چىن چۋانگو رايونىمىزداعى ءار ۇلت جاستارىنا حات جولدادى

    باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاستىق كوكتەمدەگى قابىلەت - دارىنىمىز ارقىلى شينجياڭ قىزمەتىنىڭ باس نىساناسىن جۇزەگە اسىرۋعا ۇلەس قوسايىق

    4 - مامىر جاستار مەرەكەسى قارساڭىندا، اۆتونوميالى رايوندىق پارتكومنىڭ شۋجيى چىن چۋانگو رايونىمىزداعى ءار ۇلت جاستارىنا حات جولداپ، قالىڭ جاستاردى باس شۋجي شي جينپيڭنىڭ جۇڭگو ساياسي - زاڭ ۋنيۆەرسيتەتىندە قىزمەت تەكسەرگەندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، مۇرات - سەنىمدەرىن بەكەمدەپ، ءمورالدىق تاربيەلەنۋدى كۇشەيتىپ، قابىلەت - دارىندارىن ارتتىرىپ، اماليات بارىسىندا ءورىس اشۋعا باتىل بولىپ، جاستىق كوكتەمدەگى قابىلەت - دارىندارى ارقىلى قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ۇلەس قوسۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ۇلى ساپارىندا داۋىرگە، تاريحقا ساي ايبىندى داستان جازۋعا شابىتتاندىردى. حاتتىڭ تولىق مازمۇنى تومەندەگىدەي:

    رايونىمىزداعى قالىڭ جاس دوستار:

    4 - مامىر جاستار مەرەكەسى كەلۋ ورايىندا، مەن اۆتونوميالى رايوندىق پارتكوم اتىنان رايونىمىزداعى ءار ۇلت جاس دوستارعا مەرەكەلىك سالەم جولدايمىن! رايونىمىزداعى قالىڭ وقۋ - اعارتۋ قىزمەتكەرلەرى مەن جاستار قىزمەتىن ىستەۋشىلەرگە وسكەلەڭ قۇرمەت بىلدىرەمىن!

