لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن مىقتاپ سوعايىق

    شينجياڭ قوعامدىق عىلىمدار اكادەمياسىنىڭ اعا زەرتتەۋشىسى ابەن ماۋلىتقان ۇلى

    جۋىقتا اۆتونوميالى رايوننىڭ 3 جەردە 3 رەت اشقان لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسى قالىڭ حالىق بۇقاراسىن زور حاۋىپسىزدىك سەزىمىنە يە ەتتى، رايونىمىزداعى ءار ۇلت بۇقاراسى ايرىقشا جىگەرلەنىپ، تەرەڭ شابىت الىپ، ءىس جۇزىندىك ارەكەتتەرى ارقىلى لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن سوعۋعا بەكىندى.

    تاياۋدا زورلىقتى كۇش، لاڭكەستەرىنە اياۋسىز سوققى بەرۋ، قاتاڭ ساقتانۋ، تەگەۋرىندى سەس كورسەتۋ جاعدايىندا، لاڭكەستەر شابۋىلداۋ، زاقىمداۋ دەلوسىن تۋدىرىپ، ءار ۇلت حالىق بۇقاراسىنىڭ ءومىرى مەن مال - مۇلىك حاۋىپسىزدىگىنە اۋىر زيان سالىپ، وزدەرىنىڭ اسقان جاۋىز، قۇتىرىنعان، ادامگەرشىلىكتەن شىققان سۇرقيا كەيپىن جانە ادامزاتقا، قوعامعا، وركەنيەتكە قارسى قانقۇيلى كەسپىرىن تاعى ايپارا ەتتى؛ ءبىزدىڭ «ءۇش ءتۇرلى كۇشپەن» كۇرەسىمىزدىڭ ۇزاق ۋاقىتقا جالعاساتىندىعىن، كۇردەلى، قيان - كەسكى بولاتىندىعىن، ءتىپتى، كەيدە توتەنشە شيەلەنىسەتىندىگىن تاعى ءبىر رەت دالەلدەدى، ءبىز «ءۇش ءتۇرلى كۇشپەن» كۇرەسۋ بارىسىندا، شينجياڭدا ءومىر ءسۇرىپ جاتقان ءاربىر ادامنىڭ بۇلتارتپاس جاۋاپكەرشىلىك ارقالايتىندىعىن ءتىپتى دە سەرگەكتىكپەن تانۋىمىز كەرەك.

    شينجياڭدا، ساياسيدى دارىپتەۋدەگى وزەكتى ماسەلە −− وتاننىڭ تۇتاستىعى مەن ۇلتتار ىنتىماعىن قورعاۋ، ۇلتتىق بولشەكتەۋشىلىككە باتىل قارسى تۇرۋ. ءار ۇلت بۇقاراسى: مەملەكەت بىرلىككە كەلگەندە عانا ۇلت داميدى، مەملەكەت قۇدىرەتتەنىپ كوركەيگەندە عانا ۇلت نامىسى قورعالادى. ىنتىماقتىلىق −− قۇت، بولشەكتەۋشىلىك −− جۇت؛ ورنىقتىلىق −− قۇت، بۇلىنشىلىك −− جۇت، ورنىقتىلىق شينجياڭداعى ءار ۇلت حالقىنىڭ الاڭسىز تىرشىلىك ەتۋىنىڭ نەگىزى، شينجياڭنىڭ دامۋىنىڭ، كوركەيىپ - گۇلدەنۋىنىڭ جان تامىرى ءارى قوعامدىق وركەنيەتتىڭ العا باسۋىنىڭ العى شارتى. ورنىقتىلىق بولماسا، بارلىعى نولگە تەڭ دەگەندى تەرەڭ ۇعىندى. شينجياڭنىڭ 06 نەشە جىلدىق دامۋ تاريحىنان، قوعام ورنىقتى بولعان كەزدە، ەكونوميكانىڭ اقاۋسىز دامىپ، ءار ۇلت حالقىنىڭ الاڭسىز تىرشىلىك ەتكەندىگىن؛ قوعام ورنىقتىلىعى بۇلىنگەن كەزدە، ەكونوميكانىڭ توقىراپ، ءتىپتى، كەرى شەگىنىپ، ءار ۇلت حالقىنىڭ حاۋىپسىزدىگى مەن باقىتىنىڭ قامتاماسىزداندىرىلماي قالاتىندىعىن بايقاۋعا بولادى. اماليات شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسى −− شينجياڭداعى ءار ۇلت حالقىنىڭ ورتاق تىلەگى، تاريحتىڭ تابيعي جەمىسى جانە رەال كوكەي تەستى قاجەتى ەكەندىگىن تولىق سىپاتتادى.

