چىن چۋانگو تاجىكستاننىڭ زۇڭتۇڭى راحمونمەن كەزدەستى

5 - قىركۇيەكتە اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە تاجىكستاننىڭ زۇڭتۇڭى راحمونمەن كەزدەستى

    5 - قىركۇيەك كۇنى تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە جۇڭگوعا مەملەكەتتىك ساپارمەن جانە بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ديالوگ ماجىلىسىنە قاتىناسۋ ءۇشىن كەلگەن تاجىكستاننىڭ زۇڭتۇڭى راحمونمەن كەزدەستى.

    چىن چۋانگو اۆتونوميالى رايوندىق پارتكوم، ۇكىمەت اتىنان راحموندى قارسى الاتىندىعىن ءبىلدىردى. چىن چۋانگو بىلاي دەدى: جۇڭگو - تاجىكستان اراسىنان قىل وتپەيتىن تاتۋ كورشى جانە ءبىر - بىرىنە توتەنشە سەنەتىن ستراتەگيالىق سەرىكتەر، ءوزارا قولدايتىن، بەينەت پەن زەينەتتە بىرگە بولاتىن تاعدىرلاس ورتاق تۇلعا. ديپلوماتيالىق قاتىناس ورناتقان 25 جىلدان بەرى، ەكى ەل باستان - اياق ءبىر - بىرىنە قۇرمەت ەتىپ، ءبىر - ءبىرىن ءتۇسىنىپ، ءبىر - ءبىرىن قولداپ، جۇڭگو - تاجىكستان قاتىناسىن دامىتۋدا سۇبەلى ناتيجەلەرگە قول جەتكىزدى. سوڭعى جىلدارى، ءتوراعا شي جينپيڭ مەن زۇڭتۇڭ مىرزانىڭ بىرگە جەبەۋىندە، ەكى ەلدىڭ جوعارى جىك باسشىلارىنىڭ اۋىس - كۇيىسى، ساياسيدا ءوزارا سەنىم ورناتۋ، ناقتى ىنتىماقتاستىق جاقتارى بۇرىن - سوڭدى بولىپ كورمەگەن جوعارى دەڭگەيگە جەتتى. وسى رەتكى مەملەكەتتىك ساپار كەزىندە، ەكى ەل باسشىلارى جۇڭگو مەن تاجىكستاننىڭ جاپپاي ستراتەگيالىق سەرىكتەستىك قاتىناسىن ورناتۋدى ءبىر اۋىزدان ۇيعاردى، بۇل جۇڭگو - تاجىكستان قاتىناسىنىڭ تىڭ تاريحي باستامادا ءتىپتى زور دامۋىن ىلگەرىلەتەتىنى داۋسىز. چىن چۋانگو بىلاي دەدى: جۇڭگونىڭ شينجياڭى مەن تاجىكستاننىڭ تاۋ - سۋى ۇلاسقان، مادەنيەتى ءبىر - بىرىنە جاقىن، شينجياڭ تاجىكستانمەن اۋىس - كۇيىس جانە ىنتىماقتاستىق جاساۋعا باستان - اياق وسكەلەڭ ءمان بەرىپ كەلەدى ءارى كورنەكتى ناتيجەلەرگە قول جەتكىزدى. شينجياڭ جىبەك جولى ەكونوميكالىق بەلدەۋىنىڭ وزەكتى رايونى رەتىندە، تاجىكستانمەن كورشىلەس بولۋداي ەرەكشە باسىمدىعىنان تولىق پايدالانىپ، ءتوراعا شي جينپيڭ مەن راحمون زۇڭتۇڭنىڭ كەلىسكەن ءبىرسىپىرا ورتاق تانىمدارىن مۇقيات دايەكتىلەندىرىپ، تياناقتاندىرىپ، تاجىكستانمەن اۋىس - كۇيىس، ىنتىماقتاستىعىن ىشكەرىلەي دامىتۋدى بەلسەنە ىلگەرىلەتىپ، ەكونوميكا - ساۋدا جاعىنداعى ىنتىماقتاستىقتى اناعۇرلىم تەرەڭدەتىپ، گۋمانيتارلىق اۋىس - كۇيىستى ارتتىرىپ، حاۋىپسىز زاڭ اتقارۋ جاعىنداعى ىنتىماقتاستىقتى كۇشەيتىپ، وڭىرلىك حاۋىپسىزدىكتى، ورنىقتىلىقتى بىرگە قورعاپ، ەكى ەل قاتىناسىنىڭ اقاۋسىز دامۋىن ىلگەرىلەتۋگە، ەكى ەل حالقىنىڭ دوستىعىن تەرەڭدەتۋگە بەلسەنە ۇلەس قوسادى.

