قاشقار مەن حوتانداعى 10 مىڭنان اسا ارتىق ەڭبەككۇش مەملەكەتتىك كاسىپورىندارعا جۇمىسقا تۇردى

بيىلعى مەملەكەتتىك كاسىپورىنداردىڭ وسى ەكى ايماقتاعى ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋ مىندەتى جاپپاي ورىندالدى

    2 - قىركۇيەكتە ءۇرىمجى قالاسى سايباق رايونى لۋيۋان كوشەسى اۋماعىن باسقارۋ كوميتەتىنىڭ قىزمەتكەرلەرى حوتاننان ۇرىمجىگە جۇمىس ىستەۋگە كەلگەندەرمەن بىرگە حۇڭشان باقشاسىنىڭ كورىنىس تەكشەسىندە قالانىڭ دامۋ جاعدايىن تاماشالاپ، قۇربان ايت مەرەكەسىن كوڭىلدى وتكىزدى

    اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋىمىزشا، 23 - تامىزعا دەيىن، شينجياڭداعى 16 مەملەكەتتىك كاسىپورىن مەن شينجياڭدا تۇراتىن 23 ورتالىق كاسىپورنى قاشقار مەن حوتان ايماقتارىنان باسقا سالاعا ويىستىرىلىپ جۇمىسقا ورنالاستىرىلاتىن 10 مىڭ 680 ادامدى قابىلداپ، ورنالاستىرعان. ءسويتىپ، شينجياڭداعى مەملەكەتتىك كاسىپورىندارعا جۇكتەلگەن قاشقار مەن حوتان ايماقتارىنداعى قالا، اۋىلداردان 10 مىڭنان اسا ارتىق ەڭبەككۇشتى باسقا سالاعا ويىستىرىپ جۇمىسقا ورنالاستىرۋ مىندەتى جاپپاي ورىندالعان.

    ج ك پ اۆتونوميالى رايوندىق 9 - كەزەكتى كوميتەتىنىڭ ەكىنشى جالپى (كەڭەيتىلگەن) ماجىلىسىندە وڭتۇستىك شينجياڭداعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋعا سەرپىن بەرۋ العا قويىلىپ، اۆتونوميالى رايونىمىز قاشقار مەن حوتان ايماقتارىنان 3 جىلدا 100 مىڭ ادامدى جۇمىسقا ورنالاستىرۋ جوسپارىن جاساعان بولاتىن.

    اۆتونوميالى رايوندىق پارتكوم، ۇكىمەتتىڭ ورنالاستىرۋى مەن تالابىنا ساي، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى قاشقار مەن حوتاننىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىسقا قابىلداۋ، ورنالاستىرۋ قىزمەتىن بەلسەندىلىكپەن قانات جايدىرىپ، بيىل اۆتونوميالى رايونىمىزعا تاۋەلدى مەملەكەتتىك كاسىپورىندار مەن شينجياڭدا تۇراتىن ورتالىق كاسىپورىندارىنا 10 مىڭ 34 ادامدى جۇمىسقا قابىلداۋدى مىندەتتەۋ جونىندە جۇمىس جوسپارىن جاساعان بولاتىن.

    قاشقار مەن حوتاننىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىسقا قابىلداۋ، ورنالاستىرۋ قىزمەتى باستالعاننان كەيىن، جۇڭتاي توبى، جياۋجيان توبى سياقتى اۆتونوميالى رايونىمىزعا تاۋەلدى مەملەكەتتىك كاسىپورىندار مەن شينجياڭدا تۇراتىن باۋگاڭ توبىنىڭ شينجياڭ 1 - تامىز بولات - تەمىر شەكتى سەرىكتەستىگى، جۇڭگو مۇناي توبى تارىم مۇناي الابى سەرىكتەستىگى سياقتى ورتالىق كاسىپورىندارى بۇعان بەلسەنە ءۇن قوستى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى ۇيىمداستىرۋ، ادام كۇشى بايلىعى جانە قوعامدىق قامتاماسىزداندىرۋ سياقتى تاراۋلارمەن، سونداي - اق ەڭبەككۇش شىعارۋشى، قابىلداۋشى جەرلەردەگى ءار دارەجەلى پارتكوم، ۇكىمەتتەرمەن جۇمىستاردى ۇيلەستىرىپ، قىزمەتكەر قابىلداۋ، جەتكىزۋ، تاربيەلەۋ، حاۋىپسىزدىككە كەپىلدىك ەتۋ سياقتى ىستەردى سايكەستىرىپ، قىزمەتتىڭ ءساتتى جۇرگىزىلۋىنە كەپىلدىك ەتتى.

