چىن چۋانگو قاشقاردا تەكسەرۋ - زەرتتەۋ جۇرگىزگەندە باس نىسانانى ارقاۋ ەتىپ، ورنىقتىلىق، دامۋ قىزمەتتەرىن ءبىر تۇتاس ىلگەرىلەتىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋدى باسا دارىپتەدى

    

    جۋ حايلۇن تەكسەرۋ - زەرتتەۋدە بىرگە بولدى اۆتونوميالى رايوندىق پارتكومنىڭ شۋجيى چىن چۋانگو 4 - شىلدە كۇنى قاشقار ايماعىندا تەكسەرۋ - زەرتتەۋ جۇرگىزدى. چىن چۋانگو شينجياڭ مەيلي - اۋ كيىم - كەشەك شەكتى سەرىكتەستىگىنە بارىپ، جۇمىسشى - قىزمەتكەرلەرمەن ىقىلاستى تۇردە اڭگىمەلەسىپ، ولاردىڭ تۇرمىس جانە ەڭبەكاقى جاعدايىن ۇعىستى

    4 - شىلدەدە اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن مۇقيات دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدى جەتەكشى، ەكونوميكالىق دامۋ مەن حالىق تۇرمىسىن جاقسارتۋدى نەگىز، وتاننىڭ تۇتاستىعىن، ۇلتتاردىڭ ىنتىماعىن قورعاۋدى ءتۇيىن ەتىپ، ورنىقتىلىق، دامۋ قىزمەتتەرىن ءبىر تۇتاس ىلگەرىلەتىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.

    اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن تەكسەرۋ - زەرتتەۋدە بىرگە بولدى.

    شىلدە ايىنداعى قاشقار جاسىل جەلەك جامىلعان، قاۋىن - قاربىز، جەمىس - جيدەكتىڭ حوش ءيىسى مۇرىن جارادى. چىن چۋانگو زاۆودتارعا، الەۋمەتتىك اۋماقتارعا بارىپ، ءار ۇلت كادرلارى مەن بۇقاراسىنا شىن ىقىلاسپەن امانداسىپ، ولاردان حال سۇرادى، جەرگىلىكتى ورىننىڭ قوعام ورنىقتىلىعى، كاسىپتەرىنىڭ دامۋى، ۇلتتار ىنتىماعى جانە نەگىزگى ساتى ۇيىمدىق قۇرىلىسى سياقتى احۋالداردى ەگجەي - تەگجەيلى ۇعىستى.

    شىنجىن كاسىپ باقشاسى − قاشقار ەكونوميكالىق اشۋ رايونىنىڭ ماڭىزدى قۇرامداس ءبولىمى، وعان 25 كاسىپورىن ىرگە تەپكەن، مۇنىڭ 21ى ەڭبەك شوعىرلانعان كاسىپورىن، 3699 ادامنىڭ جۇمىستانۋ ماسەلەسىن شەشىپ وتىر. چىن چۋانگو باقشا رايونىنىڭ دامۋ جوباسى جانە ساۋداگەر شاقىرىپ، قارجى ەنگىزۋ جاعدايى جونىندەگى مالىمەتتى دەن قويا تىڭدادى. ول بىلاي دەپ باسا دارىپتەدى: «ءبىر بەلدەۋ، ءبىر جول» سىندى مەملەكەتتىك ستراتەگيانىڭ كەلەلى ورايىن مىقتى ۇستاپ، وڭىرلىك ورىن باسىمدىعىن، ساياسات باسىمدىعىن جانە شينجياڭعا كومەكتەسۋ باسىمدىعىن تولىق ساۋلەلەندىرىپ، كاسىپتەردىڭ شوعىرلانۋىن تەزدەتىپ، ەرەكشە كاسىپتەر شوعىرىن جەتىلدىرىپ، باقشا رايونىن قاشقاردىڭ جاڭا ەكونوميكالىق ارتۋ ءتۇيىنى ەتىپ جەتىلدىرۋگە قۇلشىنۋ كەرەك.

