حالىق تۇرمىسىنا جاسالعان تيىمدىلىكتەر رايونىمىزداعى بۇقارانىڭ تابىس سەزىمىن ۇزدىكسىز ارتتىرادى

    اۆتونوميالى رايوندىق پارتكومنىڭ رەفورما كەڭسەسى مەڭگەرۋشىلەرىنىڭ ماجىلىسىنەن مىنالاردى ۇعىستىق: وڭتۇستىك، سولتۇستىك شينجياڭنىڭ، بيڭتۋان مەن جەرگىلىكتى ورىننىڭ وڭتۇستىك شينجياڭداعى ارتىق ەڭبەككۇشتەردى جۇمىسقا ورنالاستىرۋ ماسەلەسىن سەلبەسىپ شەشۋىنە قاتىستى اتقارۋ جوسپارى كۇشەيتىلەدى، 4000نان استام «قوس ءتىلدى» بالا باقشا قۇرىلىسى ورىندالادى، ايماق، وبلىس، قالالاردىڭ %85تەن استامى ءار ءتۇرلى فورمادا دارەجەگە ءبولىپ دياگنوز قويۋ، ەمدەۋ سىناق تۇيىندەرى جۇمىستارىن ورىستەتەدى، 590 مىڭ كەدەي ورنىقتى تۇردە كەدەيلىكتەن قۇتىلدىرىلادى... بيىل رايونىمىز ءبىرقاتار رەفورما شارالارىن ۇزدىكسىز اتقارىپ، 9 ۇلكەن حالىق تۇرمىسىنا تيىمدىلىك جاساۋ ينجەنەرياسىن ۇزدىكسىز ىلگەرىلەتىپ، بۇكىل شينجياڭداعى بۇقاراعا ناقتى، يگى ىستەر ىستەپ بەرەدى، حالىق تۇرمىسىنا جاسالعان تيىمدىلىكتەر رايونىمىزداعى بۇقارانىڭ تابىس سەزىمىن ۇزدىكسىز ارتتىرادى.

    حالىق تۇرمىسىن كۇش سالا قامتاماسىز ەتۋ، جاقسارتۋدا، ەڭ الدىمەن جۇمىسقا ورنالاستىرۋ ارقىلى حالىققا تيىمدىلىك جەتكىزۋگە تاباندى بولۋ كەرەك. جۇمىسقا ورنالاستىرۋ ارناسىن كەڭەيتۋ، جۇمىسقا ورنالاستىرۋ، شارۋاشىلىق قۇرۋ تۇعىرىن قۇرۋ، جۇمىسقا ورنالاسۋ قابىلەتىن ءوسىرۋ ءۇشىن، بيىل رايونىمىز وڭتۇستىك، سولتۇستىك شينجياڭنىڭ، بيڭتۋان مەن جەرگىلىكتى ورىننىڭ وڭتۇستىك شينجياڭداعى ارتىق ەڭبەككۇشتەردى جۇمىسقا ورنالاستىرۋ ماسەلەسىن شەشۋىن كۇشەيتۋدىڭ اتقارۋ جوسپارىن بەلگىلەدى، قازىر توعىستىرۋ مەحانيزمى قۇرىلىپ بولدى؛ جوعارى مەكتەپتەن وقۋ تاۋىسقان وقۋشىلاردىڭ جۇمىسقا ورنالاسۋىن، شارۋاشىلىق قۇرۋىن جەبەۋ جوسپارىن بەلگىلەپ جانە اتقارىپ، جوعارى مەكتەپتەن وقۋ تاۋىسقان وقۋشىلاردى نەگىزگى ساتىلارعا، اسىرەسە، وڭتۇستىك شينجياڭعا بارىپ جۇمىسقا ورنالاسۋعا جەتەكتەپ جانە شابىتتاندىرىپ، كاسىپورىندى وزەك ەتكەن جۇمىسقا ورنالاستىرۋدى جەبەۋدىڭ «قوعامدىق سەلبەسۋ سەرىكتەرىنىڭ» بىرلەسىپ قيمىلداۋ مەحانيزمىن ورناتادى. سونىمەن قاتار، شينجياڭعا كومەكتەسۋشى ولكە، قالالاردىڭ ارتىق ەڭبەككۇشتەردى قابىلدايتىن جۇمىسقا ورنالاستىرۋ، شارۋاشىلىق قۇرۋ قورىن تاعايىنداۋىن ىلگەرىلەتىپ، شينجياڭعا كومەكتەسۋشى ولكە، قالالاردا شينجياڭنىڭ ەرەكشە كوشەلەرىنىڭ سىناق تۇيىندەرىن اشۋ جونىندە ىزدەنىس جاسايدى.

