چىن چۋانگو ءۇرىمجى قالاسىندا مىندەتتى اعاش ەگۋ قيمىلىنا قاتىناسقاندا جالپى حالىق اعاش ەگىپ، ورمان وتىرعىزىپ، كورىكتى شينجياڭ قۇرۋدى باسا دارىپتەدى

 نايىم ياسىن، نۇرلان ءابىلماجىن ۇلى، سۇن جينلۇڭ، لي پىڭشين قيمىلعا قاتىناستى

 

    اۆتونوميالى رايونداعى پارتيا، ۇكىمەت، ارميا ورىندارىنىڭ، سونداي - اق بيڭتۋاننىڭ باسشىلارى 21 - ساۋىردە ءۇرىمجى اۋدانىنىڭ شۇيشيگوۋ قالاشىعىنداعى اعاش ەگۋ تۇيىنىنە كەلىپ، مىندەتتى اعاش ەگۋ قيمىلىنا قاتىناستى. سۋرەتتە: اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ءار ۇلت كادر - جۇرتشىلىعىمەن، ورتا، باستاۋىش مەكتەپتىڭ وقىتۋشى - وقۋشىلارىمەن بىرگە مىندەتتى اعاش ەگۋدە

    اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو 21 - ءساۋىر تۇستەن بۇرىن ءۇرىمجى قالاسىندا مىندەتتى اعاش ەگۋ قيمىلىنا قاتىناسقاندا: اعاش ەگىپ، ورمان وتىرعىزۋ − ءار ۇلت جۇرتشىلىعىن جاپپاي يگىلىككە كەنەلتىپ، ۇرپاقتاردى باقىتقا بولەيتىن ۇزاق ۋاقىتتىق ۇلى ءىس، باس شۋجي شي جينپيڭنىڭ استانادا مىندەتتى اعاش ەگۋ قيمىلىنا قاتىناسقان كەزدە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، تياناقتاندىرىپ، ەكولوگيالىق وركەنيەت تانىمىن ورناتىپ، ەكولوگيالىق ورتا قۇرىلىسىن بارىنشا جاقسى جۇرگىزۋگە، بارىنشا جاقسى قورعاۋعا تىزە قوسا قۇلشىنىپ، حالىق جۇرتشىلىعىن ەكولوگيالىق وركەنيەت قۇرىلىسىنىڭ تابىستارىنان يگىلىكتەندىرۋ كەرەك، - دەپ باسا دارىپتەدى.

    كوكتەمگى سالقىن سامال ەسىپ، بارشا تىرشىلىك جاندانىپ، اعاش جاپىراقتارى بۇرلەي باستاعان. تۇستەن بۇرىنعى ساعات 11 مولشەرىندە، اۆتونوميالى رايونداعى پارتيا، ۇكىمەت، ارميا ورىندارىنىڭ، سونداي - اق بيڭتۋاننىڭ باسشىلارىنان چىن چۋانگو، نايىم ياسىن، نۇرلان ءابىلماجىن ۇلى، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، لي شۋەجۇن، ەركىن تۇنياز، ما شۋەجۇن، تيان ۋىن، پىڭ جيارۇي ءۇرىمجى اۋدانىنىڭ شۇيشيگوۋ قالاشىعىنداعى اعاش ەگۋ تۇيىنىنە كەلىپ، ءۇرىمجى قالاسىنداعى كادر - جۇرتشىلىقپەن، ورتا، باستاۋىش مەكتەپتىڭ وقىتۋشى - وقۋشىلارىمەن بىرگە مىندەتتى اعاش ەگۋ قيمىلىنا قاتىناستى.

    چىن چۋانگو ءۇرىمجى قالاسىنىڭ قالا ماڭىنداعى ەكولوگيالىق ورمان قۇرىلىسى نىسانىنىڭ جاسىلداندىرۋ جاعدايى جونىندەگى مالىمەتتى قىسقاشا تىڭداعاننان كەيىن، قولىنا كۇرەك الىپ، اعاش ەگۋ تۇيىنىنە قاراي ءجۇردى. ول ءۇرىمجى قالاسىنداعى، اۆتونوميالى رايوندىق ورمان شارۋاشىلىعى مەڭگەرمەسىندەگى جاۋاپتى جولداستارمەن، پيونەرلەر وتريادىنىڭ مۇشەلەرىمەن بىرگە اعاش ەگۋگە كىرىستى. چىن چۋانگو كوپشىلىكپەن بىرگە 6 ءتۇپ ۇزىن بۇتاقتى شەگىرشىن ەكتى، اعاشتىڭ ءتۇبىن توپىراقپەن باپتاپ تولتىرىپ، كاتەلمەن سۋ قۇيدى. چىن چۋانگو اعاش ەگە ءجۇرىپ جانىنداعى پيونەرلەرمەن ىقىلاستى اڭگىمەلەستى، ولاردىڭ ۇيرەنۋ، تۇرمىس شارت - جاعدايىنا كوڭىل ءبولىپ، ەگجەي - تەگجەيلى سۇراپ ۇعىستى ءارى ولاردى بالا كۇننەن تارتىپ ەكولوگيا كوزقاراسىن، ەڭبەك تانىمىن ورناتىپ، تابيعات دۇنيەسىمەن بارىنشا جاقىنداسىپ، مىندەتتى اعاش ەگۋ قيمىلىنا كوبىرەك ات سالىسىپ، اعاش ەگىپ، وتاندى جاسىلداندىرۋعا ىنتالىلاندىردى.

    مىندەتتى اعاش ەگۋ قيمىلىنا قاتىناسقان اۆتونوميالى رايون باسشىلارى مەن كوپشىلىك جۇمىس بولىسىنە ساي سايكەسىپ، قالامشالاردى ەگىپ، كاتەلمەن سۋ قۇيدى. بايابان دالاداعى جاڭا عانا ەگىلگەن جاس قالامشالار سامال جەلمەن باياۋ تەربەلەدى.

    اعاش ەگۋ ارەدىگىندە، چىن چۋانگو مىندەتتى اعاش ەگۋگە قاتىناسقان كادر - جۇرتشىلىقپەن ىقىلاستى كەڭەس قۇردى. ول بىلاي دەپ اتاپ كورسەتتى: كورىكتى شينجياڭ قۇرۋ − باس شۋجي شي جينپيڭنىڭ ىقىلاستى تاپسىرماسى، بۇكىل شينجياڭداعى ءار ۇلت كادر - جۇرتشىلىعىنىڭ ورتاق ارمانى. ءبىز باس شۋجي شي جينپيڭنىڭ استانادا مىندەتتى اعاش ەگۋ قيمىلىنا قاتىناسقان كەزدە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، تياناقتاندىرىپ، اعاش ەگىپ جاسىلداندىرۋ ىستەرىن ۇرپاقتان - ۇرپاققا جالعاستىرىپ، جاپپاي دوڭگەلەك داۋلەتتى قوعام قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىنباي اناعۇرلىم جاقسى ەكولوگيالىق شارت - جاعداي ازىرلەۋىمىز كەرەك. ەكولوگيا تانىمىن جەتىلدىرۋ ءۇشىن، بۇكىل قوعام تۇرعىسىنان يگەرۋىمىز، ۇلى تابيعاتتى قىزۋ ءسۇيۋ، ءومىردى قاستەرلەۋ سىندى ەكولوگيا تانىمىن زور كۇشپەن دارىپتەپ، ادام مەن تابيعات جاراسىمدى قاتار تۇراتىن ەكولوگيا ۇستانىمىن زور كۇشپەن ساۋلەلەندىرىپ، ەكولوگيالىق وركەنيەتكە جۇرەكتىڭ تورىنەن ورىن بەرىپ، شىنايى ارەكەتپەن ۇشتاستىرىپ، ەكولوگيا تانىمىن قالىڭ كادر - جۇرتشىلىقتىڭ كوكەيىنە ۇيالاتۋ كەرەك. اعاش ەگىپ، ورمان وتىرعىزۋدى ءاربىر ازاماتتان باستاپ يگەرۋ، مىندەتتى اعاش ەگۋ قيمىلىنا قاتىناسۋ − ءاربىر ازاماتتىڭ زاڭدا بەلگىلەنگەن بورىشى، باسشى كادرلار باستاماشىلدىق ەتۋگە، جالپى حالىق بەلسەنە ات سالىسۋعا تاباندى بولۋ، الدىڭعىلار اعاش ەگۋ، ۇرپاقتار يگىلىگىن كورۋ رۋحىن ساۋلەلەندىرىپ، ەڭبەگىن بۇلدامايتىن دەڭگەيمەن، يۇي گۇڭنىڭ تاۋ كوشىرۋ رۋحىمەن جىلدان - جىلعا، ۇرپاقتان - ۇرپاققا تاباندىلىقپەن جالعاستىرۋ، ءار ءتۇپ اعاشتان القاپتى ورمان قالىپتاستىرۋ كەرەك. اعاشتى كوبىرەك ەگۋدە، ويداعىداي ەگۋدە، تىڭعىلىقتى باعىپ - باپتاۋدا مەحانيزمنەن تارتىپ يگەرىپ، مىندەتتى اعاش ەگۋدىڭ جاۋاپكەرشىلىكتى ادا ەتۋ فورماسىن جاڭالاپ، حالىق جۇرتشىلىعىنىڭ بايتاق وتان دالاسىن جاسىلداندىرۋعا اناعۇرلىم جاقسى، اناعۇرلىم قولايلى تۇردە ات سالىسۋىنا مۇمكىندىك جاساۋ؛ ۇسىنىلىم جانە باسقارۋ مەحانيزمىن جاڭالاۋ، ورمان وتىرعىزۋدىڭ، جاسىلداندىرۋدىڭ كوپ تۇلعالى، كوپ ساتىلى، الۋان فورمالى جاعدايىن قالىپتاستىرۋ؛ جاسىلداندىرۋعا ىنتالىلاندىرۋ مەحانيزمىن جاڭالاۋ، ءار ۇلت جۇرتشىلىعىنا اعاش ەگىپ، ورمان وتىرعىزۋ الا كەلگەن ەكولوگيا يگىلىگىن سەزىندىرۋمەن بىرگە، ولاردى ورمان وتىرعىزۋعا، جاسىلداندىرۋعا، قۇمايتتانۋدان ساقتانىپ، قۇمدى تىزگىندەۋگە ات سالىسۋ ارقىلى كىرىسىن ارتتىرۋعا ىنتالىلاندىرۋ، جەتەلەۋ، «ءمولدىر سۋ، جاسىل تاۋدىڭ ءوزى بايلىق» دەيتىن تانىمدى ونان سايىن نىعايتۋ كەرەك.

    اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋاننىڭ جانە قارۋلى ساقشى شينجياڭ باس اترەتىنىڭ جاۋاپتى جولداستارى، اۆتونوميالى رايون مەن ءۇرىمجى قالاسىنداعى قاتىستى تاراۋلاردىڭ جاۋاپتى جولداستارى مىندەتتى اعاش ەگۋ قيمىلىنا قاتىناستى. 

جاۋاپتى رەداكتور:نۇرجان مينۋار قىزى