رەفورمادان كۇش - قۋات الىپ، جىلدىق نىسانالى مىندەتتەردىڭ جاپپاي ورىندالۋىنا كەپىلدىك ەتىپ، قوعام ورنىقتىلىعى مەن باياندى تىنىشتىقتى ىسكە اسىرۋعا بەرىك نەگىز قالايىق

    اۆتونوميالى رايوندىق پارتكومنىڭ تۇراقتى كوميتەت ءماجىلىسى باس شۋجي شي جينپيڭنىڭ ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 36 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى جانە ۇيرەندى، قازىرگى ەكونوميكالىق جاعداي مەن ەكونوميكالىق قىزمەتتى تالدادى جانە زەرتتەدى

    چىن چۋانگو ءماجىلىستى باسقاردى

    اۆتونوميالى رايوندىق پارتكوم 6 - شىلدە كۇنى تۇستەن بۇرىن تۇراقتى كوميتەتتىڭ ءماجىلىسىن اشىپ، باس شۋجي شي جينپيڭنىڭ ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 36 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى جانە ۇيرەندى، قازىرگى ەكونوميكالىق جاعداي مەن ەكونوميكالىق قىزمەتتى تالدادى جانە زەرتتەدى. ءماجىلىستى اۆتونوميالى رايوندىق پارتكومنىڭ شۋجيى چىن چۋانگو باسقاردى.

    ماجىلىستە مىنالار اتاپ كورسەتىلدى: باس شۋجي شي جينپيڭنىڭ ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 36 - رەتكى ماجىلىسىندە سويلەگەن ماڭىزدى سوزىندە ءتۇرلى رەفورمانى سايكەستىرۋدى ويداعىداي يگەرىپ، رەفورمانىڭ جالپى تيىمدىلىگىن ساۋلەلەندىرۋدىڭ جەتەكشى يدەياسى، نەگىزگى پرينسيپتەرى جانە ناقتى تالاپتارى ايقىندالىپ، رەفورمانى تەرەڭدەتۋگە باعىت - باعدار سىلتەنىپ، تۇبەگەيلى ۇستانىم ازىرلەندى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، رەفورمانى جاپپاي تەرەڭدەتۋدىڭ جۇيەلىلىگىنە، تۇتاستىعىنا، سايكەستىگىنە ونان سايىن نازار اۋدارىپ، ءتۇرلى رەفورمانى سايكەستىرۋ مەن ۇيلەستىرۋگە ونان سايىن نازار اۋدارىپ، رەفورمانى جان - جاقتى جوسپارلاپ، جوعارى دەڭگەيدە جوبالاۋعا ونان سايىن نازار اۋدارىپ، رەفورما جوبالارىن ناقتىلاندىرۋ، تياناقتاندىرۋ مەن رەفورمانىڭ جالپىلىق جەتىستىكتەرىنە ونان سايىن نازار اۋدارىپ، ءتۇرلى رەفورما شاراسىنىڭ ساياساتتىق بەيىم جاعىنان ءوزارا ۇيلەسۋىن، اتقارۋ بارىسىندا ءبىرىن - ءبىرى جەبەۋىن، رەفورمانىڭ جەتىستىكتەرى جاعىندا ءوزارا ساي كەلۋىن ىلگەرىلەتىپ، رەفورمانى جاپپاي تەرەڭدەتۋدىڭ باس نىساناسىنا نازاردى شوعىرلاندىرىپ، كۇشتەردى جۇمىلدىرۋ كەرەك.

