ءتاڭىرتاۋ تورابى
ءتاڭىرتاۋ تورابى   ›   ارناۋلى تاقىرىپ   ›   ىقىلاستى قامقورلىق، زور شابىت   ›   شولۋ

اناردىڭ دانىندەي تىعىز ۇيىسايىق

«وتباسىلارىڭىزداعىلاردىڭ قۇربان اتاي سياقتى اۋىلداستارمەن بىرگە قۇلشىنىپ... ءار ۇلت جۇرتشىلىعىنىڭ اناردىڭ دانىندەي تىعىز ىنتىماعىن جەبەپ، پارتيانىڭ باسشىلىعىندا شينجياڭنىڭ اناعۇرلىم كوركەم بولاشاعىن بىرگە جاراتۋىن ءۇمىت ەتەمىن». باس شۋجي شي جينپيڭنىڭ توحتىحان قۇربانعا جازعان جاۋاپ حاتىنداعى شىنايى تاپسىرمالار باس شۋجيدىڭ قۇربان اتايدىڭ ۇرپاقتارىنان كۇتكەن ءۇمىتى، سونداي - اق بۇكىل شينجياڭداعى ءار ۇلت حالقىنا دەگەن ىزگى تىلەگى دە.

    50 نەشە جىلدىڭ الدىندا، قۇربان اتايدىڭ «ەسەككە ءمىنىپ بەيجيڭگە بارۋى» تۋرالى حيكايا شەكاراداعى از ۇلت بۇقاراسىنىڭ پارتيانى، وتاندى ءسۇيىپ، ۇلتتار ىنتىماعىن قورعاعانى جونىندەگى اسەرلى اڭگىمە بولعان. ونان بەرى 50 نەشە جىل ءوتتى، بۇگىنگى تاڭدا، تيانشاننىڭ تۇستىگى مەن تەرىستىگىندە ۇلتتار ىنتىماعىنىڭ بايشەشەگى قۇلپىرا جاينادى: اق حالاتتى پەرىشتە ۋ دىڭيۇن ءوز دەنەسىنەن سىلىپ العان تەرىنى از ۇلت ناۋقاسىنىڭ دەنەسىنە كوشىردى؛ ۇيعۇر اجەي ءانيپا الىماحۇن 10 نەشە ءار ۇلت جەتىم بالالارىن تۋعان بالاسىنداي باۋىرىنا باسىپ، ادام قاتارىنا قوستى، «قاراشا ساحاباتشى» الىم كاۋاپ ساتۋدان تۇسكەن اقشامەن 100 كەدەي وقۋشىعا قارجىلاي جاردەم بەردى... ۇلتتار ىنتىماعى جونىندەگى وسى اسەرلى اڭگىمەلەر ءار ۇلتتىڭ «اناردىڭ دانىندەي تىعىز ۇيىسقان» شىنايى سۇيىسپەنشىلىگىن پارمەندى تۇردە دالەلدەدى.

    شينجياڭنىڭ بايتاق دالاسىندا ۇلتتار ىنتىماعى ۇلگىلەرىنىڭ جابال كوزگە ءتۇسۋىن وسى جىلدارى اۆتونوميالى رايون بويىنشا بەلسەندى تۇردە ورىستەتىلگەن ۇلتتار ىنتىماعى، العاباسارلىعىنداعى وزات ورىن قۇرۋ، وزاتتىققا ۇمتىلۋ قيمىلىنان بولە قاراۋعا بولمايدى. تيپتەردىڭ جول باستاۋى، كەڭ كولەمدە ۇگىت - ءناسيحات جۇرگىزۋ ارقىلى ءار جاقتىڭ كۇشى باتىل جۇمىلدىرىلىپ، ۇلتتار ىنتىماعىنىڭ تاماشا قوعامدىق رايى قالىپتاستىرىلدى، ۇلتتار ىنتىماعىنىڭ نەگىزگى اۋەنى شينجياڭنىڭ كەڭ دالاسىندا شىعانداي كوتەرىلدى.

    باس شۋجي شي جينپيڭ شينجياڭنىڭ ۇلتتار ىنتىماعى قىزمەتىنە ەرەكشە كوڭىل ءبولدى. 2014 - جىلى ءساۋىردىڭ اياعىندا، باس شۋجي شي جينپيڭ شينجياڭدا قىزمەت تەكسەرگەندە «ۇلتتار ىنتىماعى − دامۋ مەن العا باسۋدىڭ ىرگە تاسى» دەپ باسا دارىپتەدى. سول جىلى مامىردىڭ سوڭىندا اشىلعان ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، باس شۋجي شي جينپيڭ «شينجياڭداعى ماسەلەلەردىڭ ەڭ ۇزاققا جالعاساتىنى اينالىپ كەلگەندە، ۇلتتار ىنتىماعى ماسەلەسى، ۇلتتار ىنتىماعى − ءار ۇلت حالقىنىڭ جان تامىرى» دەپ اتاپ كورسەتتى. ول قامقور كوڭىلمەن: ءار ۇلت اناردىڭ دانىندەي تىعىز ۇيىسۋى كەرەك، - دەدى. وسى قاراپايىم ءارى وبرازدى تەڭەۋ سونان بىلاي ءار ۇلت جۇرتشىلىعىنىڭ جۇرەگىنە جاتتالىپ قالدى.