    ورنىقتىلىق −− دامۋدىڭ العى شارتى، دامۋ ءۇشىن، ءسوز جوق، ورنىقتى ورتا بولۋ كەرەك. اۆتونوميالى رايوننىڭ ورنىقتىلىقتى يگەرۋمەن قاتار دامۋدى دا يگەرۋ ستراتەگيالىق يدەياسى توتەنشە ايقىن. سوڭعى جىلداردان بەرى اتقارىلىپ كەلە جاتقان حالىق تۇرمىسى قۇرىلىسى نىساندارى، ناقتى ۇسىنىلىمدار، شينجياڭداعى ءار ۇلت حالقىن كوپتەگەن يگىلىكتەرگە كەنەلدىردى. وتە - موتە، بيىل اۆتونوميالى رايوندىق پارتكوم «ءبىر باس نىسانانى» مىقتاپ ورناتۋدى، «ءبىر نەگىزگى اۋەننەن» جازباۋدى، «ءبىر نەگىزگى جەلىنى» مىقتى يگەرۋدى، «ءبىر تۇتقادان» ويداعىداي پايدالانۋدى، «01 ءتۇيىندى» ناقتاپ يگەرۋدى العا قويدى. مۇنىڭ ىشىندەگى «01 ءتۇيىننىڭ» ءبىرى −− حالىق تۇرمىسىن جاقسارتۋدى ءتۇيىندى تۇردە مىقتى يگەرىپ، ءار ۇلت بۇقاراسىنىڭ تابىس سەزىمىن كۇشەيتۋ. سونىمەن قاتار، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرىپ قىزمەت ىستەۋ، «ۇلتتار ىنتىماعىنىڭ بەرەكەلى شاڭىراعى» قيمىلى، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىندە «سوزدەردى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ورىستەتۋ سياقتىلار، ورنىقتىلىقتى قورعاۋ قىزمەتىن جاقسى ىستەۋدىڭ پارمەندى تۇتقاسى. ءبىز وڭاي - وسپاق قولعا كەلمەگەن تاماشا ورايدى، ءسوز جوق، سانالىلىقپەن قادىرلەپ، شينجياڭ تاريحىن بۇرمالايتىن ءسوز - ارەكەتتەرگە سانالى تۇردە قارسى تۇرىپ، «ءۇش ءتۇرلى كۇشپەن» مىزعىماي كۇرەسۋىمىز كەرەك. شەكارا ءىشى - سىرتىنداعى بولشەكتەۋشىلەردىڭ جاۋىزدىققا باسىپ، قۇتىرىنا شابۋىلداۋى سەنىمىمىزدى، ءتىپتى دە بەكەمدەي ءتۇستى؛ ورنىقتىلىق بولعاندا عانا، ۇلتتار ىنتىماعىن ءبۇلدىرۋ، وتاننىڭ تۇتاستىعىن ءبۇلدىرۋ قاسكۇنەمدىگىن تاس - تالقان ەتۋگە بولادى؛ ورنىقتىلىق بولعاندا عانا، ۇلتتىق بولشەكتەۋشىلەرگە سىلەيتە سوققى بەرۋگە بولادى؛ ورنىقتىلىق بولعاندا عانا، شينجياڭنىڭ ەكونوميكاسىنىڭ دامۋ، تىنىش، ىنتىماقتى تاماشا جاعدايى مەن وڭاي - وسپاق قولعا كەلمەگەن باقىتتى تۇرمىسىن قورعاۋعا بولادى.

