ءتاڭىرتاۋ تورابى
ءتاڭىرتاۋ تورابى   ›   ارناۋلى تاقىرىپ   ›   ىقىلاستى قامقورلىق، زور شابىت   ›   شولۋ

شينجياڭنىڭ اناعۇرلىم كوركەم بولاشاعىن جاراتايىق

 «پارتيانىڭ باسشىلىعىندا شينجياڭنىڭ اناعۇرلىم كوركەم بولاشاعىن بىرگە جاراتۋلارىڭىزدى ءۇمىت ەتەمىن». باس شۋجي شي جينپيڭنىڭ قۇربان تۇلىم اتايدىڭ قىزى توحتىحان قۇربانعا جازعان جاۋاپ حاتىنداعى وسىناۋ ىقىلاستى ءۇمىت باس شۋجيدىڭ شينجياڭ قىزمەتىنە ەرەكشە كوڭىل اۋدارىپ، شىنايى ءۇمىت ارتاتىندىعىن تولىق ايگىلەيدى، سونىمەن بىرگە، بۇل شينجياڭداعى ءار ۇلت جۇرتشىلىعىنان كۇتكەن شىنايى ءۇمىت، ءبىزدىڭ قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭ قىزمەتىن جاقسى ىستەۋىمىزگە كورسەتىلگەن زور شابىت جانە دەمەۋ.

    پارتيا ورتالىق كوميتەتى شينجياڭنىڭ ەكونوميكالىق، قوعامدىق دامۋىنا، ءار ۇلت حالقىنىڭ ءوندىرىسى مەن تۇرمىسىنا بۇرىننان باسا نازار اۋدارىپ، ەرەكشە قامقورلىق جاساپ، ايرىقشا قولداۋ كورسەتىپ، پارتيانىڭ شۇلەن شۋاعىن شاشىپ كەلەدى. پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە، ايرىقشا زەيىن - زەردە قويىپ، پارتيانىڭ شينجياڭدى جونگە سالۋ، شەكارا وڭىرلەردى باسقارۋ نازارياسىن جاسامپازدىقپەن جالعاستىرىپ جانە دامىتىپ، شينجياڭ قىزمەتىن ستراتەگيا جانە جالپى جاعداي تۇرعىسىنان جوبالاپ، پارتيامىزدىڭ جاڭا جاعدايداعى شينجياڭدى جونگە سالۋ جالپى جوباسىن تۇراقتاندىرىپ، قوعام ورنىقتىلىعى مەن باياندى تىنىشتىق باس نىساناسىن ايقىنداپ، شينجياڭ قىزمەتىن ونان سايىن جاقسى ىستەۋگە باعىت - باعدار سىلتەپ، ءتۇبىرلى ولشەم كورسەتتى.

    باس شۋجيدىڭ جاۋاپ حاتىنداعى تاپسىرمالاردى ەسكە بەرىك ساقتاپ، ىقىلاستى ءۇمىت - تىلەكتەردى اقتاپ، شينجياڭنىڭ اناعۇرلىم كوركەم بولاشاعىن جاراتۋ ءۇشىن، باس شۋجي شي جينپيڭنىڭ ماڭىزدى جاۋاپ حاتىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى قوزعاۋشى كۇش ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە پارمەندى كۇش - قۋات توپتاپ، شينجياڭنىڭ ءتۇرلى ىستەرىندە جاڭا جاعداي اشا ءتۇسۋ قاجەت.

    جۇرەكجاردى قامقورلىق سەنىمدى سەرپىلتتى، ەرەسەن شابىت كۇش - قۋاتتى جۇمىلدىردى. مىندەتتەر مەيلى قانشاما جاپالى، قيىندىقتار مەيلى قانشاما كوپ بولسا دا، تار جول، تايعاق كەشۋدەن ءوتىپ، جۇرەكتىلىكپەن العا ىلگەرىلەپ، جاڭا، ءتىپتى، زور جەتىستىكتەرگە جەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى تالاپتارىنان شىعۋعا، بۇكىل ەل حالقىنىڭ ءۇمىتىن اقتاۋعا سەنىمىمىز كامىل.

    ج ك پ اۆتونوميالى رايوندىق 9 - قۇرىلتايىندا، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تاباندىلىقپەن بوساڭسىتپاي دايەكتىلەندىرۋ جانە تياناقتاندىرۋدىڭ نەگىزگى تالاپتارى ايقىندالدى، اتاپ ايتقاندا، «باس نىسانانى» بەكەمدەپ، «كۇرە تامىردى» ساباقتاستىرىپ، «ەكى شەشۋشى ءتۇيىندى» باعامداپ، «مەحانيزمدى» كەمەلدەندىرىپ، قوعام ورنىقتىلىعىن جۇزەگە اسىرۋ مەن باياندى تىنىشتىقتى جەبەۋگە قۇلشىنۋ، جاپپاي دوڭگەلەك داۋلەتتى قوعام قۇرۋ كۇرەس نىساناسىن قۇلشىنا ىسكە اسىرۋ، كەدەيلەردى ۋاعىندا كەدەيلىكتەن قۇتىلدىرۋدى قۇلشىنا ىسكە اسىرۋ، ەكولوگيالىق ورتانىڭ جاقسارۋىن قۇلشىنا ىسكە اسىرۋ، شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن اشۋ قاجەت.

