قاشقار، حوتان ايماقتارىندا 3 جىلدا 100 مىڭ ادامدى كاسىپتەندىرۋ جوسپارى اتقارىلدى

    العاشقى توپتاعى 1000 ارتىق ەڭبەككۇش جۇڭتاي حيميا سەرىكتەستىگىنە جۇمىسقا شىقتى

    24 - ساۋىردە قاشقار، حوتان ايماقتارىنداعى اۋىل - قىستاقتاردان كەلگەن العاشقى توپتاعى 1000 ارتىق ەڭبەككۇش شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىندە جۇمىسقا ورنالاستى. ولار رايونىمىزدىڭ قاشقار، حوتان سىندى 2 ايماقتان 3 جىل ىشىندە 100 مىڭ ادامدى جۇمىسقا ورنالاستىرىپ، باسقا كاسىپكە ويىستىرۋ جوسپارى بويىنشا جۇمىسقا ورنالاستىرىلعان العاشقى توپتاعى ارتىق ەڭبەككۇشتەر.

    سول كۇنى ءپايزاۋات اۋدانىنان كەلگەن ءومارجان الىم «جۇڭتاي حيميا» جازۋى باسىلعان جاڭا جۇمىس كيىمىن كيىپ، شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنە كەلدى.

    وسىزاماندانعان زاۆودتى، ايتاقالسىن تۇرمىس ورتاسىن كورگەننەن كەيىن بولاشاعىنا زور ءۇمىت بايلادى. شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى پارتكومىنىڭ ورىنباسار شۋجيى، باس مەڭگەرۋشى چىن داۋچياڭنىڭ تانىستىرۋىنشا، سەرىكتەستىك وسى توپتا كەلگەندەرگە 6 اي شوعىرلى تاربيە جۇرگىزۋدەن تىس، 3 اي جۇمىس ورنىندا پراكتيكا ىستەتىپ شىنىقتىرادى ەكەن، 2 ۇستاز ءبىر شاكىرت تاربيەلەۋ ۇلگىسىن قولدانىپ، ولارعا تەحنيكالىق قابىلەتىن ءوسىرۋ جانە قىزمەت، تۇرمىس سياقتى جاقتاردا كومەكتەسەدى ەكەن. چىن داۋچياڭ بىلاي دەدى: «ءبىز مۇسىلمانشا ازىق - تۇلىكپەن قامدايتىن تەرەزەلىك كوزدەردى كوبەيتتىك، ەرلى - زايىپتى جۇمىسشىلارعا ۇيلەسەتىن ءۇي دايىنداپ، ولاردىڭ قىزمەت ىستەۋىنە، تۇرمىس كەشىرۋىنە مۇمكىندىكتىڭ بارىنشا جاقسى ورتا ازىرلەدىك».

    ج ك پ اۆتونوميالى رايوندىق 9 - كەزەكتى كوميتەتىنىڭ ەكىنشى جالپى (كەڭەيتىلگەن) ماجىلىسىندە، وڭتۇستىك شينجياڭداعى ارتىق ەڭبەككۇشتەردى باسقا كاسىپكە ويىستىرىپ جۇمىسقا ورنالاستىرۋ تەبىنىن ارتتىرۋ ءۇشىن، قاشقار، حوتان سىندى 2 ايماقتان 3 جىل ىشىندە 100 مىڭ ادامدى جۇمىسقا ورنالاستىرۋ جوسپارىن اتقارۋ العا قويىلدى. بيىل رايونىمىز قاشقار، حوتان ايماقتارىنان 25 مىڭ ارتىق ەڭبەككۇشتى باسقا كاسىپكە ويىستىرىپ جۇمىسقا ورنالاستىرۋدى جوسپارلاپ، ءار وتباسىنىڭ كىرىس جولى بولۋدى، ءار ادامنىڭ ىستەيتىن كاسىبى بولۋدى، اي سايىن كىرىس كىرگىزۋدى العاشقى قادامدا ىسكە اسىرۋعا كۇش سالدى.

    اۆتونوميالى رايوندىق الەۋمەتتىك جۇمىسقا ورنالاستىرۋ جاعىندا قىزمەت كورسەتۋ مەكەمەسىنىڭ باستىعى پاريدا رەيىمنىڭ تانىستىرۋىنشا، قازىرگە دەيىن، قاشقار، حوتان ايماقتارىنىڭ اۋىل - قىستاقتارىندا 80 مىڭعا جۋىق ارتىق ەڭبەككۇش وسى جوسپارعا قاتىناسۋعا تىزىمدەلىپتى، تىزىمدەلگەندەردى اۆتونوميالى رايون جالپى بەتتىك تاربيەلەۋ، تاربيەلەۋدە تولىمدى بولىپ جەتىلگەندەرىن جۇمىس ورنىنا جىبەرۋ پرينسيبىنە ساي، توپقا ءبولىپ جۇمىسقا ورنالاستىرادى ەكەن.

    اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن اۆتونوميالى رايوندىق پارتكومنىڭ شۋجيى چىن چۋانگونىڭ تاپسىرۋىمەن ءۇرىمجى پويەز ستانسياسىنا بارىپ ولاردى قارسى الدى. ول بىلاي دەدى: قاشقار، حوتان ايماقتارىنىڭ اۋىل - قىستاقتارىنداعى ارتىق ەڭبەككۇشتەردى باسقا كاسىپكە ويىستىرىپ جۇمىسقا ورنالاستىرۋ قىزمەتىن ورنالاستىرۋ، ورىستەتۋ − اۆتونوميالى رايوندىق پارتكومنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدەگى، تياناقتاندىرۋداعى، نازاردى باس نىساناعا شوعىرلاندىرۋداعى، باس نىسانادان جازباۋداعى، باس نىسانانى تياناقتاندىرۋداعى ماڭىزدى ورنالاستىرۋى، ۇلتتار ىنتىماعىن ىلگەرىلەتۋدەگى، حالىق تۇرمىسىن جاقسارتۋداعى، جۇرت تىلەگىن توعىستىرۋداعى ناقتى شاراسى. ول جۇمىسشىلاردى وسى جولعى جۇمىسقا ورنالاستىرۋ ورايىن قاستەرلەپ، كاسىپورىنعا بارعاننان كەيىن ورتاعا مۇمكىندىكتىڭ بارىنشا تەز ۇيلەسۋدى، ونەردى جەتىك يگەرىپ، قىزمەتتى ىجداعاتتىلىقپەن تىڭعىلىقتى ىستەۋدى، كاسىپورىنعا تامىر تارتىپ، ءوز قىزمەت ورنىنداعى تىرەكتىلەردەن، تەحنيكا شەبەرلەرىنەن بولىپ جەتىلۋگە قۇلشىنىپ، ءوز ماڭداي تەرىنە سۇيەنىپ كوركەم بولاشاق جاراتۋعا شابىتتاندىردى.

    اۆتونوميالى رايوننىڭ ورىنباسار ءتوراعاسى جاۋ چيڭ قيمىلعا قاتىناستى.

جاۋاپتى رەداكتور:سايراش تۇرارجان قىزى