باس نىسانا − جاڭا جاعدايدا شينجياڭ قىزمەتىن اناعۇرلىم جاقسى ىستەۋدىڭ ارقاۋى

    اقىمەتقان مۇقامادي ۇلى

    كەزەكتە اۆتونوميالى رايونىمىز «جاپپاي دوڭگەلەك داۋلەتتى قوعام قۇرۋداي» ۇلى نىسانانى جۇزەگە اسىرۋدىڭ مەجەلى مەرزىمى مەن رەفورما، دامۋ، ورنىقتىلىق ىستەرىنىڭ شەشۋشى كەزەڭىنە قادام تاستادى. وسىنداي ءبىر ماڭىزدى كەزەڭدە اۆتونوميالى رايون پارتيا ورتالىق كوميتەتىنىڭ ورنالاستىرۋىنا ساي، قوعام ورنىقتىلىعى مەن باياندى تىنىشتىق سىندى باس نىسانانى ارقاۋ ەتىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى باياندى گۇلدەندىرۋگە تاباندى بولىپ، ىنتىماقتاسا كۇرەس جۇرگىزىپ، شينجياڭنىڭ قارىشتاپ دامۋىن جەبەپ، حالىق تۇرمىسىن جاقسارتىپ، ۇلتتار ىنتىماعىن ءار ۇلت حالقىنىڭ جان تامىرى ەتىپ، پارتيانىڭ ۇلت ساياساتىن جاپپاي دايەكتىلەندىردى. جۇدىرىقتاي جۇمىلىپ، تىڭعىلىقتى جۇمىس جۇرگىزىپ، شينجياڭنىڭ قوعام ورنىقتىلىعى مەن باياندى تىنىشتىعىن شىنايى جۇزەگە اسىرۋ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، ءار ۇلت حالقى الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا تىنباي كۇرەس جۇرگىزۋگە زور قۇلشىنىستار جاساپ، شينجياڭ قىزمەتىن ءتىپتى دە جاقسى ىستەۋدىڭ نەگىزگى پرينسيبىن، جاڭا تالابىن جانە ستراتەگيالىق باعىتىن ونان ارى ايقىندادى. قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ءارى شينجياڭ قىزمەتىن العا جەتەكتەيتىن تۋ جانە باعدار ەتىپ بەلگىلەدى. بۇل اۆتونوميالى رايوندىق پارتكومنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دۇرىس جەتەكشىلىگىندە جاڭا جاعدايداعى شينجياڭ قىزمەتىن جاقسى ىستەۋ جونىندەگى كەلەلى ستراتەگيالىق ورنالاستىرۋى، بۇل اۆتونوميالى رايوندىق پارتكومنىڭ پارتيا ورتالىق كوميتەتىنىڭ باسشىلىعىندا شينجياڭدى جونگە سالۋ جوباسىنىڭ اناعۇرلىم كەمەلدەنگەندىگىنىڭ ءارى جوعارى دەڭگەيگە كوتەرىلگەندىگىنىڭ، سونىمەن بىرگە شينجياڭدى جونگە سالۋ باعىتىنىڭ اناعۇرلىم ايقىندالعاندىعىنىڭ ناقتى دا كورنەكتى بەينەسى. بۇل شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا، شينجياڭنىڭ رەفورما، دامۋ ىستەرىن ىلگەرىلەتۋدە توتەنشە ماڭىزدى ءمان الادى. بۇل جاڭا جاعدايدا شينجياڭ قىزمەتىن ءتىپتى دە جاقسى ىستەۋدىڭ ارقاۋى بولىپ، مۇنىڭ قازىرگى جانە بۇدان كەيىنگى شينجياڭ قىزمەتىنە كەلەلى، تەرەڭ ىقپال جاسايتىنى ءشۇباسىز.

