«جىبەك جولى ەكونوميكالىق بەلدەۋى وزەكتى رايونىنىڭ ساۋدا، زات اينالىم ورتالىعىن قۇرۋ جوباسى (2030 - 2016)» جاريالاندى

    «ءبىر وزەك، 9 ءوڭىر، كوپ ءتۇيىن» ساۋدا، زات اينالىم ورتالىعى قۇرىلادى

    اۆتونوميالى رايوندىق دامۋ، رەفورما كوميتەتىنەن ۇعىسۋعا قاراعاندا، «جىبەك جولى ەكونوميكالىق بەلدەۋى وزەكتى رايونىنىڭ ساۋدا، زات اينالىم ورتالىعىن قۇرۋ جوباسى (2030 - 2016)» (تومەندە قىسقارتىلىپ، «جوبا» دەلىنەدى) 1 - ناۋرىزدا اۆتونوميالى رايوندىق حالىق ۇكىمەتىنىڭ سايتىندا جاريالاندى. بۇل اۆتونوميالى رايوندىق حالىق ۇكىمەتى بەكىتىپ اتقارعان جىبەك جولى ەكونوميكالىق بەلدەۋى وزەكتى رايونىنداعى 5 ورتالىق جوباسىنىڭ ءبىرى.

    «جوبادا» مىنالار العا قويىلعان: 2020 - جىلعا دەيىن ورنالاسۋى ۇيلەسىمدى، فۋنكتسياسى كەمەلدى، شارۋاشىلىق سالالارى توعىسقان، قولايلى، جوعارى ءونىمدى، جاسىل، ەكولوگيالىق ساۋدا، زات اينالىمى قىزمەت وتەۋ جۇيەسىن نەگىزىنەن قالىپتاستىرىپ، ساۋدا، زات اينالىمىنىڭ ەكونوميكالىق دامۋداعى نەگىزدىك، جەتەكشىلىك رولىن كورنەكتى كۇشەيتۋ، جىبەك جولى ەكونوميكالىق بەلدەۋى وزەكتى رايون قۇرىلىسىنىڭ نەگىزدىك جانە قامتاماسىزداندىرۋ سيپاتىندىق رولىن كورنەكتىلەندىرۋ. زات اينالىمىنىڭ ارتقان قۇنىن 120 ميلليارد يۋاننان اسىرىپ، يمپورت - ەكسپورت تاۋار ساۋداسىنىڭ جالپى سوماسىن 44 ميلليارد دوللارعا جەتكىزۋ. 2030 - جىلعا بارعاندا، ساۋدا، زات اينالىمى ورتالىعىنىڭ زات اينالىم كاسىبىنىڭ ارتقان قۇن سوماسى مەن ساۋدا جالپى سوماسىن 2015 - جىلعى نەگىزدە 3 قاباتتاپ، جىبەك جولى ەكونوميكالىق بەلدەۋىنىڭ بويىنداعى ەلدەردىڭ كاسىپ سالالارى بويىنشا بىرلەسىپ دامۋ قاتىناسىن ورناتۋىن، ەكونوميكالىق مۇددە ورتاق تۇلعاسىن قالىپتاستىرۋىن پارمەندى قولداپ، جىبەك جولى ەكونوميكالىق بەلدەۋى وزەكتى رايونىنىڭ الەمدىك ەكونوميكالىق ارناداعى ستراتەگيالىق ورنىن، ىقپالىن كورنەكتى دارەجەدە جوعارىلاتۋ.

    «جوبادا» مىنالار العا قويىلعان: «ءبىر وزەك، 9 ءوڭىر، كوپ ءتۇيىن» ساۋدا، زات اينالىمى ورتالىعىن قۇرۋداعى «ءبىر وزەك» − ورتالىق قالا ءۇرىمجىنىڭ قاتىناس تورابى، كاسىپ سالاسى جاعىنداعى ابزالدىلىعى مەن جەتەكشىلىك رولىن ساۋلەلەندىرىپ، ءۇرىمجىنى وزەك ەتكەن ساۋدا، زات اينالىم شەڭبەرىن قالىپتاستىرۋ؛ «9 ءوڭىر» − قاشقار − قىزىلسۋ، ىلە − بۇراتالا، قارامايلى − كۇيتۇن − شيحۋ، كورلا، قۇمىل، التاي − بەيتۇن، تارباعاتاي، اقسۋ، حوتان سياقتى 9 ۇلكەن ساۋدا، زات اينالىمى كاسىپ سالاسى شوعىرى ءوڭىرىن ءتۇيىندى قۇرۋ؛ «كوپ ءتۇيىن» − بەلگىلى وڭىرلىك قاتىناس شارت - جاعدايى مەن ەرەكشە كاسىپ سالاسى باسىمدىعىنا يە ءتۇيىندى قالا - قالاشىقتارعا سۇيەنىپ، ساۋدا، زات اينالىمى تۇيىندەرىن جەتىلدىرىپ، قۇرىپ، كوپ ءتۇيىندى تىرەكتى جۇيە قالىپتاستىرۋ.

جاۋاپتى رەداكتور:سايراش تۇرارجان قىزى