    شينجياڭ مەيلي - اۋ كيىم - كەشەك شەكتى سەرىكتەستىگىندە 4 ءوندىرىس سەحى بار، وندا 1300دەن استام جۇمىسشى جۇمىس ىستەيدى، 2017 - جىلعى ءونىم قۇنىنىڭ 100 ميلليون يۋان بولاتىندىعى مەجەلەنىپ وتىر. چىن چۋانگو سەرىكتەستىكتىڭ ونىمدەر كورمەسى زالىنا جانە ءوندىرىس سەحىنا كىرىپ، سەرىكتەستىكتىڭ ءوندىرىس، تيجارات، جۇمىستانۋعا دەم بەرۋ، جۇمىسشى - قىزمەتكەرلەردىڭ يگىلىگى سياقتى جاعدايلاردى تاپتىشتەي ۇعىستى. سەحتا چىن چۋانگو پاتىگۇل ۇسەيىن ەسىمدى جۇمىسشىمەن شىن ىقىلاسپەن اڭگىمەلەستى. ونىڭ ءبىر ايدا 3000 يۋاننىڭ ۇستىندە كىرىس تاباتىندىعىن، سەرىكتەستىكتىڭ تەگىن تاماق، جاتىن ورىنمەن قامداپ وتىرعانىن ەستىپ قاتتى قۋانعان چىن چۋانگو پاتىگۇلدى قىزمەتتى جاقسى ىستەپ، ەڭبەكشىل قوس قولىنا سۇيەنىپ، كەدەيلىكتەن قۇتىلىپ اۋقاتتانۋعا ىنتالاندىردى. سەحتان شىققاندا، ءوزىنىڭ كەلگەنىن ەستي سالا جەتكەن بىرنەشە ايەل جۇمىسشىنى كورگەن چىن چۋانگو ولارعا بارىپ ەسەندەستى.

    «ەڭبەكاقىلارىڭا كوڭىلدەرىڭ تولا ما؟ تاماقتارىڭ قانداي؟» دەپ كوڭىل بولە سۇراعان چىن چۋانگونىڭ سۇراۋىنا كوپشىلىك: وسى ارادا جۇمىس ىستەگەنىمىزگە وتە قۋانىشتىمىز، كىرىسىمىزگە دە ەرەكشە رازىمىز، - دەپ جاۋاپ بەردى. چىن چۋانگو بىلاي دەدى: ايەلدەر «جارتى الەم»، سىرتقا شىعىپ جۇمىس ىستەسەڭدەر، كوز ايالارىڭ كەڭەيەدى، وتباسىلارىڭنىڭ تۇرمىس جاعدايى دا جاقسارادى، ءتىپتى كوپ ايەلدەر قاۋىمىن جۇمىس ىستەۋگە باستاپ، وتباسىلارىڭنىڭ ەرتەرەك دوڭگەلەك داۋلەتكە جەتۋىنە كومەكتەسىڭدەر.