    باس شۋجي شي جينپيڭ ۇلتتار ىنتىماعى، العاباسارلىعىنىڭ ۇلگىلەرىنە ەرەكشە كوڭىل ءبولدى. 2015 - جىلى مەملەكەت مەرەكەسىنىڭ قارساڭىندا، ول نەگىزگى ساتىداعى ۇلتتار ىنتىماعى، العاباسارلىعىنىڭ 13 ۇزدىك ۋاكىلىن قابىلداپ، ولاردى شابىتتاندىرىپ، بىلاي دەدى: ۇلتتار ىنتىماعى قىزمەتىن ىستەۋدىڭ ءتۇيىنى − جۇرەكتەردىڭ توعىسۋىندا، جۇرەك پەن جۇرەك ءتىل تابىسىپ، جۇرەك پەن جۇرەك سىر بولىسەتىن بولۋى قاجەت، ءار ۇلت باۋىرلاستارى ەتەنە سيلاسىپ، ءبىر - بىرىنە دەمەۋشى بولىپ، ۇلتتار ىنتىماعى مەن مەملەكەتتىڭ تۇتاستىعىن قورعاۋى كەرەك...

    باس شۋجي شي جينپيڭنىڭ ۇلتتار ىنتىماعى قىزمەتىن جاقسى ىستەۋ جونىندەگى ءبىر قاتار جاسامپازدىققا باي جاڭا وي، جاڭا كوزقاراس، جاڭا تۇجىرىم، جاڭا تالاپتارى جاڭا جاعدايداعى شينجياڭنىڭ ۇلتتار ىنتىماعى قىزمەتىن جاقسى ىستەۋگە ءتۇبىرلى ولشەم ازىرلەپ، العا باسۋدىڭ بەتالىسىن كورسەتتى.

    سوڭعى جىلدارى تۇتاس اۆتونوميالى رايونداعىلار يدەيا، تانىم، ارەكەت جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن ايرىقشا ءبىر اۋىزدى بولىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن، اسىرەسە، ۇلتتار ىنتىماعى جونىندەگى ماڭىزدى نۇسقاۋلارىن ىشكەرىلەي دايەكتىلەندىردى جانە تياناقتاندىردى. ءبىز ۇلتتار ىنتىماعىن بار كۇشپەن جاقسارتىپ، ۇلتتار ىنتىماعىنىڭ حالىق قالاۋى نەگىزىن بەكەمدەدىك جانە دامىتتىق؛ «ۇعىسۋ، تيىمدىلىك جاساۋ، توعىستىرۋ» قيمىلىن ۇزدىكسىز قانات جايدىرىپ، ۇلتتار ىنتىماعىنىڭ بۇقارالىق نەگىزىن بەكەمدەدىك؛ قازىر «ۇلتتار ىنتىماعىنىڭ بەرەكەلى شاڭىراعى» قيمىلى شينجياڭنىڭ بايتاق دالاسىندا دابىرالى ورىستەتىلۋدە، جۇپ قۇراۋ، تۋىس بولۋ بارىسىندا ءار ۇلت كادر - جۇرتشىلىعىنىڭ سۇيىسپەنشىلىگى تەرەڭدەي ءتۇستى، ۇلتتار ىنتىماعىنىڭ قۋاتتى ەنەرگياسى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا پارمەندى كۇش ۇستەدى.

    شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى تۇرعاندا، ءبىز شينجياڭداعى ۇلتتار ىنتىماعىنىڭ بولاشاعىنا زور سەنىممەن قارايمىز. ج ك پ اۆتونوميالى رايوندىق 9 - قۇرىلتايىندا الداعى 5 جىلداعى قىزمەتتەردى جاقسى ىستەۋدە، ءسوز جوق، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىماستان دايەكتىلەندىرىپ جانە تياناقتاندىرىپ، «جان تامىرمەن» ساباقتاستىرىپ، ۇلتتار ىنتىماعىن ءار ۇلت حالقىنىڭ جان تامىرى ەتىپ، ۇلتتار ىنتىماعىن كوز قاراشىعىنداي قورعاپ، ۇلتتار ىنتىماعىن جانىمىزداي قاستەرلەپ، ءار ۇلتتىڭ تاتۋ - ءتاتتى سيلاسىپ، جاپا مەن راقاتتى تەڭ كورىپ، جاراسىمدى دامۋىن ىلگەرىلەتۋ اتاپ كورسەتىلدى.

    پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن اۆتونوميالى رايوننىڭ ۇلتتار ىنتىماعى قىزمەتى جونىندەگى ورنالاستىرۋى وتە ايقىن، كىلت − تىڭعىلىقتى تياناقتاندىرۋدا. «اناردىڭ دانىندەي تىعىز ۇيىسۋ» − باس شۋجيدىڭ ءۇمىتى ءارى شينجياڭداعى ءار ۇلت بۇقاراسىنىڭ جۇرەك ءۇنى. مەيلى قانداي جاعدايدا دا، ۇلتتار ىنتىماعى − ماڭگىلىك تاقىرىپ ءارى شينجياڭنىڭ رەفورما، دامۋ، ورنىقتىلىق ىستەرىنىڭ ءتۇبىرلى كەپىلى. ءبىز ءار ۇلت باۋىرلاستارى قول ۇستاسىپ، جۇرەكتەرى جاقىننان بىرگە سوعىپ، ۇلتتار ىنتىماعىنىڭ انار اعاشىن جۇمىلا باپتايتىن بولسا، ءدامى ءتىل ۇيىرگەن مول جەمىسكە كەنەلىپ، ءسوز جوق، شينجياڭنىڭ بايتاق دالاسىنداعى ەڭ كورىكتى كورىنىسكە اينالارىنا كامىل سەنەمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى