جۇڭگو «ءبىر بەلدەۋ، ءبىر جول» بويىنداعى ەلدەرمەن جاساسقان ساۋدانىڭ جالپى سوماسى 20 تريلليون يۋان بولدى

    مەملەكەتتىك كەڭەستىڭ اقپارات كەڭسەسى 10 – مامىردا وتكىزگەن اقپار جاريالاۋ ماجىلىسىندە ساۋدا مينيسترلىگىندەگى قاتىستى جولداس تانىستىرىپ بىلاي دەدى: «ءبىر بەلدەۋ، ءبىر جول» دارىپتەمەسى ورتاعا قويىلعاننان بەرى لەنيا بويىنداعى ەلدەر ساۋدا سەلبەستىگىندە كورنەكتى ونىمدىلىككە قول جەتكىزىپ، لەنيا بويىنداعى ەلدەر ەكونوميكاسىنىڭ دامۋىنا تىڭ قوزعاۋشى كۇش قوسىلدى. تانىستىرۋعا قاراعاندا، ساۋدا جاعىندا جۇڭگو - شىعىس وڭتۇستىك ازيا وداعى كورمەسى، جۇڭگو – وڭتۇستىك ازيا كورمەسى، جۇڭگو ازيا – ەۆروپا كورمەسى، جۇڭگو – اراب ەلدەرى كورمەسى سياقتى كورمەلەردىڭ تەكشەلىك رولى ويداعىداي ساۋلەلەندىرىلىپ، كاسىپورىنداردىڭ اۋىس – كۇيىسى جەبەلىپ، ءار جاق «ءبىر بەلدەۋ، ءبىر جول» ساۋدا ورايىنان ورتاق يگىلىكتەنگەن. 2014 – جىلدان 2016 – جىلعا دەيىن جۇڭگو لەنيا بويىنداعى ەلدەرمەن جاساسقان ساۋدانىڭ جالپى سوماسى مولشەرمەن 20 تريلليون يۋان حالىق اقشاسى بولىپ، ارتۋ قارقىنى دۇنيە ءجۇزىنىڭ ورتاشا دەڭگەيىنەن جوعارى بولعان. قارجىلاندىرۋ سەلبەستىگى جاعىندا قىزمەت وتەۋ، قامتاماسىزداندىرۋ ۇزدىكسىز كۇشەيتىلىپ، كاسىپورىنداردىڭ لەنيا بويىنداعى ەلدەرگە بارىپ قارجى قوسىپ، كاسىپتەرىن گۇلدەندىرۋىنە شابىت بەرىلگەن. 2014 – جىلدان 2016 – جىلعا دەيىن جۇڭگو كاسىپورىندارى لەنيا بويىنداعى ەلدەرگە تىكەلەي قوسقان قارجى 50 ميلليارد دوللاردان اسقان؛ لەنيا بويىنداعى ەلدەرمەن جاڭادان قول قويىلعان جۇمىس كوتەرمەگە الۋ توقتامىنىڭ سوماسى 304 ميلليارد 900 ميلليون دوللار بولعان. سونىمەن بىرگە، شەتەل قارجىسىنىڭ قوسىلۋىنا رۇقسات بەرۋ بوساڭسىتىلىپ، جوعارى ولشەمدى حالىقارالىق ساۋدا ورتاسى جاراتىلىپ، لەنيا بويىنداعى ەلدەردىڭ جۇڭگوعا قارجى قوسۋىنا شابىت بەرىلگەن. شەتەلدەردە ەكونوميكا – ساۋدا سەلبەستىك رايونىن قۇرۋ جاعىندا ەلىمىز كاسىپورىندارى لەنيا بويىنداعى ەلدەردە 56 ەكونوميكا – ساۋدا سەلبەستىك رايونىن قۇردى، قازىر بۇلارعا قوسىلعان جالپى قارجى 18 ميلليارد 500 ميلليون دوللاردان اسىپ، سول ەلدەردى ءبىر ميلليارد 100 ميلليون دوللاردان استام باجى كىرىسىمەن جانە 180 مىڭنان استام كاسىپتەنۋ ورنىمەن قامدادى.

جاۋاپتى رەداكتور:سايراش تۇرارجان قىزى