وركەنيەتتى ورىندار «ۇلتتار ىنتىماعىنىڭ بەرەكەلى شاڭىراعى» قيمىلىندا ۇلگى − ونەگە كورسەتۋ، جەتەكشىلىك ەتۋ رولىن اتقارۋى كەرەك

    شين ۋىنميڭ

    «ۇلتتار ىنتىماعىنىڭ بەرەكەلى شاڭىراعى» قيمىلى اۆتونوميالى رايوندىق پارتكومنىڭ شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان شينجياڭ قىزمەتىنىڭ باس نىساناسى مەن شينجياڭدى جونگە سالۋ جالپى جوباسىن ارقاۋ ەتىپ، شينجياڭنىڭ ورنىقتىلىق، دامۋ جاعدايى مىندەتىن ءداپ باسىپ يگەرىپ، ءار ۇلت كادر - جۇرتشىلىعىنىڭ ارمان - تىلەگىنە سايكەس العا قويعان ماڭىزدى شەشىمى، ورنالاستىرۋى سانالادى. ج ك پ اۆتونوميالى رايوندىق 9 - كەزەكتى كوميتەتىنىڭ ەكىنشى جالپى (كەڭەيتىلگەن) ءماجىلىسى «ۇلتتار ىنتىماعىنىڭ بەرەكەلى شاڭىراعى» قيمىلى مەن ۇلتتار ىنتىماعىنىڭ بىرلەسكەن دوستىق قيمىلىن ۇزدىكسىز تىڭعىلىقتى ورىستەتۋدى العا قويدى.

    اماليات مىنانى سىپاتتادى: كادرلاردى، جۇمىسشى - قىزمەتشىلەردى جۇپ قۇراپ، تۋىس بولۋعا ۇيىمداستىرىپ، باي مازمۇندى، الۋان فورمالى بىرلەسكەن دوستىق قيمىلىن قانات جايدىرۋ ۇلتتاردىڭ ارالاسۋىن، ىشتەسۋىن، توعىسۋىن جەبەدى. ول − ۇلتتار ىنتىماعى قىزمەتىن كۇندەلىكتى ىسكە اينالدىرۋداعى، تۇرمىسپەن شىنايى جاناستىرۋداعى، ناقتىلاندىرۋداعى ءونىمدى تۇتقا. وركەنيەتتى ورىندار سول سالادا، سول جۇيە مەن قوعامدا ۇلگى − ونەگە كورسەتۋ، جەتەكشىلىك ەتۋ رولىن اتقاراتىن وزات ورىن بولۋ تۇرعىسىنان «ۇلتتار ىنتىماعىنىڭ بەرەكەلى شاڭىراعى» قيمىلىندا باستاماشىلدىقپەن ۇلگى − ونەگە كورسەتۋى، الدىڭعى لەكتە بوي كورسەتۋى ءتيىس. «ۇلتتار ىنتىماعىنىڭ بەرەكەلى شاڭىراعى» قيمىلىن قانات جايدىرۋ ارقىلى ۇلتتار ىنتىماعى قىزمەتىن العا ىلگەرىلەتۋدى بۇقارالىق سيپاتتى رۋحاني وركەنيەتتە وزات ورىن قۇراتىن ءارقايسى كاسىپتەرمەن، سالالارمەن توعىستىرىپ، ۇلتتار ىنتىماعى تۇقىمىنىڭ ءار ۇلت كادر - جۇرتشىلىعىنىڭ جۇرەگىنە تامىر تارتۋىنا مۇمكىندىك جاساپ، ۇلتتار ىنتىماعىن بارلىق ادام قاستەرلەيتىن، قورعايتىن قوعامدىق سالتتى قالىپتاستىرۋدى جەبەپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا بەرىك بۇقارالىق نەگىز قالاۋ كەرەك.

