چىن چۋانگو ءۇرىمجى قالاسىندا ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى تۇزەتۋگە تابىستاعان ماسەلەنىڭ شەشىلۋىن جۇمىس باسىندا باقىلاعاندا ماسەلەنى نىساناعا الۋدان جازباي، تۇزەتۋدىڭ ناقتى ناتيجە بەرۋىنە كەپىلدىك ەتىپ، كورىكتى شينجياڭ قۇرىپ، ءار ۇلت بۇقاراسىن يگىلىككە كەنەلدىرۋدى باسا دارىپتەدى

29 - تامىز كۇنى، اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىنىڭ شۇيموگوۋ رايونىنداعى باجياحۋ سۋ قويماسىنا بارىپ، تۇزەتۋ قىزمەتىن جۇمىس باسىندا باقىلادى ءارى ماڭايداعى تۇرعىندارمەن ىقىلاستى بەينەدە اڭگىمەلەسىپ، ولاردان تۇزەتۋ جوباسىنا تاعى قانداي ۇسىنىستار مەن تالاپتار قوياتىنىن سۇرادى

   29 - تامىز تۇستەن كەيىن، اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىنىڭ شۇيموگوۋ رايونىنداعى باجياحۋ سۋ قويماسىنا بارىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى تۇزەتۋگە تابىستاعان ماسەلەنىڭ شەشىلۋىن جۇمىس باسىندا باقىلاپ، تۇزەتۋ، تياناقتاندىرۋ قىزمەتىن تاعى ءبىر مارتە ىلگەرىلەتتى. چىن چۋانگو مىنالاردى باسا دارىپتەدى: باس شۋجي شي جينپيڭنىڭ ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتىن كۇشەيتۋ جونىندەگى ماڭىزدى نۇسقاۋلارىنىڭ رۋحىن تەرەڭدەي ۇيرەنىپ جانە دايەكتىلەندىرىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋىن قوزعاۋشى كۇش ەتىپ، باقىلاۋ بارىسىندا تۇزەتۋدەن، تاباندا تەكسەرىپ، تاباندا تۇزەتۋدەن جازباي، ەكولوگيالىق ورتانى قورعاۋدىڭ ونىمدىلىگى باياندى مەحانيزمىن ورناتىپ، شينجياڭنىڭ ەكولوگيالىق وركەنيەت قۇرىلىسىنىڭ تاعى ءبىر بەلەسكە كوتەرىلۋىن ىلگەرىلەتۋ كەرەك.

    باجياحۋ سۋ قويماسى وتكەن عاسىردىڭ 50 - جىلدارى جاسالعان، قالانىڭ دامۋىنا بايلانىستى، بۇل ءوڭىر ءۇرىمجى قالاسىنىڭ قۇرىلىس اۋماعىنا ەنگەن، سۋ قاينارى ۇزىلگەننەن كەيىن، سۋ قويماسىنىڭ ورنىندا 2 كولشىك قانا قالعان. قىستاق كۇشىنەن قالىپ، تۇرعىندار كوميتەتى قۇرىلعاننان بەرى، جەر استى قۇبىر جەلىسى دەر كەزىندە تارتىلىپ ۇلگىرمەگەندىكتەن، تۇرمىستىق اقابا سۋلار بەتالدى جىبەرىلىپ، كولشىككە جينالعان سۋدىڭ ساپاسى ناشارلاپ، ساسىق ءيىس قولقانى قاۋىپ، ماسا قاپتاپ كەتكەن ەدى.

    ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى باجياحۋ سۋ قويماسىنىڭ لاستانۋى ماسەلەسىن تۇزەتۋدى تابىستاعاننان كەيىن، چىن چۋانگو باسا ءمان بەرىپ، دەرەۋ بەكىتۋ جازىپ، قاتىستى ورىندار مەن تاراۋلاردان تۇزەتۋ جۇمىستارىن بەلسەندى، ناتيجەلى تۇردە ىلگەرىلەتىپ، بۇقارا كوڭىل اۋدارعان قورشاعان ورتا ماسەلەسىن شىنايى شەشۋدى تالاپ ەتتى. ءۇرىمجى قالاسى مەن شۇيموگوۋ رايونى دەرەۋ ىسكە كىرىسىپ، تۇرعىنداردان پىكىر الىپ، جوبا دايىنداپ، دەرەۋ رەتكە سالىپ، سۋ ايدىنى مەن ماڭايداعى قوقىر - قوقسىقتاردى بار كۇشپەن تازالاپ، كولشىكتەگى لاس سۋدى تارتىپ، ماسا جوياتىن ءدارى شاشىپ تۇردى. سونىمەن قابات، قالانىڭ جوباسىنا سايكەس، بۇقارانىڭ پىكىرىنە دەن قويۋ نەگىزىندە، كولشىكتى توپىراقپەن جابۋ جانە كوگالداندىرۋ، باۋ - باقشاعا اينالدىرۋ جوباسىن جاسادى.

    29 - تامىز كۇنى ساعات 17دە، چىن چۋانگو باجياحۋ سۋ قويماسىنا بارىپ، تۇزەتۋ قىزمەتىن جۇمىس باسىندا باقىلادى. چىن چۋانگو لاستانۋ احۋالىن مۇقيات قاراپ شىعىپ، لاستانۋدىڭ سەبەپتەرىن، تۇزەتۋ قىزمەتىنىڭ اياق الىسىن جانە جوبانىڭ جايىن ەگجەي - تەگجەيلى سۇراپ ۇعىستى. شۇيموگوۋ رايونىنداعى قاتىستى جاۋاپتى جولداستار لاس سۋ جينالعان كولشىكتىڭ 15 كۇن ىشىندە توپىراقپەن جابىلىپ، قاراشا ايىنىڭ سوڭىنا دەيىن جاسىلداندىرىلىپ، ەكولوگيالىق جۇيەنىڭ اينالىمىن تابيعي قالپىنا كەلتىرۋ، ماڭايداعى قالا تۇرعىندارىنىڭ قونىس ورتاسىن جاقسارتۋ، جوعارى ساپالى الەۋمەتتىك دەمالىس ورنىن قالىپتاستىرۋ نىساناسىنىڭ جاپپاي ىسكە اسىرىلاتىنىن ايتتى.