    ورنالاستىرۋدىڭ ناتيجەسىن كۇشەيتۋ ءۇشىن، كاسىپورىندار قاشقار مەن حوتاننان باسقا سالاعا ويىستىرىلعان ادامدارعا ءبىر تۇتاس كيىم جانە شابادان الىپ بەرىپ، شوعىرلى تۇردە جەتەكشىلىك ەتىپ، ۇيىمدى تۇردە جەتكىزدى. جۇمىسقا الىنعان ادامدار زاۆودقا ورنالاسقاننان كەيىن، كاسىپورىندار العىس ايتۋ تاربيەسى جانە زاڭ، مەملەكەتتىك ءتىل، تەحنيكالىق شەبەرلىك جانە «ءۇشتى ءسۇيۋ، ۇشكە قارسى تۇرۋ» تاربيەسى، اسكەري جاتتىعۋ، ءوندىرىس حاۋىپسىزدىگى سياقتى قاتىستى مازمۇندار بويىنشا شوعىرلى تاربيە جۇرگىزدى. سونىمەن قاتار، باسقا سالاعا ويىستىرىلعان ادامدارعا ەڭ جاقسى تۇرمىس ورتاسىن ازىرلەدى ءارى ەرلى - زايىپتىلارعا جۇبايلار ءۇيىن بەردى، جۋىنۋ بۇيىمدارى، وقۋ قۇرالدارى، ت. ب تولىق ازىرلەندى. جوقتاما، تەكسەرۋ، سيلاۋ - جازالاۋ جاعىندا باسقا جۇمىسشى - قىزمەتكەرلەرمەن تەڭ قارالىپ، بىردەي ەڭبەككە بىردەي اقى تولەندى، تاربيەلەنۋ كەزىندە اي سايىن 2000 يۋان ەڭبەكاقى تولەنسە، رەسمي جۇمىسقا تۇرعاننان كەيىنگى ورتاشا ەڭبەكاقى 3000 يۋاننىڭ اينالاسىندا بولدى.

    «ءبىر ادام جۇمىسقا تۇرسا، ءبىر وتباسى كەدەيلىكتەن قۇتىلادى»، قاشقار مەن حوتانداعى باسقا سالاعا ويىستىرىلعان 10 مىڭنان اسا ادام 20 مىڭنان اسا وتباسىنىڭ ادامى، ولاردى تۇراقتى جۇمىسقا ورنالاستىرۋ ارقىلى تۇراقتى تابىسقا قول جەتكىزىپ، كەدەيلىكتەن ۇزاق مەرزىمگە قۇتىلدىرۋعا بولادى. جاڭا جۇمىسشىلاردىڭ كوپشىلىگى جالاقىسىن ۇيلەرىنە جولداپ، اۋىلداستارىنا ناقتى پايدانى سەزىندىردى.

    ۇعىسۋعا قاراعاندا، قاشقار مەن حوتاننىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىسقا قابىلداۋ، ورنالاستىرۋ قىزمەتىن ورىستەتۋ ارقىلى اۆتونوميالى رايونىمىزداعى مەملەكەتتىك كاسىپورىنداردىڭ جۇمىسشى قۇرىلىمى ونان سايىن ساپالىلانعان، اۆتونوميالى رايونىمىزعا تاۋەلدى مەملەكەتتىك كاسىپورىندارداعى از ۇلت جۇمىسشىلارىنىڭ ۇلەسى %25تەن %35كە كوتەرىلگەن، ءار ۇلت جۇمىسشى - قىزمەتكەرلەرى بىرگە تۇرمىس كەشىرىپ، قاتار ەڭبەك ەتىپ، ارالاسۋ، ىشتەسۋ، توعىسۋ بىرتىندەپ تەرەڭدەگەن.

    الداعى جەردە، اۆتونوميالى رايوندىق مەملەكەت مەنشىگىندەگى كاسىپورىنداردى باقىلاۋ - باسقارۋ كوميتەتى وسى ەكى ايماقتاعى باسقا سالاعا ويىستىرىلىپ جۇمىسقا ورنالاستىرىلاتىن ادامداردى قابىلداۋدى ءتۇيىن ەتىپ، قىزمەتتى ۇزدىكسىز تۇردە جاقسى ىستەيدى. سونىمەن بىرگە، رەفورمانى تەرەڭدەتۋگە، دامۋدى جاڭعىرتۋعا كۇش سالىپ، قازىرگى ەڭبەككۇشتەردى دامىتىپ جانە بەكەمدەپ، ءتىپتى كوپ ەڭبەككۇشتى قابىلداۋعا قۇلشىنا نەگىز قالاپ جانە دايىندىق جاساپ، 3 جىلعا كوزدەلگەن نىسانالىق مىندەتتەردى مەجەلى ۋاقىتتا ساپاسى مەن سانىنا كەپىلدىك ەتە وتىرىپ ورىنداپ شىعادى.

جاۋاپتى رەداكتور:سايراش تۇرارجان قىزى