رايونىمىزدىڭ ۇلتتار ىنتىماعى ءىسى ۇزدىكسىز بەكەمدەلدى، دامىتىلدى

    25 - ناۋرىز كۇنى ساعات 12دەن 55 مينۋت وتكەندە، «ۇلتتار ىنتىماعىنىڭ بەرەكەلى شاڭىراعى» اتتى تۇڭعىش پويەز ءۇرىمجى ۆوكزالىنان حوتانعا قاراي جول الدى. وسى كۇننەن باستاپ ءۇرىمجى مەن حوتان اراسىندا جاڭادان قوسىلعان «ۇلتتار ىنتىماعىنىڭ بەرەكەلى شاڭىراعى» اتتى پويەز رەسمي قاتىنادى. بۇل سونداي - اق شينجياڭعا تەمىر جول تارتىلعان 60 جىلدان بەرى شينجياڭدا تۇڭعىش رەت حوتانعا توتە باراتىن جۇردەك پويەز ەسەپتەلەدى. «ۇلتتار ىنتىماعىنىڭ بەرەكەلى شاڭىراعى» پويەزىنىڭ قاتىناۋى پارتيانىڭ ۇلت ساياساتىن ۇگىتتەۋدىڭ جاڭا دانەكەرىن ازىرلەپ، ۇلتتاردىڭ ارالاسۋ، ىشتەسۋ، توعىسۋىنا جاڭا قولايلىلىقتار تۋدىردى.

    شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم، ۇكىمەت پارتيانىڭ ۇلت ساياساتىن جاپپاي دايەكتىلەندىرىپ، ۇلتتاردىڭ ۇلى ىنتىماعى تۋىن بيىك ۇستاپ، ءار ۇلت بۇقاراسىن ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى ورتاق تانىمدى كۇشەيتىپ، ۇلتتار ىنتىماعىن كوزدەرىنىڭ قاراشىعىنداي قورعاپ، ومىرلەرىندەي قاستەرلەپ، اناردىڭ دانىندەي تىعىز ۇيىسىپ، ۇلتتار ىنتىماعىنىڭ تىڭ داستاندارىن ۇزدىكسىز جازۋعا جەتەكتەپ، رايونىمىزدىڭ ۇلتتار ىنتىماعى ىستەرى اناعۇرلىم بەكەمدەلدى جانە دامىتىلدى.

    كوكتەم مەرەكەسى قارساڭىندا، باس شۋجي شي جينپيڭنىڭ «قۇربان اتايدىڭ» ۇرپاقتارىنا جازعان جاۋاپ حاتى شينجياڭداعى ءار ۇلت بۇقاراسىنا باس شۋجي شي جينپيڭنىڭ شينجياڭنىڭ ۇلتتار ىنتىماعى، العاباسارلىعى قىزمەتىنە ءمان بەرۋ جانە كوڭىل بولۋدەي سۇيىسپەنشىلىگىن جان - جاقتى سەزىندىرىپ، بۇكىل شينجياڭداعى ءار ۇلت بۇقاراسىنىڭ پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋ ىنتاسىنا اناعۇرلىم شابىت بەرىپ، وتاندى گۇلدەندىرۋ، مەكەندى گۇلدەندىرۋ دارقان كوڭىلى مەن كۇشىن توپتادى، ولار اناردىڭ دانىندەي تىعىز ۇيىسىپ، پارتيانىڭ باسشىلىعىندا شينجياڭنىڭ ءتىپتى جارقىن بولاشاعىن بىرگە اشاتىندىقتارىن ءبىلدىرىستى.

    بيىل جىل باسىنان بەرى، «ۇلتتار ىنتىماعىنىڭ بەرەكەلى شاڭىراعى» اتىندا جۇپ قۇراۋ، تۋىس بولۋ قيمىلىنىڭ تەرەڭ ورىستەتىلۋىنە وراي، ۇيدەن اتتاپ الىسقا شىعىپ كورمەگەن وڭتۇستىك شينجياڭداعى تۋىستار تۋىستارىنىڭ سەرىك بولۋىمەن ۇرىمجىگە كەلىپ وسى زامانعى تۇرمىستى باستان كەشىردى... ءبىرىن - ءبىرى تانىمايتىن بەيتانىس جاندار قانداستىق قاتىناس جوق ءبىر ءۇيلى جانعا اينالىپ، ءبىر رەتكى تانىستىق ماڭگىلىك تۋىستىققا جالعاستى. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرى وتباسىلارىن ارالاۋ، جاعداي ۇعىسۋ، حال سۇراۋ سىندى قولايلى جاعدايدان پايدالانىپ، ۇلتتاردىڭ ارالاسۋىن، ىشتەسۋىن، توعىسۋىن بەلسەندى تۇردە جەبەدى، كۇندەلىكتى تۇرمىستان، ناقتى ىستەردەن باستاپ، پارتيانىڭ ۇلت ساياساتىن، ۇلتتىق تەرريتوريالىق اۆتونوميا ءتۇزىمىن، مەملەكەتتىڭ زاڭدارى مەن زاڭ - ەرەجەلەرىن جانە حالىققا تيىمدىلىك جاساۋ، قولايلىلىق جاراتۋ، يگىلىك جەتكىزۋ ساياساتىن كۇش سالا ۇگىتتەپ، ءار ۇلت بۇقاراسىنىڭ پارتيا مەن ۇكىمەتتىڭ قامقورلىعىن جانە مەيىر - شاپاعاتىن سەزىنۋىنە مۇمكىندىك جاسادى. ءوزارا قارىم - قاتىناس بارىسىندا تۇسىنىك تەرەڭدەپ، سۇيىسپەنشىلىك سەزىمى ارتتى؛ ءوزارا ۇيرەنۋ، تەڭ العا باسۋ توعىسۋ مەن تاتۋلىققا جالعاستى؛ بىرگە وندىرىسپەن شۇعىلدانۋ، تۇرمىس كەشىرۋ، ۇيرەنۋ، قىزمەت ىستەۋ بارىسىندا ءوزارا كومەكتەسىپ، ءبىر - بىرىنە باۋىرمال بولىپ، قۇرمەت ەتىپ، ءبىر ءۇيلى جانداي بولىپ كەتتى.

