ناقتى قادام، ءساتتى ساپار

    − اۆتونوميالى رايونىمىز جىبەك جولى ەكونوميكالىق بەلدەۋى وزەكتى رايونى قۇرىلۋدا كەزەڭدىك تابىستارعا قول جەتكىزدى

    شى شين

    3 - ماۋسىم كۇنى گولمۇتتان كورلاعا باراتىن تەمىر جولدىڭ شينجياڭ بولەگىندەگى رەليس جاتقىزۋ، تىرەۋ سالۋ جۇمىسىن باستاۋ سالتى كورلا شىعىس بەكەتىنىڭ جاتقىزۋ - سالۋ بازاسىندا وتكىزىلدى. بۇل شينجياڭنان شىعاتىن 3 - تەمىر جولدىڭ اشىلىپ پويەز قاتىناۋىنا از قالعانىن بىلدىرەدى. گولمۇت - كورلا تەمىر جولى 2014 - جىلدىڭ سوڭىندا سالىنا باستاعان، بۇل تەمىر جولدىڭ شينجياڭداعى بولەگىندەگى 291 كيلومەترلىك نەگىزگى جەلىگە رەليس جاتقىزۋ جۇمىسىن ورىنداۋ جوسپارلانىپ وتىر، مەجە بويىنشا 2020 - جىلى 30 - مامىردا تۇتاس لەنيا اشىلادى. سۋرەتتە: 3 - ماۋسىمدا جۇڭگو تەمىر جول توبى شەكتى سەرىكتەستىگى 1 - مەكەمەسى شينيۇن سەرىكتەستىگىنىڭ رەليس جاتقىزۋ جۇمىس باسى

    14 - شىلدە كۇنى اۆتونوميالى رايوندىق جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىنا باسشىلىق ەتۋ گرۋپپاسىنىڭ كەڭسەسى مىنالاردى حابارلاندىردى: ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ، مەملەكەتتىك كەڭەستىڭ شينجياڭدى جىبەك جولى ەكونوميكالىق بەلدەۋىنىڭ وزەكتى رايونى ەتىپ قۇرىپ شىعۋ تۋرالى ورنالاستىرۋىن باتىل دايەكتىلەندىرىپ، ساياساتتاردى بايلانىستىرۋ، قۇرىلعىلاردى ۇلاستىرۋ، ساۋدانى ىركىلىسسىزدەندىرۋ، اقشانى اينالىمعا سالۋ، جۇرت تىلەگىن توعىستىرۋدى نەگىزگى مازمۇن ەتۋدەن جازباي، «3 بازا»، «3ارنا»، «5 ورتالىق»، «10 يمپورت - ەكسپورت شوعىرى» سياقتى ءتۇيىندى مىندەتتەردى تىعىز ارقاۋ ەتىپ، وزەكتى رايون قۇرىلىسىنىڭ ساياسات - جوبا جۇيەسىن ۇزدىكسىز كەمەلدەندىرىپ، ناقتى ىستەرمەن اينالىسىپ، جاڭالىق اشىپ، بەلسەندى تۇردە جۇمىس جۇرگىزدى، وزەكتى رايون قۇرىلىسى بايىپتى قادام تاستاپ، كەزەڭدىك تابىستارعا قول جەتتى.

    ماڭىزدى جوبالار تىڭعىلىقتى ىلگەرىلەتىلدى

    شينجياڭنىڭ تاس جول قۇرىلىسىنداعى ءتۇيىندى نىسان − G0711 جەلىسى ءۇرىمجى - لوپنۇر جوعارى جىلدامدىقتى تاس جول نىسانىنىڭ الدىڭعى مەرزىمدىك جۇمىستارى اياقتالدى، وسى ايدىڭ اياعىنا دەيىن جاپپاي جۇمىس باستالادى دەپ مەجەلەنۋدە.

    G0711 جەلىسى ءۇرىمجى - لوپنۇر جوعارى جىلدامدىقتى تاس جول نىسانىنىڭ ۇزىندىعى 323 كيلومەتر، قۇرىلىستىڭ سىناق بولىگى بيىل ءساۋىردىڭ اياعىندا جۇمىس باستادى، جول نىسانى وڭتۇستىك - سولتۇستىك شينجياڭ ورتاسىنداعى كولىك كەدەرگىسىن جويىپ، تاس جولدىڭ اينالىم قاشىقتىعىن مەيلىنشە ازايتىپ، ءۇرىمجىنىڭ ورتالىق قالا رەتىندەگى مارتەبەسىن ءتىپتى كورنەكتىلەندىرىپ، وڭتۇستىك شينجياڭ ءوڭىرىنىڭ ەكونوميكالىق، قوعامدىق دامۋىنا سەرپىن بەرەدى.

