دانەكەرلىك رولىمىزدى اناعۇرلىم ساۋلەلەندىرە تۇسەيىك

    ليۋ شىحى

    (قابا اۋداندىق پارتكوم ۇگىت ءبولىمىنىڭ سارتام اۋىلى شىعانشي قىستاعىندا تۇراتىن قىزمەت اترەتىنىڭ باستىعى)

    ءبىزدىڭ قستاقتا تۇراتىن قىزمەت اترەتىمىز نەگىزگى ساتىنىڭ الدىڭعى شەبىندە تۇرىپ، جاڭاشا اۋىل - قىستاق قۇرىلىسىن ىلگەرىلەتەتىن ماڭىزدى كۇش، پارتيا مەن ۇكىمەتتىڭ حالىقتى اۋقاتتاندىرۋ ساياساتىن دايەكتى تياناقتاندىرۋدىڭ، پارتيا مەن بۇقارانىڭ، كادرلار مەن بۇقارانىڭ جاراسىمدى بايلانىسىن ورناتۋدىڭ دانەكەرى بولدى. ءبىز دانەكەرلىك رولىمىزدى اناعۇرلىم ساۋلەلەندىرىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» بويىنشا قىستاقتا تۇرۋ قىزمەتىن اناعۇرلىم جاقسى ىستەۋگە ءتيىسپىز.

    قىستاقتا تۇرعان ءبىر جىلدان بەرى ءبىز قىستاق تۇرعىندارىنا قانداي پوزيتسيامەن، قانداي سەنىممەن، قانداي ونىمدىلىكپەن قىزمەت وتەسەك ولاردى ريزا ەتىپ، «حالىق ءۇشىن قىزمەت كورسەتۋ، حالىقتى باقىتقا كەنەلتۋدى» شىنايى ىسكە اسىرا الامىز دەگەندى كوپ ويلادىق.

    ءالى ەسىمدە، 1 - رەت وتباسىلاردى ارالاپ، زۇلپيانىڭ ۇيىنە بارعاندا، 12 جاسار زۇلپيا مەن 16 جاسار اپەكەسى 70تى ەڭسەرگەن اۋرۋشاڭ اجەلەرىمەن بىرگە كۇن كورىپ جاتقانىن، سول كەزدە بۇل وتباسىندا ەڭ اقشاعا جارايتىنى 25 ديۋمدىق تەلەۆيزور ەكەنىن كوردىم، وتباسىلىق كىرىسى نەگىزىنەن ۇكىمەتتىڭ سۇيەمەلدەۋىنە سۇيەنەتىنىن سۇراپ ءبىلدىم، اجەيدىڭ حالىققا تيىمدىلىك جاساۋ ساياساتتارىنان كوپ حابارى جوق ەكەنىن ءبىلدىم، وسىنىڭ ءبارى ماعان تەرەڭ وي سالدى.

    ءبىز قىستاقتا تۇرىپ نەلەردى ىستەيمىز؟ حالىق بۇقاراسىنا ءبىزدىڭ كەلۋىمىز جاي عانا ارالاپ كەتۋ ەمەس، ولاردىڭ تۇرمىسىن شىنايى جاقسارتۋ ءۇشىن كەلگەنىمىزدى ءبىلدىرۋىمىز كەرەك.

    بۇل ماعان «جوعارىعا»، «تومەنگە» باعىتتالعان قىزمەتتەردى جاقسى ىستەۋدىڭ ماڭىزدىلىعىن سەزىندىردى.

    «جوعارىعا» دەگەنىمىز ساياساتتى مۇقيات ءتۇسىنۋ ءارى دايەكتى تياناقتاندىرۋ، قىستاق تۇرعىندارى العا قويعان ماسەلەلەردى دەر كەزىندە جوعارىعا جەتكىزۋ. ءبىزدىڭ قىزمەت اترەتىمىزدەگى مۇشەلەر جونىنەن العاندا، حالىق ىستەرى، مەملەكەت جەر بايلىعى، جوسپارلى تۋىت، قوعام اماندىعىن جان - جاقتى وڭاۋ سياقتى ءار سالاداعى ساياسات، زاڭ - ەرەجەلەردى تەز ارادا ۇيرەنىپ جانە جەتىك ءبىلىپ، قىستاق تۇرعىندارىنىڭ جاڭا ساياساتتاردى دەر كەزىندە تۇسىنۋىنە مۇمكىندىك جاساۋ.

