چىن چۋانگو جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەل ىلگەرىلەتۋ جونىندە بەكىتپە جازدى

    باس شۋجي شي جينپيڭنىڭ ارقاۋ ءسوزى مەن ارناۋ ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جىبەك جولى رۋحىن ساۋلەلەندىرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتەيىك

    اۆتونوميالى رايوندىق پارتكومنىڭ شۋجيى چىن چۋانگو 16 - مامىردا باس شۋجي شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىندە سويلەگەن ارقاۋ ءسوزى مەن ارناۋ ءسوزىنىڭ رۋحىن مۇقيات ۇيرەنۋ، دايەكتىلەندىرۋ، جىبەك جولى ەكونوميكالىق بەلدەۋىندەگى شينجياڭنىڭ وزەكتى رايون قۇرىلىسىن جەدەل ىلگەرىلەتۋ جونىندە بەكىتپە جازدى.

    چىن چۋانگو بىلاي دەپ اتاپ كورسەتتى: «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرى 14 - مامىردان 15 - مامىرعا دەيىن بەيجيڭدە ءساتتى وتكىزىلدى. بۇل باس شۋجي شي جينپيڭ «ءبىر بەلدەۋ، ءبىر جول» دارىپتەمەسىن العا قويعان 4 جىلدان بەرى اشىلعان ەڭ جوعارى دەڭگەيدەگى حالىقارالىق جينالىس ەسەپتەلەدى، ول حالىقارالىق قوعامنىڭ بەلسەندى اڭىسىنا يە بولىپ، سۇبەلى ناتيجەلەرگە قول جەتكىزدى، بۇل «ءبىر بەلدەۋ، ءبىر جول» دارىپتەمەسىنىڭ دۇنيە ءجۇزىنىڭ بەيبىت دامۋ اۋقىمىنا ۇيلەسىپ، ءار ەلدىڭ دامۋ سەلبەستىك قاجەتىنە ساي كەلگەنىن، ءار ەلدىڭ قول ۇستاسا العا ىلگەرىلەۋىنىڭ تىڭ داستانىن جازىپ، دۇنيە جۇزىندەگى ءار ەل اۋىس - كۇيىس جاساساتىن، ءوزىن ايگىلەيتىن، قايىرىلا قارايتىن جانە بولاشاققا نازار سالاتىن سەلبەسە وتىرىپ تەڭ يگىلىككە كەنەلۋ تۇعىرىنا اينالاتىندىعىن تولىق دالەلدەدى. باس شۋجي شي جينپيڭنىڭ تالقى مىنبەرىنىڭ اشىلۋ سالتىندا سويلەگەن ارقاۋ ءسوزى مەن دوڭگەلەك ۇستەل باسشىلار ماجىلىسىندە سويلەگەن ارناۋ ءسوزىنىڭ تۇرعىسى بيىك، ۇزاق بولاشاقتى كوزدەگەن، اۋقىمدى يگەرىپ، تاريح پەن بۇگىندى جاپپاي ەسكەرگەن، جىبەك جولى رۋحىنىڭ ىشكى ءمانىن تەرەڭ ءتۇسىندىرىپ، «ءبىر بەلدەۋ، ءبىر جول» قۇرىلىسىنىڭ تابىستارىن جاپپاي قورىتىندىلاپ، «ءبىر بەلدەۋ، ءبىر جول» قۇرىلىسىنىڭ تاماشا بولاشاعى مەن العا باسۋ باعىتىن جوسپارلاپ، شىعىستاعى ءىرى ەلدىڭ يدەيالىق قۋاتى مەن ارەكەت كۇشىن، دامۋ ۇستىندەگى ءىرى ەلدىڭ دۇنيە ءجۇزىنىڭ بەيبىت دامۋىن جەبەۋدەگى جاۋاپكەرشىلىگىن ايگىلەدى، كىسىنى جەلپىندىرەدى جانە كۇش - قۋات بەرەدى. مۇنى مۇقيات ۇيرەنۋ، تەرەڭ ءتۇسىنۋ، رۋحاني ناقتى ءمانىن يگەرۋ، قىزمەتتى تياناقتاندىرۋدى مىقتى يگەرۋ كەرەك.

    چىن چۋانگو بىلاي دەپ باسا دارىپتەدى: شينجياڭ ەۆروپا - ازيا ۇلى قۇرلىعىنىڭ ىشكى جاعىنا ورنالاسقان، ازيا - تىنىق مۇحيت پەن ەۆروپا سىندى 2 ءىرى ەكونوميكالىق شەڭبەردى تۇتاستىرادى، ازيا - ەۆروپا ۇلى قۇرلىقتىق كوپىرىنىڭ ماڭىزدى تورابى بولعان شينجياڭ «ءبىر بەلدەۋ، ءبىر جول» قۇرىلىسىندا توتەنشە ماڭىزدى ستراتەگيالىق ورىندا. «ءبىر بەلدەۋ، ءبىر جول» قۇرىلىسىن العا ىلگەرىلەتۋ شينجياڭ ءۇشىن وڭايلىقپەن قولعا كەلمەيتىن تاريحي وراي، كەڭ تۇعىر جانە ستراتەگيالىق تۇتقا. «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنىڭ ءساتتى اشىلۋىن قوزعاۋشى كۇش ەتىپ، تاپتىرماس وراي ساناپ، باس شۋجي شي جينپيڭنىڭ ارقاۋ ءسوزى مەن ارناۋ ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، بەيبىتشىلىك جولى، گۇلدەنىپ - كوركەيۋ جولى، اشىق ۇستاۋ جولى، جاڭالىق اشۋ جولى، وركەنيەت جولى ەتىپ قۇرىپ شىعۋ سىندى تالاپقا ساي، ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىسقا ءتۇسىرۋدى، جۇرت تىلەگىن توعىستىرۋدى تۇتقا ەتىپ، قۇرىلىس جوباسىن ونان سايىن كەمەلدەندىرىپ، ءتۇزىلىس مەحانيزمىن جاڭالاپ، ەسىك اشۋ ورەسىن جاپپاي جوعارىلاتىپ، كەلەلى نىسان قۇرىلىسىن العا ىلگەرىلەتىپ، جاڭالىق اشۋ، يگىلىك قۇرۋ ورتاسىن ازىرلەپ، قاتىناس تورابى، ساۋدا زات اينالىمى، فينانس، ەمدەۋ، مادەنيەت، عىلىم، وقۋ - اعارتۋ «5 ءىرى ورتالىعىن» بەلسەنە قۇرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەل العا ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن تىڭعىلىقتى جازۋعا ۇلەس قوسۋ كەرەك.

جاۋاپتى رەداكتور:سايراش تۇرارجان قىزى