    قازىر شينجياڭ قىزمەتى جاڭا تاريحي بەلەسكە كوتەرىلىپ، بەلسەندى، جاقسى، سۇيىنەرلىك وزگەرىستەر جارىققا شىقتى، الايدا، ءدوپ كەلگەن جاعداي ءالى دە قاتاڭ ءارى كۇردەلى، الدىمىزداعى مىندەتتەر جاپالى، موينىمىزداعى جاۋاپكەرشىلىك اۋىر، جولىمىزدان تاعى تالاي سىن - سىناقتار كولدەنەڭدەۋى مۇمكىن، وتە - موتە، «شينجياڭنىڭ قاشاندا ەلىمىزدىڭ لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ الدىڭعى شەبى جانە نەگىزگى مايدانى»، لاڭكەستىككە قارسى تۇرىپ، ورنىقتىلىقتى قورعاۋ بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەكەندىگىن سەرگەكتىكپەن كورە بىلۋگە ءتيىسپىز.

    نىسانا ايقىندالىپ، مىندەتتەر تۇراقتاندى، تەتىك تەمىردەي بەرىك جاۋاپكەرشىلىك، تەمىردەي قاتاڭ ءتارتىپ، تەمىردەي شىمىر مىندەتكەرلىكپەن، نازاردى باس نىساناعا شوعىرلاندىرىپ، باس نىسانادان كوز ايىرماي، باس نىسانانى تياناقتاندىرىپ، باس نىسانانى باعدارلاما، كوزدەۋ ءتۇيىنى مەن كۇش سالۋ ءتۇيىنى ەتىپ، شينجياڭنىڭ ءتۇرلى قىزمەتىنە ءبىر تۇتاس باسشىلىق ەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ باياندى مەحانيزمىن ورناتىپ، ەكونوميكانىڭ ءتىپتى جاقسى، ءتىپتى تەز دامۋىن ىلگەرىلەتىپ، حالىق تۇرمىسىن بارىنشا قامتاماسىز ەتىپ جانە جاقسارتىپ، ۇلتتار ىنتىماعىن بەكەمدەپ جانە دامىتىپ، ءدىن جاراسىمدىلىعى مەن تاتۋلىعىن جەبەپ، يدەولوگيا سالاسىنىڭ حاۋىپسىزدىگىن قورعاپ، دەموكراتيا جانە زاڭمەن جونگە سالۋ قۇرىلىسىن كۇشەيتىپ، بيڭتۋاننىڭ ەرەكشە رولىن تولىق ساۋلەلەندىرىپ، ەكولوگيالىق ورتانى قورعاۋ قۇرىلىسىن كۇشەيتىپ، پارتيا قۇرىلىسىن كۇشەيتۋ مەن نىعايتۋعا بۇلجىماستان تاباندى بولۋ.

    ورنىقتىلىق پەن دامۋعا قاتىستى ءتۇرلى مىندەتتى، حالىققا ءتيىمدى ءتۇرلى ساياساتتى ويداعىداي تياناقتاندىرۋ قاجەت، ءبىز، ءسوز جوق، ىسكەرلىككە ءمان بەرىپ، ۋاقىتپەن جارىسا ەڭبەك ەتىپ، جاسىنداي جارقىلداپ، اسقان تاباندىلىق كورسەتىپ، بۇلجىتپاستان تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تيانشاننىڭ تۇستىگى مەن تەرىستىگىندە تامىر تارتىپ، شەشەك اتىپ، جەمىس بەرۋىنە تاماشا ستيلمەن كەپىلدىك ەتۋىمىز كەرەك.

    ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋدىڭ ۇلى جورىعىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىنىڭ، شينجياڭداعى ءار ۇلت حالقىنىڭ جۇدىرىقتاي جۇمىلىپ، كۇش بىرىكتىرۋىنىڭ ارقاسىندا، نىسانالارىمىز، ءسوز جوق، ىسكە اسىپ، شينجياڭنىڭ بولاشاعى، ءسوز جوق، اناعۇرلىم كوركەم بولا تۇسەتىنى حاق!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءار ۇلت حالقى اۆتونوميالى رايوننىڭ پارتيا 19 - قۇرىلتايىن قارسى الۋداعى «فلاش» قيمىلىنا بەلسەنە قاتىناستى
  • ءۇرىمجى كىتاپحاناسىندا 19-قۇرىلتايدى قارسى الۋدى نەگىزگى تاقىرىپ ەتىپ باسپادان شىققان كىتاپتار ارناۋلى سورەگە قويىلىپ ساتىلدى
  • «پارتيانىڭ شۇعىلاسى تيانشاندى نۇرعا بولەدى» ادەبيەت-كوركەمونەر ساۋىق كەشى پارتيا 19-قۇرىلتايىنا تارتۋ ەتىلدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى