پارتيا بەلگىسىنىڭ شۋاعى داشيدى نۇرلاندىردى

    شيا چيڭ

    19 - ماۋسىم تاڭ سارىدە لوپنۇر اۋدانى شيڭپيڭ اۋىلى داشي قىستاعى تۇرعىندار كوميتەتىنىڭ اۋلاسى مەملەكەت تۋىن شىعارۋ سالتىنا قاتىناسۋعا كەلگەن ءار ۇلت اۋىلداستارىنا لىق تولدى. بەس جۇلدىزدى قىزىل تۋ، ايبىندى دا اسقاق مەملەكەت گيمنى، تۋعا قادالعان كوزدەر... ءبىرىنشى قاتارعا ءتىزىلىپ تۇرعان ساۋۇر ماڭلىكتىڭ كەۋدەسىندەگى پارتيا زناگى ەرەكشە كوز تارتىپ تۇردى.

    ساۋۇردىڭ قاراۋىنشا، پارتيا زناگى − جاۋاپكەرشىلىك جانە مىندەت ارقالاۋ بولماق. «تولىمدى پارتيا مۇشەسى، جارامدى شۋجي بولۋ ءۇشىن پارتيا زناگىن كەۋدەگە تاعىپ الۋمەن عانا جەتكىلىكتى بولمايدى، مۇندا، ەڭ ماڭىزدىسى، ناقتى ءىس ىستەۋ، تەك ناقتى ءىس ىستەيتىن بولساق عانا، بۇقارانىڭ قۇپتاۋىنا جانە سەنىمىنە قول جەتكىزۋگە بولادى»، - دەدى ساۋۇر تەرەڭ سۇيىسپەنشىلىكپەن.

    ساۋۇر داشي قىستاعىندا تۋىپ، داشي قىستاعىندا ەسەيىپ - ەرجەتكەن، ىلگەرىندى - كەيىندى داشي قىستاعى پارتيا ياچەيكاسىنىڭ شۋجيى، پارتكوم شۋجيى مىندەتىن 30 نەشە جىل اتقارعان. ول باستان - اياق پارتيانىڭ باسشىلىعىن قولداپ، پارتيانىڭ مەيىر - شاپاعاتىن ۇمىتپاي، ءار ۇلت بۇقاراسىن پارتياعا بۇلجىماي ىلەسۋگە ىنتىماقتاستىرا باستادى. مىنە بۇل ونىڭ ومىرلىك سەنىمى جانە ۇمتىلىسى.

    ساۋۇردىڭ باسشىلىعىندا داشي قىستاعى ۇلتتاردىڭ ۇلى ىنتىماعى تۋىن باستان - اياق بيىك ۇستاپ، پارتيانىڭ باعىت - ساياساتتارىن باتىل دايەكتىلەندىرىپ، كەشەگى «سورتاڭدى توپىراقتى، كەدەي قىستاقتى» بۇگىنگى «دوڭگەلەك داۋلەتتى قىستاققا، جۇلدىزدى قىستاققا» اينالدىردى. ساۋۇردىڭ «قالتانى قامپايتىپ، رۋحتى كوتەرۋ» سىندى قىستاق قۇرۋ ۇستانىمى ءار ۇلت قىستاق تۇرعىندارىنىڭ رۋحاني قان تامىرىنا تەرەڭ بويلادى. 2016 - جىلى داشي قىستاعىنىڭ كوللەكتيۆ ەكونوميكالىق كىرىسى 2 ميلليون 600 مىڭ يۋانعا، قىستاق تۇرعىندارىنىڭ ادام باسىنا تۋرا كەلەتىن تازا كىرىسى 29 مىڭ 727 يۋانعا جەتتى.

    «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىنىڭ جاپپاي قامتۋىنا، ناقتى ونىمدىلىك كورسەتۋىنە كەپىلدىك ەتۋ ءۇشىن، ساۋۇر الدىمەن ونەگە كورسەتتى، ءتۇرلى ۇيرەنۋ مازمۇندارىن الدىمەن ءوزى ۇيرەندى، پارتيا مۇشەلەرى جيىنىندا پارتيا مۇشەلەرىنە ارناۋلى پارتيا ساباعىن سويلەدى، «<ەكىنى ۇيرەنۋ، بىردە تولىمدى بولۋ> ۇيرەنۋ - تاربيەسىن قايتكەندە اناعۇرلىم جاقسى ورىستەتۋ توڭىرەگىندە ويىن، شاراسىن، تۇسىنىگىن اڭگىمەلەدى. ساۋۇر «3 ءماجىلىس، ءبىر ساباقتى» پارتيالىلىق شىڭدالۋداعى پارمەندى تۇتقا ەتىپ، ءوزى قاراستى پارتكومنىڭ ۇيىمدىق تۇرمىسىنا تاباندىلىقپەن قاتىناسىپ، ءار ايدا پارتيا مۇشەلەرىنە ساباق وتۋگە، ۇيىمدىق تۇرمىس جيىنىندا باستاماشىلدىقپەن سىن جانە ءوز - وزىنە سىن ايتۋعا تاباندى بولىپ، پارتيا مۇشەلەرى قوسىنىنىڭ پارتيالىلىق ۇستانىمىنىڭ جاپپاي جوعارىلاۋىن ىلگەرىلەتتى.

