ماسەلەگە بۇقارا تۇرعىسىنان وي جۇگىرتۋ

جيا ۋىنشياۋ

    (شينجياڭ مەديتسينا ۋنيۆەرسيتەتىنىڭ قىستاقتا تۇراتىن 3 - توپتاعى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باس جەتەكشىسى، قاراقاش اۋدانى ماڭلاي اۋىلى داحان قىستاعىندا تۇراتىن قىزمەت اترەتىنىڭ باستىعى)

    «ۇعىسۋ، تيىمدىلىك جاساۋ، توعىستىرۋ» بويىنشا قىستاقتاردا تۇرۋ قىزمەتى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى كەلەلى ستراتەگيالىق ورنالاستىرۋ، سونداي - اق پارتيانىڭ بۇقارامەن ەتەنە بايلانىسىن تەرەڭدەتۋدەگى ماڭىزدى ىزدەنىس. 2016 - جىلى مەن شينجياڭ مەديتسينا ۋنيۆەرسيتەتىنىڭ قىستاقتا تۇراتىن 3 - توپتاعى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ءبىر مۇشەسى رەتىندە قاراقاش اۋدانى ماڭلاي اۋىلى داحان قىستاعىندا ءبىر جىلدىق ۋاقىتپەن «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ورىستەتۋگە كەلدىم ءارى داحان قىستاعىندا تۇراتىن قىزمەت اترەتىنىڭ باستىعى مىندەتىن ارقالادىم.

    ءبىر جىلدان بەرگى قىستاقتا تۇرۋ امالياتى بارىسىندا «ۇعىسۋ، تيىمدىلىك جاساۋ، توعىستىرۋ» قىزمەتىن جاقسى ىستەۋ ءۇشىن، ءسوز جوق، ماسەلەگە بۇقارا تۇرعىسىندا وي جۇگىرتىپ، ماسەلەلەردى بۇقارانىڭ تۇرعىسىنان شەشكەندە عانا بۇقارانىڭ سەنىمىنە يە بولۋعا، سوندا عانا پارتيا مەن بۇقارا اراسىندا ەتەنە بايلانىس ورناتۋعا بولاتىندىعىن انىق اڭعاردىم.

    ماسەلەگە بۇقارا تۇرعىسىنان وي جۇگىرتۋدە جانە ونى شەشۋدە، الدىمەن، قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ءوز ابزالدىلىعىن جاقسى ساۋلەلەندىرىپ، بۇقارانىڭ مۇددەسىن شىن مانىندە كوزدەۋ كەرەك.

    ەمدەۋ مەن وقۋ - اعارتۋ شينجياڭ مەديتسينا ۋنيۆەرسيتەتىنىڭ ابزالدىلىعى، اسىرەسە، ەمدەۋ بايلىعى جاعىنان ايتساق، بىزگە قاراستى 6 شيپاحانا بار. بىلتىر 700دەن ارتىق ماماننان ۇيىمداسقان 30 ەمدەۋ اترەتىن حوتان ايماعىنىڭ 16 اۋىل - قىستاعىنا ىركەس - تىركەس جىبەرىپ، تەكسەرىپ دياگنوز قويۋ قىزمەتىن ورىستەتىپ، 20 مىڭنان استام ەگىنشى - مالشى بۇقاراسىنا تيىمدىلىك جەتكىزدىك. 200 مىڭ يۋاننان استام قۇنعا يە ءدارى - دارمەكتەردى تەگىن تاراتىپ بەردىك.

    سونىمەن بىرگە ءبىز وقۋ - اعارتۋ ابزالدىلىعىمىزدى ساۋلەلەندىرىپ، مەكتەپ وقىتۋشىلارىن قىستاقتارعا ۇسىنىسپەن شاقىرىپ، كوپ رەت لەكسيا سويلەتىپ، قىستاق تۇراعىندارىنىڭ وسى زامانعى تاماشا تۇرمىسقا دەگەن ىنتاسىن جەبەدىك، مۇنىڭ ءونىمى ايتارلىقتاي بولدى. 3 جىلدىق قۇلشىنىس ارقىلى قازىر داحان قىستاعى «الاڭسىز قىستاققا» اينالدى.

