تاباندىلىقپەن كۇش شىعارىپ، نەگىزگى ساتى پارتيا ۇيىمىن بەكەمدەيىك

    جاڭ جيانرىن

    (اۆتونوميالى رايوندىق وقۋ - اعارتۋ مەڭگەرمەسىنىڭ كۇشار اۋدانى ءۇشوستەڭ اۋىلى قوستور قىستاعىندا تۇراتىن قىزمەت اترەتىنىڭ باستىعى)

    كۇشار اۋدانى ءۇشوستەڭ اۋىلى قوستور قىستاعىنىڭ نەگىزگى ساتى ۇيىمى بۇرىن اۆتونوميالى رايون بويىنشا ءالسىز، بىتىراڭقى نەگىزگى ساتى پارتيا ۇيىمى بولاتىن، ءبىز قىستاقتا تۇرعاننان بەرى «ءبىر نىسانادان» جازباي، «ەكى نەگىزدى» بەكەمدەپ، «بەستە قامال الۋدى» قۇلشىنا ىسكە اسىرىپ، وسى قىستاقتىڭ اۆتونوميالى رايون بويىنشا ءالسىز، بىتىراڭقى نەگىزگى ساتى پارتيا ۇيىمى دەگەن قالپاعىن ءساتتى الىپ تاستادىق.

    ءبىر جىلدىق قۇلشىنىستارىنىڭ ارقاسىندا، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتى قوستور قىستاعىنىڭ جولدارىن جاساپ، شىراقتارىن جارقىراتىپ، اۋىز سۋدى ءار وتباسىنا جەتكىزدى، سۋ سىڭبەيتىن توعاندار تارتتى، مادەني قيمىلداردىڭ مازمۇنىن بايىتتى، كوللەكتيۆ ەكونوميكانى كۇشەيتتى، بۇرىنعى ءالسىز، بىتىراڭقى نەگىزگى ساتى پارتيا ۇيىمى قازىر ۇيتقىلىق قۋاتى كۇشتى، ىنتىماقتى، جاۋىنگەرلىك قۋاتى مىعىم ۇيىمعا اينالدى، قىستاق تۇرعىندارى جۇمىستارى بولسا قىستاق كادرلارىن ىزدەپ كەلەتىن بولدى.

    «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى قىستاق قىزمەتتەرىن تىڭعىلىقتى ىستەۋدىڭ ءتۇيىنى قىستاق «ەكى كوميتەتى» القاسىن مىقتى ۇستاۋ دەپ ءبىلدى. اۋىل - قىستاقتاردا جاڭاشا اۋىل - قىستاق قۇرىلىسىنا، بۇقارانىڭ مۇددەسى ءۇشىن شىن نيەتپەن بەرىلىپ، شىنايى ىستەپ، شىنايى تەر توگىپ، شىنايى ناتيجە جاراتقان پارتيا ۇيىمى عانا حالىقتىڭ القاۋىنا بولەنەدى. سوندىقتان جوعارى دارەجەلى پارتكومعا قىستاقتىڭ «ەكى كوميتەتى» باسشىلىق القاسىن كۇشەيتىپ تولىقتاۋىن، اسىرەسە، قىستاق پارتيا ياچەيكا شۋجيىن جاقسى تاڭداپ قويۋدى ۇسىنىس ەتەمىز.

    بۇرىن ءبىز ۇنەمى اقشالاي، زاتتاي كومەك كورسەتكەننەن گورى جاقسى پارتيا ياچەيكاسىن بەكەمدەگەن الدەقايدا ابزال دەيتىنبىز. پارتيا ياچەيكاسىن بەكەمدەۋ دەگەنىمىز ءمورالدى دا ىسكەر قىستاق كادرىن تاعايىنداپ، قىستاق تۇرعىندارىن ءبىر تىلەك، ءبىر نيەتپەن دۇرىس جولعا، بايۋ جولىنا، مادەنيەتتى، باقىتتى تۇرمىسقا باستايتىن العاباسار، ۇزدىك دارىندىلاردى قوسىنعا كىرگىزۋ دەگەن ءسوز.