    ساۋۇر پارتيالىلىق شىڭدالۋدا، ۇزدىك نەگىزگى ساتى پارتيا ۇيىمىن قۇرىپ، تاڭداۋلى پارتيا مۇشەسى بولۋدا، قاي - قاشان دا الدا جۇرۋگە تاباندى بولىپ، پارتيا مۇشەلەرىنە ۇلگى بولىپ، ءۇنسىز ارەكەتى ارقىلى ىسىلعان پارتيا مۇشەلەرى قوسىنىن سومداپ، ءار ۇلت پارتيا مۇشەلەرىنىڭ، بۇقارانىڭ تىلەگىن تىعىز ۇيىستىردى.

    تالاي جىلدان بەرى ساۋۇردىڭ دارىپتەۋىندە داشي قىستاعى پارتيا مۇشەلەرى مەن كادرلاردىڭ كەدەي وتباسىلارىمەن بايلانىس ورناتۋ، پارتيا مۇشەلەرىنىڭ مىندەتتى مەيىر - شاپاعات جەتكىزۋ - سۇيەمەلدەۋ كۇنى، اۋقاتتى وتباسىلارىنىڭ كەدەي وتباسىلارىمەن جۇپ قۇراپ، سۇيەمەلدەۋ قيمىلدارىن ۇزبەي ورىستەتىپ، پارتيا مۇشەلەرى مەن كادرلاردىڭ «5 ولشەمى» مەن «بەستە باستاماشى بولۋىن» العا قويدى. وسى ادىستەر ارقىلى پارتيا مۇشەلەرى مەن بۇقارا سىرلاسىپ، بىرگە ىستەپ، جۇرەكتەرى توعىستى.

    قۇر ايعايدان ناق ءىس ارتىق. ساۋۇر «ءبىر ناندى ءبولىپ جەدى»، «ىنتىماق توعانىن قول ۇستاسا بىرگە سالدى» سياقتى بۇقارانىڭ جانىنداعى جاندى مىسالدار ارقىلى كوپشىلىككە تاربيە جۇرگىزىپ، جەتەلەپ، پارتياعا العىس ايتۋ قيمىلىن كۇش سالا ورىستەتىپ، اي سايىن نەگىزگى تاقىرىپ، اپتا سايىن قيمىل بولۋعا كەپىلدىك ەتتى. بيىل جىل باسىندا بولشەكتەۋشىلىككە قارسى تۇرۋ كۇرەسى تاربيەسى مەن «ۇشقارىلىقتى الاستاۋ» جونىندەگى ۇگىت - تاربيەنى ىلگەرىلەتۋ ءۇشىن ساۋۇر قىستاقتاعى پارتيا مۇشەلەرى مەن كادرلاردى باستاپ، كولەمدى ۇگىت - ءناسيحات جۇرگىزىپ، ىرىقتىلىقپەن باتىل ءۇن قاتىپ، ايقىن پوزيتسيا ءبىلدىرىپ، شينجياڭنىڭ دامۋ تاريحىنا كوز جىبەرىپ، پارتيانىڭ حالىققا ءتيىمدى ابزال ساياساتتارىن ۇگىتتەپ، «ءۇش ءتۇرلى كۇشپەن» جانە «ەكىبەتكەيلەرمەن» تۋى ايقىن تۇردە باتىل كۇرەس جۇرگىزدى ءارى قىستاق تۇرعىندارىن باستاپ، «پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، زولىقتى كۇش لاڭكەستەرىن تامىرىمەن تۇبەگەيلى الاستايىق» تاقىرىبىندا باتىل ءۇن قاتىپ، ايقىن پوزيتسيا ءبىلدىرۋ ماقالاسىن جاريالاپ، كۇشتى اڭىس قوزعادى.

    ساۋۇر «كىمنىڭ ۇيىندە قيىنشىلىق جوق دەيسىڭ. ۇلتتار اعا - ىنىدەي ءبىر - بىرىمىزگە قارايلاسۋىمىز كەرەك» دەگەن ءسوزدى ۇنەمى ايتاتىن. قازىر داشي قىستاعى از ۇلتتار مەن حانزۋلاردىڭ جۇپ قۇراۋ قيمىلىن ءۇرتىس 23 جىل وتكىزدى ءارى ءوزارا ءتىل ۇيرەنۋ، مەرەكە - مەيرامداردا ءبىر - بىرىنە امانداسا بارۋ، وندىرىستە ءوزارا كومەكتەسۋ، قيىنشىلىق بولعاندا ءبىر - بىرىنە كومەكتەسۋ، توي - تومالاقتا ءبىرىن - ءبىرى قۇتتىقتاۋ، ءنازىر - شىراق ىستەرىن بىرگە وتكىزۋ سىندى ۇلتتار ىنتىماعىنىڭ «6 ءوزارا» قيمىلىن ۇدايىلاندىرىپ، ءار ۇلت تۇرعىندارىنىڭ جاقسى باعاسىن الدى.

    ساۋۇردىڭ قاجىرلى ەڭبەگىن پارتيا ۇيىمى مەن بۇقارا تولىق تۇراقتاندىردى. ول ىلگەرىندى - كەيىندى مەملەكەتتىك ءمورال ۇلگىسى جانە مەملەكەتتىك تاڭداۋلى پارتيا ىستەرى قىزمەتكەرى، مەملەكەتتىڭ «ۇلى وتاندى قىزۋ ءسۇيىپ، كورىكتى مەكەن قۇرايىق» تاقىرىپتىق تاربيە قيمىلىنداعى وزات، دەمالىسقا، پەنسياعا شىققان كادرلاردىڭ مەملەكەتتىك وزاتى، اۆتونوميالى رايوندىق تاڭداۋلى پارتيا مۇشەسى سياقتى داڭقتى اتاقتاردى الدى.

جاۋاپتى رەداكتور:سايراش تۇرارجان قىزى