    «قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ باس نىساناسى». بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ زامانا تىنىسىن ءداپ باسىپ، كەمەلدى جوبا جاساپ، پارتيا مەن مەملەكەت ىستەرى دامۋىنىڭ جالپى جاعدايىن نازارعا الىپ، ىشكى جانە حالىقارالىق جاعدايدى ءبىر تۇتاس تۇجىرىمداۋ ارقىلى شىعارعان ماڭىزدى ستراتەگيالىق شەشىمى، ول زامانالىق جانە سيمۆولدىق مانگە يە. سوندىقتان شينجياڭنىڭ بارلىق قىزمەتىندە باس نىسانانى ارقاۋ ەتۋ، باس نىسانا ارقىلى يدەيانى ونان ارى بىرلىككە كەلتىرۋ، ورتاق تانىم قالىپتاستىرىپ، امالياتقا جەتەكشىلىك ەتۋ، باس نىسانانى شىنايى تۇردە جالپى باعدارلاما، وزەكتى مىندەت، كوزدەۋ ءتۇيىنى جانە كۇش سالۋ ءتۇيىنى ەتىپ، بارلىق قىزمەتتى باس نىسانانى ارقاۋ ەتە جوسپارلاۋ، جۇرگىزۋ، ىلگەرىلەتۋ جانە ونى مىقتى يگەرۋ توتەنشە قاجەتتى.

    شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. پارتيا ورتالىق كوميتەتى شينجياڭ قىزمەتىنە ەجەلدەن باسا ءمان بەرىپ كەلەدى. شينجياڭنىڭ رەفورما، دامۋ، ورنىقتىلىق قىزمەتىنىڭ شەشۋشى مەزگىلدەرىندە ورتالىق كوميتەت شينجياڭ قىزمەتىنە ارناۋلى ورنالاستىرۋ جاساپ، باعىت - باعدار كورسەتىپ وتىردى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە باسا نازار اۋدارىپ، وسكەلەڭ ءمان بەردى. باس شۋجي شي جينپيڭ شينجياڭدا قىزمەت تەكسەرىپ، ماڭىزدى نۇسقاۋ بەردى، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە ماڭىزدى ءسوز سويلەپ، شينجياڭنىڭ جالپى جاعدايىنا عىلمي تالداۋ جاساپ، شينجياڭ قىزمەتىندەگى ءبىرقىدىرۋ ماڭىزدى نازاريالىق جانە امالياتتىق ماسەلەلەردى تەرەڭ بايىمداپ، پارتيامىزدىڭ جاڭا جاعدايدا شينجياڭدى جونگە سالۋ ستراتەگياسىن تۇراقتاندىرىپ، شينجياڭ قىزمەتىنىڭ باس نىساناسى − قوعام ورنىقتىلىعى مەن باياندى تىنىشتىق ەكەندىگىن ايقىنداپ، شينجياڭ قىزمەتىن ونان ارى جاقسى ىستەۋدىڭ ءتىپتى دە ايقىن باعدارىن كورسەتىپ، ءتۇبىرلى نەگىزدەمە مەن قۋاتتى قوزعاۋشى كۇش باعىشتادى. ءبىز زەيىن - زەردەمىز بەن كۇش - قۋاتىمىزدى شوعىرلاندىرىپ، ىنتىماقتاسا كۇرەس جۇرگىزىپ، شينجياڭ قىزمەتىندە قوعام ورنىقتىلىعى مەن باياندى تىنىشتىقتى باس نىسانا جانە تياناق