    قىستاقتاعى «ءتورت ءتۇرلى قارتتىڭ» قوسىمشا قاراجاتىن، شارۋالارعا تيىمدىلىك جاساۋ قاراجاتىن تاراتۋدا اشىق، اشكەرە، ءادىل بولۋعا تاباندى بولىپ، قىستاق تۇرعىندارىنا مەيىر - شاپاعاتتى سەزىندىرۋ، جۇرەكتەردى توعىستىرىپ، كۇشتەردى بىرىكتىرىپ، قىستاق پارتيا ياچەيكا شۋجيىنە سۇيەنىش بولۋ كەرەك. قىستاقتاعى پارتيا مۇشەلەرىن جەتىلدىرۋگە، تاربيەلەۋگە ءمان بەرىپ، پارتياعا مۇشە قابىلداۋدا كىم شارت ازىرلەسە سونى قابىلداۋ ارقىلى زاپاس كۇش قۇرىلىسىن كۇشەيتۋ كەرەك.

    بۇقارالىق قىزمەت −− پارتيامىزدىڭ اسىلى، كادرلاردا بولۋعا ءتيىستى ىسكەرلىك. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى قىستاق تۇرعىندارىنا ساياسي - يدەيالىق تاربيەنى جاقسى ىستەۋ كەرەك. دۇرىس، وڭ ەنەرگيالى نارسەلەر يدەيادا ورىن الماسا، قاتە، بۇرمالانعان نارسەلەر جالبىزبالاپ كىرىپ، ءتىپتى، ىرىقتى ورىنعا شىعىپ، ادامنىڭ رۋحى مەن يدەياسىنا ىقپال جاسايدى. سوندىقتان «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى الدىن الۋ مەن جەتەكشىلىك ەتۋدى بىرلەستىرىپ، مادەنيەت ارقىلى توسقاۋىل قويىپ، عىلىم - تەحنيكانى، وقۋ - اعارتۋدى جالپىلاستىرىپ، دۇرىس سەنىم ارقىلى بۇرىس سەنىمنىڭ ءورىسىن تارايتىپ، قىستاق تۇرعىندارىنا يدەيالىق تاربيەنى كۇشەيتۋ ارقىلى ءدىني ۇشقارى يدەيانىڭ تامىرىنا بالتا شابۋ كەرەك.

    «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى قىستاق كادرلارىنا كومەكتەسىپ، كەدەي وتباسىلاردى دالمە - ءدال انىقتاپ، سۇيەنىشسىز قارتتار مەن ناۋقاس سەبەبىنەن كەمتار بولعان جاندارعا ءتۇيىندى تۇردە نازار اۋدارۋ كەرەك. دەموكراتيالىق باعالاۋ نەگىزىندە، نوپوس پەن ادامدى ايىرۋدىڭ، ادام مەن ءۇيدى ايىرۋدىڭ، قازىنا مەن ادامدى ايىرۋدىڭ جانە قارتتاردى كۇتىمدەۋدىڭ ارا قاتىناستارىن دۇرىس ءبىر جايلى ەتىپ، تەحنيكالىق تاسىلدەر ارقىلى دالمە - ءدال انىقتاۋ جانە ونى يكەمدى باسقارۋ كەرەك. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ ىسكەرلىگىن ساۋلەلەندىرىپ، قىستاق تۇرعىندارىن تەحنيكالىق جاقتان تاربيەلەۋدى، اسىرەسە، ءتىل جانە كاسىپتەنۋ جاعىنان باۋلۋدى كۇشەيتىپ، بۇقاراعا ءبىر ونەردىڭ تەتىگىن يگەرتىپ، كاسىپتەنۋدىڭ كەڭ ءورىسىن اشۋ كەرەك.

    جان - جاقتى جوبا جاساۋ كەرەك. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىندە جۇيەلى جوبا بولۋى، وسى جوبا بويىنشا ءبىر جىلدىق جوسپار جاساپ، قىزمەتتىڭ ۇلاسپالىلىعى مەن كەمەلدىلىگىن ساقتاپ، ءبىر شارۋانى تىندىرسا، تاعى ءبىر شارۋانى قولعا الىپ، تاباندىلىقپەن كۇش سالۋ كەرەك.

جاۋاپتى رەداكتور:سايراش تۇرارجان قىزى