جۇڭگو مەن باتىستى تۇتاستىرىپ، گۇلدەنىپ - كوركەيۋ جولىن دامىتتى

    − شينجياڭ جىبەك جولى ەكونوميكالىق بەلدەۋى وزەكتى رايونى قاتىناس - تاسىمال توراپ ورتالىعى قۇرىلىسىن جەدەلدەتتى

    لۋ فىڭباۋ

    تاس جول، تەمىر جول، تەڭىز جولى ۇتىلاپ تاسىمالدايتىن تۇڭعىش كەزەكشى پويەز 19 - مامىردا جۇڭگو - ەۆروپا كەزەكشى پويەزىنىڭ ۇرىمجىدەگى شوعىرلانۋ ورتالىعىنان جولعا شىقتى (ءۇرىمجى − ليانيۇنگاڭ − جاڭادەلي)، بۇل شينجياڭنىڭ جۇڭگو مەن باتىستىڭ قارىم - قاتىناسىنداعى قاتىناس - تاسىمال تورابىنا اينالعاندىعىن، ءداۋىر جۇكتەگەن گۇلدەنىپ - كوركەيۋ جولىنا دەم بەرگەندىگىن اڭعارتادى.

    پارتيا ورتالىق كوميتەتى، مەملەكەت كەڭەس شينجياڭدى جىبەك جولى ەكونوميكالىق بەلدەۋىندەگى وزەكتى رايون ەتىپ قۇرىپ شىعىپ، كورشىلەس ەلدەرمەن قاتىناس - تاسىمال نەگىزدىك قۇرىلعىلارىنىڭ ءوزارا بايلانىسۋىن، جالعانۋىن تەزدەتۋ، ىشكى ولكەمەن بولعان قاتىناس - تاسىمال بايلانىسىنىڭ ءتۇرلى لەنياسىنىڭ ىركىلىسسىزدەندىرۋدى كۇشەيتۋ، شينجياڭدا تيانشان الابىندا قاتىناس - تاسىمالدى قولايلىلاندىرىپ تۇتاستىرۋدى جەدەلدەتۋ ارقىلى وزەكتى رايوننىڭ حالىقارالىق قاتىناس - تاسىمال ورتالىعىن تەز ارادا قۇرىپ شىعۋ كەرەكتىگىن ايقىن العا قويعان. بۇل شەشىم - ورنالاستىرۋ جىبەك جولى ەكونوميكالىق بەلدەۋىندەگى وزەكتى رايوننىڭ قۇرىلىسىن دەمەيتىن جانە جەتەكتەيتىن ستراتەگيالىق قادام، بۇكىل ەلدىڭ رەفورما، دامۋ، ورنىقتىلىق جالپى جاعدايىن جانە باتىسقا بەتتەپ اشىق ۇستاۋ جۇيەسىن قورعاۋداعى ستراتەگيالىق قامتاماسىزداندىرۋ.

    ۇدەرە العا باسۋدىڭ دابىلى قاعىلدى. شينجياڭ جىبەك جولى ەكونوميكالىق بەلدەۋى وزەكتى رايونىنداعى قاتىناس - تاسىمال توراپ ورتالىعى قۇرىلىسىن جەدەلدەتۋ اياق الىسىن بارىنشا تەزدەتۋدە.

    ءۇش ۇلكەن ۋنيۆەرسال جەلىسى قۇرىلىسى قاۋىرت جۇرگىزىلۋدە

    جۋىردا اشىلعان اۆتونوميالى رايوندىق 12 -كەزەكتى حالىق ۇكىمەتىنىڭ 50 - رەتكى ۇنەمىلىك ىستەر ءماجىلىسى «جىبەك جولى ەكونوميكالىق بەلدەۋى وزەكتى رايونىنداعى قاتىناس - تاسىمال توراپ ورتالىعى قۇرىلىس جوباسىن )2016 −2030 - جىل(» زەرتتەپ، قاراپ، قۇرىلىس جوباسىن ۇزاق بولاشاقتى كوزدەي جاساپ، شينجياڭنىڭ مەملەكەت قاتىناس - تاسىمال تورابىنداعى «سوڭعى بولىكتەن» «ازيا - ەۆروپا قاتىناس - تاسىمال توراپ ورتالىعىنا» قاراي وزگەرۋىن ستراتەگيالىق جاقتان جوبالاپ، ەلىمىزدىڭ ورتا ازيا، وڭتۇستىك ازيا، باتىس ازيا، سونداي - اق ەۆروپا قۇرلىعىنداعى ەلدەرمەن اراداعى حالىقارالىق بارىس - كەلىس سەلبەستىگىن پارمەندى قولداۋ كەرەكتىگىن العا قويدى.

    كەزەكتە شينجياڭنىڭ قاتىناس - تاسىمال ىستەرى تەز قارقىنمەن دامىپ، ءبىرشاما كەمەلدى ۋنيۆەرسال سترەولدى قاتىناس - تاسىمال تورابى العاشقى قادامدا قالىپتاسىپ، جىبەك جولى ەكونوميكالىق بەلدەۋى وزەكتى رايونىنداعى قاتىناس - تاسىمال توراپ ورتالىعىن قۇرۋ ءۇشىن بەرىك نەگىز قالاندى.