    قىستاقتا تۇرۋ قىزمەتى ۇكىمەت پەن حالىق بۇقاراسىن جالعايتىن دانەكەر، سوندىقتان «تومەنگە» قاراتا، ءبىز بۇقاراعا بولعان پوزيتسيامىزدى دۇرىستاۋىمىز كەرەك. جۇمىس بىتىرۋگە كەلگەن ءاربىر قىستاق تۇرعىنىنا ىستىق ىقىلاسپەن، سابىرلىلىقپەن ءتۇسىندىرۋىمىز كەرەك. قىستاق تۇرعىندارى تۇسىنەتىن ءسوز سويلەۋىمىز، قىستاق تۇرعىندارى ىستەگىسى كەلەتىن ءىستى ىستەۋىمىز كەرەك. وسىلاي بولعاندا، قىزمەت اترەتىنىڭ مۇشەلەرى مەن قىستاق تۇرعىندارىنىڭ ويى ءوبىسىپ، سەزىمى توعىسادى، سوندا عانا قىستاقتىڭ جاعدايى جايلى شىنايى مالىمەتتەر جيناپ، قىستاق تۇرعىندارىنىڭ قاجەتىن، قىستاق تۇرعىندارىنىڭ ويلاعانىن، قىستاق تۇرعىندارىنىڭ ارمانىن تۇسىنۋگە بولادى.

    قىستاق «ەكى كوميتەتى» قىزمەتىنە سەلبەسكەندە، ءبىز جاقسى ادامداردىڭ نەگىزگى ساتى كادرلارى بولۋىن، جاقسى ىستەردى نەگىزگى ساتى ۇيىمدارىنىڭ ىستەۋىنە تاباندى بولىپ، نەگىزگى ساتى ۇيىمى مەن بۇقارا اراسىنداعى دانەكەرلىك رولدى تولىق ساۋلەلەندىرىپ، نەگىزگى ساتى ۇيىمىن كۇشەيتۋدى تىڭعىلىقتى ىستەپ، نەگىزگى ساتى ۇيىمىنىڭ ابىرويىن تۇلعالاپ، نەگىزىن بەكەمدەپ، بەدەلىن اسىرۋعا كومەكتەستىك.

    قىستاقتا تۇرعان ءبىر جىلدان بەرى، امالياتتىق ىزدەنىس بارىسىندا، وزىمدىك تۇسىنىگىم مەن ۇسىنىستارىم دا بولدى، بۇدان كەيىن قىستاقتا تۇرۋ قىزمەتىن ورىستەتۋدە قىستاقتا تۇرعان كادرلاردىڭ پىكىر اۋىستىرۋ، تاربيەلەۋ مەحانيزمىن قۇرىپ، «ناقتى، قولدانىلمالى، ءونىمدى» جانە «نە كەم بولسا، سونى تولىقتاۋ» پرينسيبى بويىنشا قىزمەت اترەتىنىڭ مۇشەلەرىن تۇراقتى مەزگىلدە ۇيىمداستىرىپ، توپتىق تاربيەلەۋدى ءۇمىت ەتەمىن. اۋىل شارۋاشىلىعى مەن اۋىل - قىستاقتى وسىزامانداندىرۋ قۇرىلىسىنىڭ اۋىل، قالاشىق كادرلارىنا قويعان تالابىنا ساي، ونەر، ءبىلىم تاربيەسىن جۇرگىزىپ، اۋىل، قالاشىق كادرلارىن پارتيا مەن مەملەكەتتىڭ اۋىل - قىستاق جونىندە شىعارعان جاڭا ساياساتىن، جاڭا زاڭ - ەرەجەلەرىن، سونداي - اق اۋىل شارۋاشىلىعى جانە اۋىل - قىستاق ەكونوميكاسىن باسقارۋدىڭ جاڭا تەحنيكاسىن، جاڭا بىلىمدەرىن جاپپاي تۇسىنۋىنە جانە يگەرۋىنە كومەكتەسىپ، جاڭا تاريحي جاعدايدا اۋىل - قىستاق قىزمەتىن ويداعىداي ىستەۋ كەرەك.

جاۋاپتى رەداكتور:سايراش تۇرارجان قىزى