    جاستار وتاننىڭ بولاشاعى، ۇلتتىڭ ءۇمىتى، جاستار كوركەيسە، مەملەكەت گۇلدەنەدى، جاستار قۇدىرەتتى بولسا، مەملەكەت قۇدىرەتتەنەدى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاستارعا باستان - اياق وسكەلەڭ ءمان بەرىپ، جاستارعا تولىق سەنىم ارتىپ، جاستارعا شىنايى قامقورلىق جاساپ، پارتيانىڭ جاستار قىزمەتى جونىندە ماڭىزدى نۇسقاۋ شىعارىپ، جاس ۇرپاققا زور ءۇمىت ارتتى. بيىلعى 4 - مامىر جاستار مەرەكەسى قارساڭىندا، باس شۋجي شي جينپيڭ جۇڭگو ساياسي - زاڭ ۋنيۆەرسيتەتىنە بارىپ قىزمەت تەكسەرىپ، وقىتۋشى - وقۋشىلارمەن، قىزمەتكەرلەرمەن جانە جاس ستۋدەنتتەرمەن ىقىلاستى امانداستى ءارى ماڭىزدى ءسوز سويلەپ، بۇكىل ەلدەگى قالىڭ جاستارعا دەگەن ىقىلاستى ءۇمىتىن العا قويدى. رايونىمىزداعى ءار ۇلت جاستارى باس شۋجيدىڭ جۇڭگو ساياسي - زاڭ ۋنيۆەرسيتەتىندە قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن مۇقيات ۇيرەنۋلەرى، دايەكتىلەندىرۋلەرى، وسىنى وراي، قوزعاۋشى كۇش ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنۋلەرى، دايەكتىلەندىرۋلەرى، باس شۋجيدىڭ ىقىلاستى ءۇمىتىن ەسەيۋدەگى رۋحاني كۇشكە، ارەكەتتەگى عىلمي قىبلاناماعا اينالدىرۋلارى، «اسقاق مۇراتقا يە، ءمورالى مەن دارىنى تەڭ جەتىلگەن، سەزىمى مەن ساناسى قاتار جەتىلگەن، ءورىس اشۋعا باتىل» تاڭداۋلى جاس بولۋعا قۇلشىنىپ، باتىلدىقپەن ءداۋىردىڭ اۆانگاردتارى بولىپ، جاستىق ورالدارىنىڭ كۇشىن ايگىلەۋلەرى كەرەك. ءومىر جولىن بەرىك سەنىممەن نۇرلاندىرىپ، كوممۋنيزمنىڭ اسقاق مۇراتى مەن جۇڭگوشا سوتسياليزمنىڭ ورتاق ارمانىن بەكەمدەپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جولعا دەگەن سەنىمدى، نازارياعا دەگەن سەنىمدى، تۇزىمگە دەگەن سەنىمدى، مادەنيەتكە دەگەن سەنىمدى ۇزدىكسىز كۇشەيتىپ، مەملەكەتتىڭ باي - قۇدىرەتتى بولۋىن، حالىقتىڭ باقىتىن ءوز مىندەتتەرى ەتىپ، مۇراتتى كوكەيدە ساقتاپ، اسقاق ارمان ورناتىپ، جۇڭگوشا سوتسياليزمنىڭ ۇلى امالياتىنا بەلسەنە ات سالىسۋلارى كەرەك. دۇرىس قۇن كوزقاراسى ارقىلى جاڭا سالت قالىپتاستىرىپ، سوتسياليستىك وزەكتى قۇن كوزقاراسىن سانالى تۇردە جەتىلدىرىپ جانە امالياتتا ايگىلەپ، وزەكتى قۇن كوزقاراسىنىڭ تالاپتارىن كۇندەلىكتى ارەكەتتىڭ ولشەمى ەتۋگە قۇلشىنۋلارى، ءومىر جولىن العاشقى قادامنان باستاپ جاقسى باسىپ، دۇنيەگە، ومىرگە، قۇنعا دۇرىس كوزقاراس ورناتىپ، كىشكەنە ىستەردەن، وزدەرىنەن باستاپ ىسكە كىرىسىپ، قۇلشىنا ۇيرەنىپ، ءمورالدى بولىپ، تۋراشىل بولىپ، ناقتى ىستەر ىستەپ، وزەكتى قۇن كوزقاراسىن ۇگىتتەۋشى، ساۋلەلەندىرۋشى، اتقارۋشى بولىپ، ءىس جۇزىندىك ارەكەتتەرى ارقىلى قوعامدىق وركەنيەتتىڭ العا ىلگەرىلەۋىن جەبەۋلەرى كەرەك، وزدەرىنىڭ ادال قان - تەرىمەن تىرەكتى دارىندىعا اينالۋ كەرەك. «الماس قىلىش شىڭاۋمەن وتكىرلەنەدى، قابىلەت يەسى قيىندىق ىشىندە جەتىلەدى». جاستار تاماشا جاستىق كوكتەمدەرىن زايا كەتىرمەي، باستان - اياق قىزۋ ۇيرەنۋ ىنتاسى جانە قۇشتارلىققا تولى ىزدەنۋ نيەتىمەن كىتاپتان ءبىلىم ۇيرەنۋلەرى، امالياتتان ءبىلىم ۇيرەنۋلەرى، حالىقتان ءبىلىم ۇيرەنۋلەرى كەرەك. ءبىلىم ارقىلى كۇش جيناپ، شىڭالۋ ارقىلى بايلىق توپتاپ، قۇلشىنا ۇيرەنۋدى جاستىق كوكتەمدى جالىنداتاتىن قوزعاۋشى كۇش ەتۋلەرى، قابىلەت - دارىندارىن ارتتىرۋدى جاستىق كوكتەمدە قۇلاش سەرمەيتىن ەنەرگياعا اينالدىرۋلارى، پارتيا مەن مەملەكەت ىستەرىنىڭ تولىمدى قۇرىلىسشىلارى جانە سەنىمدى ءىزباسارلارى بولىپ جەتىلۋگە قۇلشىنۋلارى كەرەك. شينجياڭ قىزمەتىنىڭ باس نىساناسى ارقىلى وڭ ەنەرگيا ۇيىستىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ پارتيا ورتالىق كوميتەتىنىڭ ماڭىزدى تاپسىرماسى، رايونىمىز حالقىنىڭ ارمان - تىلەگى، ءداۋىر جۇكتەگەن ماڭىزدى مىندەت. رايونىمىزداعى قالىڭ جاستار مۇراتتى، جاۋاپكەرشىلىكتى بولىپ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن باتىل قورعاپ، «ءۇش ءتۇرلى كۇشپەن» باتىل كۇرەسىپ، ۇلكەن دۇرىس، ۇلكەن بۇرىس الدىندا تۋلارى ايقىن، تۇرعىلارى بەرىك بولىپ، شەشۋشى ساتتە باتىلدىقپەن كەۋدە كەرىپ العا شىعىپ، ايقىن پوزيتسيا ءبىلدىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا وزدەرىنىڭ جاستىق كوكتەمدەگى ۇلەستەرىن قوسۋلارى كەرەك. ۇلى جۇڭگو ارمانى ارقىلى جاستىق ارمانىن اسقاقتاتۋلارى كەرەك، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءار ۇرپاق مۇراتتى جاستاردىڭ ۇزبەي كۇرەس جاساۋىن قاجەت ەتەدى. رايونىمىزداعى قالىڭ جاستار تاريح جۇكتەگەن ماڭىزدى مىندەتتەرىن ارقالاپ، ارمان قۋۋعا، ارمانعا تالپىنۋعا باتىل، ارماندى جۇزەگە اسىرۋعا شەبەر بولۋلارى، تىنباي كۇرەسەتىن ءىس جۇزىندىك ارەكەتتەرى ارقىلى وتانعا داڭق اپەرۋلەرى، زامانعا كورىك قوسۋلارى، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىنىڭ شينجياڭ تاراۋىن جازۋ بارىسىنىڭ جاندى امالياتىندا جاستىق ارماندارىن اسقاقتاتىپ، ءومىردىڭ شۇعىلالى پاراقتارىن جازۋلارى كەرەك.