ەتۋدىڭ ءمانىن جەتە تانىپ جانە تەرەڭدەي ءتۇسىنىپ، يدەيانى، تانىمدى، ارەكەتتى باس نىسانانىڭ جەتەكشىلىگىمەن، ورتالىقتىڭ كەلەلى شەشىم - ورنالاستىرۋلارىمەن، باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىمەن بىرلىككە كەلتىرىپ، شينجياڭ قىزمەتىنىڭ جاڭا اۋقىمى مەن تىڭ مىندەتىن ءداپ باسىپ دۇرىس يگەرىپ، شينجياڭ قىزمەتىن جاقسى ىستەۋدىڭ سانالىلىعىن، كوكەي تەستىلىگىن، ىرىقتىلىعىن ءتىپتى دە كۇشەيتۋىمىز كەرەك. ەندى، باس نىسانانى ارقاۋ ەتۋگە قاتىستى تومەندەگىدەي بىرنەشە جاقتاعى ءتۇيىندى قىزمەتتەردى سايكەستىرە وتىرىپ مىقتى يگەرۋ جونىندە ءوز كوزقاراسىمدى ورتاعا سالماقپىن:

    ءبىرىنشى، باس نىسانانى ارقاۋ ەتۋدىڭ ماڭىزدى ءمانىن جەتە ءتۇسىنىپ، ءار جاقتاعى قىزمەتتەردى ويداعىداي ىلگەرىلەتۋ. باس نىسانا پارتيا ورتالىق كوميتەتىنىڭ كەلەلى ستراتەگيالىق شەشىمى، پارتيا ورتالىق كوميتەتىنىڭ شينجياڭ قىزمەتى جونىندەگى عىلمي تۇجىرىمى، پارتيا ورتالىق كوميتەتىنىڭ شينجياڭ قىزمەتى جونىندەگى عىلمي انىقتاماسى، پارتيا ورتالىق كوميتەتىنىڭ شينجياڭدى جونگە سالۋ ستراتەگياسىنىڭ وزەكتى مازمۇنى، پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن ىقىلاستى قامقورلىعى، باس نىسانا شينجياڭنىڭ ءىس جۇزىندىك جاعدايىنا بۇكىلدەي ۇيلەسەدى، سوندىقتان ءبىز باس نىسانانى شينجياڭنىڭ بارلىق قىزمەتىنە ارقاۋ ەتۋىمىز كەرەك. باس شۋجي شي جينپيڭ شينجياڭدا قىزمەت تەكسەرگەندە شينجياڭ قىزمەتىنىڭ پارتيا مەن مەملەكەت قىزمەتىندە ماڭىزدى ستراتەگيالىق ورىنعا يە ەكەندىگىن باسا دارىپتەپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ بۇكىل ەلدىڭ رەفورما، دامۋ، ورنىقتىلىق جالپى جاعدايىنا، وتان تۇتاستىعىنا، ۇلتتار ىنتىماعىنا، مەملەكەت حاۋىپسىزدىگىنە، جۇڭحۋا ۇلتىنىڭ ۇلى گۇلدەنۋىنە ساياتىندىعىن اتاپ كورسەتتى. بۇل شينجياڭنىڭ رەفورما، دامۋ جەتىستىكتەرى مەن ءار ۇلت حالقىنىڭ ءتول مۇددەسىن شىن مانىندە قورعاۋدىڭ، شينجياڭدى گۇلدەندىرۋدىڭ ايبىندى جوباسى بولىپ ەسەپتەلەدى. دەمەك، وسى جوبا ويداعىداي تياناقتاندىرىلسا، قازىرگى جانە بۇدان بىلايعى ءبىر مەزگىلدەگى شينجياڭ قىزمەتىنىڭ باس نىساناسى مەن تابان تىرەر تياناعىن ويداعىداي يگەرۋگە بولادى.