    ماڭايداعى تۇرعىندار قورشاعان ورتانى وڭاۋ قىزمەتىنە ايرىقشا كوڭىل ءبولىپ، ۇنەمى قۇرىلىس باسىنا كەلىپ، جۇمىستىڭ بارىسىن قاداعالاپ وتىرادى ەكەن. چىن چۋانگو تۇرعىندارمەن ىقىلاستى بەينەدە اڭگىمەلەسىپ، ولاردان تۇزەتۋ جۇمىسىنا رازى بولعان - بولماعانىن، تۇزەتۋ جوباسىنا تاعى قانداي ۇسىنىستار مەن تالاپتار قوياتىنىن سۇرادى. تۇرعىندار قۋانىشتى بەينەدە «تۇزەتۋدىڭ ناتيجەسى وتە جاقسى بولدى، جوبا جاساۋدا ءبىزدىڭ پىكىرىمىز ەسكەرىلدى، كوپ وتپەي بۇل جەردەن كورىكتى گۇلباقشا اشىلماق، سول كۇنگە اسىعامىز» دەستى.

    چىن چۋانگو بىلاي دەدى: قورشاعان ورتانى قورعاۋ − ءار ۇلت بۇقاراسىنىڭ ءتول مۇددەسىنە سايادى، بۇقارانىڭ رازى بولعان - بولماعانىن تۇزەتۋدىڭ، تياناقتاندىرۋدىڭ ماڭىزدى ولشەمى ەتىپ، بۇقارانىڭ ۇنىنە مۇقيات قۇلاق ءتۇرىپ، جۇرتشىلىقتىڭ تالاپ - تىلەگىنە جاۋاپ قاتىپ، بۇقارا كوڭىل بولگەن، نازار اۋدارعان قورشاعان ورتا ماسەلەلەرىن شەشۋگە كۇش سالىپ، ءار ۇلت بۇقاراسىنا اسپانى اشىق، جەرى مانات، سۋى تۇنىق تاماشا ورتا ازىرلەۋگە قۇلشىنۋ كەرەك.

    چىن چۋانگو مىنالاردى باسا دارىپتەدى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋىمەن باتىل بىرلىككە كەلتىرىپ، «4 تانىمدى» بەرىك ورناتىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسىنىڭ ءتۇرلى قىزمەتىنە اسا جوعارى ساياسي سانالىلىقتا، يدەيالىق سانالىلىقتا جانە ارەكەت سانالىلىعىندا بولا وتىرىپ بار كۇشپەن سايكەسىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ قىزمەتىنىڭ ناقتى ناتيجەگە جەتۋىنە كەپىلدىك ەتۋ كەرەك. ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى تۇزەتۋگە تابىستاعان ماسەلەلەر مەن بۇقارادان كۇشتى اڭىس تۇسكەن ماسەلەلەردىڭ تۇزەتىلۋىن ويداعىداي يگەرىپ، ماسەلەلەردى بەلسەندى، ىرىقتى تۇردە قاراستىرىپ، تۇزەتۋدى قاۋىرت يگەرىپ، ءاربىر ءىستىڭ تياناقتانىپ، ناتيجە بەرۋىنە كەپىلدىك ەتۋ كەرەك. ورتالىقتىڭ قورشاعان ورتانى قورعاۋدى باقىلاۋ - تەكسەرۋىن ۇتىمدى وراي ەتىپ، ەكولوگيا تانىمىن، قورشاعان ورتانى قورعاۋ تانىمىن كۇشەيتىپ، قورشاعان ورتانى قورعاۋدىڭ ساقتىق سىزىعىن شىن مانىندە تارتىپ جانە قاتايتىپ، جاڭا دامۋ ۇستانىمدارىن دايەكتىلەندىرىپ، ەكولوگيالىق فۋنكتسيانى قامتاماسىزداندىرۋدىڭ نەگىزگى شەگىن، قورشاعان ورتا ساپاسى حاۋىپسىزدىگىنىڭ تومەنگى شەگىن، جاراتىلىستىق بايلىقتاردى پايدالانۋدىڭ جوعارعى شەگىن قاتاڭ ساقتاپ، «ۇشتە جوعارى» نىسانداردىڭ شينجياڭعا ىرگە تەبۋىنە قاتاڭ تيىم سالىپ، لاستانۋدى جونگە سالۋ جانە قۇمدى تىزگىندەۋ، قۇمايتتانۋدان ساقتانۋ سەرپىنىن كۇشەيتىپ، قورشاعان ورتا ساپاسىن جاقسارتۋدى وزەك ەتىپ، ەكولوگيالىق ورتانى قورعاۋدىڭ ونىمدىلىگى باياندى مەحانيزمىن ورناتۋعا كۇش سالىپ، جاسىل دامۋ ۇلگىسى مەن ءومىر سالتىنىڭ قالىپتاسۋىن ىلگەرىلەتۋ بارىسىندا ءار ۇلت بۇقاراسىنىڭ باقىت كورسەتكىشى مەن تابىس سەزىمىن ۇزبەي جوعارىلاتۋ كەرەك.

    اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ سەرىك بولدى.

جاۋاپتى رەداكتور:سايراش تۇرارجان قىزى