    ۇلتتار ىنتىماعىنىڭ مازمۇنىن ۇزدىكسىز بايىتۋ ءۇشىن، جەر - جەر، تاراۋلار ءار الۋان ۇلتتار ىنتىماعى ۇگىت - تاربيەسىن جانە ۇلتتار ىنتىماعى، العاباسارلىعىندا وزات ورىن قۇرۋ قيمىلىن ىشكەرىلەي ورىستەتىپ، ۇلتتار ىنتىماعىنىڭ دانەكەرى مەن تاسىلىنە جاڭالىق ەنگىزدى. ۇلتتار ىنتىماعى تاقىرىبىنداعى كونسەرت كەشىن، جوعارى مەكتەپ، ورتا تەحنيكۋم وقۋشىلارىنىڭ «ۇشقارىلىقتى الاستاۋ» تاقىرىبىنداعى دەكلاماتسيا جارىسىن، «ۇلتتار ىنتىماعىنىڭ بەرەكەلى شاڭىراعى» تاقىرىبىنداعى قوس تىلدە سويلەۋ جارىسىن، ۇلتتار ىنتىماعى بويىنشا ەرىكتىلەر قىزمەت كورسەتۋى سياقتى فورماسى ءار الۋان، مازمۇنى باي ۇلتتار ىنتىماعى، العاباسارلىعىنداعى وزات ورىنداردى قۇرۋ قيمىلىن وتكىزدى. ۇلتتار ىنتىماعىنداعى وزات ورىن، ۇلتتار ىنتىماعىنداعى ۇلگىلى الەۋمەتتىك اۋماق، سونداي - اق «ۇلتتار ىنتىماعى اۋلاسىن» قۇرۋ قيمىلدارىنا سۇيەنە وتىرىپ، ۇلتتار ىنتىماعىنداعى ۇزدىك ۋاكىلدەردىڭ ىزگى ىستەرى مەن اسەرلى اڭگىمەلەرى ارقىلى ءار ۇلت كادرلارى مەن بۇقاراسىن «ءۇشتىڭ ءبىر - بىرىنەن ايرىلا الماۋى» يدەياسىن ورناتىپ، «5 ورتاق تانىم» كوزقاراسىن كۇشەيتۋگە تاربيەلەپ، جەتەكتەپ، ۇلتتار ىنتىماعىن قورعاۋدىڭ، قوعام ورنىقتىلىعىن قورعاۋدىڭ تاماشا قوعامدىق رايىن قۇلشىنا قالىپتاستىرىپ، ۇلتتار ىنتىماعى جونىندەگى ۇگىت - تاربيەنىڭ «ەڭ سوڭعى ءبىر شاقىرىمىن» شىن مانىندە اشۋ كەرەك.

    ج ك پ اۆتونوميالى رايوندىق 9 - كەزەكتى كوميتەتى ەكىنشى جالپى (كەڭەيتىلگەن) ماجىلىسىندە ۇلتتار ىنتىماعىن بەكەمدەۋ، دامىتۋ كەرەكتىگى ايقىن اتاپ كورسەتىلدى. شينجياڭداعى ءار ۇلت حالقى بۇگىنگى كوركەم، باقىتتى ءومىردىڭ قوعام ورنىقتىلىعىنان، ۇلتتار ىنتىماعىنان ايرىلا المايتىندىعىن تەرەڭ تۇسىنەدى، ءبىر تۋعان جاندارداي ءتىپتى تىعىز ىنتىماقتاسىپ، ۇلتتاردىڭ ۇلى ىنتىماعى تۋىن بيىك ۇستاپ، قوعام ورنىقتىلىعى مەن باياندى تىنىشتىقتىڭ نەگىزىن قول ۇستاسا وتىرىپ بەرىك ورناتادى.

جاۋاپتى رەداكتور:سايراش تۇرارجان قىزى