    ورنىقتىلىق − دامۋدىڭ العى شارتى، ورنىقتىلىق بولماسا، شينجياڭنىڭ رەفورماسى مەن دامۋى كەدەرگىگە تاپ بولادى، بۇكىل ەلدىڭ رەفورما، دامۋ، ورنىقتىلىق جالپى جاعدايى ىقپالعا ۇشىرايدى. باياندى تىنىشتىق − پارتيامىزدىڭ مەملەكەتتى باسقارىپ، بيلىك جۇرگىزۋىندەگى نەگىزگى نىساناسى ءارى شينجياڭنىڭ قارىشتاپ دامۋىن جۇزەگە اسىرۋدىڭ تالابى، ۇلتتار ىنتىماعىن كۇشەيتۋ مەن حالىق تۇرمىسىن جاقسارتۋدىڭ ءتۇبىرلى كەپىلى. كەزەكتە شينجياڭ قوعامىنىڭ جالپى جاعدايى تۇلعالىق جاقتان ورنىقتى، دامۋ بەتالىسى جاقسى. دەسەدە تاريحتان قالعان كەي ماسەلەلەردىڭ كەسىرى مەن جاراتىلىستىق شارت - جاعداي سالدارىنان، رايونىمىزدىڭ دامۋى باسقا ولكە، رايوندارمەن سالىستىرعاندا ءالى دە باياۋ. ءبىر ءبولىم بۇقارانىڭ تۇرمىسىندا ءالى دە قيىنشىلىق بار. كەدەيلىك ماسەلەسى تۇبەگەيلى شەشىلدى دەۋگە كەلمەيدى. قوعام ورنىقتىلىعى جاعىندا ءبىرسىپىرا ماسەلەگە ءدوپ كەلىپ وتىرعاندىعىمىزدى دا انىق كورە ءبىلۋىمىز كەرەك: «ءۇش مەزگىل قاباتتاسقان» قاتاڭ جاعداي تۇبىرىنەن وزگەرگەن جوق؛ شينجياڭنىڭ «ءۇش ءتۇرلى كۇشپەن» كۇرەسى ۇزاق ۋاقىتتىق، كۇردەلى، شيەلەنىسكەن، كەيدە، ءتىپتى، قيان - كەسكى بولادى؛ لاڭكەستىككە قارسى تۇرىپ، ورنىقتىلىقتى قورعاۋ مىندەتى ءالى دە كۇردەلى ءارى اۋىر؛ باياندى تىنىشتىقتى ساقتاۋعا ساياتىن تەرەڭ قاتپارداعى ماسەلەلەردى ءونىمدى شەشۋ كەزەك كۇتتىرمەيدى. سوندىقتان ورنىقتىلىقتى قورعاۋدى شينجياڭنىڭ ەڭ ماڭىزدى قىزمەت مىندەتى، ۇزاق ۋاقىتتىق باس نىساناسىنىڭ ارقاۋى ەتىپ، ورنىقتىلىقتى قورعاۋ ارقىلى تاماشا دامۋ ورتاسىن ازىرلەپ، رەفورما جاساۋ، سىرتقا ەسىك اشۋ، ەكونوميكانى دامىتۋ، حالىق تۇرمىسىن جاقسارتۋ سياقتى قىزمەتتەردى جالپى بەتتىك ىلگەرىلەتۋگە كۇش سالۋىمىز كەرەك. ەكونوميكالىق دامۋدى يگەرۋدە قوعام ورنىقتىلىعى مەن باياندى تىنىشتىقتى ىلگەرىلەتۋگە ءتيىمدى بولۋدى؛ رەفورما مەن سىرتقا ەسىك اشۋدى يگەرۋدە قوعام ورنىقتىلىعى مەن باياندى تىنىشتىقتى جەبەۋگە ءتيىمدى بولۋدى نىسانا ەتۋدى؛ ۇلتتار ىنتىماعىن يگەرۋدە قوعام ورنىقتىلىعى مەن باياندى تىنىشتىقتىڭ بۇقارالىق نەگىزىن بەكەمدەۋگە ءتيىمدى بولۋدى نەگىز ەتۋدى؛ پارتيا قۇرىلىسىن يگەرۋدە قوعام ورنىقتىلىعى مەن باياندى تىنىشتىقتىڭ بەرىك قامالىن تۇرعىزۋعا ءتيىمدى بولۋدى ءتۇيىن ەتۋدى مىقتى يگەرۋىمىز كەرەك.