    ءبىرىنشى، «ات سالىسۋعا پەيىل بولۋ، ات سالىسۋعا قولايلى بولۋ» پرينسيبىنە ساي، سۇيىسپەنشىلىكتى توعىستىرۋ قيمىلىن باستاماشىلدىقپەن تىڭعىلىقتى قانات جايدىرۋ كەرەك. تۋىستار بارىنشا جاقىنداسىپ، دوستار بارىنشا جاناسا تۇسەدى. ءار دارەجەلى وركەنيەتتى ورىندار جۇپ قۇراپ، تۋىس بولۋ قيمىلىندا «ات سالىسۋعا پەيىل بولۋعا، ات سالىسۋعا قولايلى بولۋعا» تاباندى بولۋى، «بەلگىلەنگەن ارەكەتتى تىڭعىلىقتى ورىنداۋ، ەرىكتى ارەكەتتە جاڭالىق اشۋ» تالابىنا ساي، فورماسى ءار الۋان، مازمۇنى باي، كوڭىل كۇيدى كوتەرۋ بارىسىندا ءتالىم - تاربيە بەرەتىن قيمىل، ارەكەتتەردى ۇنەمىلىك ۇيىمداستىرىپ، اتىز باستارىنا، شارۋا وتباسىلارىنا، مالشىلاردىڭ كيىز ۇيىنە ىشكەرىلەي بارىپ، ارقا - جارقا كەڭەس قۇرىپ، بىرگە تاماقتانىپ، قوسىلا ءان شىرقاپ، بيگە باسىپ، ءار ۇلت جۇرتشىلىعىمەن بىرگە ءوزارا ءتىل ۇيرەنىپ، ادەت - عۇرىپ، سالت - سانانى ءوزارا ءتۇسىنىسىپ، ءبىلىپ، ءبىر - ءبىرىنىڭ مادەنيەتىنەن ءلاززات الىپ، ءوزارا تۇسىنىستىكتى نىعايتىپ، ءوزارا دوستىقتى تەرەڭدەتۋى كەرەك.

    ەكىنشى، «شىنايى سۇيىسپەنشىلىكپەن، شىنايى جاۋاپكەرشىلىكپەن» كىرىسىپ، از ۇلت جۇرتشىلىعىن جۇمىسقا ورنالاستىرۋ قىزمەتىن ىرىقتىلىقپەن تىڭعىلىقتى جاقسى ىستەۋ كەرەك. ءار دارەجەلى وركەنيەتتى ورىندار جۇمىسقا ورنالاستىرۋدى جەبەۋدى قوعامدىق جاۋاپكەرشىلىكتى ادا ەتۋدەگى، كەدەيلىكتەن قۇتىلدىرۋدان قامال الۋدى العا ىلگەرىلەتۋدەگى، قوعام ورنىقتىلىعى مەن باياندى تىنىشتىق باس نىساناسىن العا جەبەۋدەگى ناقتى ارەكەتكە بالاپ، بەلسەندى شارا قولدانىپ، از ۇلت جۇرتشىلىعىن جۇمىسقا كەڭ كولەمدى قابىلداۋى، ورنالاستىرۋى كەرەك. ورگاندارداعى (ءىسورىندار) وركەنيەتتى ورىندار قاراپايىم ەڭبەكتەردى، الەۋمەتتىك يگىلىك سيپاتتى قىزمەت ورىندارىن كوبىرەك ازىرلەۋى جانە قامداۋى، از ۇلت جۇرتشىلىعىن جۇمىسقا ورنالاسۋعا جەتەلەۋى جانە قابىلداۋى كەرەك. كاسىپورىندارداعى وركەنيەتتى ورىندار ادامدى كوبىرەك جۇمىسقا ورنالاستىراتىن ەڭبەك شوعىرلى كاسىپ سالالارىن زور كۇشپەن دامىتۋى، از ۇلت جۇرتشىلىعىنىڭ جۇمىسشى - قىزمەتشىلەردىڭ سالىستىرماسىنداعى ۇستايتىن مولشەرىن تىنباي جوعارىلاتىپ، جەرگىلىكتى ورىنداعى از ۇلت جۇرتشىلىعىن جۇمىسقا الدىمەن ورنالاستىرۋى، قابىلداۋى كەرەك. جۇمىسقا ورنالاستىرۋدى باسقاراتىن جانە قىزمەت كورسەتەتىن وركەنيەتتى ورىندار جۇمىسقا ورنالاستىرۋعا قاراتىلعان قىزمەتتى تىڭعىلىقتى جاقسى ىستەۋى، تەحنيكالىق ونەر تاربيەسىن كۇشەيتۋى، از ۇلت جۇرتشىلىعىنىڭ ساپاسىن جوعارىلاتىپ، از ۇلت جۇرتشىلىعى ءۇشىن ءبىرشاما ەركىن جۇمىسقا ورنالاسۋ ورتاسىن ازىرلەپ بەرۋى كەرەك. كاسىپورىنداردىڭ از ۇلت جۇرتشىلىعىن جۇمىسقا ورنالاستىرۋى مەن از ۇلت جۇرتشىلىعىنىڭ شارۋاشىلىق قۇرۋىن سۇيەمەلدەۋگە بايلانىستى ءتيىمدى ساياساتتاردى باستاماشىلدىقپەن بەلسەنە تياناقتاندىرۋ، كاسىپورىنداردى از ۇلت جۇرتشىلىعىن بەلسەنە جۇمىسقا ورنالاستىرۋعا ىنتالاندىرۋ، از ۇلت جۇرتشىلىعىن ءوز كۇشتەرىنە سۇيەنىپ شارۋاشىلىق قۇرۋعا جەتەلەۋ، الۋان ءتۇرلى فورمامەن جۇمىسقا ورنالاستىرۋ، شارۋاشىلىق قۇرۋ ارقىلى ءار ۇلت جۇرتشىلىعىنىڭ كۇندەلىكتى قىزمەتتە ارالاسۋدى، ىشتەسۋدى، توعىسۋدى كۇشەيتۋىن جەبەۋ كەرەك.