    G0711 جەلىسى ءۇرىمجى - لوپنۇر جوعارى جىلدامدىقتى تاس جول نىسانى اۆتونوميالى رايونىمىزدىڭ قۇرىلعىلاردى ۇلاستىرۋىنىڭ ىقشام كورىنىسى عانا.

    وزەكتى رايون قۇرىلىسى باستالعاننان بەرى، اۆتونوميالى رايونىمىز ءۇرىمجىنى ورتالىق ەتكەن اۋقىمدى جول قاتىناس تورابىن قالىپتاستىرۋعا دەن قويىپ، تارىم ويپاتى مەن جوڭعار ويپاتىن اينالعان كەشەندى كولىك جەلىسىن اشىپ، جىبەك جولى ەكونوميكالىق بەلدەۋى كەشەندى كولىك ارناسىنىڭ سولتۇستىك، ورتا، وڭتۇستىك تارماقتارىن جاپپاي تۇتاستىردى.

    − تەمىر جول تۋرالى ايتساق، لانجوۋ - شينجياڭ تەمىر جولىنىڭ 2 - قوس جەلىسى، بەيتۇن - التاي تەمىر جولى، ءۇرىمجى ۆوكزالى، ت.ب سالىندى؛ كورلا - گولمۋت تەمىر جولىنا تۇتاس جەلى بويىنشا جولتابان توسەلە باستالدى، ءۇرىمجى تەمىر جول كولىگىنىڭ 1 -، 2 -، 3 -، 4 - جەلىسى بويىنشا جاپپاي قۇرىلىس باستالدى. 2016 - جىلدىڭ اياعىنا دەيىن، تەمىر جولدىڭ اينالىم ۇزىندىعى 5868 كيلومەترگە جەتەدى، ونىڭ 717 كيلومەترى جوعارى جىلدامدىقتى تەمىر جول بولادى.

    − تاس جول قۇرىلىسى تۋرالى ايتساق، قاشقار - قاشقار جاڭاشار جوعارى جىلدامدىقتى تاس جولى، G7 بەيجيڭ - شينجياڭ جوعارى جىلدامدىقتى تاس جولىنىڭ قۇمىل بولىگى سياقتى 30 نەشە ءتۇيىندى تاس جول قۇرىلىسى سالىندى؛ ورتا ارناداعى «ليانيۇنگاڭ - قورعاس وتكەلى جوعارى جىلدامدىقتى» اۆتوداڭعىلى جەلى بويىنشا تۇتاستى ءارى كەڭەيتىپ سالىندى، وڭتۇستىك - سولتۇستىك شينجياڭ جوعارى جىلدامدىقتى اۆتوداڭعىلى جەلى بويىنشا تۇتاستى. 2016 - جىلدىڭ اياعىنا دەيىن، شينجياڭدا تاس جولدىڭ جالپى ۇزىندىعى 180 كيلومەتردەن استى، ونىڭ 4395 كيلومەترى جوعارى جىلدامدىقتى تاس جول.

    قازىر اۆتونوميالى رايونىمىز كورشىلەس 8 مەملەكەتتىڭ ىشىندە 5 مەملەكەتپەن 111 حالىقارالىق تاس جول تاسىمال جەلىسىن اشتى، بۇل كورسەتكىش مەملەكەت بويىنشا ءبىرىنشى ورىندا تۇرادى.

    − ازاماتتىق اۆياتسيا تۋرالى ايتساق، 18 اۋەجاي سالىنىپ بولدى جانە پايدالانۋعا بەرىلدى، بۇل اۆتونوميالى رايونىمىزداعى بارلىق ايماق، وبلىس، قالانى تولىق قامتيدى، بۇدان سىرت، 6 تارماق اۋەجاي كەڭەيتىلىپ سالىنۋدا نەمەسە سالىنۋدا. ءۇرىمجى حالىقارالىق اۋەجايى ەلىمىزدىڭ ورتا ازيا، باتىس ازيا باعىتى بويىنشا حالىقارالىق اۆياتسيا تورابىنا اينالدى، شىعىسپەن بىرلەسىپ باتىسقا شىعارۋدىڭ كەشەندى جانە اۋقىمدى كولىك جەلىسى بىرتىندەپ قالىپتاسىپ كەلەدى.

جاۋاپتى رەداكتور:سايراش تۇرارجان قىزى