    ەكىنشى، ۇلتتار ىنتىماعىن بارىنشا كۇشەيتۋ. بۇل − باس نىسانانى ارقاۋ ەتۋدىڭ نەگىزگى مازمۇنى. مۇندا الدىمەن «جان تامىردى» ساباقتاستىرۋ كەرەك. ۇلتتار ىنتىماعىنىڭ تۋىن بيىك ۇستاپ، پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعىن كوز قاراشىعىمىزداي قورعاۋىمىز، ۇلتتاردىڭ ءوزارا سيلاسىپ، ءبىر نيەتپەن كۇش بىرىكتىرىپ، جاراسىمدى دامۋىن جەبەۋىمىز كەرەك. ۇلتتار ىنتىماعىن كۇشەيتۋدە ەڭ الدىمەن ەلىمىزدەگى ءار ۇلت مۇشەلەرى قوعامدا تەپە - تەڭ ورىندا تۇراتىندىعىن، ءار ۇلت مۇشەلەرى مەملەكەت پەن قوعامدىق تۇرمىستا زاڭ بويىنشا بىردەي ۇقىقتان يگىلىكتەنىپ، ۇقساس بورىش وتەيتىندىگىن ءبىلۋىمىز، ۇلتتار تەڭدىگى مەن ۇلت ماسەلەسىن عىلمي تۇردە دۇرىس تانۋىمىز كەرەك. اسىرەسە، قوعامدىق قىزمەت پەن كۇندەلىكتى تۇرمىستا سيپاتى ءبىر - بىرىنە ۇقسامايتىن 2 ءتۇرلى قايشىلىقتى قاتاڭ پارىقتاندىرىپ، قانداي ماسەلە بولسا سوعان سايكەستى شارامەن ءبىر جاقتىلى ەتۋىمىز، زاڭ، زاڭ - ەرەجە، تۇزىمدەر الدىندا تەپە - تەڭ بولۋعا تاباندى بولىپ، ءار ۇلت مۇشەلەرى اراسىنداعى ءتىل ۇعىسپاستىقتان تۋىلعان ازىن - اۋلاق كىربەڭدىك، بولىمسىز قايشىلىق، كىشى - گىرىم جاڭجال، داۋ - داماي سياقتىلاردى ۇلت ماسەلەسىنە جاتقىزۋدان قاتاڭ ساقتانۋىمىز، ءاربىر جەكەلەردىڭ ءوز مۇددەسىنە قاتىستى شاعىن ىستەردى پرينسيپكە كوتەرىپ، ونى ۇلت ماسەلەسىنە اينالدىرۋىنا، كەيبىرەۋلەردىڭ قايداعى ءبىر ۇلت ماسەلەسىن كەڭەيتۋىنە، جالپىلاندىرۋىنا قاتاڭ تيىم سالۋىمىز كەرەك. سونىمەن بىرگە كادرلار اراسىنداعى كۇندەلىكتى قىزمەت بارىسىندا كەيبىر ىستەر جونىندە پىكىر بىرلىگىنە كەلە الماعان ىستەردى، قوعام مۇشەلەرى اراسىندا تۋىلعان ادەتتەگى بولىمسىز قايشىلىقتى جات نيەتپەن ۇلت ماسەلەسى دەپ ۇلعايتاتىن ءسوز - ارەكەتتەردەن ەرەكشە ساقتانىپ، ناشار ادەت، ۇنامسىز سالتتىڭ قوعامدا جامىراپ كەتۋىنە استە جول بەرمەۋىمىز كەرەك.

    ءۇشىنشى، ءدىني ىستەردى باسقارۋدى جۇيەلىلەندىرۋ. شينجياڭ سىندى كوپ ۇلتتى، كوپ ءدىندى شەكارا رايوندا ءدىني ىستەردى باسقارۋ مەن ءدىن قىزمەتىن شىنايى جاقسى ىستەۋ − قوعام ورنىقتىلىعى مەن باياندى تىنىشتىقتى جەبەۋدىڭ، ۇلتتار ىنتىماعىن بەكەمدەۋدىڭ، ءدىني ۇيىمدار مەن دىنگە سەنەتىن قالىڭ بۇقاراعا وتانشىلدىق تاربيە جۇرگىزۋدىڭ، جاراسىمدى دا اقاۋسىز قوعام قۇرۋدىڭ، ءبىر نيەت، ءبىر تىلەكپەن العا باسۋدىڭ نەگىزى سانالادى. جاڭا كەزەڭ، تىڭ ساتىدا ءدىني ىستەردى زاڭ بويىنشا باسقارۋدى كۇشەيتۋ − پارتيا مەن ۇكىمەتتىڭ ءدىني ماسەلەلەردى دۇرىس ءبىر جايلى ەتۋىنىڭ جانە ءدىن قىزمەتىن ويداعىداي ىستەۋدىڭ ماڭىزدى كەپىلى. بارلىق ءدىننىڭ وزىندىك جول - جوسىنى بار. ءىس جۇزىندە، ول ءبىر ءتۇرلى قوعامدىق قيمىل. سوندىقتان ۇكىمەت قوعامدىق قيمىلداردىڭ باسقارۋشىسى تۇرعىسىنان، ءدىني ىستەردى، ءسوز جوق، زاڭ بويىنشا باسقارۋ كەرەك.

