شينجياڭدا العاشقى كەزەكتەگى بۇكىل حالىقتىڭ دەنساۋلىعىن تەكسەرۋ قىزمەتى ءساتتى ورىندالدى

ءار ۇلت بۇقاراسىنان 17 ميلليون 500 مىڭ ادام دەنساۋلىعىن تەگىن تەكسەرتتى

 

    ءار ۇلت بۇقاراسىنان 17 ميلليون 500 مىڭ ادام دەنساۋلىعىن تەگىن تەكسەرتتى. جۋىردا قۇتىبي اۋدانىنداعى بەلگىلى قالاشىق شيپاحاناسىنا ەمدەلۋگە كەلگەن امانگۇل تۇرسىن ەمحانا قىزمەتكەرىنەن: «بۇكىل حالىقتىڭ دەنساۋلىعىن تەكسەرۋ ساياساتى كەلەر جىلى دا اتقارىلا ما؟»، - دەپ سۇرادى. ەمحانا قىزمەتكەرى: «كەلەر جىلى تاعى اتقارىلىپ قالماستان، دەنساۋلىق تەكسەرۋ قىزمەتىنىڭ ءتۇرى مۇنان دا كوپ، مۇنان دا جاقسى بولادى»، - دەدى. مۇنى ەستىگەن امانگۇل قۋانىشتى بەينەدە: «پارتيانىڭ حالىققا تيىمدىلىك جاراتۋ ساياساتى وتە جاقسى، بۇقاراعا ءبىر جىلدىق تەگىن دەنساۋلىق تەكسەرتۋ كارتۋچكاسىن تاراتىپ بەردى»، - دەدى.

    ءتىلشىنىڭ ۇعىسۋىنشا، 20 – قاڭتارعا دەيىن قۇتىبي اۋدانىندا جيىنى 105952 ادام دەنساۋلىعىن تەكسەرتىپ، تۇڭعىش كەزەكتى بۇكىل حالىقتىڭ دەنساۋلىعىن تەكسەرۋ قىزمەتىن ءساتتى اياقتاتقان. اتالعان اۋدانداعى دەنساۋلىق ساقتاۋ – جوسپارلى تۋىت كوميتەتى پارتكومىنىڭ شۋجيى چىن حۇڭيۇي تاعى ءبىر جاقسى حابار جاريالاپ: «تۇڭعىش كەزەكتى دەنساۋلىق تەكسەرۋ قىزمەتى اياقتاعانىمەن، وسى جولى اۋىلدارىنا قايتىپ كەتكەندىكتەن دەنساۋلىق تەكسەرتۋگە قاتىناسا الماي قالعانداردىڭ ماڭىنداعى اۋىل – قالاشىق دەنساۋلىق ساقتاۋ – ەمدەۋ ورىندارىنا بارىپ دەنساۋلىقتارىن تەكسەرتۋىنە بولادى»، - دەيدى.

 

جاۋاپتى رەداكتور:سايراش تۇرارجان قىزى