تازا ەنەرگيالى جىلۋمەن قامداۋ رايونىمىزدىڭ ءتۇيىندى حالىق تۇرمىسى ينجەنەرياسىنا اينالادى

    باعا، قوسىمشا قاراجات، قارجى قوسۋ، قارجى قۇراۋ سياقتى جاقتاردا قولداۋ ساياساتتارى شىعارىلادى

    تازا ەنەرگيالى جىلۋمەن قامداۋ رايونىمىزدىڭ ءتۇيىندى حالىق تۇرمىسى ينجەنەرياسىنا اينالىپ، باعا، قوسىمشا قاراجات، قارجى قوسۋ، قارجى قۇراۋ سياقتى جاقتاردا ساياساتتىق قولداۋ كورسەتۋ جانە جەتەكشىلىك ەتۋ ارقىلى جەل ەلەكترىنەن پايدالانىپ تازا ەنەرگيالى جىلۋمەن قامداۋ كولەمى كەڭەيتىلەدى.

    جۋىردا تۇرعىن ءۇي جانە قالا، اۋىل قۇرىلىسى مينيسترلىگى، مەملەكەتتىك دامۋ جانە رەفورما كوميتەتى، قازىنا مينيسترلىگى، مەملەكەتتىك ەنەرگيا مەكەمەسى بىرلەسىپ «سولتۇستىكتەگى جىلۋمەن قامدالاتىن وڭىرلەردەگى قالا - قالاشىقتاردا تازا ەنەرگيالى جىلۋمەن قامداۋ جونىندەگى جەتەكشى پىكىردى» (تومەندە قىسقاشا «پىكىر» دەلىنەدى) شىعارىپ، سولتۇستىكتەگى جىلۋمەن قامدالاتىن وڭىرلەردە تازا ەنەرگيالى جىلۋمەن قامداۋ قىزمەتى جونىندە ىشكەرىلەي ورنالاستىرۋ جاسادى.

    «پىكىردە» مىنالار باسا دارىپتەلدى: سولتۇستىكتەگى جىلۋمەن قامدالاتىن وڭىرلەردەگى قالا - قالاشىقتاردا تازا ەنەرگيالى جىلۋمەن قامداۋ قىزمەتىن ىلگەرىلەتۋدە «جەر جاعدايىنا قاراي ىستەۋدى» نەگىزگى تالاپ ەتىپ، وڭىرلەر ءوزىنىڭ ەكونوميكاسىنىڭ دامۋ ورەسى، بۇقارانىڭ كوتەرۋ قۋاتى، بايلىق، ەنەرگيا جاعدايى سياقتى شارت - جاعدايلارعا ساي، تازا ەنەرگيالى جىلۋمەن قامداۋ فورماسىن عىلمي تاڭداپ، كومىر ارقىلى جىلۋمەن قامداۋدى تازارتىپ، جەر جاعدايىنا قاراي تابيعي گاز ارقىلى، ەلەكتر ارقىلى جىلۋمەن قامداۋدى ىلگەرىلەتۋ كەرەك، تۋىندامالى بايلىعى مول وڭىرلەردە تۋىندامالى ەنەرگيا سياقتى تازا ەنەرگيالاردان الدىمەن پايدالانىپ، جىلۋمەن قامدالۋ تالابىن قاناعاتتاندىرۋعا شابىتتاندىرۋ كەرەك. ال ەلەكتر بايلىعى جەتكىلىكتى وڭىرلەردە قولدانۋشىلاردى تەرمينالدىق ەلەكتر ارقىلى جىلۋمەن قامداۋ فورماسىن الدىمەن دامىتىپ، ءتۇرلى جىلۋ ناسوسى، جوعارى ءونىمدى ەلەكتر پارقازانى سياقتى فورمالاردان جاپپاي پايدالانا وتىرىپ ەلەكتر ارقىلى جىلۋمەن قامداۋدى ىلگەرىلەتىپ، ەلەكتر ارقىلى جىلۋمەن قامداۋ جانە جىلۋ ساقتاۋ ءوزارا ۇشتاسقان جىلۋمەن قامداۋ فورماسىن بەلسەندىلىكپەن دامىتۋ كەرەك.