    ورتالىقتىڭ شينجياڭ قىزمەتى جونىندەگى 2 - رەتكى ماجىلىسىندە: ءدىن ماسەلەسىن ءبىر جايلى ەتۋدىڭ نەگىزگى پرينسيبى − زاڭدى قيمىلداردى قورعاۋ، زاڭسىز قيمىلدارعا تيىم سالۋ، ۇشقارىلىقتى تيۋ، جالبىزبالاپ كىرۋدەن ساقتانۋ، قىلمىستىق ارەكەتتەرگە سوققى بەرۋ، - دەپ ايقىن اتاپ كورسەتىلدى. وسى ماجىلىستە باس شۋجي شي جينپيڭ: «ءدىن قىزمەتىن دەن قويا جاقسى ىستەپ، ءدىندى سوتسياليستىك قوعامعا سايكەسۋگە بەلسەنە جەتەكتەپ، ءدىني قايراتكەرلەر مەن دىنگە سەنەتىن بۇقارانىڭ ەكونوميكالىق، قوعامدىق دامۋدى ىلگەرىلەتۋدەگى بەلسەندى رولىن ويداعىداي ساۋلەلەندىرۋ كەرەك»، − دەپ باسا دارىپتەدى. بۇل شينجياڭدا ۇلتتار ىنتىماعىن، ءدىننىڭ جاراسىمدىلىعىن جەبەۋدەگى يدەيالىق باعىت ءارى ءتۇبىرلى قىبلاناما. پارتيانىڭ ءدىن ساياساتىن جاپپاي تياناقتاندىرۋدا دىنگە سەنەتىن بۇقارانىڭ عۇرىپ - ادەتىنە قۇرمەت ەتۋ، دىنگە سەنەتىن بۇقارانىڭ ءدىن جونىندەگى ساۋاتتى ۇيلەسىمدى جولمەن قابىلداۋىن جۇزەگە اسىرۋ ارقىلى ولاردى دۇرىس سەنىم ورناتۋعا، ۇشقارىلىقتى تيىپ، ورنىقتىلىقتى قورعاۋعا، ەكونوميكانى دامىتۋعا، تۇرمىستارىن جاقسارتۋعا جەتەلەۋ كەرەك. شينجياڭدا ءدىن قىزمەتىن دەن قويا جاقسى ىستەۋ ءۇشىن، وتانشىل ءدىني قايراتكەرلەر قوسىنىن باۋلۋعا، ءسوزسىز، ءمان بەرۋ، ءدىني قايراتكەرلەردىڭ ساپاسىن جوعارىلاتۋ، سوتسياليستىك قۇرىلىسقا ءتيىمدى تانىمداردى بەلسەنە ۇگىتتەۋ، ءدىني ۇيىمدار باسشىلىق ۇقىعىنىڭ وتانشىل ءدىني قايراتكەرلەردىڭ قولىندا بولۋىنا كەپىلدىك ەتۋ، سول ارقىلى ولاردىڭ ەكونوميكالىق، قوعامدىق دامۋدا بەلسەندى رول اتقارۋىن جەبەۋ، دىنگە سەنەتىن قالىڭ بۇقارانى ىنتىماقتاستىرىپ، ءدىن جاراسىمدىلىعىن، ۇلتتار ىنتىماعىن، قوعام ورنىقتىلىعىن قورعاپ، باس نىسانانى ىسكە اسىرۋدىڭ وڭ ەنەرگياسىن شوعىرلاندىرۋ كەرەك.