    قاشقار قالاسى داۋلەتباق اۋىلىنىڭ ىنتىماق شاعىن تۇرعىندار اۋماعىندا چىن چۋانگو تۇرعىندار اۋماعىنىڭ حالىققا قولايلى قىزمەت كورسەتۋ ورتالىعى مەن حالىققا قولايلى ساقشى ىستەرى پۋنكتىنە كەلىپ، كەزەكشىلىكتە وتىرعان قىزمەتكەرلەرمەن ىقىلاسپەن اڭگىمەلەستى. چىن چۋانگو بىلاي دەدى: سەندەر − پارتيا مەن ۇكىمەتتىڭ بۇقارامەن بايلانىس جاساۋداعى كوپىرى جامە دانەكەرىسىڭدەر، حالىق ءۇشىن ىستەۋ تانىمىن مىقتاپ ورناتىپ، جۇرەكتەر اراسىندا دانەكەر بولىپ، سوڭعى شاقىرىمعا دەيىن اشىپ، ءار ۇلت بۇقاراسىنا ساپالى قىزمەت كورسەتىپ، حاۋىپسىز، جاراسىمدى ورتا ازىرلەۋلەرىڭ كەرەك. تۇرعىندار اۋماعىنىڭ قيمىل ورتالىعىندا ءار ۇلت تۇرعىندارى انگە جاتتىعىپ جاتقان ەدى. الەۋمەتتىك اۋماق پارتيا ياچەيكاسىنىڭ شۋجيى ءمۇنيرا نۇرمامەت: شاعىن تۇرعىندار اۋماعىنداعى تۇرعىندار 7 ۇلتتان قۇرالعان، كوپشىلىك ءار كۇنى اڭگىمەلەسىپ، سىرلاسىپ تۇرادى، اپتا سايىن قيمىل وتكىزەدى، وتە تاتۋ - ءتاتتى تۇرادى. چىن چۋانگو: شينجياڭ ەجەلدەن كوپ ۇلتتى رايون، ءار ۇلت كورىكتى مەكەنىن بىرگە قورعاۋى، گۇلدەندىرۋى كەرەك، − دەپ اتاپ كورسەتتى. كوڭىلدى ءان اۋەنى ىشىندە چىن چۋانگو كوپشىلىكتىڭ ءتىپتى باقىتتى ءومىر كەشىرۋىن، تۇرعىندار اۋماعىنداعى ۇلتتار ىنتىماعى گۇلىنىڭ ءتىپتى جايقالا اشىلۋىن تىلەدى.

    ابلىمەت كۇبيدىڭ ۇيىنە بارعاندا چىن چۋانگو ءبىر ءۇيلى جانمەن بىرگە وتىرىپ، كوڭىلدى تۇردە اڭگىمە دۇكەنىن قۇرىپ، ولاردىڭ تۇرمىس جاعدايىن تاپتەشتەي سۇرادى. 70 جاستاعى ابلىمەت كۇبيدىڭ ساقا پارتيا مۇشەسى ەكەندىگىنەن حابار تاپقان چىن چۋانگو ونى وزىندىك باسىمدىعىڭىزدى تولىق ساۋلەلەندىرىپ، ءوز باسىڭىزدان وتكەن كەشىرمەلەرىڭىزبەن توڭىرەگىڭىزدەگى تۇرعىندارعا تاربيە بەرىپ، جەتەكشىلىك ەتىپ، پارتيا ورتالىق كوميتەتىنىڭ، باس شۋجي شي جينپيڭنىڭ مەيىر - شاپاعاتى مەن تاپسىرماسىن ەستە بەرىك ساقتاپ، اناردىڭ دانىندەي تىعىز ۇيىسىپ، كورىكتى شينجياڭدى قۇرۋ جولىندا تىڭ ۇلەس قوسىڭىز دەپ ىنتالاندىردى.