    راحمون جۇڭگونىڭ بريكس ەلدەرى ساۋدا - ونەركاسىپشىلەر تالقى مىنبەرىن، بريكس ەلدەرى باسشىلارىنىڭ 9 - رەتكى كەڭەسىن، بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ديالوگ ءماجىلىسىن ءساتتى وتكىزگەنىن قۇتتىقتادى. ول بىلاي دەدى: جۇڭگو − تاجىكستاننىڭ تاتۋ كورشىسى، جاقسى سەرىگى، ەتەنە باۋىرلاسى، ديپلوماتيالىق قاتىناس ورناتقان 25 جىلدان بەرى تاجىكستان مەن جۇڭگونىڭ قاتىناسى قارىشتاي دامىدى. وسى رەت جۇڭگوعا ساپارلاي كەلگەنىمدە، ءتوراعا شي جينپيڭمەن دوستىق تۇرعىدا ىشكەرىلەي كەڭەسىپ، جۇڭگو مەن تاجىكستاننىڭ جاپپاي ستراتەگيالىق سەرىكتەستىك قاتىناسىن ورناتۋدى ءبىر اۋىزدان قۇپتادىق. راحمون بىلاي دەدى: تاجىكستان مەن جۇڭگونىڭ شينجياڭى ەكونوميكا - ساۋدا جاعىندا بايلانىسى قويۋ، ىنتىماقتاستىق اياسى كەڭ. ءبىز شينجياڭنىڭ ەكونوميكالىق، قوعامدىق دامۋىندا بولعان وراسان زور وزگەرىسىن كورىپ قاتتى قۋاندىق، جىبەك جولى ەكونوميكالىق بەلدەۋى قۇرىلىسىنا ۇزدىكسىز ات سالىسىپ، تاجىكستان مەن جۇڭگونىڭ شينجياڭىنىڭ فينانس، اۋىل شارۋاشىلىعى، سۋ ىستەرى، ەنەرگەتيكا، عىلىم - تەحنيكا، نەگىزدىك قۇرىلعىلار قۇرىلىسى، ءوزارا توعىسۋ، ءوزارا بايلانىس جاساۋ سياقتى جاقتارىنداعى ىنتىماقتاستىقتى اناعۇرلىم كەڭەيتىپ، وقۋ - اعارتۋ، مادەنيەت، جاستار جاعىنداعى اۋىس - كۇيىستى جيىلەتىپ، حاۋىپسىزدىك سالاسىنداعى ىنتىماقتاستىقتى كۇشەيتىپ، وڭىرلەردىڭ حاۋىپسىزدىگىن بىرگە قورعايمىز.

    اۆتونوميالى رايوندىق پارتكومنىڭ تۇراقتى مۇشەسى، باس حاتشى لي شۋەجۇن، اۆتونوميالى رايوننىڭ ورىنباسار ءتوراعاسى جاۋ چۇڭجيۋ، جۇڭگونىڭ تاجىكستانداعى باس ەلشىسى يۋە بين، تاجىكستاننىڭ سىرتقى ىستەر مينيسترى سيروجيدين اسلوۆ، راحمون زۇڭتۇڭنىڭ سىرتقى ىستەر كومەكشىسى شاريف ازماشو، تاجىكستاننىڭ قارجى قوسۋدى جانە مەملەكەت مەنشىگىندەگى مال - مۇلىكتى باسقارۋ مەملەكەتتىك كوميتەتىنىڭ ءتوراعاسى شاحريزودا فايزدين، تاجىكستاننىڭ جۇڭگوداعى باس ەلشىسى داۆلاتزودا پارۆيز كەزدەسۋدە بىرگە بولدى.

جاۋاپتى رەداكتور:سايراش تۇرارجان قىزى