    ءتورتىنشى، حالىق تۇرمىسىن جاقسارتۋعا كۇش سالۋ. ورنىقتىلىق − حالىق تۇرمىسىنىڭ ارقاۋى، ونان دا ماڭىزدىسى، ول بارشا جۇرتتىڭ ەڭ زور تىلەگى. ءبىز وتكەن - كەتكەن داۋىرگە زەر سالىپ قارايتىن بولساق، بۇرىندا بولسىن، قازىردە بولسىن، جۇڭگودا ياكي شەتەلدە بولسىن، قوعام تىنىش، ورنىقتى بولعاندا، ەل امان، جۇرت تىنىش بولىپ، حالىق بۇقاراسى الاڭسىز تىرشىلىك ەتىپ، جاقسى تۇرمىس كەشىرگەنىن، ەكونوميكا وركەندەپ، مەملەكەت گۇلدەنگەنىن، ال قوعام بىلىققاندا، حالىق بۇقاراسى زياندالىپ، قالىپتى تۇرمىسى بۇزىلاتىنىن، ەكونوميكا قۇلدىراپ، مەملەكەت كۇيزەلىسكە ۇشىراعانىن بىلەمىز. توق ەتەر جەرىن ايتقاندا، ورنىقتى ورتا، تىنىش زامان بولماسا، ءارقانداي ىستەن ناتيجە شىقپايدى، مۇنى تاريح جانە ناقتى اماليات دالەلدەگەن. باس شۋجي شي جينپيڭ شينجياڭنىڭ قارىشتاپ دامۋىن بۇلجىتپاي جۇزەگە اسىرۋدى، حالىق تۇرمىسىن جاقسارتۋدى، حالىق قالاۋىنان شىعۋدى ارقاۋ ەتە وتىرىپ، ەكونوميكانىڭ دامۋىن ىلگەرىلەتۋ كەرەكتىگىن باسا دارىپتەپ، مىقتاپ قاداعالادى. بۇل شينجياڭنىڭ ەكونوميكالىق دامۋىنىڭ ءتۇيىنى مەن بەتالىسى جونىنەن توتەنشە ماڭىزدى ءارى ايقىن نۇسقاۋ بولىپ تابىلادى. شينجياڭنىڭ ەكونوميكالىق، قوعامدىق دامۋى باسقا ولكە، رايوندارمەن سالىستىرعاندا ءالى باياۋ. ەكونوميكا ىلگەرىلەمەسە، حالىق تۇرمىسى ماسەلەسى ويداعىداي شەشىلمەيدى. شينجياڭداعى حالىق تۇرمىسى ماسەلەسىندە جۇرت تىلەگىنەن شىعا الماساق، ورنىقتىلىقتى ساقتاۋ قيىنعا سوعادى. سوندىقتان شينجياڭدا ورنىقتىلىققا ساياتىن ءبىرسىپىرا ماسەلەلەردى دامۋ ارقىلى شەشۋ كەرەك. شينجياڭنىڭ عىلمي دامۋىن تاباندىلىقپەن ىلگەرىلەتىپ، حالىقتىڭ باقىت كورسەتكىشىن ءتۇيىن ەتىپ، دامۋدى حالىق تۇرمىسىن جاقسارتۋ، جەرگىلىكتى ورىنعا تيىمدىلىك اكەلۋ، ۇلتتار ىنتىماعىن ىلگەرىلەتۋ جاعىندا تياناقتاندىرىپ، بۇقارانىڭ بەلسەندى، وسكەلەڭ سانا - سەزىمىن جەتىلدىرىپ، ەكونوميكانى دامىتۋ مەن حالىق تۇرمىسىن بارىنشا جاقسارتۋ ارقىلى قوعام ورنىقتىلىعى مەن باياندى تىنىشتىقتى زور ءارى مىقتى كەپىلدىككە يە ەتۋىمىز كەرەك.