    ءۇشىنشى، «كەڭ كولەمدى قامتۋ، ناقتى ءونىمى بولۋ» تالابىنا ساي، ۇلتتار ىنتىماعى جونىندەگى حيكايالاردى مايىن تامىزا بايانداۋ كەرەك. «ۇلتتار ىنتىماعىنىڭ بەرەكەلى شاڭىراعى» قيمىلىندا جارىققا شىققان اسەرلى حيكايالار جونىندەگى ۇگىت - تاربيەسىن ورىستەتۋ ارقىلى از كۇشپەن كوپ شارۋا تىندىرۋ ونىمدىلىگىنە قول جەتكىزۋگە بولادى. ءار دارەجەلى وركەنيەتتى ورىندار اۆتونوميالى رايوننىڭ 2 - كەزەكتى «كورىكتى شينجياڭ. شينجياڭعا ماحاببات» اڭگىمە شەرتۋ جارىسىن ويداعىداي ۇيىمداستىرىپ، قانات جايدىرىپ، بۇقارانىڭ اراسىنداعى شىنايى، جاندى، ىقىلاستى، نانىمدى، ۇيرەنۋگە تۇرارلىق ۇلتتار ىنتىماعى حيكايالارى ارقىلى ءار ۇلت كادر - جۇرتشىلىعىن ۇلتتار ىنتىماعى، العا باسارلىعى ىستەرىنىڭ ۇگىتشىسىنە، امالياتتا ايگىلەۋشىسىنە، جەتەكشىسىنە اينالۋعا بەلسەنە كىرىسۋگە جەتەلەۋ كەرەك. ءمورال ۇلگىلەرىنىڭ، ەڭ سۇيىكتى ادامداردىڭ ىزگى ىستەرىن زور كۇشپەن ۇگىتتەپ، ولاردىڭ وسكەلەڭ رۋحى ارقىلى ادامدارعا شابىت بەرىپ، اسەر جاساپ، باستاماشىلدىق ەتىپ، ۇلتتار ىنتىماعىنىڭ وڭ ەنەرگياسىن تاراتۋ كەرەك. «ۇشقارىلىقتى الاستاۋ» ۇگىت - تاربيەسىن كورنەكتى تۇردە مىقتى ۇستاپ، كادر - جۇرتشىلىقتى ۇلتتىق بولشەكتەۋشىلىككە ايقىن تۋ ۇستاي وتىرىپ قارسى تۇرۋعا تاربيەلەۋ، جەتەلەۋ، بولشەكتەۋشىلىككە قارسى تۇرۋ كۇرەسىندەگى «ەكىبەتكەيلەرمەن»، «مونتانىلارمەن» باتىل كۇرەس جۇرگىزۋ كەرەك. اۋىل - قىستاقتارداعى مەكتەپتەردىڭ جەتكىنشەكتەر سارايى تۇعىرىنان ويداعىداي پايدالانىپ، بالالاردان باستاپ يگەرۋ، ۇلتتار ىنتىماعىن مەكتەپ تاربيەسىنىڭ، وتباسى تاربيەسىنىڭ، قوعامدىق تاربيەنىڭ ءارقايسى بۋىندارىمەن جانە ءارقايسى جاقتارىمەن ۇشتاستىرۋ، ءار ۇلت جاستارى مەن ورەندەرىنىڭ بىرگە ويناپ، بىرگە ۇيرەنىپ، بىرگە اقاۋسىز ەسەيىپ - ەرجەتۋىنە وراي ازىرلەپ، كىشكەنتايدان باستاپ ۇلتتار ىنتىماعىن قاستەرلەيتىن، قادىرلەيتىن سۇيىسپەنشىلىكتى جەتىلدىرىپ، ۇلتتار ىنتىماعى گۇلىنىڭ ۇزبەي شەشەك اتۋىنا مۇمكىندىك جاساۋ كەرەك.