    ماجىلىستە اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ەكونوميكانىڭ الدىڭعى جارتى جىلداعى اينالىم جاعدايىنان جاساعان مالىمەتى تىڭدالدى. ماجىلىستە مىنالار اتاپ كورسەتىلدى: جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىمەن، اۆتونوميالى رايوندىق پارتكوم، ۇكىمەت پارتيا 18 - قۇرىلتايى مەن پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جانە ورتالىقتىڭ ەكونوميكالىق قىزمەت ءماجىلىسىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن، اسىرەسە، شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، ەكونوميكالىق دامۋدىڭ جاڭا قالىبىنا بەلسەندى تۇردە بەيىمدەلدى، الدىڭعى جارتى جىلدا اۆتونوميالى رايوننىڭ ەكونوميكاسىنىڭ ءوسۋى ءبىرشاما تەز بولدى، دامۋ ساپاسى كوتەرىلىپ، قۇرىلىمى ۇزدىكسىز ساپالىلاندى، رەفورما ىشكەرىلەي ىلگەرىلەپ، ەسىك اشۋعا تىڭ تىنىس بەرىلدى، حالىق تۇرمىسى شىنايى جاقسارىپ، قورشاعان ورتانى قورعاۋ ساناسى كۇشەيدى، ورنىقتىلىق بارىسىندا ىلگەرىلەۋ، ورنىقتىلىق بارىسىندا جاقسارۋ تاماشا اۋقىمى جارىققا شىقتى. قوعام ورنىقتىلىعى مەن باياندى تىنىشتىق باس نىساناسىن بەرىك ارقاۋ ەتىپ، سەنىمدى بەكەمدەپ، قيىنشىلىقتى جەڭە ورگە ۇمتىلىپ، دامۋ تۇيتكىلدەرىن رەفورما ارقىلى شەشىپ، جىلدىق نىسانالى مىندەتتەردىڭ تولىق ورىندالۋىنا كەپىلدىك ەتۋ كەرەك. ءبىرىنشى، جاڭا دامۋ ۇستانىمدارىن دايەكتىلەندىرۋ، تياناقتاندىرۋ كەرەك. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىن بەرىك ورناتىپ، دايەكتىلەندىرىپ، تياناقتاندىرىپ، قىزمەتتىڭ ورنىقتىلىق بارىسىندا ىلگەرىلەۋدەي نەگىزگى اۋەنىنەن جازباي، ەكونوميكالىق دامۋدىڭ جاڭا قالىبىنا سايكەسىپ، ونى يگەرىپ، وعان جەتەكشىلىك ەتىپ، دامۋدىڭ ساپاسى مەن تيىمدىلىگىن كوتەرۋدى وزەك ەتىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن جاپپاي جاقسى ىستەۋ كەرەك. ەكىنشى، قامداۋ جاعىنداعى قۇرىلىمدىق رەفورمانى تەرەڭدەتۋ كەرەك. «ءۇشتى جويۋ، ءبىردى تومەندەتۋ، ءبىردى تولىقتىرۋدى» تاباندىلىقپەن ىلگەرىلەتىپ، ءتيىمسىز، ۇتىمسىز قامداۋدى ازايتىپ، ءتيىمدى قامداۋدى ۇلعايتىپ، ءداستۇرلى قوزعاۋشى كۇشتى جاڭالاپ جانە جوعارىلاتىپ، دامۋدىڭ جاڭا قوزعاۋشى كۇشتەرىن بارىنشا جەتىلدىرۋ كەرەك. ءۇشىنشى، ەرەكشە شارۋاشىلىقتاردى جەتىلدىرۋ، زورايتۋ كەرەك. 1 - كاسىپتىڭ دەڭگەيىن كوتەرۋگە، 2 - كاسىپتە تۇيىندەردى يگەرۋگە، 3 - كاسىپتى قاۋىرت دامىتۋعا تاباندى بولىپ، اۋىل شارۋاشىلىعىنىڭ ساپاسىن كوتەرىپ، تيىمدىلىگىن ارتتىرۋعا، ونەركاسىپتىڭ تيپىن جاڭالاپ، دارەجەسىن جوعارىلاتۋعا، قىزمەت كورسەتۋ سالاسىن جەدەل دامىتۋعا دەم بەرىپ، ناقتى ەكونوميكانى دامىتۋعا قولداۋ كورسەتىپ، شينجياڭ ەرەكشەلىگىندەگى وسى زامانعى شارۋاشىلىق جۇيەسىن ورناتۋ كەرەك. ءتورتىنشى، نەگىزدىك قۇرىلعى قۇرىلىسىن جەدەلدەتۋ كەرەك. كولىك قاتىناسى، سۋ، ەنەرگيا كوزى، بايلانىس سياقتىلاردى ءتۇيىن ەتكەن نەگىزدىك قۇرىلعى قۇرىلىستارىن كۇشپەن ىلگەرىلەتىپ، ونىڭ اۆتونوميالى رايون ەكونوميكاسىنىڭ وسۋىنە جاسايتىن شەشۋشى جەتەكتەۋشىلىك رولىن تولىق ساۋلەلەندىرىپ، دامۋدىڭ تۇيتكىلدەرى مەن تۇساۋلارىن جويۋ كەرەك. بەسىنشى، رەفورمانى ۇزدىكسىز تەرەڭدەتۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىم - ورنالاستىرۋلارىن جاپپاي تياناقتاندىرىپ، ءتۇيىندى سالالار مەن شەشۋشى بۋىندارداعى رەفورمانى جەدەل ىلگەرىلەتىپ، رەفورمانىڭ ەكونوميكالىق، قوعامدىق دامۋداعى جەتەكشىلىك رولىن تولىق ساۋلەلەندىرۋ كەرەك. التىنشى، قازىنا - فينانستىڭ تىرەكتىك رولىن ويداعىداي ساۋلەلەندىرۋ كەرەك. مەجە ەسەپتى باسقارۋدى كۇشەيتىپ، قازىنالىق شىعىستى ساپالىلاندىرىپ، قازىنالىق قاراجاتتىڭ تۇرتكىلىك رولى مەن اۋقىمدى اسەرىن ويداعىداي ساۋلەلەندىرۋ كەرەك. فينانس سۋبيەكتىلەرىن كوبەيتىپ جانە كۇشەيتىپ، بانكەلەر مەن كاسىپورىنداردىڭ ءتۇيىسۋىن نىعايتىپ، ءتۇرلى فينانس قۇرىلىمدارىن جەرگىلىكتى ەكونوميكالىق، قوعامدىق دامۋعا بەلسەندى تۇردە قىزمەت كورسەتۋگە دەمەۋ، جەتەكتەۋ كەرەك. جەتىنشى، كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتۋ كەرەك. باس شۋجي شي جينپيڭنىڭ اۋىر كەدەي وڭىرلەردىڭ كەدەيلىكتەن قۇتىلدىرۋدان قامال الۋى جونىندەگى اڭگىمە ماجىلىستە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، سۇيەۋ جۇيەسىن كۇشەيتىپ، ساياساتتىق بەيىمدەۋدى ارتتىرىپ، دالمە - ءدال كۇش جۇمساۋعا نازار اۋدارىپ، بەرىك قامالدى تالقانداۋعا كۇش جۇمىلدىرىپ، اۆتونوميالى رايوننىڭ كەدەيلىكتەن قۇتىلدىرۋدان قامال الۋ مىندەتتەرىن باتىل، ۋاعىندا ورىنداۋ كەرەك. سەگىزىنشى، قورشاعان ورتانى قورعاۋدى شىنايى كۇشەيتۋ كەرەك. قورشاعان ورتانى قورعاۋدىڭ ءوزى وندىرگىش كۇشتەردى قورعاعاندىق، جاسىل تاۋ، تۇنىق سۋدىڭ ءوزى بايلىق دەيتىن ۇستانىمدى بەرىك ورناتىپ، «ۇشتە جوعارى» نىسانداردىڭ شينجياڭعا كىرۋىنە قاتاڭ تيىم سالىپ، ءتۇيىندى ەكولوگيالىق ينجەنەريالار قۇرىلىسىن بەلسەندىلىكپەن ىلگەرىلەتىپ، ەكولوگيالىق وتەم مەحانيزمىن ورناتىپ، لاستانۋدان ساقتانۋ مەن قۇمنان قورعانۋ، قۇمايتتانۋدى جونگە سالۋ تەبىنىن ارتتىرىپ، شينجياڭنىڭ اسپانىنىڭ اشىق، جەرىنىڭ جاسىل، سۋىنىڭ تۇنىق بولا بەرۋىنە كەپىلدىك ەتۋ كەرەك. توعىزىنشى، جىبەك جولى ەكونوميكالىق بەلدەۋى وزەكتى رايونىنىڭ قۇرىلىسىن جەدەلدەتۋ كەرەك. باس شۋجي شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىندەگى لەكسياسى مەن ارناۋ ءسوزىنىڭ رۋحىن دايەكتىلەندىرۋ، تياناقتاندىرۋدى قوزعاۋشى كۇش ەتىپ، «ءبىر بەلدەۋ، ءبىر جول» مەملەكەتتىك ستراتەگياسىنا ءتىپتى ويداعىداي ارالاسىپ، بەس ۇلكەن وزەكتى قۇرىلىستى جەدەلدەتىپ، ءتۇيىندى نىسانداردىڭ تياناقتانۋىن ىلگەرىلەتىپ، ەكونوميكانىڭ جاڭا ءوسۋ تۇيىندەرىن جەتىلدىرۋ كەرەك. ونىنشى، ارتىقشىلىقتاردى ساۋلەلەندىرۋگە كوڭىل ءبولۋ كەرەك. مەملەكەتتىڭ ءتيىمدى ساياساتتارىنان ويداعىداي، جاندى پايدالانىپ، ارناعا كەلتىرۋدى، تياناقتاندىرۋدى ىلگەرىلەتىپ، ساياسات ارتىقشىلىقتارىن شىن مانىندە دامۋ ارتىقشىلىقتارىنا اينالدىرۋ كەرەك. «بەسكە، ءسوز جوق، تاباندى بولۋ»، «التىعا ونان سايىن ءمان بەرۋ» تالابى بويىنشا، شينجياڭعا باعىتتامالى كومەكتەسۋ قىزمەتىن جاقسى ىستەپ، بەلسەندى، ىرىقتى تۇردە ءتۇيىستىرىپ، ىشكى قوزعاۋشى كۇشتى نىعايتىپ، قوعامنىڭ ورنىقتىلىعىنا، ەكونوميكانىڭ دامۋىنا، كەدەيلىكتەن قۇتىلدىرۋدان قامال الۋعا، حالىق تۇرمىسىنىڭ جاقسارۋىنا، ۇلتتار ىنتىماعىنا كۇش - قۋات ۇستەۋ كەرەك.