    ەكونوميكانى دامىتۋدىڭ تۇپكىلىكتى ماقساتى − حالىق تۇرمىسىن جاقسارتۋ. ەكونوميكالىق دامۋ − حالىق تۇرمىسىن جاقسارتۋدىڭ ماتەريالدىق نەگىزى. ەكونوميكا دامىمايىنشا حالىق تۇرمىسىن جاقسارتۋعا، حالىق قالاۋىنان شىعۋعا، ورنىقتىلىققا كەپىلدىك ەتۋگە بولمايدى. سوندىقتان ەكونوميكالىق دامۋ مەن حالىق تۇرمىسىن جاقسارتۋدىڭ قاتىناسىن دۇرىس ءبىر جايلى ەتىپ، قوعام ورنىقتىلىعى مەن باياندى تىنىشتىققا ساياتىن ءبىرسىپىرا تەرەڭ قاتپارلى ماسەلەلەردى ەكونوميكانىڭ دامۋى ارقىلى شەشۋىمىز كەرەك.

    باس نىسانا − شينجياڭداعى بارلىق قىزمەتتىڭ ارقاۋى. بارلىق قىزمەتتە باس نىسانانى ارقاۋ ەتۋدە، بىرىنشىدەن، يدەيانى بىرلىككە كەلتىرىپ، باس نىساناعا بويسۇنۋدىڭ، باس نىساناعا قىزمەت وتەۋدىڭ ماڭىزدى ءمانىن جىعا تانۋ كەرەك. ەكىنشىدەن، باس نىسانانى ءتۇرلى قىزمەتتەردى تارازىلاۋدىڭ، اسىرەسە، ىستەگەن قىزمەتىمىزدىڭ قوعام ورنىقتىلىعى مەن باياندى تىنىشتىقتى بەكەمدەۋگە پايدالى بولعان - بولماعاندىعىن ولشەيتىن باستى ولشەمى ەتۋ كەرەك. ۇشىنشىدەن، باس نىسانانى ارقاۋ ەتۋدى شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنى ەتۋ، سول ارقىلى ورنىقتىلىق پەن دامۋدىڭ قاتىناسىن دۇرىس ءبىر جايلى ەتۋ كەرەك. تورتىنشىدەن، باس نىسانانى ارقاۋ ەتۋدى «شىنايى بولۋدىڭ العى شارتى ەتۋ»، مۇندا شىندىققا جۇگىنۋ، شىن سويلەۋ، بولمىستى ايتۋ، از سويلەپ، كوپ ىستەۋ، ىستەگەن ىستەن ناتيجە شىعارۋ كەرەك.

    جيناقتاپ ايتقاندا، قوعام ورنىقتىلىعى مەن باياندى تىنىشتىق سىندى باس نىسانانى ارقاۋ ەتۋ، ونى شىنايى دايەكتىلەندىرۋ − پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن تاكتيكاسىنىڭ وزەكتى مازمۇنى، شينجياڭنىڭ ءتۇرلى قىزمەتتەرىنە جەتەكشىلىك ەتەتىن جالپى باعدارلاماسى، شينجياڭ قىزمەتىنىڭ وزەكتى مىندەتى ءارى نەگىزگى ءتۇيىنى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ماڭىزدى شەشىمدەرى مەن ورنالاستىرۋىن ناقتى تياناقتاندىرىپ، پارتيا ورتالىق كوميتەتىنىڭ تالابى بويىنشا باس نىسانانى ارقاۋ ەتىپ، ءبىر نيەت، ءبىر ماقساتپەن ىنتىماقتاسا كۇرەس جاساپ، كۇش - قۋات توپتاپ، پارتيا ورتالىق كوميتەتىنىڭ ماڭىزدى تاپسىرماسىن ورىنداپ، شينجياڭنىڭ نۇرلى بولاشاعى ءۇشىن، اناعۇرلىم قوماقتى ۇلەس قوسىپ، جۇڭگو ارمانىنىڭ شينجياڭ داستانىن جازۋعا بارىنشا قۇلشىنىس جاساۋىمىز كەرەك.

جاۋاپتى رەداكتور:سايراش تۇرارجان قىزى