    ماسەلەگە بۇقارا تۇرعىسىنان وي جۇگىرتۋدە جانە ونى شەشۋدە قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى مۇشەلەرىن تاڭداۋ مەن باسقارۋدى دا كۇشەيتۋ كەرەك. جاقسىلاردىڭ اراسىنان ۇزدىكتەرىن تاڭداۋ، ۇزدىكتەردىڭ اراسىنان مىقتىلارىن تاڭداۋ، سەگىز قىرلى، ءبىر سىرلى تىرەكتى كادرلاردى تاڭداپ قىستاقتا تۇرۋ قىزمەتىنە قاتىناستىرۋ كەرەك. ءتارتىپتى كۇشەيتىپ، تالاپتى قاتايتىپ، ادامدى بەتالدى اۋىستىرماۋ، قىزمەت ورنىنان قول ۇزدىرمەۋ، قىزمەت ورنىن بوس قالدىرماۋ، اۆتونوميالى رايوندىق پارتكوم بەلگىلەپ ورنالاستىرعان ءتۇرلى قىزمەت مىندەتتەرىن مۇقيات دايەكتى تياناقتاندىرۋ كەرەك.

    ماسەلەگە بۇقارا تۇرعىسىنان وي جۇگىرتۋدە جانە ونى شەشۋدە قىستاق «ەكى كوميتەتى» القاسىنىڭ رولىن دا شىنايى ساۋلەلەندىرۋ كەرەك. پارتيانىڭ حالىققا تيىمدىلىك جاساۋ ساياساتى ەڭ سوڭىندا نەگىزگى ساتىدا تياناقتانادى، ورنىقتىلىقتى قورعاۋعا ساياتىن ءتۇرلى قىزمەتتەردى دە نەگىزگى ساتىدا تياناقتاندىرۋ كەرەك. سوندىقتان مەنىڭشە، قىستاقتا تۇراتىن قىزمەت اترەتىنىڭ باستىعى قىستاق پارتيا ياچەيكاسىنىڭ ءبىرىنشى شۋجي−ى بولۋمەن بىرگە، قىستاق «ەكى كوميتەتى» القاسى قۇرىلىسىنا دا ءمان بەرۋى كەرەك. قىستاقتا تۇراتىن قىزمەت اترەتى قىستاق كادرلارىنىڭ ساپاسىن جوعارىلاتۋىنا، قىستاق «ەكى كوميتەتى» القاسىنىڭ قىستاق دارەجەلى ىستەردە ءتارتىپ بويىنشا ءادىل دە تۋرا زەرتتەپ شەشىم جاساۋىنا كومەكتەسۋ قاجەت.

    ورنىقتىلىقتى قورعاۋ قىزمەت شارالارىن تياناقتاندىرۋدا قىزمەت اترەتى مەن قىستاق كادرلارى سەلبەسە جۇمىس ىستەۋى؛ قىزمەت بارىسىندا كەزدەسكەن قيىنشىلىقتاردى قىزمەت اترەتى مەن قىستاق كادرلارى بىرگە زەرتتەپ شەشۋى كەرەك؛ قيمىل ورنالاستىرۋدا قىزمەت اترەتى قىستاق كادرلارىنىڭ بۇقارانى اتتانىسقا كەلتىرۋىنە دەم بەرىپ، قولداۋ كورسەتۋى كەرەك؛ حال سۇراۋ بۇيىمدارىن تاراتۋدا حال سۇراۋعا ءتيىستى ادامداردى قىستاق كادرلارىنىڭ تاڭداۋىنا ەرىك بەرۋ، قىزمەت اترەتى باقىلاپ وتىرۋ، قىستاق كادرلارىنىڭ ناقتى قىزمەت بارىسىندا شىنىعىپ تولىسۋىنا وراي جاراتۋ كەرەك.

جاۋاپتى رەداكتور:سايراش تۇرارجان قىزى