    الايدا «ءۇش ءتۇرلى كۇش» قابىنعان قارا نيەتتەرىنەن قايتپاي، ويران سالاتىن وراي ىزدەۋدە، ءبىز شينجياڭدا بولشەكتەۋشىلىككە قارسى تۇرۋ كۇرەسىنىڭ ۇزاق ۋاقىتىقا جالعاساتىندىعىن، كۇردەلى دە قيان - كەسكى بولاتىندىعىن جەتە تانۋىمىز كەرەك. ورنىقتىلىقتى كۇش سالا قورعاۋ قىزمەتى −− قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى ستراتەگيالىق شارا، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە جەڭىسكە جەتۋدىڭ ءتۇبىرلى كەپىلى. قارا نيەتى قابىنىپ الىنەن اسقان زورلىقتى كۇش، لاڭكەستەرى الدىندا، ءبىز لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن، ءسوز جوق، مىقتاپ سوعىپ، سوققى بەرۋ مەن ساقتانۋدىڭ تەگەۋرىندى كۇيىن ساقتاپ، زورلىقتى كۇش، لاڭكەستەرىن «كوشەدەن وتكەن تىشقاندى ۇر - ۇردىڭ استىنا العانداي» تۇس - تۇستان توپەشتەۋىمىز كەرەك. وسىلاي بولعاندا، ءبىز لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ ىرىقتىلىعىن اناعۇرلىم مىقتاپ مەڭگەرىپ، زورلىقتى كۇش، لاڭكەستىگىنىڭ ۋلى وسپەسىنىڭ كوزىن تيپ - تيپىل ەتىپ قۇرتا الامىز.

    ءبىز تۇتاس قوعامدى ءوز باسىنان، كىشى - گىرىم ىستەردەن باستاپ بارلىق ادام قوعام ورنىقتىلىعىن قورعاۋدىڭ ورىنداۋشىسى، بارلىق ادام ۇلتتار ىنتىماعىنىڭ ۇلگىسى بولىپ، شينجياڭنىڭ تىنىش، جاراسىمدى قوعامدىق جاعدايىن بىرگە قورعاۋعا جەتەكتەۋىمىز كەرەك. فيلوسوفيا، قوعامدىق عىلىم قىزمەتكەرى رەتىندە، ءبىز يدەولوگيا سالاسىندا بولشەكتەۋشىلىككە قارسى تۇرۋ كۇرەسىنىڭ ىرىقتىلىعىن مىقتى مەڭگەرىپ، ءار ۇلت بۇقاراسىنىڭ وتاننىڭ تۇتاستىعىن، ۇلتتار ىنتىماعىن، ءدىن جاراسىمدىلىعىن، قوعام ورنىقتىلىعىن قورعاۋ يدەيالىق نەگىزىن شىن مانىندە بەكەمدەۋىمىز كەرەك. باس نىسانانى مىقتاپ ارقاۋ ەتىپ، ىنتىماقتىلىققا، ورنىقتىلىققا قۇلشىنۋ، ۇنامدى جاقتان ۇگىتتەۋدى نەگىز ەتۋ باعىتىنان باستان - اياق جازباي، قاتە يدەيا مەن سوزدەردىڭ شەبىمىزدەن بەلەڭ بەرۋىنە استە جول بەرمەۋىمىز؛ ساياسي تانىمدى، شەپ تانىمىن، جاۋاپكەرشىلىك تانىمىن، وتكەلدى يگەرۋ تانىمىن كۇشەيتىپ، رولىمىزدى ىرىقتىلىقپەن ساۋلەلەندىرىپ، جاۋاپكەرشىلىكتى باتىلدىقپەن ارقالاپ، ساياسي پرينسيپكە جانە تۇرعىعا قاتىستى ۇلكەن دۇرىس، ۇلكەن بۇرىس ماسەلەسىندە، قوعامدىق پىكىر كۇرەسى بارىسىندا باتىل پوزيتسيا ءبىلدىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، قوعام ورنىقتىلىعىن قورعاۋدان قالىس قالاتىن ءوڭىر، ورىن، ادام بولماۋ كوزقاراسىن بەرىك ورناتىپ، وي - سانانى ءتىپتى دە سەرگەك ۇستاپ، تانىمدى ونان ارى تەرەڭدەتىپ، پوزيتسيادا ءتىپتى دە باتىل بولىپ، قىزمەتتى پارمەن ىستەپ، ءىس جۇزىندىك ارەكەتتەرىمىز ارقىلى لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن سوعىپ، ورتاق مەكەنىمىزدى باتىل قورعاۋىمىز كەرەك.

جاۋاپتى رەداكتور:سايراش تۇرارجان قىزى