    شينجياڭ وقۋ - اعارتۋىنىڭ ولقىلىقتارىن تولىقتىرۋ ءۇشىن، بيىل رايونىمىز ءبىرقاتار رەفورما شارالارى ارقىلى «قوس ءتىل» تاربيەسىن كۇشەيتىپ، اۋىل - قىستاقتاعى مەكتەپكە دەيىنگى 3 جىلدىق اقىسىز «قوس ءتىل» تاربيەسىن جاپپاي جالپىلاستىرىپ، بيىلعى جىلدا 4000نان استام «قوس ءتىلدى» بالالار باقشاسىن قۇرىپ، ىسكە قوسىپ، بالا باقشا جاسىنداعى بالالاردىڭ قابىلداۋعا تيىستىلەرىن مۇمكىندىكتىڭ بارىنشا قابىلدايدى. سونىمەن قاتار مەكتەپ، كاسىپورىن سەلبەستىگىن تەرەڭدەتىپ، 15 كاسىپتىك وقۋ - اعارتۋ توبىنىڭ (باقشا رايونى) قۇرىلىسىنا قولداۋ كورسەتىپ، ورتالاۋ، ورتا مەكتەپ تاۋىسقان، ءالى كاسىپتەنبەگەن وقۋشىلاردى كاسىپتىك تەحنيكالىق شەبەرلىككە باۋلۋدىڭ جاپپاي قامتۋىن ىلگەرىلەتىپ، حوتان سياقتى ءتۇيىندى ايماقتاردا ورتالاۋ، ورتا مەكتەپتەردى تاۋىسىپ جوعارىلاپ وقي الماعان وقۋشىلاردىڭ العاشقى جۇمىسقا ورنالاسۋ سالىستىرماسىن %85تەن استامعا جەتكىزەدى.

    ەمدەۋ رەفورماسى − كەزەكتەگى حالىق تۇرمىسى رەفورماسىنىڭ ماڭىزدى ءتۇيىنى جانە قولامتالى سالا. بيىل سالاماتتى قالا، سالاماتتى قالاشىق قۇرىلىسىن ورىستەتۋدىڭ اتقارۋ پىكىرى بەلگىلەنىپ، سالاماتتى شينجياڭ قۇرىلىسى ىلگەرىلەتىلەدى؛ جالپى حالىقتىڭ دەنساۋلىعىن تەكسەرۋدىڭ اتقارۋ پىكىرى بەلگىلەنىپ، جالپى حالىقتىڭ دەنساۋلىعىن تەكسەرۋ قىزمەتىنىڭ تۇزىمدەنۋى، ۇزاق ۋاقىت ونىمگە يە بولۋى ىلگەرىلەتىلەدى. بيىل ايماق، وبلىس، قالالاردىڭ %85تەن استامىندا ءار ءتۇرلى فورماداعى دارەجەگە ءبولىپ دياگنوز قويۋ، ەمدەۋدىڭ سىناق تۇيىندەرى ورىستەتىلىپ، ءدارى - دارمەككە باعا قوسۋدى جاپپاي كۇشىنەن قالدىرىپ، اۋرۋ تۇرىنە قاراي اقى تولەۋدى نەگىز ەتكەن، كوپ ءتۇرلى اقى تولەۋ ءتاسىلى ۇشتاستىرىلعان ەمدەۋدى قامسىزداندىرۋ جاعىنداعى تولەۋ ءتاسىلى رەفورماسى جاپپاي ىلگەرىلەتىلىپ، بۇقاراعا اۋرۋ كورسەتۋدىڭ ارزان، ءنومىر الۋدىڭ وڭاي بولعاندىعىن، قىزمەت كورسەتۋدىڭ ىقىلاستى، ەتەنە بولا تۇسكەندىگىن شىن مانىندە سەزىندىرەدى.

    بۇدان سىرت، بيىل رايونىمىز كەدەيلەردى سۇيەمەلدەۋ، كەدەيلىكتەن قۇتىلدىرۋدىڭ جاڭا ۇلگىسىنە بەلسەنە ىزدەنىس جاساپ، اۆتونوميالى رايوننىڭ كەدەيلىكتەن قۇتىلدىرۋدان قامال الۋ جاۋاپكەرشىلىك ءتۇزىمىن اتقارۋ ەرەجەسىن بەلگىلەپ، كەدەيلەردى قونىس اۋدارىپ سۇيەمەلدەۋدى ىلگەرىلەتۋ جوباسى مەن قامتاماسىز ەتۋ ساياساتىن شىعارىپ، بيىلعى جىلى 590 مىڭ كەدەيدى ورنىقتى تۇردە كەدەيلىكتەن قۇتىلدىرۋ سياقتى ءبىرقاتار كورسەتكىش، مىندەتتەردىڭ ورىندالۋىن قامتاماسىز ەتەدى.

جاۋاپتى رەداكتور:سايراش تۇرارجان قىزى