭعى سياقتى تامىرلاس، تىلەكتەس بولۋىن ءۇمىت ەتكەن. باس شۋجيدىڭ ءسوزىن قاشاندا ەستە بەرىك ساقتايمىز، ءار ۇلت بۇقاراسى ىنتىماقتى بولعاندا عانا داشي قىستاعىنىڭ بۇگىنگىدەي دامۋ جەتىستىگى بولادى، ۇلتتار ىنتىماعىنان قول ۇزسەك بارلىعىنان ايرىلامىز»، - دەدى ساۋىر.

 شارۋا باۋىرلاستار اتىنان باس شۋجيگە العىس ايتامىن 

 ۋاكىل رىزۋانگۇل جامال (تۇرپان قالاسى ەدىقۇت رايونى ەگىن شارۋاشىلىق تەحنيكاسىن جالپىلاستىرۋ ورتالىعى وسىمدىكتەردى قورعاۋ پۋنكتىنىڭ باستىعى، تەحنيكا جالپىلاستىرۋشى زەرتتەرمەن)  نەگىزگى ساتىدا ەگىن شارۋاشىلىق تەحنيكاسىن جالپىلاستىرۋ قىزمەتىمەن شۇعىلدانعان مەن باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ءسوزىنىڭ كوپتەگەن مازمۇنىنىڭ مەنىڭ قىزمەتىممەن تىعىز قاتىستى بولاتىنىن ويلاماپپىن. باس شۋجيدىڭ شينجياڭنىڭ اۋىل شارۋاشىلىعى، اۋىل - قىستاق، شارۋالار ماسەلەسىنە كوڭىل بولگەنىنىڭ ءوزى قالىڭ شارۋالارعا كوڭىل بولگەندىك، مەن شارۋا باۋىرلاستار اتىنان باس شۋجيگە العىس ايتامىن.

    باس شۋجى تالقىعا قاتىناسقاندا: قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، ەرەكشە، باسىمدىققا يە كاسىپتەردى جەتىلدىرۋ، كولەمدەندىرۋ كەرەك، - دەپ اتاپ كورسەتتى. تالقى كەزىندە ول تاعى اقسۋ الماسى مەن كورلا المۇرتىنىڭ جاعدايىن ۇعىستى، بۇل باس شۋجيدىڭ شينجياڭنىڭ جەمىس ورمانى شارۋاشىلىعىنىڭ دامۋىنا ەرەكشە نازار اۋداراتىنىن اڭعارتادى. جەمىس ورمانى − شينجياڭنىڭ ەرەكشە، باسىمدىققا يە كاسىپ سالاسىنىڭ ءبىرى، سوندىقتان «1 - كاسىپتىڭ ورەسىن جوعارىلاتۋدا» ءوز رولىن اتقارۋى كەرەك.

    تۇرپان قالاسى سوڭعى جىلدارى وسى زامانعى ەرەكشە ەگىن شارۋاشىلىعىن دامىتۋعا ساياتىن «تاڭداۋلى ماركا» قۇرىلىسىن بار كۇشپەن جۇرگىزىپ، «جەردى جىنتىكتەي اۋدارۋ، تۇقىمدى جىنتىكتەي ءسىڭىرۋ، جەمىس - جيدەكتى جىنتىكتەي باپتاۋ، ءونىمدى جىنتىكتەي مانەرلەۋ جانە ساۋدالاۋ» تالابى بويىنشا، ەگىن شارۋاشىلىعىنىڭ دامۋ ساپاسى مەن ءونىمىن ۇزدىكسىز ارتتىردى. قازىر جىنتىكتەي باپتاپ وسىرىلەتىن قاۋىننىڭ اۋماعىن 54 مىڭ مۋعا جەتكىزدىك، %98 ءونىم جىلىجايدا وسىرىلۋدە؛ ءجۇزىم قاتارلى ەرەكشە جەمىس ورمانىن ولشەمدەندىرۋدەن ۇلگى كورسەتۋ بازاسى قۇرىلىسى جەدەلدەتىلىپ، جاڭادان قۇرىلعان ءجۇزىم، شىلان، ورىك وسىرۋدەن ۇلگى كورسەتۋ بازاسىنىڭ اۋماعى 27 مىڭ مۋعا جەتتى. ءبىز تاعى ەگىن شارۋاشىلىق ونىمدەرىن ساتۋ بازارىن كەڭەيتىپ، «ينتەرنەت + ەگىن شارۋاشىلىعى» فورماسىن كەمەلدەندىرىپ، ەلەكتروندىق ساۋدانىڭ اۋىل - قىستاقتارعا جالپىلاسۋىن جاپپاي ىلگەرىلەتتىك، ءپىشان اۋدانىنىڭ تۇيىق اۋىلى قىستاق دارەجەلى ەلەكتروندىق ساۋدادان قىزمەت كورسەتۋ پۋنكتىن مولىنان قۇرعاندىقتان، شارۋالار ينتەرنەت ارقىلى اۋىل شارۋاشىلىق ونىمدەرىن ەلىمىزدىڭ جەر - جەرىنە ساتا باستادى.

    باس شۋجيدىڭ ماڭىزدى ءسوزى مەنىڭ بۇدان كەيىنگى قىزمەتتەرىمە باعدار كورسەتتى. وسى زامانعى ەرەكشە ەگىن شارۋاشىلىعىن شارۋا - لاردىڭ كىرىسىن ارتتىرۋىنداعى «التىن كىلتكە» اينالدىرۋدا اۋىل شارۋاشىلىق تەحنيكتەرى، ءسوزسىز، ءوز قىزمەت ورنىندا تۇرىپ، اناعۇرلىم مول ۇلەس قوسۋى، عىلىم - تەحنيكالىق جاقتان كوپتەگەن قولداۋ كورسەتۋى كەرەك. باس شۋجيدىڭ شابىتتاندىرعان ءسوزىن ەستىگەننەن كەيىن، سەنىمىم ءتىپتى ارتتى!

جاۋاپتى رەداكتور : جانات تولقىن ۇلى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى