چىن چۋانگو، شوكىرات زاكىر شينجياڭ ەرلەر باسكەتبول قۇراماسىنداعىلارمەن كەزدەستى

    7 - ءساۋىر كەشتە شينجياڭ ەرلەر باسكەتبول قۇراماسى جۇڭگو ەرلەر باسكەتبول كاسىپتىك بىرلەسپە جارىسىنىڭ (CBA) اعا جۇلدەگەرلىگىن تۇڭعىش رەت جەڭىپ الدى. 8 - ساۋىردە اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ۇرىمجىدە جەڭىسپەن ورالعان شينجياڭ گۋاڭحۇي ەرلەر باسكەتبول قۇراماسىنىڭ سپورتشىلارىمەن، جاتتىقتىرۋشىلارىمەن جانە قىزمەتكەرلەرىمەن كەزدەستى.

    چىن چۋانگو اۆتونوميالى رايوندىق پارتكوم، ۇكىمەت جانە بۇكىل رايونداعى ءار ۇلت حالقى اتىنان داڭقپەن ورالعان شينجياڭ ەرلەر باسكەتبول قۇراماسىنىڭ سپورتشىلارىن، جاتتىقتىرۋشىلارىن جانە قىزمەتكەرلەرىن قىزۋ قۇتتىقتاپ، ولاردىڭ CBA جارىس الاڭىندا شينجياڭعا ابىروي الىپ بەرگەنىنە شىنايى العىس ايتىپ، ولاردىڭ قايىسپاي سايىسقان رۋحتارىنا وسكەلەڭ قۇرمەت ءبىلدىردى. چىن چۋانگو بىلاي دەدى: شينجياڭ ەرلەر باسكەتبول قۇراماسى 15 جىل بويى جىگەرىن جانىپ، ۇدەرە العا تارتىپ، قۇرىشتاي شىڭدالىپ، جۇمىستى سالماقتىلىقپەن جۇرگىزىپ، اقىرىندا اعا جۇلدەگەرلىكتى قولعا كەلتىرىپ، شينجياڭ ەرلەر باسكەتبول قۇراماسىنىڭ تالاي جىلدان بەرگى ارمانىن جۇزەگە اسىردى، شينجياڭداعى ءار ۇلت حالقىنىڭ، اسىرەسە، قالىڭ باسكەتبول جانكۇيەرلەرىنىڭ كوكەي تەستى ءۇمىتىن اقتاپ، تۇتاس شينجياڭ حالقىنا داڭق اپەرىپ، ماقتانىشقا كەنەلتىپ، جىگەر بەردى.

    چىن چۋانگو بىلاي دەدى: كەزەكتە تۇتاس رايونىمىز جوعارىدان تومەنگە دەيىن باس شۋجي شي جينپيڭنىڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن جۇڭگوشا سوتسياليستىك شينجياڭدى قۇلشىنا قۇرۋعا قۇلشىنۋدا. شينجياڭ ەرلەر باسكەتبول قۇراماسى سياقتى قيىنشىلىقتان قورىقپاي، ەرلىكپەن سايىسىپ، تالاپتانىپ تاس جاراتىن رۋحپەن، «قيىندىقتان تايسالماي، تاۋەكەلگە بەل بۋاتىن» بەكىممەن قوعام ورنىقتىلىعى مەن باياندى تىنىشتىق باس نىساناسىن تىڭعىلىقتى تياناقتاندىرۋىمىز كەرەك؛ شينجياڭ ەرلەر باسكەتبول قۇراماسى سياقتى ەرلىكپەن العا ۇمتىلىپ، الدىڭعىلاردى ۇزدىكسىز باسىپ وزىپ، قوعام ورنىقتىلىعىن قورعاۋ، رەفورما جاساپ، دامۋدى ىلگەرىلەتۋ، حالىق تۇرمىسىن قامتاماسىزداندىرۋ جانە ونى جاقسارتۋ، ۇلتتار ىنتىماعىن بەكەمدەۋ، ءدىن جاراسىمدىلىعىن جەبەۋ، كەدەيلىكتەن قۇتىلدىرۋدان قامال الۋدى ىلگەرىلەتۋ، ەكولوگيالىق ورتانى قورعاۋ، پارتيانى جاپپاي قاتاڭ جونگە سالۋ، بيڭتۋان قىزمەتىن جاقسى ىستەۋ سياقتى جاقتاردا شىن مانىندە ونىمدىلىكتى قولعا كەلتىرۋگە قۇلشىنۋىمىز كەرەك؛ شينجياڭ ەرلەر باسكەتبول قۇراماسى سياقتى تىعىز ىنتىماقتاسىپ، تىزە قوسا اتويلاپ العا ىلگەرىلەپ، ۇلتتار ىنتىماعىنىڭ ۇلى تۋىن باستان - اياق بيىك ۇستاپ، ۇلتتار ىنتىماعىن كوز قاراشىعىمىزداي قورعاپ، ۇلتتار ىنتىماعىن ومىرىمىزدەي قاستەرلەپ، اناردىڭ دانىندەي بىتە قايناسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن بىرگە جازۋىمىز كەرەك.

    سوڭىندا چىن چۋانگو شينجياڭ ەرلەر باسكەتبول قۇراماسىنىڭ كۇش ۇستىنە كۇش قوسىپ، تاعى دا تاماشا ناتيجە جاراتۋىن تىلەدى، ولاردىڭ ۇلگىلىك، جەتەكشىلىك رولىن جاقسى ساۋلەلەندىرىپ، تۇتاس رايونىمىزدىڭ باسەكەلىك سپورت قيمىلىنىڭ جالپىلىق قۋاتىنىڭ جوعارىلاۋىن جەبەپ، بۇقارالىق سپورتتىڭ دامۋىن پارمەندى ىلگەرىلەتىپ، شينجياڭنىڭ سپورت ىستەرىنىڭ دامۋىنا تىڭ قوزعاۋشى، ومىرشەڭدىك كۇش قوسۋىن ءۇمىت ەتتى.

    اۆتونوميالى رايون باسشىلارىنان لي شۋەجۇن، ەركىن تۇنياز كەزدەسۋ قيمىلىندا بىرگە بولدى.

    8 - ساۋىردە اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى باسشىلار ۇرىمجىدە شينجياڭ گۋاڭحۇي ەرلەر باسكەتبول قۇراماسىنىڭ سپورتشىلارىمەن، جاتتىقتىرۋشىلارىمەن جانە قىزمەتكەرلەرىمەن كەزدەسىپ، باسكەتبول قۇراماسىنىڭ جۇڭگو ەرلەر باسكەتبول كاسىپتىك بىرلەسپە جارىسىنىڭ (CBA) اعا جۇلدەگەرلىگىن تۇڭعىش رەت جەڭىپ العاندىعىن قىزۋ قۇتتىقتادى.

جاۋاپتى رەداكتور:نۇرجان مينۋار قىزى