رايونىمىزدا قىستاق - قالاشىق بانكەلەرىنىڭ سانى 28گە جەتەدى

    3 قىستاق - قالاشىق بانكەسى قۇرىلاتىن بولدى

    شينجياڭ بانكە كاسىبىن باقىلاۋ - باسقارۋ مەكەمەسىنەن مىنانى ۇعىستىق: تاياۋدا لوپنۇر اۋدانى داشي جييىن قىستاق - قالاشىق بانكەسى شەكتى جاۋاپكەرشىلىك سەرىكتەستىگىن قۇرۋ شينجياڭ بانكە كاسىبىن باقىلاۋ - باسقارۋ مەكەمەسىنىڭ بەكىتۋىنەن ءوتتى. بۇل − بىلتىر شاۋەشەك جينحۇي قىستاق - قالاشىق بانكەسىنەن، فۋكاڭ جينحۇي قىستاق - قالاشىق بانكەسىن قۇرۋ بەكىتىلگەننەن كەيىن، شينجياڭ بانكە كاسىبىن باقىلاۋ - باسقارۋ مەكەمەسى تاياۋدا بەكىتكەن 3 - قىستاق - قالاشىق بانكەسى. 3 بانكە جۇمىس باستاعاننان كەيىن، رايونىمىزدا قىستاق - قالاشىق بانكەسنىڭ سانى 28گە جەتەدى.

    شينجياڭ بانكە كاسىبىن باقىلاۋ - باسقارۋ مەكەمەسىنىڭ ساندى مالىمەتىندە كورسەتىلۋىنشە، رايونىمىزدا جۇمىس باستاعان 25 قىستاق - قالاشىق بانكەسىنىڭ 132 تارماق قۇرىلىمى 11 ايماق، وبلىس، قالاعا، 26 اۋدان، قالا، رايونعا، سونداي - اق بيڭتۋاننىڭ 12 ديۆيزياسىنا، اۋدان، قالاسىنا تاراتىلىپ، قامتۋ سالىستىرماسى %30كە جەتكەن، مۇندا بيڭتۋاندى قامتۋ سالىستىرماسى %85تەن اسقان. 20 جىلدان بەرى، قىستاق - قالاشىق بانكەسى جالپى 389 مىڭ 300 شارۋا وتباسىنا جانە ورتا، شاعىن كاسىپورىندارعا 73 ميلليارد يۋاننان استام قارىز اقشا تاراتقان.

    ۇعىسۋىمىزشا، شينجياڭداعى قىستاق - قالاشىق بانكەلەرى تارتقان قارجىنىڭ باسىم كوبى جەرگىلىكتى ورىنعا جۇمسالىپ، امانات پەن قارىز اقشا %60 شاماسىندا ساقتالىپ، اۋداندارداعى فينانس قۇرىلىمدارىنىڭ اراسىندا مىقتاپ ورىن الىپ، قالا كاپيتالىنىڭ اۋىل - قىستاققا قايتۋ ارناسىن العاشقى قادامدا قۇرىپ، «توعان سالىپ، سۋ تارتۋ» ماقساتىنا جەتكەن.

جاۋاپتى رەداكتور:سايراش تۇرارجان قىزى