    تەكسەرۋ - زەرتتەۋ بارىسىندا، چىن چۋانگو قاشقار ايماعىنىڭ قىزمەتىن تۇراقتاندىردى. ول مىنالاردى اتاپ كورسەتتى: پارتيا 19 - قۇرىلتايىن قارسى الۋدى، پارتيا 19 - قۇرىلتايىن ۇگىتتەۋدى، پارتيا 19 - قۇرىلتايىن دايەكتىلەندىرۋدى نەگىزگى جەلى ەتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، كۇش ۇستىنە كۇش قوسىپ، شىنايى يگەرىپ، ناقتى ءىس ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا اناعۇرلىم زور ۇلەس قوسۋ كەرەك. ورنىقتىلىق بارلىعىن باسىپ تۇسەدى دەگەن يدەيانى بەرىك ورناتىپ، ەرتە باستان، كىشكەنە كەزدەن، تەز ءارى ويداعىداي يگەرۋدى تياناق ەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شاراسىن» تياناقتاندىرىپ، «التىنى ويداعىداي يگەرۋگە» تاباندى بولىپ، «بەستى باسقارۋعا» كەپىلدىك ەتىپ، «ءتورتتى جاپپاي قامتۋدى» ىلگەرىلەتىپ، «ءبىر قالىپتىلىقتى» ساقتاپ، قاتاڭ سوققى بەرۋ كۇرەسى، بۇقارالىق قىزمەت، قوعامدىق ساقتانۋ - مەڭگەرۋ سىندى «3 قيان - كەسكى شايقاستى» باتىل ويداعىداي جۇرگىزىپ، شەكارانى باسقارۋ - مەڭگەرۋ «حالىقتىق شايقاسىنىڭ» جەڭىسىنە، ءسوزسىز، قول جەتكىزىپ، ءار ۇلت بۇقاراسىنا جاراسىمدى، ورنىقتى تاماشا ورتا جاراتۋ كەرەك. جاڭا دامۋ ۇستانىمىن دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت نەگىزگى اۋەنىنەن جازباي، دامۋ ساپاسى مەن ونىمدىلىگىن جوعارىلاتۋدى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، 1 - كاسىپتىڭ دەڭگەيىن كوتەرۋگە، 2 - كاسىپتى ءتۇيىندى يگەرۋگە، 3 - كاسىپتى بارىنشا دامىتۋعا تاباندى بولىپ، ەرەكشە، باسىم كاسىپتەردى جانە ەڭبەك شوعىرلانعان كاسىپتەردى جەتىلدىرىپ، زورايتىپ، ءار ۇلت بۇقاراسىن ءتىپتى دە كوپ دامۋ جەتىستىكتەرىنەن يگىلىكتەندىرۋ كەرەك. ۇلتتار ىنتىماعىن ۇزدىكسىز بەكەمدەپ، دامىتىپ، پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى ۇگىت - تاربيەسىن كۇشەيتىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعىنىڭ بىرلەسپە دوستىق قيمىلىن ءتۇرلى فورمالارمەن ۇزدىكسىز ىشكەرىلەي ورىستەتىپ، ءار ۇلت كادرلارى مەن بۇقاراسىن «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتۋعا جەتەكتەپ، «5 ورتاق تانىمدى» ۇزدىكسىز نىعايتۋ كەرەك. حالىق تۇرمىسىن قامتاماسىز ەتۋگە جانە جاقسارتۋعا كۇش سالىپ، جۇمىستانۋ اياسىن كەڭەيتۋ، تەگىن دەنساۋلىق تەكسەرۋ، مەكتەپكە دەيىنگى «قوس ءتىلدى» تاربيە سياقتىلاردى ءتۇيىن ەتىپ، 9 ءتۇرلى حالىققا تيىمدىلىك جاساۋ ينجەنەرياسىن ۇزدىكسىز ىلگەرىلەتىپ، بۇقارانىڭ ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جاساۋ جاعىنداعى ناقتى ىستەردى كوبىرەك ىستەپ، ءار ۇلت بۇقاراسى ۋايىمداعان ماسەلەلەردى كوبىرەك شەشىپ، ءار ۇلت بۇقاراسىنىڭ تابىس سەزىمىن ۇزدىكسىز كۇشەيتۋ كەرەك. كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە، ءسوزسىز، قول جەتكىزىپ، باس شۋجي شي جينپيڭنىڭ اۋىر كەدەي وڭىرلەردىڭ كەدەيلىكتەن قۇتىلدىرۋدان قامال الۋ جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن تىڭعىلىقتى دايەكتىلەندىرىپ، پارتيا ورتالىق كوميتەتىنىڭ شىنايى قامقورلىعىندا، اۆتونوميالى رايوننىڭ كومەگى مەن قولداۋىندا، قايراتتانا العا ۇمتىلىپ، قاجىرلىلىقپەن كۇرەس جاساپ، نازاردى دالمە - ءدال كۇش سالۋعا اۋدارىپ، كۇشتى قامال الۋعا شوعىرلاندىرىپ، اۋىر كەدەيلىكتى باتىل جەڭىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋعا كەپىلدىك ەتۋ كەرەك.

جاۋاپتى رەداكتور:سايراش تۇرارجان قىزى