    رايونىمىزداعى ءار دارەجەلى پارتكومدار مەن ۇكىمەتتەر جاستار قىزمەتىن ماڭىزدى ورىنعا قويۋلارى، ءار دارەجەلى باسشى كادرلار جاستارعا قۇرمەت ەتۋلەرى، جاستاردى تۇسىنۋلەرى، جاستارعا سەنىم ارتۋلارى، جاستاردى قولداۋلارى، جاس دوستاردىڭ سىرلاسى، جاستار قىزمەتىنىڭ ىنتالى اتقارۋشىسى، جاستار قاۋىمىنىڭ جەتەكشىسى بولىپ، قالىڭ جاستاردىڭ ەسەيىپ دارىندى بولۋى، ۇلەس قوسىپ، شارۋاشىلىق قۇرۋلارى ءۇشىن تاماشا ورتا جانە شارت - جاعداي جاراتۋلارى، قالىڭ جاستاردىڭ «قوس 100 جىلدىق» كۇرەس نىساناسىن جۇزەگە اسىرۋ ءۇشىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن جاستىق ورالدارىن، كۇش - قۋاتتارىن ارناۋىنا مۇمكىندىك جاساۋلارى كەرەك.

    چىن چۋانگو

    2017 - جىلى 3 - مامىر

جاۋاپتى رەداكتور:سايراش تۇرارجان قىزى