    «ۇلتتار ىنتىماعىنىڭ بەرەكەلى شاڭىراعى» قيمىلى نەگىز قالايتىن، ۇزاق بولاشاققا پايدالى حالىق تىلەگى ينجەنەرياسى، نەگىزدىك ينجەنەريا. ايماقتارداعى، وبلىستارداعى، قالالارداعى رۋحاني وركەنيەت قۇرىلىسىنا جەتەكشىلىك ەتۋ كوميتەتى كەڭسەلەرى «ۇلتتار ىنتىماعىنىڭ بەرەكەلى شاڭىراعى» قيمىلىن قانات جايدىرۋدى ءتۇرلى بۇقارالىق رۋحاني وركەنيەتتە وزات ورىن قۇرۋ قيمىلىنىڭ ماڭىزدى مازمۇنىنا، قوعام ورنىقتىلىعى مەن باياندى تىنىشتىقتى العا ىلگەرىلەتۋدىڭ ماڭىزدى شاراسىنا بالاپ، قيمىل دانەكەرلەرىن ەگجەي - تەگجەيلى جوبالاپ، قيمىلدى مۇقيات ۇيىمداستىرىپ اتقارىپ، ناقتى ونىمدىلىككە قول جەتكىزۋگە تالپىنۋى كەرەك. ءار دارەجەلى وركەنيەتتى ورىندار ءار ۇلت كادر - جۇرتشىلىعىن بەلسەنە ات سالىسۋعا باستاماشىلدىقپەن جۇمىلدىرىپ، اۋىس - كۇيىس جاساسۋ، سۇيىسپەنشىلىكتى توعىستىرۋ قىزمەتتەرىن بىرگە ىستەپ، كۇندەلىكتى تۇرمىستان باستاپ كىرىسىپ، ناقتى ىستەردەن باستاپ ىستەپ، بىرگە قۇرىپ، سۇيىسپەنشىلىكتى نىعايتىپ، «ۇلتتار ىنتىماعىنىڭ بەرەكەلى شاڭىراعى» قيمىلىنداعى ءتۇرلى قىزمەتتەردى ەگجەي - تەگجەيلى، ىشكەرىلەي، ناقتى ىستەپ، ناقتى ناتيجە جاراتىپ، ءار ۇلت كادر - جۇرتشىلىعىن ۇلتتار ىنتىماعىن كوزدەرىنىڭ قاراشىعىنداي قورعاۋعا، ءوز ومىرلەرىن قاستەرلەگەندەي قاستەرلەۋگە جەتەلەپ، اناردىڭ دانىندەي تىعىز ۇيىسۋى كەرەك.

جاۋاپتى رەداكتور:سايراش تۇرارجان قىزى