جۇڭگو-شەتەل مەديالارىنىڭ «جىبەك جولى ەكونوميكالىق بەلدەۋى» وزەكتى رايونىندا تاقىرىپتىق تىلشىلىك جۇرگىزۋ قيمىلى باستالدى

    ازيا، ەۆروپا، افريكا قۇرلىعىنداعى 23 مەملەكەتتەن كەلگەن 39 مەديانىڭ 47 ءتىلشى، رەداكتورلارى 10-مامىردا ۇرىمجىدە جينالدى، بۇدان بىلايعى ون كۇندە ولار شينجياڭنىڭ ءارقايسى جەرلەرىنە بارىپ، «جىبەك جولى ەكونوميكالىق بەلدەۋى» وزەكتى رايونىنداعى قاتىناس تورابى، ساۋدا-زات اينالىمى، مادەنيەت، وقۋ-اعارتۋ، عىلىم-تەحنيكا، ەكونوميكا-فينانس قاتارلى جاقتاردان ناقتى جەرلەردى ەكسكۋرسسيالاپ، تىلشىلىك جۇرگىزەدى.

    سول كۇنى، مەملەكەتتتىك كەڭەس اقپارات كەڭسەسى باس بولىپ ۇيىمداستىرعان، شينجياڭ ۇيعۇر اۆتونوميالى رايوندىق حالىق ۇكىمەت اقپارات كەڭسەسى وتكىزگەن جۇڭگو-شەتەل مەديالارىنىڭ «جىبەك جولى ەكونوميكالىق بەلدەۋى» وزەكتى رايونىندا تاقىرىپتىق تىلشىلىك جۇرگىزۋ قيمىلى ءۇرىمجى قالاسىندا باستالدى. قيمىلدىڭ ءبىرىنشى كۇنى، جۇڭگو-شەتەل مەديالارىنىڭ تىلشىلىك ۇيىرمەسىندەگىلەر ءۇرىمجى قالاسى ەكونوميكالىق، تەحنيكالىق اشۋ رايونىنداعى (توۋتۇنح رايونى) شينجياڭ جۇمساق بولشەكتەر باقشاسىن تاماشالادى.

    شينجياڭ جۇمساق بولشەك باقشاسى «جىبەك جولى ەكونوميكالىق بەلدەۋى» وزەكتى رايونداعى «بەس ۇلكەن ورتالىقتى» ارقاۋ ەتكەن قۇرىلىس، جۇمساق بولشەك پەن ينفورماتسيا ونەركاسىبىن شوعىرلاندىرۋ، يگىلىك تىكتەۋ، جاڭالىق جاراتۋعا كۇش سالعان جوعارى جاڭا تەحنيكالى ءوندىرىس باقشاسى. قازىرگە دەيىن، باقشا رايونىندا ونەركاسىپتىك تىركەلگەن كاسىپورىن سانى 300 گە جاقىن بولىپ، باقشاعا كىرگەن كاسىپورىن 100 دەي بولىپ، باقشا رايونىندا جۇمىسقا ورنالاسقان ادام سانى مولشەرمەن 3500كە جەتكەن. ءوندىرىس تۇرلەرى جۇمساق بولشەكتى اشۋ، ينفورماتسيا حاۋىپسىزدىگى، بۇلتتىق ەسەپتەۋ، زاتتىق توراپ، بەيدۋ باعىت سىلتەگىش قاتارلىلاردى قامتيدى.

    شينجياڭ جۇمساق بولشەك باقشاسىن ەكسكۋرسسيالاعان كەزدە، اۆستريا «حابار گازەتىنىڭ» ءتىلشىسى ماريس كاستەنحوۆ مۇقيات ەستەلىك الىپ، حانزۋ تىلىندە باقشا قىزمەتكەرلەرىمەن ءتىل تابىستى، ول ءوزىنىڭ جوڭگونى جاقسى كورەتىنىن، شينجياڭعا ءبىرىنشى رەت كەلگەنىن، شينجياڭعا تاڭدانىسپەن قارايتىنىن ايتتى.

جاۋاپتى رەداكتور:سايراش تۇرارجان قىزى