    ماجىلىستە مىنالار باسا دارىپتەلدى: پارتيانىڭ ەكونوميكالىق قىزمەتكە باسشىلىعىن شىنايى كۇشەيتۋ جانە جاقسارتۋ كەرەك. پارتكومنىڭ ءبىر تۇتاس باسشىلىعىمەن، ەكى باسشىلىق القا ورنىقتىلىق پەن دامۋ سىندى ەكى ۇلكەن ءىستى بەرىك يگەرۋگە تاباندى بولۋ كەرەك، ءار دارەجەلى باسشى كادرلار ەكونوميكالىق، قوعامدىق دامۋعا باسشىلىق ەتۋ قابىلەتى مەن دەڭگەيىن ۇزدىكسىز جوعارىلاتۋ كەرەك. «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىنىڭ ۇدايىلانۋى مەن تۇزىمدەنۋىن ىلگەرىلەتىپ، «ۇيرەنۋ، بۇرىلىس جاساۋ، جەبەۋ» ارناۋلى قيمىلىن ۇزدىكسىز قانات جايدىرىپ، ستيلگە شىنايى بۇرىلىس جاساپ، باسشى كادرلار كاسىپورىندارمەن بايلانىس جاساۋ ءتۇزىمىن كەمەلدەندىرىپ، كاسىپورىندارعا، ءبىرىنشى شەپكە بويلاپ، ماسەلەلەردى بايقاۋ جانە شەشۋ كەرەك. قۋزاۋ - تەكسەرۋدى كۇشەيتىپ، ءتۇرلى ساياسات - شارالاردىڭ تىڭعىلىقتى تياناقتانۋىن ىلگەرىلەتىپ، تۇتاس جىلدىق نىسانالى مىندەتتەردىڭ جاپپاي ورىندالۋىنا كەپىلدىك ەتىپ، «13 - بەسجىلدىقتىڭ» نىسانالى مىندەتتەرىن ىسكە اسىرىپ، جاپپاي دوڭگەلەك داۋلەتتى قوعام قۇرۋعا بەرىك نەگىز قالاۋ كەرەك.

    ماجىلىستە «اۆتونوميالى رايوننىڭ اۋىل - قىستاق رەفورماسىن تەرەڭدەتۋدىڭ كەشەندى اتقارۋ جوباسى» قارالدى جانە ماقۇلداندى.

    ماجىلىسكە اۆتونوميالى رايون باسشىلارىنان شوكىرات زاكىر، نايىم ياسىن، سۇن جينلۇڭ، لي پىڭشين، شاۋكەت يمىن، شۇي حايرۇڭ، ما شۋەجۇن، لو دۇڭچۋان، سارقىت اقان ۇلى، پىڭ جيارۇي قاتىناستى.

جاۋاپتى رەداكتور:سايراش تۇرارجان قىزى