    7 - ماۋسىمدا ءۇرىمجى تەمىر جول مەكەمەسىنىڭ اعا ينجەنەرى پان شينشيان سۇحباتتى قابىلداعاندا بىلاي دەدى: 2017 - جىلى تەمىر جول تاراۋلارى، باستىسى، گولمۋد - كورلا تەمىر جولى، التاي - كوكتوعاي - شىعىس جوڭعار تەمىر جولى، وڭتۇستىك شينجياڭ تەمىر جولىن لانجوۋ - شينجياڭ تەمىر جولىمەن ۇلاستىرۋ، شينجياڭ بۇراتالا تارماق لەنياسى، قارامايلى - تارباعاتاي تەمىر جولىنىڭ تەمىرتام - شاۋەشەك بولىگى، ءۇرىمجى جاڭا ۆوكزالى، سونداي - اق قاتىستى ينجەنەريالار، ءۇرىمجى تەمىر جول تورابى ءۇرىمجى باتىس - ءۇرىمجى سولتۇستىك بايلانىس لەنياسى جانە ءۇرىمجى تەمىر جول كانتينەر ورتالىعى پۋنكتى سياقتى قۇرىلىستاردى جۇرگىزەدى. گولمۋد - كورلا تەمىر جولى مەن التاي - كوكتوعاي - شىعىس جوڭعار تەمىر جولى سىندى ەكى نىسان مەملەكەتتىڭ «10 كولدەنەڭ، 10 تىك» جالپىلىق قاتىناس - تاسىمال ارناسىنىڭ قۇرامداس بولەگىنە ەنەدى، ونان دا ماڭىزدىسى، «شىعىسپەن تۇتاسىپ، باتىستان شىعاراتىن» 3 ۇلكەن تەمىر جول ارناسىنىڭ ورتا وڭتۇستىك، سولتۇستىك ارناسىنىڭ ماڭىزدى قۇرامداس بولىگى، ارنا قۇرىلىسى تەمىر جول تورابىنىڭ ورنالاسۋ جاعدايىن كەمەلدەندىرۋدە ماڭىزدى مانگە يە. ونىڭ ۇستىنە، پايدالانۋعا بەرىلگەن لانجوۋ - شينجياڭ تەمىر جولىنىڭ 2 - جەلىسىن قوسقاندا، شينجياڭ تەمىر جولىنىڭ سولتۇستىك، ورتا، وڭتۇستىك 3 ۇلكەن ارناسى نەگىزىنەن قالىپتاستى.

    شينجياڭنىڭ جوعارى جىلدامدىقتى تاس جول قۇرىلىسى بۇرىن بولماعان قارقىنمەن العا ىلگەرىلەتىلدى، ورتاڭعى ارنا «ليانيۇنگاڭ - قورعاس وتكەلى جوعارى جىلدامدىقتى تاس جولىندا» بۇكىل ارنا بويىنشا كولىك قاتىنادى ءارى يقۋاتى ارتتىرىلىپ، جاڭالاندى، سولتۇستىك ارنانىڭ، وڭتۇستىك ارنانىڭ كوپتەگەن تاس جول نىسانى جەدەل سالىندى، وڭتۇستىك - سولتۇستىك شينجياڭداعى جوعارى جىلدامدىقتى ۇلى ارناسىندا بۇكىل لەنيا بويىنشا كولىك قاتىنادى ءارى ءۇرىمجى - لوپنۇر جوعارى جىلدامدىقتى تاس جولى سالىنا باستادى، ەندى وڭتۇستىك - سولتۇستىك شينجياڭدا تاعى ءبىر جوعارى جىلدامدىقتى تاس جول قوسىلاتىن بولدى.

    شينجياڭنىڭ حالىقتىق اۆياتسيا نەگىزدىك قۇرىلعى قۇرىلىسى ۇشقان قۇستاي دامىدى، حالىقتىق اۆياتسيا تاسىمال اۋەجايلارىنىڭ سانى 18گە جەتىپ، بۇكىل ەل بويىنشا 1 - ورىنعا ءوتتى، «13 - بەسجىلدىقتىڭ» سوڭىندا 30عا جەتۋى مۇمكىن، بۇل شينجياڭنىڭ حالىقتىڭ اۆياتسيا ىستەرىنىڭ ۇزاق بولاشاقتىق دامۋىنا بەرىك قاتتى بولشەك نەگىزىن ازىرلەيدى. كەزەكتە شينجياڭدا 41 حالىقارالىق اۆياتسيا لەنياسى، 197 ەل ءىشى اۆياتسيا لەنياسى بار، 17 مەملەكەتتىڭ 89 قالاسىمەن قاتىناس - تاسىمال بايلانىسى ورنادى، ءۇرىمجى حالىقارالىق اۋەجايى ەلىمىزدىڭ ورتا، باتىس ازياعا باعىتتالعان حالىقارالىق اۆياتسيا توراپ ورتالىعىنا اينالدى.

جاۋاپتى رەداكتور:سايراش تۇرارجان قىزى