    «پىكىردە» مىنالار اتاپ كورسەتىلدى: سولتۇستىكتەگى وڭىرلەردىڭ جەر، جارىق بايلىعى مول بولۋداي باسىمدىعىنان تولىق پايدالانىپ، تۋىندامالى ەنەرگيا ارقىلى جىلۋمەن قامداۋدى بارىنشا دامىتۋ كەرەك. جەل ەنەرگياسى، كۇن ەنەرگياسى، جەر جىلۋى ەنەرگياسى، بيولوگيالىق زاتتار ەنەرگياسى سياقتى تۋىندامالى ەنەرگيا ارقىلى جىلۋمەن قامداۋ نىساندارىن بارىنشا ىلگەرىلەتۋ كەرەك. تۋىندامالى ەنەرگيا ارقىلى جىلۋمەن قامداۋدى قالا، اۋىلدار ەنەرگيا جوسپارىنىڭ ماڭىزدى مازمۇنى ەتىپ، ءتۇيىندى ىلگەرىلەتىپ، تۋىندامالى ەنەرگيا مەن ءداستۇرلى ەنەرگيا ءوزارا ۇشتاسقان كوپ قاينارلى، ءبىرىن - ءبىرى تولىقتايتىن جانە ساتىلى پايدالانىلاتىن ەنەرگيادان پايدالانۋدىڭ جالپىلىق جۇيەسىن قۇرۋ كەرەك. بيولوگيالىق زاتتاردان جاسالعان جانار زات پارقازاندارى قۇرىلسىن جەدەل ىلگەرىلەتىپ، قالا - قالاشىق الەۋمەتتىك اۋماقتارى مەن اۋىل - قىستاقتاردى تازا ەنەرگيالى جىلۋمەن قامداۋ كەرەك.

    شينجياڭنىڭ جەل، جارىق بايلىق باسىمدىعى كورنەكتى، 2016 - جىلدىڭ سوڭىنا دەيىن، تۇتاس شينجياڭداعى جالپى اگراگاتتار 76 ميلليون 910 مىڭ كيلوۆات ەلەكتر ءوندىرىپ، وندىرىسكە قوسىلعان جاڭا ەنەرگيا جالپى اگراگاتتار كولەمى 26 ميلليون 670 مىڭ كيلوۆاتقا جەتتى. مۇنىڭ ىشىندە، جەل ەلەكترى اگراگاتتارىنىڭ كولەمى 17 ميلليون 750 مىڭ كيلوۆاتقا جەتىپ، جالپى اگراگاتتار سيىمدىلىعىنىڭ %23.1ىن ۇستاپ، ەلىمىز بويىنشا ەكىنشى ورىنعا شىقتى؛ فوتوۆولتتىق اگراگاتتار كولەمى 8 ميلليون 926 مىڭ كيلوۆاتقا جەتىپ، جالپى اگراگاتتار سيىمدىلىعىنىڭ %11.6ىن ۇستاپ، ەلىمىز بويىنشا ءبىرىنشى ورىنعا شىقتى.

    اۆتونوميالى رايوندىق دامۋ جانە رەفورما كوميتەتىنىڭ قاتىستى جاۋاپتىسىنىڭ ايتۋىنشا، «پىكىردىڭ» شىعارىلۋى اۆتونوميالى رايوننىڭ تۋىندامالى ەنەرگيا ارقىلى تازا ەنەرگيالى جىلۋمەن قامداۋدى دامىتۋىنا ايقىن باعىت نۇسقاعان. اۆتونوميالى رايونىمىز «پىكىردىڭ» تالابىنا ساي، 2016 - جىلى اتقارعان 2 ميلليون 30 مىڭ شارشى مەترلىك جەل ەلەكترى ارقىلى تازا ەنەرگيالى جىلۋمەن قامداۋ نىسانى نەگىزىندە، جەل ەلەكترى ارقىلى تازا ەنەرگيالى جىلۋمەن قامداۋدىڭ سىناق تۇيىندەرى قول جەتكىزگەن ناتيجەلەردى قورىتىندىلاپ، جەل ەلەكترى ارقىلى تازا ەنەرگيالى جىلۋمەن قامداۋدىڭ سىناق ءتۇيىنى قىزمەتىندە ساقتالعان قيىنشىلىقتار مەن ماسەلەلەردى تاۋىپ، تازا ەنەرگيالى جىلۋمەن قامداۋدى قولداۋ ساياساتى جونىندە زەرتتەۋ جۇرگىزىپ جانە ونى شىعارىپ، تازا ەنەرگيالى جىلۋمەن قامداۋدى ءتۇيىندى حالىق تۇرمىسى ينجەنەرياسى رەتىندە قولداپ، باعا، قوسىمشا قاراجات، قارجى قوسۋ، قارجى قۇراۋ سياقتى جاقتاردا ساياساتتىق قولداۋ كورسەتۋ جانە جەتەكشىلىك ەتۋ ارقىلى جەل ەلەكترىمەن تازا ەنەرگيالى جىلۋمەن قامداۋ كولەمىن كەڭەيتىپ، شينجياڭنىڭ جاڭا ەنەرگيا جاعىنداعى ماركا ينجەنەرياسىن قالىپتاستىرادى.

جاۋاپتى رەداكتور:سايراش تۇرارجان قىزى